Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Procesi i numërimit të fletëve të votimit në Kosovë ka nisur. • 30 minuta pas përfundimit të zgjedhjeve, Komisioni Qëndror i Zgjedhjeve ka bërë të mundur mbledhjen e kutive të votimit dhe nisjen e numërimit të votave. • Deri më tani janë numëruar 73% e votave në Kosovë. • Nga votat e numëruara kryeson Lëvizja Vetëvendosje me 42% të votave. • Ndërkohë që e dyta vijon Partia Demokratike e Kosovës me 22% e votave, ndërkohë që në vend të tretë është Lëvizja Demokratike e Kosovës me 17%. • Ndërsa Koalicioni AAK dhe NISMA kanë 8% të votave. • Në orën 19:00 në të gjithë Kosovën janë mbyllur vendvotimet për zgjedhjet parlamentare. • Kryesisht procesi zgjedhor i ditës së sotme ka qënë I rregullt dhe nuk janë regjistruar përplasje apo trazira mes votuesve apo komisionerëve.
11 artikuj për këtë temë.
KOSOVË- Komisioni Qendror i Zgjedhjeve në Kosovë vijon të publikojë rezultatet zyrtare që vijnë nga qendrat e numërimit të votave të zgjedhjeve të kësaj të diele. Vendin e parë e kryeson Lëvizja Vetëvendosje me 41.99% të votave, ndërsa në vend të dytë është PDK me 22.68%. Ndërkohë që në vend të tretë është Lëvizja Demokratike e Kosovës me 17.90%, dërsa Koalicioni AAK dhe NISMA kanë 7.56% të votave.
Rezultatet e zgjedhjeve:
LVV – 41.99%
PDK – 22.68%
LDK – 17.90%
AAK – Nisma – 7.56%
Lista për familjen – 2.29%
KOSOVË- Presidentja e Republikës së Kosovës ka përgëzuar qytetarët për pjesëmarrjen dhe kulturën e lartë demokratike të treguar në këto zgjedhje, duke vlerësuar rëndësinë e një procesi të qetë dhe transparent. Ajo ka shprehur pritshmërinë që Komisioni Qendror i Zgjedhjeve (KQZ) do të përfundojë me sukses numërimin e votave brenda mbrëmjes së sotme.
Megjithatë, pas rënies së faqes së KQZ-s Presidentja ka bërë thirrje për mbrojtjen e integritetit të procesit zgjedhor, duke siguruar që çdo votë të numërohet saktë dhe në përputhje me vullnetin qytetar. Ajo ka theksuar se do të mbetet në kontakt me të gjitha institucionet përkatëse deri në sigurimin e plotë që procesi i numërimit dhe publikimit të rezultateve të zhvillohet sipas standardeve më të larta demokratike.
KOSOVË- Kryetari i Istogut, Ilir Ferati, ka shpallur fitoren e LDK-së në këtë komunë. Ai përmes një postimi në Facebook Ferati ka shkruar se LDK ka dalë fituese në Istog. Gjithashtu ai ka theksuar se ky rezultat është dëshmi e mbështetjes së qytetarëve dhe e punës së qeverisjes komunale në shërbim të të gjithëve, duke shtuar se angazhimi për fuqizimin e LDK-së do të vazhdojë edhe në të ardhmen.
Postimi i tij:
Të nderuar qytetarë, Faleminderit për kulturën e lartë demokratike të treguar gjatë procesit zgjedhor të sotëm! Jam thellësisht mirënjohës për besimin tuaj ndaj Lidhjes Demokratike të Kosovës në Istog, e cila ka dalë fituese në këto zgjedhje.
Ky rezultat është dëshmi e mbështetjes suaj dhe e angazhimit të palodhur të strukturave tona, si dhe e punës së madhe të qeverisjes sonë komunale në shërbim të të gjithë qytetarëve, pa dallim.
Mbetemi të përkushtuar në misionin tonë dhe besojmë në fuqizimin e mëtejshëm të LDK-së në të gjitha proceset që na presin.
Një falënderim i veçantë për strukturat tona të përkushtuara besnikëria dhe puna juaj maratonike janë forca jonë kryesore! Jam krenar për secilin prej jush.
Të dashur qytetarë, në ditët në vijim do të presim rezultatet përfundimtare nga KQZ dhe përmbylljes së këtij procesi demokratik.
Me respekt,
Iliri
KOSOVË- Kryetari i degës së Partisë Demokratike të Kosovës (PDK) në Skenderaj, Sami Lushtaku, ka shpallur fitoren e thellë të PDK-së në këtë komunë, duke falënderuar qytetarët për përkrahjen masive. Sipas Lushtakut, PDK ka marrë 17,000 vota, duke siguruar një rezultat bindës prej mbi 80% në këtë bastion tradicional të saj.
