Zbardhet ngjarja në Selenicë/ Durmish Glluçaj u vra nga i biri, 23-vjeçari vendosi eksploziv në sobë! Policia: Shkak dhuna

Mato Gllucaj

VLORË- Fotot e mëposhtme janë të 23-vjeçarit Mato Gllucaj, i cili akuzohet për vrasjen e babait të tij. Mësohet se Gllucaj vendosi eksploziv në sobë, për tu hakmarrë ndaj të atit, pasi e dhunonte vazhdimisht. I riu është vënë në prangat e policisë dhe hetimet për ngjarjen po vijojnë. 

23-vjeçari dyshohet se për shkak të dhunës së vazhdueshme që babai ka ushtruar ndaj tij, ka vendosur lëndë plasëse në sobën me gaz, në oborrin e banesës, nga shpërthimi i së cilës humbi jetën 56-vjeçari.

pajisjet e sekuestruara

VLORË- Mato Glluçaj, 23 vjeç është vënë në prangat e policisë, pasi dyshohet se vrau të atin me esploziv, ndërsa janë sekuestruar edhe pajisjet me të cilat ka vendosur lëndën plasëse.

Në cilësinë e provës materiale janë sekuestruar:

– mekanizmi elektrik me të cilin është realizuar shpërthimi
– 25 granata dore difensive
– 37 kallëpe me lëndë plasëse tritol (me peshë 400 gr. secila)
– 43 kapsolla detonatore
– 5 ndezësa granatash
– 1 armë zjari pushkë
– 1 celular
– 2 thika
– 310 fishekë luftarakë
– 12 krehra për armë zjarri,
– 2 radio marrëse-dhënëse
– kapuça dhe veshje për mbulimin e fytyrës dhe mjete për punime elektrike me ngjitje.

pamje nga ngjarja

VLORË-Mato Gllucaj, 23 vjeç, është arrestuar nga policia, pasi dyshohet se vrau babain në Gjormë të Selenicë një ditë më parë.

Sipas policisë, ai vrau babanë e tij, duke vendosur lëndë eksplozive në sobën me gaz.

23-vjeçari dyshohet se për shkak të dhunës së vazhdueshme që babai ka ushtruar ndaj tij, ka vendosur lëndë plasëse në sobën me gaz, në oborrin e banesës, nga shpërthimi i së cilës humbi jetën 56-vjeçari.

pamje nga arrestimi

VLORË- Policia e Vlorës ka zbardhur ngjarjen e rëndë të ndodhur në Selenicë, ku 23-vjeçari ka vrarë babanë e tij duke i vendosur eksploziv në sobën me gaz.

Njoftimi i policisë:

Në vijim të veprimeve të thelluara hetimore për ngjarjen e ndodhur mëngjesin e djeshëm, në territorin e jashtëm të banesës së shtetasit D. G., ngjarje e cila fillimisht u dyshua si aksidentale, grupi hetimor siguroi prova që krijonin dyshime se ngjarja mund të mos ishte aksidentale.

Bazuar në provat e siguruara dhe në veprimet e kryera nga specialistët për Hetimin e Krimeve të Rënda në DVP Vlorë, në drejtimin e Prokuorisë, rezultoi se ngjarja nuk ishte aksidentale, por e qëllimshme.

Si rezultat i veprimeve të thelluara hetimore, u vu në pranga autori i dyshuar, shtetasi M. G., 23 vjeç, djali i 56-vjeçarit që humbi jetën nga shpërthimi në territorin e jashtëm të banesës së tij. 23-vjeçari dyshohet se për shkak të dhunës së vazhdueshme që babai ka ushtruar ndaj tij, ka vendosur lëndë plasëse në sobën me gaz, në oborrin e banesës, nga shpërthimi i së cilës humbi jetën 56-vjeçari.

Në cilësinë e provës materiale janë sekuestruar: mekanizmi elektrik me të cilin është realizuar shpërthimi, 25 granata dore difensive, 37 kallëpe me lëndë plasëse tritol (me peshë 400 gr. secila), 43 kapsolla detonatore, 5 ndezësa granatash, 1 armë zjari pushkë, 1 celular, 2 thika, 310 fishekë luftarakë, 12 krehra për armë zjarri, 2 radio marrëse-dhënëse, kapuça dhe veshje për mbulimin e fytyrës dhe mjete për punime elektrike me ngjitje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.