Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Nisin procedurat për zëvendësimin e ambasadores së SHBA në vendin tonë , Yuri Kim. • Kështu pretendon Ministria për Europën dhe Punët e Jashtme kur në fakt nuk kanë asnjë të drejtë, as të nisin procedura dhe as të japin deklarata të tilla. • Zgjedhja e pasuesit/pasueses së Kim është detyrë vetëm dhe vetëm e Departamentit Amerikan të Shtetit, ashtu siç edhe duhet, e Ministria për Europën dhe Punët e Jashtme vetëm njoftohet formalisht për emrin e pasardhësit. • Përflitet në vend të Yuri Kim, në pozitën e ambasadorit amerikan në Shqipëri, pritet të emërohet David Kostelanick. Ky i fundit njihet si njohës i çështjes Ruse, teksa aktualisht ka pozicionin e drejtorit në Zyrën për Europën Qendrore dhe Jugore në Departamentin Amerikan të Shtetit. • Të njëjtat burime konfirmojnë se ambasadorja Kim do të jetë kandidate për t’u bërë diplomate e re amerikane në Korenë e Jugut. • Largimi i Kim, i njoftuar nga MEPJ, gjest që mund të shkaktojë një incident diplomatik mes Tiranës dhe Uashtingtonit ka shkaktuar reagime të forta në vend. • Shumë analistë dhe njohës të politikës e shohin si një sulm nga kryeministri Edi Rama.
5 artikuj për këtë temë.
TIRANË- Deputeti i Partisë Demokratike, Ervin Salianji komentoi nga emisioni Task Force, njoftimin e Ministrisë së jashtme Shqiptare ku thuhej se ka nisur procedura për largimin e ambasadores së SHBA, Yuri Kim. Duke e quajtur të turpshme atë që ka bërë qeveria, Salianji tregoi mesazhin që kërkon të japë Edi Rama. Ai tha se Rama kërkon që të krijojë perceptimin sikur ka ndonjë rol në emërimin dhe shkarkimin e ambasadorëve.
'E kuptoni çfarë turpi është? Edi Rama kërkon të krijojë perceptimin sikur ka ndonjë rol në emërimin dhe shkarkimin e ambasadorëve. E bën për shkak të qëndrimeve publike të ambasadores për moskapjen e pjesëve të pakapura të sistemit të drejtësisë, apo SPAK, qeveria jep sinjale kujto që, shiko, ne po largojmë ambasadoren. Nuk është politikë personale kjo punë. Dhe jep mesazhin tjetër sikur këta idiotët që bëjnë këto, se janë të njëjtët që japin ato përgjigjet në parlamentin britanik, përcaktojnë se kush do të jetë ambasadori amerikan në Shqipëri. E kuptoni çfarë logjike apo jo?'- tha Salianji.
TIRANË- Zëvendësimi i ambasadores së Shteteve të Bashkuara të Amerikës në vendin tonë, Yuri Kim ka qenë gjithmonë një detyrë e Departamentit Amerikane të Shtetit, por kësaj herë ka "ndërhyrë" edhe një institucion që nuk i takon. Stafeta e dorëzimit dhe ndërrimit të ambasadorëve në Shqipëri ka qenë një praktikë e kahershme e DASH, por kësaj here në mënyrë të paprecedentë vendi pritës shpall largimin pa asnjë njoftim nga Amerika duke përdorur si pretekst shkrime në media periferike. Kur në fakt, vetë MEPJ vetëm sa informohet procedurialisht nga DASH për ndryshimin e ambasadorit që cakohet me detyrë në Shqipëri.
Por çfarë ka ndodhur? Cila ishte pika që derdhi gotën e pse po kërkohet largimi i Yuri Kim? Prej muajsh në median online po flitet për një luftë të heshtur deklaratash mes kryeministrit Edi Rama dhe ambasadores Kim. Përplasja u konfirmua disa javë më parë kur kryeministri u largua nga një takim publik, në momentin kur Kim do të merrte fjalën ndërsa e thumboi diplomaten se "ka ambasadorë që emocionohen publikisht për vendime gjykatash".
Krisja e parë ndodhi në mars, ku Rama u pa qartë se nuk e kishte më Kim të preferuar ndërsa etiketimi "sekretare partie" u pa si batutë.
Por rrënjët ishin më të thella se kaq. Gara për kreun e ri të SPAK shihet si një nga arsyet më të forta të përplasjes. Amerikanët i druhen një drejtimi të të preferuarit të socialistëve dhe këtu nuk ka "ujdi"... Një tjetër përplasje e nëndheshme është edhe ajo për Aeroportin e Vlorës. Një artikull i botuar dje nga Zëri i Amerikës, që njihet gjerësisht si paralajmëruese e politikave amerikane në vend, njoftoi se Konventa e Bernit kërkonte me urgjencë anulimin e procedurave për ndërtimin e Aeroportit të Vlorës.
Ky shkrim u pasua nga një reagim zyrtar i kreut të Dhomës Amerikane të Tregtisë që tha sot se respektimi i vendimit të Konventës është test për Shqipërinë. Nga ana tjetër, Zëri i Amerikës nuk ka bërë asnjë pasqyrim të reagimit të Ministrisë sonë të Jashtme për nisjen e procedurës e largimit të Kim. Çfarë ka ndodhur?
