Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Zgjedhjet lokale ishin të pa ndershme dhe të manipuluara. • Ky është përfundimi i raportit paraprak të dalë nga OSBE-ODIHR. • Ambasadosja e ODIHR Audrey Glover theksoi gjatë konferencës së sotme se zgjedhjet në Shqipëri nuk mund të quhen të lira, pasi ka pasur prova për manipulime dhe kërcënime të qytetarëve. Ajo tha se KQZ duhet që të marrë masa për çdo rast që dyshohet se votat janë manipuluar. • Nga ana tjetër i dërguar i Parlamentit Europian Sven Simon ka thënë se gjatë votimit kishte njerëz që intimidonin votuesit. • Ndërkohë që shtoi se ka pasur raportime dhe për shit-blerje votash. • Nga ana tjetër përfaqësuesi i Kongresit të Autoriteteve Vendore dhe Rajonale në Këshillin e Evropës Steëart Dickson tha se në këto zgjedhje pati mungesë programesh nga kandidatët. • Sipas tij edhe mungesa e debateve mes kandidatëve ishte një tjetër problematikë në këto zgjedhje.
6 artikuj për këtë temë.
TIRANË- Ambasadorja e ODIHR Audrey Glover ka deklaruar se kërcënimet ndaj njerëzve duhet që të ndalet. Gjatë konferencës së sotme, Glover ka theksuar se KQZ duhet që të marrë masa edhe për përdorimin e mjeteve të pushtetit për të manipuluar zgjedhjet. Sipas saj, në çdo rast ku ka dyshime për manipulim votash, KQZ-ja duhet që të marrë masat e duhura.
"Ka pasur disa incidente, qytetarët janë detyruar të votojnë në një mënyrë të caktuar por autoritetet janë përpjekur në disa momente që të ndalojnë këtë. Shpresoj që në lidhje me këtë të merren masat përkatëse. Për tu siguruar që të mos kemi asnjë shkelje të ligjit. Kërcënimet që njerëzit morën për të votuar në një mënyrë të caktuar, duhet të ndalojnë në një mënyrë apo tjetër. Në lidhje me përdorimin e makinacioneve të pushtetit në fushatë, ishim të shqetësuar për situatat dhe manipulimet që përmenda më lart, shpresojmë që KQZ do bëjë diçka për këtë. Sepse është ai organi përgjegjës që të sigurojë që zgjedhjet u realizuan në përputhje me ligjin. Janë ata që duhet të bëjnë diçka mbi këto supozime dhe gjithçka që nuk ka shkuar siç duhet në zgjedhje”, tha ajo.
TIRANË- Ambasadorja Audrey Glover ka deklaruar se zgjedhjet në Shqipëri nuk kanë qenë të ndeshme. Gjatë konferencës, Glover u shpreh në procesin e votimit ka patur manipulime dhe kërcënime të shumta. Glover deklaroi se për këto kërcënime dhe manipulime duhet që të merren masa që të marrin fund.
Pyetje: Kur ju thoni se pati manipulime, presion ndaj votuesve, a mund të themi se në Shqipëri pati zgjedhje të lira dhe të ndershme?
"Është gjithmonë e vështirë të përshkruash zgjedhjet si të drejta, por ajo që duhet të ndodh është që këto raste që unë përmenda, nesë është ndjekur procedurat e duhura zgjedhore për të siguruar se manipulime të tilla dhe kërcënime që njerëzit morën për të votuar në një mënurë të caktuar, unë mendoj se duhet të ndalohen sepse parandalojnë procesin zgjedhor për shumë njerëz, në mënyrë që të jenë të lirë për të votuar për atë që duan. Dhe jo të votojnë për dikë që iu thuhet se duhet të votojnë. Shpresoj gjithashtu se masat do të merren sipas legjilacionit për t’u siguruar që manipulimi të marrë fund," tha Glover.
TIRANË- Përfaqësuesi i Parlamentit Evropian, Sven Simon ka deklaruar se në qendrat e votimit në vend kishte njerëz që intimidonin votuesit. Gjatë konferencës për media, Dickson ka deklaruar se përballja e drejtuesve të politikës ka lënë në hije kandidatët që morën pjesë. Po ashtu ai theksoi se ka pasur raportime të shumta për blerje votash.
“Ne erdhëm këtu si pjesë e OSBE dhe ju tërheq vëmendjen se nuk është diçka e zakonshme që të bëjmë vëzhgime të zgjedhjeve vendore. Dhe ne e shohim Shqipërinë si vend aspirues dhe me potencial. U gëzuam që opozita mori pjesë në këto zgjedhje pavarësisht që pati një mungesë fushe loje në fushatë. Ndërkohë që vërejtje një dëshirë për ndryshim, por temat vendore nuk ishin kryefjalë e kësaj fushate. Përballja e drejtuesve të politikës la në hije kandidatët. Gjithashtu duhet një frymë e re me të rinj. PE vuri re gjithashtu, pajisjen e id elektronik që jo gjithnjë funksionuan. Vëzhguesit panë edhe shumë njerëz jashtë qendrave të votimit që mund të quhej intimiduese. Megjithatë, duhej thelluar në çështjet vendore, kushte më të mëdha jetese, largimit e trurit nga vendi programet etj,” tha Dickson.