“Faleminderit Skenderaj për 17,000 vota e për fitoren tonë të thellë me mbi 80%! Mirënjohës përjetë!”, ka shkruar Lushtaku në një postim në rrjetet sociale.
Në orën 19:00 në të gjithë Kosovën janë mbyllur vendvotimet për zgjedhjet parlamentare. Procesi i votimit është zhvilluar gjatë gjithë ditës pa ndonjë incident të madh. Sipas KQZ-së, pjesëmarrja e qytetarëve në këto zgjedhje ka qenë e konsiderueshme, ndërsa rezultatet e para pritet të publikohen në orët e ardhshme.
KOSOVË- Një grup aktivistësh të Lëvizjes Vetëvendosje janë mbledhur para selisë së partisë e këndojnë këngën për Mitrovicën. Ndërkohë vazhdimisht po lëvizin edhe vetura me flamuj të Lidhjes Demokratike të Kosovës para këtij subjekti politik.
Edhe simpatizantët e Partisë Demokratike të Kosovës lëviznin me makina pranë zyrës së LVV-së duke brohoritur PDK. Siç shihet edhe në pamje një grup aktivistësh kanë zgjedhur të këndojnë këngë patriotike, ndërkohë mbajnë në duar edhe flamujt kuq e zi.
KOSOVË- Komisioni Qendror i Zgjedhjeve në Kosovë vijon të publikojë rezultatet zyrtare që vijnë nga qendrat e numërimit të votave të zgjedhjeve të kësaj të diele. Vendin e parë e kryeson Lëvizja Vetëvendosje me 37.50% të votave, ndërsa në vend të dytë është PDK me 29.8%. Sipas rezultateve të deritanishme të zgjedhjeve në Kosovë, të publikuara nga Komisioni Qendror i Zgjedhjeve atje, Lista Srpska dhe Koalicioni për Familje, nuk e kalojnë pragun e 5%.
Rezultatet e publikuara:
Lëvizja Vetëvendosja - 37.50% të votave
Partia Demokratike e Kosovës (PDK) - 29.8%
Lidhja Demokratike e Kosovës (LDK) - 16.29%
Aleanca për Ardhmërinë e Kosovës (AAK) 7.92%
Lista Srpska - 2.28%
Koalicioni për Familje - 2%
KOSOVË- Koalicioni i organizatave jo-qeveritare “Demokracia në Veprim” (DnV) ka mbajtur një konferencë për media ku ka publikuar edhe rezultatet paraprake sipas të dhënave që ka marrë nga qendrat e numërimit të votave.
Sipas rezultateve të DnV e para që krteson është LVV 40.4%, PDK e dyta me 21.7% dhe LDK e treta me 17.5%.
REZULTATET SIPAS “DnV”
LVV 40.4% – 47 deputetë
PDK 21.7% – 25 deputetë
LDK 17.5% – 20 deputetë
AAK 7.2% – 8 deputetë
Koalicioni “Për familjen” – 2.4% të votave (nuk merr deputetë)
KOSOVË- 23% e votave në Kosovë janë numëruar deri më tani. Mësohet se nga votat e numëruara kryeson Lëvizja Vetëvendosje me 55% të votave.
Ndërkohë që e dyta vijon Partia Demokratike e Kosovës me rreth 25% e votave, ndërkohë që në vend të tretë është Lëvizja Demokratike e Kosovës me rreth 9%. Ndërsa Koalicioni AAK dhe NISMA kanë 5% të votave.
KOSOVË- Faqja zyrtare në internet e Komisionit Qendror të Zgjedhjeve po bie vazhdimisht. Dy orë pas mbylljes së vendvotimeve dhe fillimit të numrimit të votave faqja e KQZ ka shfaqur probleme duke mos shfaqur të dhënat që kërkohen.
KOSOVË- 5% e votave në Kosovë janë numëruar deri më tani. Mësohet se nga votat e numëruara kryeson Lëvizja Vetëvendosje me 37.18% të votave.
Ndërkohë që e dyta vijon Partia Demokratike e Kosovës me 25.10% e votave, ndërkohë që në vend të tretë është Lëvizja Demokratike e Kosovës me 17.28%. Ndërsa Koalicioni AAK dhe NISMA kanë 8.86% të votave.
KOSOVË- Numërimi i fletëve të votimit ka nisur ditën e sotme në Kosovë. Pas përfundimit të votimit, KQZ-ja ka mbledhur kutitë e votimit në qëndrat e votimit dhe ka nisur numërimi i votave.
Në orën 19:00 në të gjithë Kosovën janë mbyllur vendvotimet për zgjedhjet parlamentare. Procesi i votimit është zhvilluar gjatë gjithë ditës pa ndonjë incident të madh. Sipas KQZ-së, pjesëmarrja e qytetarëve në këto zgjedhje ka qenë e konsiderueshme, ndërsa rezultatet e para pritet të publikohen në orët e ardhshme.
