Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Tre ditë ka zgjatur misteri i vrasjes së 34-vjeçarit Indrit Ndoj në Fushë Krujë, i cili u gjet pa jetë në kanalin e shtëpisë. • Policia e Shtetit ka vënë në pranga dy vëllezër për vdekjen e tij. Ata janë Sajmir Miri dhe Landi Miri, 39 dhe 19 vjeç. • Dy vëllezërit i morën jetën duke e qëlluar me kaçavidë në pjesën e kofshës dhe mendohet se prej gjakderdhjes dhe mungesës së ndihmës së parë të këtë humbur jetën, në kanalin ku u hodh pranë banesës së prindërve të tij në Fushë-Krujë. • Sherri ka nisur për motive të dobëta, ndërsa Indrit Ndoj nuk ka pasur mundësi që t'i vijë në ndihmë vetes pasi ka qenë nën efektin e lëndëve narkotike, por edhe të alkoolit. • Trupi i pajetë i viktimës u gjet në një kanal nga familjarët e tij teksa po shkonin në punë. • Autorët, megjithatë nuk e kanë pranuar krimin duke pretenduar se e kanë lënë gjallë të riun. Por ende nuk dihet motivi i vrasjes së Ndojt. • Ndoshta ka lidhje me punën e 34-vjeçarit. • I riu ishte i njohur për uniformat blu si përdorues droge po ashtu në shtator të 2021, pasi është kapur duke trafikuar 19 sirianë drejt Kosovës.
4 artikuj për këtë temë.
KRUJË- Vëllezërit Sajmir dhe Landi Miri, përkatësisht 39 dhe 18 vjeç janë vënë në pranga të Policisë pasi dyshohet se janë autorët e vrasjes së 34-vjeçarit Indrit Ndoji, mbrëmjen e enjtes në Fushë-Krujë. Pas arrestimit të tyre, të dy vëllezërit e kanë pranuar vrasjen, por kanë shtuar se e gjitha ka ndodhur pa dashje e se kur ishin larguar të riun e kishin lënë gjallë, por me një plagë në këmbë. Sipas Policisë, dy vëllezërit e kanë qëlluar 34-vjeçarin disa herë me një kaçavidë në këmbën e djathtë, plagë kjo që i ka shkaktuar dhe vdekjen për shkak të gjakderdhjes dhe lajmin për vdekjen e morën vesh nga mediat, por sërish nuk u vetëdorëzuan.
Ajo që i tradhëtoi ishte një gjurmë ADN-je që kishte mbetur në vendin e ngjarjes, me shumë gjasa nga përplasja mes të treve, e cila raportohet se ka nisur për arsye banale. Mirëpo gjurma biologjike u dërgua në laboratorin e Policisë Shkencore që solli dhe identifikimin e autorëve.
Mëngjesin e të premtes, familjarët e 34-vjeçarit kanë treguar se kishin komunikuar me Indritin një ditë përpara krimit, por nuk kishin vërejtur asnjë shqetësim tek ai. E së më pas ishte zhdukur. Por e kishin pikasur në kanalin pranë shtëpisë, në momentin që kishin dalë në mëngjes për të shkuar në punë.
KURBIN- Vëllezërit Sajmir dhe Landi Miri u arrestuan sot nga Policia e Shtetit si autorët e vrasjes së 34-vjeçarit Indrit Ndoj në Fushë Krujë. Në momentin e marrjes në pyetje, asnjë prej të dy vëllezërve nuk e ka mohuar vrasjen, e po ashtu shprehur pendim. Ata kanë theksuar se nuk kishin për qëllim të vrisnin 34-vjeçarit, por situata u ka dalë nga duart, pasi sipas tyre Indrit Ndoj i ka sulmuar fizikisht.
Rrëfimi i vëllezëve Miri: Nuk kishim për qëllim ta vrisnim. Po situata na doli nga kontrolli pasi na sulmoi dhe na ofendoi rëndë. Ai (Ndoj) ishte në gjendje të rëndë, pasi kishte konsumuar lëndë narkotike. U takuam te vendi për të sqaruar një muhabet të vjetër. Nuk është se kishim ndonjë konflikt të hapur me të, gjithçka ndodhi aty për aty pasi na sulmoi. Nuk ishte i vetëdijshëm. Ai tentoi të na qëllonte dhe për tu mbrojtur e qëllova. Më pas u larguam. E lamë të gjallë. Dhe s’menduam se kishim bërë ndonjë plagosje të rëndë. Por për fat të keq kaçavida kishte prekur damarin kryesor (arterjen femorale) . Vetëm kur dëgjuam në mëngjes që kishte vdekur. Aty na kapi paniku. Nuk dinim ca të bënim. Jemi penduar shumë, pasi nuk ishte nevoja që situata të arrinte në këtë pikë pa kthim pas. Jemi shumë të penduar.
