Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Shtëpia e të moshuarve në Fier është përfshirë nga flakët pasditen e kësaj të mërkure duke shkaktuar panik tek të moshuarit. •Ngjarja ka ndodhur rreth orës 15:30. •Zjarri ka ardhur si pasojë e një shkëndije elektrike të ndodhur në godinën pranë shtëpisë së të moshuarve.• Fillimisht flakët janë pikasur në katin e dytë, duke shkaktuar dëme materiale ndërkohë që në panik 51 të moshuarit mes tymit e flakëve kanë dalë në oborr. •8 prej tyre janë transportuar në spital për të marrë ndihmë mjekësore. •Ndërsa, lidhur me rastin ka reaguar edhe kryebashkiaku, Armando Subashi i cili ka thënë se zjarri ka qenë aksidental dhe nuk ka patur rrezik në njerëz. •Sakaq, edhe të moshuarit e tjerë janë evakuuar, ndërsa një prej tyre ka treguar se dalja nga godina ka qenë e vështirë për shkak të tymit që përshkoi katin e dytë. •Zjarrfikësit po punojnë për të normalizuar situatën.
4 artikuj për këtë temë.
FIER- Mes panikut për incidentin e papritur, të moshuarit e azilit të Fier kanë treguar momentin kur ndërtesa u përfshi nga flakët dhe përpjekjet për të dalë sa më parë. Një prej të moshuarave tregon se ajo ka qenë në dhomë në momentin kur ka ndjerë aromën e tymit e më pas ka rënë alarmi për zjarr. Ajo gjithashtu tregon se ka qenë e vështirë dalja përmes shkallëve pasi tymi kishte mbuluar gjithë godinën.
“Kur unë e pashë, tymi po vinte. Gjithmonë sirena bie për një incident të vogël. Kur e pashë tymin i thashë shoqes së dhomës çohu se po mbushet shtëpia me ty. Dhe ikëm avash avash, kur shkuam te shkallët e dyta nuk u mbushëm dot me frymë. Pastaj erdhën dhe na ndihmuan. Nuk ka pasur incidente. Kam 6 vite këtu dhe nuk ka bërë vaki. Shkëndija elektrike çfarë nuk mund të japi. Ishim të gjithë brenda. Ka ardhur i gjithë tymi brenda dhe u bllokuam brenda. Jemi të gjithë brenda. Asnjë nuk prek shyqyr Zotit. Ishte një moment paniku por jo i dëmshëm”, tha një tjetër.
Ngjarja ka ndodhur rreth orës 15:30. Zjarri ka ardhur si pasojë e një shkëndije elektrike të ndodhur në godinën pranë shtëpisë së të moshuarve. Fillimisht flakët janë pikasur në katin e dytë, duke shkaktuar dëme materiale ndërkohë që në panik 51 të moshuarit mes tymit e flakëve kanë dalë në oborr.
FIER- Detaje nga zjarri që përfshiu shtëpinë e të moshuarve pasditen e sotme në Fier. Mësohet se 8 të moshuar janë transportuar në spital për trajtim mjekësor pasi ishin asfiksuar. Ndërsa policia konfirmoi se zjarri ka rënë në katin e dytë të ndërtesës si pasojë e një shkëndije elektrike në banesën ngjitur. Megjithatë lidhur me ngjarjen ka reaguar edhe kryebashkiaku, Armando Subashi i cili tha se ka qenë një zjarr aksidental dhe më pas tymi është përhapur në një pjesë të ndërtesës ku ndodhet kuzhina dhe mensa.
“Zjarri ka ndodhur në një orar ku nuk mensë dhe kuzhinë nuk ka pasur persona. Me punën që do të bëjmë sonte besoj se çdo gjë do të kthehet në gjendjen e mëparshme. Përgjithësisht nuk kemi dëme në pjesën e godinës dhe besoj se deri nesër do ta kthejmë në gjendjen e mëparshme”, tha Subashi duke theksuar se shumica e të moshuarve janë në gjendje të mirë.
Të paktën 5 autoambulanca janë larguar nga shtëpia e të moshuarve në drejtim të spitalit, ndërsa dy të tjera ndodhen në vendin e ngjarjes. Asnjë prej të moshuarve nuk është në rrezik për jetën.
FIER- Dalin pamjet nga momenti kur të moshuarit transportohen nga shtëpia e të moshuarve në Fier, drejt ambulancës pasi u asfiksuan nga zjarri që përfshiu ndërtesën pasditen e sotme.
“Janë dy të paralizuar!’ Dëgjohet njëri të thotë ndërsa ambulanca afrohet për t'i dhënë ndihmën e parë të moshuarve.
Pasi ambulanca largohet, në një plan tjetër shihet një punonjës i zjarrfikëse hipën në katin e dytë për të hequr tendat me qëllim që të mos marrin flakë.
Policia informoi se zjarri ka rënë në katin e dytë rreth orës 15:30 Të gjithë të moshuarit janë evakuuar dhe disa prej tyre janë dërguar në spital për asistencë mjekësore.
FIER- Një incident i rëndë ka ndodhur pasditen e kësaj të mërkure në shtëpinë e të moshuarve në Fier, e cila është përfshirë nga flakët. Sipas burimeve paraprake shkak është bërë një shkëndije elektrike e shkaktuar në banesën ngjitur. Të moshuarit po transportohen me urgjencë në spitalin rajonal të Fierit pasi disa prej tyre janë të asfiksuar.
"Fier/Informacion paraprak Rreth orës 15:30 në shtëpinë e të moshuarëve Fier, në katin e dytë, ka rënë zjarr. Shërbimet e Policisë dhe shërbimet zjarrëfikëse ndodhen në vendngjarje dhe po punojnë për fikjen e zjarrit. Të gjithë të moshuarit janë evakuuar dhe disa prej tyre janë dërguar në spital për asistencë mjekësore pasi nuk janë ndjerë mirë për shkak të tymit. Grupi hetimor po punon për zbardhjen e shkakut të rënies së zjarrit", njofton policia.