TIRANË- Ambasadorja e ODIHR Audrey Glover ka deklaruar se në zgjedhjet që u mbajtën dje, qytetarëve që janë punësuar në administratë u është bërë presion. Gjatë një konference për mediat, Glover tha se në këto zgjedhje mbështetja për kryebashkiakët e ardhshëm ka qenë e kushtëzuar nga mbështetja për partinë në pushtet.
“Shqetësimi ynë i madh është se deri në çfarë mase iu është bërë presion njerëzve të punësuar në administratën publike. Në rastet kur mbështetja për qeverinë e ardhshme ka qenë e kushtëzuar nga mbështetja për partinë në pushtet. Ekziston edhe një aspekt tjetër në këto zgjedhje. Votuesit, zgjedhësit, për kë janë zgjedhjet, mbahen për politikanët apo votuesit, për politikanët vendas apo zgjedhësit vendas? Në rastin e zgjedhjeve vendore, votuesit duhet që të zgjedhin se kush kandidat është më i miri për ta dhe komunitetet e tyre. Që ta bëjnë këtë fushatat dhe platformat e atyre kandidatëve duhet që të trajtojnë çështjen me rëndësi më të madhe për komunitetet e veçanta të votuesve. Fushatat dhe pasqyrimi i këtyre zgjedhjeve vendore u fokusua më së shumë tek politika dhe partitë kombëtare dhe jo në çështje të rëndësisë më të madhe në vendndodhje të ndryshme, veçanërisht jashtë Tirane," tha Glover
TIRANË- Përfaqësuesi i Kongresit të Autoriteteve Vendore dhe Rajonale në Këshillin e Evropës Stewart Dickson ka deklaruar se në zgjedhjet lokale në vend ka patur mungesë programesh nga kandidatët. Gjatë një konference për mediat, Dickson vuri re edhe mungesën për debate mes kandidatëve. Po ashtu ata kanë deklaruar se autoritetet duhet që të përcaktojnë më mirë kriteret për zgjedhjet e ardhshme.
“Ne vëzhguam procedurat e votimit, nga hapja deri në mbyllje dhe monitoruam procesin. Arritëm të monitorimin votimin ne dy qendra, pajtohem me zhvillimet pozitive që pamë. Bazuar në standardet pozitive ekzistojnë disa shqetësime, përfaqësimin e ulët të femrave dhe mungesën e aksesit për zgjedhësit me aftësi të kufizuara. E rëndësishme është që çfarë ndodh para zgjedhjeve, dhe disa çështje politike u lanë në hije. Zgjedhjet vendore duhet të jenë një mjet për njerëzit që të votojnë se për kë duan. Jemi të merakosur se munguan debatet dhe programet vendore. Ne inkurajojmë autoritet dhe ti përcaktojnë më mirë kriteret. Ne do të përgatisim disa rekomandime dhe ato do të paraqiten për miratim në Strasburg”, tha ai.
TIRANË- OSBE-ODIHR ka nxjerr raportin paraprak për zgjedhjet lokale të 14 majit në vend. Gjatë mbledhjes ambasadorja Audrey Glover ka deklaruar se këto zgjedhje ishin konkuruese dhe se fushata elektorale ishte e qetë. Po ashtu ajo tha se një problem që është hasur në këto zgjedhje është dhe fakti se fushata elektorale u përqendrua në politikën kombëtare dhe jo në çështje me rëndësi për bashkitë.
“Pra ishim 250 veta vëzhgues për zgjedhjet e 14 majit. Në përputhje me metodologjinë tonë ne kemi ardhur pa axhendë fikse dhe kemi lënë faktet të flasin vetë. U morën pak në konsideratë zgjedhësit. Ekziston një besim në listën zgjedhore, megjithatë 40% e votuesve ndodhen jashtë vendit. Ka komisione të administrimit zgjedhor. Krijimi i tyre ishte problematik. Fushata ka qenë paqësore megjithëse sulmeve nga liderët e partive politike që ishin të rënda. Përveç disa tubimeve, fushata ishte e qetë. Kandidatët s’kanë patur debate por kanë përdorur rrjete sociale. Lidhja e mediave me forcat politikë shkakton lidhje të drejtpërdrejtë të vijave editoriale dhe nuk rezulton me një burim konkret informues. Ka patur sulme ndaj gazetarëve. Mediat s’kanë bërë raportime për zgjedhjet. Kemi qenë të shqetësuar për akseueshëmirsë të vendeve ku mund të votojnë personat me aftësi të kufizuara. Jemi duke analizuar votimin elektronik. Mendoj se ekziston një aspekt tjetër që ne duhet t’i hedhim jë vështrim. Zgjedhësit, për ketë mbahen zgjedhjet. Fatkeqësisht fushatat u përqendruan në politikën në partitë kombëtare dhe jo në çështjet e rëndësisë më të madhe në vendndodhje të ndryshme. Veçanërisht jashtë Tiranës. Kjo kufizoi zgjedhësit të bënin zgjedhjen e tyre në nivel vendor,” tha Glover.
