Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka mbajtur një deklaratë për mediat pas mbledhjes me Këshillin e Ministrave. • Përmes kësaj deklarate Rama ka reaguar për herë të parë për vrasjen e 14-vjeçarit në shkollën Fan Noli në Tiranë. • Ai theksoi se janë në dilemë për të mbyllur aplikacionet TikTok dhe SnapChap në Shqipëri, ndërsa shtoi se nje tjetër mundësi është që të vendosin filtra në këto dy aplikacione për fëmijët dhe adoleshentët. • Kryeministri deklaroi se këto dy dilema do të hidhen në diskutim të gjerë dhe se vendimarrja do të jetë sa me demokratike. • Pas mbledhjes me qeverinë, kryeministri deklaroi po ashtu se po punojnë për ngritjen e një sistemi të ri dixhital për kontrollin e shkollave. • Ai u shpreh se po punohet për një projekt me qeverinë e Emirateve të Bashkuara për rritjen e sigurisë dhe me rezultate mbresëlënëse për sigurinë dhe ndalimin e bullizimit. • Rama theksoi se fëmijët duhet që të mbrohen nga ekranët e telefonave si dhe të televizorave, teksa u shpreh se edhe salla e Parlamentit po ashtu është një shkollë e hapur dhune e nxitësi ndaj saj.
3 artikuj për këtë temë.
TIRANË- Kryeministri Edi Rama ka deklaruar se çdo kush prej nesh duhet që të marrë përgjegjësi për mbrojtjen e fëmijëve në vend. Duke folur për mediat, Rama theksoi se fëmijët duhet që të mbrohen nga ekranët e telefonave si dhe të televizorave.
Po ashtu Rama theksoi se salla e Parlamentit është një shkollë e hapur dhunë e nxitësi ndaj saj. Gjithashtu Rama shtoi se ata do të bëjnë çdo gjë për të lehtësuar fëmijët nga presioni i hatashëm i rrjeteve sociale.
"Gjithsecili prej nesh duhet të marrë përsipër më shumë në pjesën e vet të fronin për mbrojtjen e fëmijëve, nis brenda mureve të shtëpisë, vazhdon brenda shkollës, dhe më pas në ekranet e TV ku shumica e tyre derdhin lot krokodili janë në fakt lëvrues të papërgjegjshëm të gjuhës së dhunës dhe nxitës të saj. Duke përfshirë edhe sallë e Parlamenti që është një shkollë e hapur dhune dhe nxitës i saj.
I siguroj prindërit se unë personalisht në pjesën time të frontit së bashku me kolegët e qeverisë të bëjmë të gjitha gjërat e mundura për të lehtësuar fëmijët tanë nga presioni i hatashëm i rrjeteve sociale dhe për të rritur cilësinë e rrjeteve sociale. Pres me padurim rezultatin e këshillimit të prindërve lidhur me qasjen që duhet të zgjedhim për TikTok SnapChat apo të dyja bashkë. Nga hulumtimet tona janë dy burimet më pjellore të çoroditjes, të nxitjes së dhunës dhe akteve të bullizmit deri dhe në tragjedi si kjo e fundit nga e cila ne duhet të gjithë së bashku të dalim si shoqëri dhe si shtet me përgjigje sa më efektiv," tha Rama.
TIRANË- Kryeministri Edi Rama ka deklaruar se qeveria po punon për ngritjen e një sistemi të ri dixhital për kontrollin e shkollave.Gjatë deklaratës për mediat, Rama theksoj se po punojnë për një projekt me qeverinë e Emirateve të Bashkuara për rritjen e sigurisë dhe me rezultate mbresëlënëse për sigurinë dhe ndalimin e bullizimit.
"Siç e kam lajmëruar që në fillimet viti shkollor, jemi duke punuar për ngritjen e nje sistemi të ri dixhital të kontrollit të shkollave dhe të çdo klase ne kuadrin e sistemit të ri kombëtare të monitorimit me kamera inteligjente të rrugëve kombëtare dhe qyteteve. Po punojmë prej më shumë se një viti për këtë projekt me qeverinë e Emirateve të bashkuara, që kanë një kontribut të jashtëzakonshëm për rritjen e sigurisë dhe me rezultate mbresëlënës për sigurinë dhe ndalimin e bullzimit. Synojmë ta përmbyllim plotësisht për 20 muaj, po ashtu, hap pas hapi shkollat do pajisen me këtë sistemi. Prej disa vitesh kemi ndaluar futjen e celularëve në shkolla, por është koha për të shikuar seksionet për shkelet e këtij rregulli," tha Rama.
TIRANË- Kryeministri Edi Rama ka reaguar për herë të parë për vrasjen e 14-vjeçarit në shkollën Fan Noli në Tiranë dy ditë më parë. Pas përfundimit të mbledhjes së qeverisë, Rama theksoi se janë në dilemë për të mbyllur aplikacionet TikTok dhe SnapChap në Shqipëri. Po ashtu Rama tha se nje tjetër mundësi është që të vendosin filtra në këto dy aplikacione për fëmijët dhe adoleshentët.
Kryeministri deklaroi se këto dy dilema do të hidhen në diskutim të gjerë dhe se vendimarrja do të jetë sa me demokratike.Rama theksoi se këto dy rrjete sociale përmbajnë një kërcënim real kundrejt fëmijëve dhe adoleshentëve.
"Prej tre ditësh i madh e i vogël është tronditur nga vrasja makabër e një nxënësi 14 vjcar e gjithë dinamika nxjerr në pah kërcënimin permanent ku TikTok apo SnapChat thithin përditë fëmijët që në moshat më të vogla. Autoriteti i prindërve apo mësuesve sfidohen orë e cast nga bota paralalele e këtyre rrjeteve ku nuk ka asnjë filtër, e deri shëndeti mendor vihen në pikëpyetje. Janë të vërteta që nuk është e vështirë të biem dakord. Garantimi I sigurisë së fëmijëve është përparësia e përparësive tona. Shumë shtete po përpiqen të vendosin filtra mbrojtjës, por pa rezultat. Jemi angazhuar në hulumtimin e kësaj problematike.
Austria e Franca po diskutojnë vendosjen si kusht hapjen e një llogarie online të fëmijëve. Por tej këtyre përpjekjeve, problemi ende i hapur mbetet mungesa e një sistemi të zbatimit të tyre.Tani dilema jonë si qeveri është nëse duhet të provojmë edhe ne të ecim në drejtim të vendosjes së filtrave, ku në fakt nga eksperiencat e deritanishme ku efektiviteti i tyre është i ulët ku rastet e bullizmit rriten. Ose të ndërmarrin masën drastike të mbylljes së TikTok dhe SnapChapt, Do e hedhin për diskutim për të marrë një vendim sa më demokratik për një problem kaq të madh," tha Rama.
