Vritet në sy të djalit 43-vjeçari shqiptar në Itali, bashkëatdhetari e qëllon me plumb në kokë pas debatit mes tyre (EMRAT+FOTO)

 Vladimir Topjana

ITALI- Detaje të reja janë zbardhur në lidhje me vrasjen e Vladimir Topjanës në Itali. Bëhet e ditur se debati mes Topjanës dhe autorit ka nisur në një lokal në via Buonarroti, gjatë transmetimit të një ndeshje futbolli. Pas një debati të ashpër, Topjana dyshohet se ka kafshuar babanë e sulmuesit, duke i këputur veshin. Pas këtij veprimi 30-vjeçari ka nxjerrë armë dhe ka qëlluar 43-vjeçarin, ku njëri prej plumbave e ka kapur në kokë duke shaktuar vdekejen e menjëhershme. 

Menjëherë pas krimit autori është arratisur me një makinë tip Audi të bardhë, e cila është kërkuar gjatë gjithë natës në zonën e Pordenones. Makina u ndalua në Orsago në provincën e Trevisos ku i dyshuari u arrestua së bashku me babain e tij që e shoqëronte.

Sipas mediave italiane dëshmitarët duke përfshirë disa klientë të bareve, ishin thelbësorë për hetimin. Hetuesit mjeko-ligjorë kontrolluan tërësisht vendin e krimit, duke gjetur një nga gëzhojat e plumbave të qëlluar nga vrasësi. Pavarësisht arratisjes së të dyshuarit, autoritetet kanë mundur ta gjurmojnë dhe ta arrestojnë pas një kontrolli intensiv. Ende po zbardhet motivi i vrasjes, por debati i dhunshëm duket se ka shkaktuar aktin fatal.

Mbrëmjen e së dielës së 6 prillit, një 43-vjeçar shqiptar, Vladimir Topjana, u vra nga bashkëatdhetatri i tij në rrugë në Fontanafredda, provinca e Pordenones, pas një konflikti të dhunshëm. Sulmuesi, po një shqiptar 30-vjeçar, e qëlloi tre herë me armë zjarri Topjanën, duke e vrarë para syve të kunatit të tij.

foto ilustruese

ITALI- Vladimir Topjana, 43-vjeç, u qëllua mbrëmjen e djeshme për vdekje me armë zjarri, pranë një lokali ku kishte dalë të shihte një ndeshje futbolli me djalin e tij. 

Topjana po bisedonte me një të afërm, kur një Audi i bardhë ka ndaluar pranë tyre. Personat që zbritën nga Audi, babë e bir, Roger Shota, 34 vjeç dhe i ati i tij, Pren Shota, 66 vjeç kanë debatuar fillimisht me viktimën. 

Më pas debati ka agravuar në tone të larta derisa në një moment 34-vjeçari ka nxjerrë armën dhe e ka qëlluar tre herë. Një nga plumbat e ka kapur Topjanën në kokë duke i shkaktuar vdekjen në vend. Autorët u arratisën menjëherë nga vendi i ngjarjes por u vunë në pranga pas pak orësh. Ende nuk dihen shkaqet e debatit mes tyre që përfundoi në vrasje

foto nga vendngjarja

ITALI - Vladimir Topjana, 43-vjeç, u qëllua mbrëmjen e djeshme për vdekje me armë zjarri, pranë një lokali ku kishte dalë të shihte një ndeshje futbolli me djalin e tij. Topjana, personi në foton e mëposhtme, po bisedonte me një të afërm, kur një Audi i bardhë ka ndaluar pranë tyre. 

vladimir topjana

Personat që zbritën nga Audi kanë debatuar fillimisht me viktimën. Debati me tone të larta  ka tërhequr vëmendjen e disa klientëve të lokalit pranë, të cilët tentuan t'i qetësojnë, por pa sukses. Më pas, shqiptarët kanë lëvizur në një hapësirë mes dy bizneseve, ku debati u agravua në vrasje. Në një moment një prej tyre ka nxjerrë armën dhe e ka qëlluar tre herë. Një nga plumbat e ka kapur Topjanën në kokë duke i shkaktuar vdekjen në vend. 

Policia italiane njoftoi se pranë vendit të ngjarjes ka qenë kunati i tij, i cili fillimisht nuk ka kuptuar se çfarë po ndodhte. Pak pas tij ka mbërritur edhe djali i viktimës. 43-vjeçari, raportohet se e frekuentonte shpesh zonën pasi kishte disa të afërm që jetonin aty. Autori 30-vjeç, u arrestua pak orë pas ngjarjes, ndonëse pas vrasjes u arratis nga vendngjarja. Ende nuk dihen shkaqet e debatit mes tyre që përfundoi në vrasje

vendngjarja

ITALI- Një 43-vjeçar shqiptar është qëlluar për vdekje me armë zjarri në Itali nga një bashkëatdhetar i tij. Ngjarja ka ndodhur mbrëmjen e djeshme në Fontanafredda.

43-vjeçari, Vladimir Topjana, pak para ngjarjes ndodhej me një të afërm pak hapa nga një lokal i mbushur me njerëz për ndeshjen e futbollit mes Romës dhe Juventusit, kur në një moment kanë mbërritur disa persona me një Audi të bardhë, shkruajnë mediat italiane. 

Personat që zbritën nga Audi kanë debatuar fillimisht me viktimën. Debati me tone të larta  ka tërhequr vëmendjen e disa klientëve të lokalit pranë, të cilët tentuan t'i qetësojnë, por pa sukses. Më pas, shqiptarët kanë lëvizur në një hapësirë mes dy bizneseve, ku debati u agravua në vrasje. Në një moment një prej tyre ka nxjerrë armën dhe e ka qëlluar tre herë. Një nga plumbat e ka kapur Topjanën në kokë duke i shkaktuar vdekjen në vend. 

Policia italiane njoftoi se pranë vendit të ngjarjes ka qenë kunati i tij, i cili fillimisht nuk ka kuptuar se çfarë po ndodhte. Pak pas tij ka mbërritur edhe djali i viktimës. 43-vjeçari, raportohet se e frekuentonte shpesh zonën pasi kishte disa të afërm që jetonin aty. Autori 30-vjeç, u arrestua pak orë pas ngjarjes, ndonëse pas vrasjes u arratis nga vendngjarja. Ende nuk dihen shkaqet e debatit mes tyre që përfundoi në vrasje