KURBIN- Policia e Fushë Krujës ka dhënë detaje për vrasjen e 34-vjeçarit Indrit Ndoj, ndërsa sot janë arrestuar 2 të dyshuarit kryesorë për vrasjen e tij. Në pranga kanë përfunduar vëllezërit Sajmir dhe Landi Miri. Dy vëllezërit janë konfliktuar fizikisht, për motive të dobëta, me 34-vjeçarin, i cili ishte me masë sigurie “Arrest në shtëpi” dhe e kishte thyer masën duke dalë në rrugë.
Njoftimi i plotë i Policisë:
Zbardhet ngjarja e ndodhur mëngjesin e datës 21.10.2022, në Fushë Krujë, ku u gjet i pajetë shtetasi I. N., 34 vjeç, banues në Krujë. Dokumentohet me prova ligjore se 34-vjeçari nuk është vrarë me armë zjarri, por me një send të fortë shpues/ prerës. Identifikohen, kapen dhe vihen në pranga dy vëllezër, të dyshuar si autorë të vrasjes. Sekuestrohen provat ligjore që çuan në zbardhjen e ngjarjes dhe në identifikimin e autorëve.
Specialistët për Hetimin e Krimeve të Komisariatit të Policisë Krujë, në bashkëpunim me specialistët e Seksionit për Krimet ndaj Jetës dhe Pronës, në Drejtorinë Vendore të Policisë Durrës dhe Prokurorinë pranë Gjykatës së Rrethit Gjyqësor Krujë, si rezultat i hetimeve të thelluara, bënë të mundur zbardhjen e vrasjes së 34-vjeçarit, identifikimin dhe kapjen e dy vëllezërve, si autorë të dyshuar të vrasjes së tij, konkretisht shtetasit: S. M., 39 vjeç dhe L. M., 18 vjeç, banues në Fushë Krujë.
Nga tërësia e veprimeve të thelluara hetimore, këqyrja e vendit të ngjarjes, këqyrja e trupit të viktimës, si dhe mekanizmi i ngjarjes, ka rezultuar se në trupin e viktimës ka një plagë në këmbën e djathtë, që është shkaktuar nga një mjet i fortë shpues / preres dhe për shkak të gjakderdhjes, 34-vjeçari ka humbur jetën.
Grupi hetimor, gjatë veprimeve hetimore ka sekuestruar në vendngjarje dhe në banesën e dy vëllezërve, prova ligjore që implikojnë dy vëllezërit në vrasjen e 34-vjeçarit. Paraprakisht dyshohet se dy vëllezërit janë konfliktuar fizikisht, për motive të dobëta, me 34-vjeçarin, i cili ishte me masë sigurie “Arrest në shtëpi” dhe e kishte thyer masën duke dalë në rrugë. Në konflikt e sipër, ata e kanë goditur me një mjet të fortë shpues 34-vjeçarin dhe më pas janë larguar. Materialet proceduriale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprën penale “Vrasja”, e kryer në bashkëpunim.
KRUJË- Policia e Durrësit ka zbardhur ekspertizën e kryer ndaj 34-vjeçarit Indrit Ndoj të gjetur të vrarë nga familjarët në një kanal ditën e djeshme. Policia bën me dije se Ndoj nuk ka vdekur nga një goditje me armë zjarri por nga goditja me kaçavidë në arterien femorale.
Sipas autoriteteve, autori dhe viktima janë përplasur me njëri-tjetrin dhe në një moment autori e ka qëlluar me kaçavidë në kofshën e majtë. Për pasojë, Indrit Ndoj ka humbur jetën nga hemorragjia.
Ndoj u gjet i vrarë ditën e djeshme nga familjarët të cilët janë tronditur nga ngjarja. I riu ishte dënuar nga gjykata me masën e sigurisë "arrest shtëpie" për trafikim klandestinësh ndërkohë nuk dihet ende se çfarë bënte ai jashtë. Në dëshminë e saj nënë e të riut ka treguar dhe telefonatën e fundit me të ku i riu i ka thënë të bëj bukën gati pasi po kthehej në shtëpi.
