Rikthehen tensionet në veri të Kosovës! Serbët në protestë, forcat e KFOR-it rrethojnë komunat, vihen tela me gjemba
Tensionet në veri/ Rakiç shkon në Zveçan, i kërkon KFOR-it që Ilir Peci, të mos hyjë në...
Tensionet në veri/ Rakiç shkon në Zveçan, i kërkon KFOR-it që Ilir Peci, të mos hyjë në...
Procesi i dialogut/ Von Cramon vizitë në Kosovë, takohet me Kurtin: Të zbatohet sa më shpejt Marrëveshja e Ohrit ...
'Ka zyra shteti që ua përplasin derën njerëzve në fytyrë'/ Rama: Disa drejtues sillen si bajraktarë, rrezik i...
Ukraina furnizohet me avionë F-16/ Kërcënon, Lavrov: Perëndimi po luan me zjarrin 28 Maj, 14:44 GODITJE pa...
•Një zjarr i madh ka përfshirë ditën e sotme godinën e kompanisë Elkos në Pejë. •Si pasojë e zjarrit, 8 persona janë lënduar, pasi shfaqën probleme të shumta në frymëmarrje. • Zjarri ka djegur çdo gjë që ishte brenda godinës, ndërsa mësohet se fillimisht nisi në një nga depot e më pas u përhap.• Biznesi rezulton të jetë në pronësi të biznesmenit Ramiz Kelmendi, i cili dyshohet se edhe ai është asfiksuar. • Qytetarët e lënduar janë jashtë rrezikut për jetën.
3 artikuj për këtë temë.
KOSOVË- Pronari i qendrës tregtare, Ramiz Kelmendi tregon se ka tentuar të shuajë zjarrin që përfshiu fillimisht biznesin e tij duke hyrë vetë në depo. Bizesmeni tregoi për mediat se gati ka ngelur brenda i bllokuar nga flakët, të cilat po përhapeshin me shpejtësi.
“Unë edhe vet hyra, gati mbeta brenda. Kur e pash gjendjen, hyra të ndërhyj në shuarjen e zjarrit por ishte e kotë. Depoja është 200 mijë metra katrorë, më e madhja në Kosovë e në rajon. Në momentin kur zjarri ka përfshirë depon, nuk ka qenë askush brenda,”- ka thënë Kelmendi.
Në fillim janë përfshirë nga flakët e zjarrit depot, më pas edhe qendra tregtare ELKOS Center në Pejë. Zëdhënësi i policisë për Pejën, Fadil Gashi, ka bërë të ditur se policia dhe zjarrfikësit ndodhen në vendin e ngjarjes. 8 persona janë dërguar në spital si pasojë e problemeve me frymëmarrjen për shkak të zjarrit.
KOSOVË- Një ndërtesë është përfshirë nga flakët mëngjesin e sotëm në Pejë, ku të paktën 8 persona deri tani janë dërguar në spital. Emergjenca e Spitalit të Përgjithshëm në Pejë ka konfirmuar se personat e dërguar në spital si pasojë e problemeve me frymëmarrjen për shkak të zjarrit, po trajtohen dhe gjëndja e tyre është jashtë rrezikut për jetën.
“Në Spitalin e Përgjithshëm në Pejë deri më tani janë duke u trajtuar 8 pacientë nga rasti i djegies së një objekti në Pejë. Pacientët janë duke u trajtuar tek Spitali ynë dhe gjendja e tyre është stabile dhe jashtë rrezikut për jetë dhe janë raste kryesisht të helmuar nga tymi”, -thuhet në njoftim.
Lidhur me rastin ka folur edhe zëdhënësi i Policisë së Pejës, Fadil Gashi, i cili ka thënë se bëhet fjalë për një depo që është në afërsi të kompanisë ELKOS. Në vendngjarje ndodhen forcat e policisë së bashku me zjarrfikësit, të cilët po hetojnë mbi shkakun e rënies së zjarrit në depo.
KOSOVË- Zjarr masiv në qytetin e Pejës. Mediat në Kosovë, bëjnë të ditur se zjarri ka nisur në një depo që është në afërsi të 'ELKOS'.
Në fillim janë përfshirë nga flakët e zjarrit depot, më pas edhe qendra tregtare ELKOS Center në Pejë. Zëdhënësi i policisë për Pejën, Fadil Gashi, ka bërë të ditur se policia dhe zjarrfikësit ndodhen në vendin e ngjarjes.
“Depotë janë përfshi nga flakët, pastaj është përfshi nga zjarri edhe qendrat tregtare ELKOS-it. Në vend ngjarje kanë dalë të gjitha njësitë e zjarrfikësve nga të gjitha rajonet e tjera”, ka thënë Gashi.
Nuk dihet nëse ka viktima apo njerëz të lënduar.
