Primaret e “Rithemelimit” në Kukës, Emri Vata shpallet fitues me 274 vota: Qytetarët do kenë edhe mbështetjen e elektoratit gri, për të ndryshuar historinë

Emri Vata

Pas përfundimit të procesit të numërimit të votave, ka folur për mediat kandidati fitues i dalë nga Primaret e Partisë Demokratike.

Në krah të Klevis Balliut, kandidati i zgjedhur nga Primaret, Emri Vata, shprehet se qytetarët do kenë edhe mbështetjen e elektoratit gri të Kukësit.

“Patjetër që mbështetja e gjithë spektrit të djathtë do të jetë, por ne ju sigurojmë se do keni edhe mbështetjen e zonës gri të Kukësit, për atë çfarë ka ndodhur në Kukës dhe për të ndryshuar historinë".

Zgjedhja e kandidatit Emri Vata për zgjedhjet e 24 shtatorit, u njoftua edhe nga “Rithemelimi” përmes një njoftimi.

foto ilustruese

KUKËS- Emri Vata është shpallur fitues në Primaret e zhvilluara sot për zgjedhjet në Bashkinë e Kukësit. Procesi u aplikua me parimin një anëtar një votë, për përzgjedhjen e kandidatit që do të përfaqësojë Berishën në zgjedhjet e datës 24 Shtator 2023. Gara brenda demokratëve është zhvilluar mes kandidatëve Ardian Elezi, Emri Vata, Gezim Shehu, Uran Cengu dhe Ylber Zeneli.

"Komisioni i Organizimit dhe Kontrollit të Operacioneve Elektorale të Partisë Demokratike ndoqi sot e diel, 27 gusht 2023, Primaret në PD Kukës per të zgjedhur kandidatin për zgjedhjet e pjesshme për Bashkine Kukës.

Kandidatë në Primare ishin:

1- Ardian Sokol Elezi

2- Emri Haxhi Vata

3- Gëzim Beqir Shehu

4- Uran Rakip Cengu

5- Ylber Haxhi Zeneli

Procesi u hap në orën 08.00 dhe u mbyll në orën 18.00. Pas numerimit të fletëve të votimit, sipas procesverbalit zyrtar të mbërritur nga Komisioni i Votimit dhe Numurimit, fitues u shpall: z. Emri Vata.

Votuesit

TIRANË- Kryetari i Partisë Demokratike Sali Berisha ka postuar një video nga votimi për primaret e Kukësit. Berisha në Facebook, shkruan se votimi masiv vijon në Kukës për të zgjedhur kandidatin për kryetar bashkie. 

Postimi i Berishës:

Vazhdon votimi masiv në Kukës, për të zgjedhur kandidatin për kryetar Bashkie të PD-së!

Sali Berisha

TIRANË- Kryeministri Sali Berisha ka ftuar të gjithë demokratët e Kukësit që të marrin pjesë primaret për zgjedhjen e kandidatit për kryebashkiak. Në një postim në Facebook, Berisha u ka uruar sukese kandidatëve, ndërkohë që ka bërë me dije se ka pjesëmarrje masive në votime.  

Postimi i Plotë:

Pjesëmarrje masive në primaret në Kukës! Ftesë për të gjithë demokratët e Kukësit të marrin pjesë në primare për zgjedhjen e kandidatit të tyre për Bashkinë Kukës. Suksese!

Foto Ilustruese

KUKËS- Demokratët në Kukës po zgjedhin ditën e sotme kandidatin e tyre për t'i përfaqësuar në zgjedhjet e pjesshme në Kukës më 24 shtator. Procesi i primareve me parimin një anëtar një votë, për përzgjedhjen e kandidatit në zgjedhjet e 24 shtatorit.

Qendra e votimit do të jetë te Pallati i Kulturës ‘Hasan Prishtina’ Kukës, kati i dytë. Procesi i votimit ka filluar në orën 08:00 dhe përfundon në orën 18.00.

Emrat e kandidatëve:

1- Ardian Sokol Elezi

2- Emri Haxhi Vata

3- Gëzim Beqir Shehu

4- Uran Rakip Cengu

5- Ylber Haxhi Zeneli