Ashtu siç askush nuk e priti, Ambasada Amerikane reagoi e para ndaj dhunimit të kryedemokratit Sali Berisha, edhe pse "non grata" nga Shtetet e Bashkuara të Amerikës. Përplasja ka nisur, mbetet vazhdimi i një beteje të rrallë mes një qeverie dhe një aleati strategjik si SHBA.
Kush po e largon Yuri Kim?
TIRANË- Analisti Andi Bushati ka komentuar postimin e ministrisë për Europën dhe Punët e Jashtme për procedurën e zëvendësimit të ambasadores amerikane Yuri Kim. Bushati shkruan në 'Facebook' se Rama po e trajton në fund Kim si limon të shtrydhur, njëjtë me ministrat që i shkarkon e më pas ua heq vështrimin.
'Dhe ne fund....e trajtoi Yurin si limon te shtrydhur....si keta ministrat qe pasi i shkarkon iu heq dhe veshtrimin'- shkruan Bushati.
Sot, Ministria për Europën dhe Punët e Jashtme, ka konfirmuar në “Twitter” se procedura për zëvendësimin e Kim ka nisur. Në pozitën e ambasadorit amerikan në Shqipëri, pritet të emërohet David Kostelanick. Ky i fundit njihet si njohës i çështjes Ruse, teksa aktualisht ka pozicionin e drejtorit në Zyrën për Europën Qendrore dhe Jugore në Departamentin Amerikan të Shtetit.
TIRANË- Në mbarim të mandatit të ambasadores Yuri Kim Departamenti amerikan i shtetit ka nisur procedurat e zëvendësimit. Gazetari Top Channel Muhamed Veliu duke iu referuar burimeve diplomatike, thotë se besohet që zëvendësi ambasadores Kim mund të jetë David Kostelanick.
Kostelanick është një njohës i mirë i çështjeve ruse.
Për momentin ai është drejtor në Zyrën për Europën Qendrore dhe Jugore në Departamentin Amerikan të Shtetit. Ardhja e ambasadorit të ri konfirmohet nga një mesazh publikuar në Twitter prej Ministrisë së Punëve të Jashtme ku thuhet se “për të shmangur çdo spekulim mbi “heshtjen” e MEPJ, konfirmojmë se procedura e zëvendësimit të ambasadores Kim ka nisur zyrtarisht.'
TIRANË- Ministria për Europën dhe Punët e Jashtme ka bërë me dije se ka nisur procedurat për zëvendësimin e ambasadores së Shteteve të Bashkuara në Tiranë, Yuri Kim. Ambasadorja Kim e nisi mandatin në janar të vitit 2020 dhe tashmë pas 3 vitesh ajo do të duhet të largohet, ashtu siç edhe parashikohet me ligj.
MEPJ ndonëse konfirmon në këtë mënyrë largimin e diplomatës së propozuar nga Donald Trump nuk jep detaje se kush do të jetë pasuesi i saj, pasi ende nuk është caktuar nga Senati. Ndaj dhe nga ana e MEPJ janë shprehur se nuk mund të japin asnjë koment.
“Konfirmojmë se procedura e zëvendësimit të ambasadores Kim ka nisur zyrtarisht, ndërkohë që për emrin e ambasadorit të ri procedura nuk na mundëson të bëjmë komente”, shkruhet në njoftim.
Yuri Kim mbërriti në Tiranë si Ambasadorja e Shteteve të Bashkuara të Amerikës në Republikën e Shqipërisë në janar 2020. Ambasadorja Kim, një diplomate karriere, ka punuar mbi sfida kyçe të politikës së jashtme dhe sigurisë kombëtare në mbarë Europën, Azinë dhe Lindjen e Mesme. Prej kohësh, ajo ishte e përfolur se do të largohej sërish drejt gadishullit korean. “Korean Broadcasting System“, një prej mediave më elitare të Koresë së Jugut, e përmendte disa herë si ambasadoren e radhës së SHBA në Seul.
Më herët, Yuri Kim ka qenë drejtoreshë e Çështjeve të Europës Jugore dhe ka mbuluar Turqinë, Greqinë, Qipron dhe më gjerë rajonin e Mesdheut Lindor; si drejtoreshë e Zyrës së Çështjeve Europiane të Sigurisë dhe ato Politiko-Ushtarake, ka mbuluar NATO-n dhe Organizatën për Siguri dhe Bashkëpunim në Europë (OSBE). Më parë ka qenë Shefe e Kabinetit e Zëvendës Sekretarit të Shtetit dhe drejtoreshë e Qendrës për Studimin e Administrimit të Diplomacisë.
Më herët në karrierën e saj, ka qenë Ndihmëse e Posaçme e Sekretarit të Shtetit Colin Poëell, si dhe Ndihmëse e Posaçme e Ndihmës Sekretarit të Shtetit për Çështjet e Azisë Lindore dhe Paqësorit. Mandatet e saj jashtë SHBA përfshijnë Turqinë, Irakun, Republikën e Koresë, Japoninë dhe Kinën. Yuri Kim ka një diplomë bachelor nga Universiteti i Pensilvanisë dhe një Master në Filozofi nga Universiteti i Kembrixhit.
