Zjarret në Hawaii/ 93 të vdekur nga zjarret më vdekjeprurëse në SHBA në mbi 100 vjet

Jason Momoa

SHBA- Jason Momoa ka paralajmëruar turistët që të mos udhëtojnë në Maui, pasi ishulli përpiqet të shërohet nga zjarret shkatërruese. Aktori vendas nga Hawaii n shkroi në Instagram: Maui nuk është vendi për të kaluar pushimet tuaja tani. Mos udhëtoni! Mos e bindni veten se prania jote është e nevojshme në një ishull që po vuan.

Më shumë se 90 njerëz janë konfirmuar të vdekur nga zjarret që shkatërruan qytete, përfshirë Lahaina-n historike.

"Sa më pak vizitorë në ishull të marrin burime kritike që janë bërë jashtëzakonisht të kufizuara, aq më mirë është për vendasit,"- shtoi aktori.

Zjarret, të cilat filluan të martën, u nxitën nga një verë e thatë dhe erërat e forta nga një uragan që kalonte. Tani ato janë kryesisht nën kontroll, megjithëse përpjekjet për shuarjen e plotë të tyre po vazhdojnë në pjesë të ishullit. Ato ishin zjarret më vdekjeprurëse që SHBA ka parë që nga zjarri i Kampit të vitit 2018 në Kaliforni, i cili vrau të paktën 85 njerëz./BBC

zjarret ne Hawaii

Numri i të vdekurve nga zjarret në Hawaii ka shkuar në 93, sipas të dhënave të fundit të publikuara nga autoritetet e qarkut Maui. 

Guvernatori i Hawaiit, Josh Green, paralajmëroi në një konferencë shtypi dje pasdite se numri i të vdekurve do të vazhdojë të rritet, pasi të identifikohen më shumë viktima.

Qentë e trajnuar për të zbuluar kufomat kanë mbuluar vetëm 3 për qind të zonës së kërkimit, tha shefi i policisë së Maui, John Pelletier.

Zjarri ka shkrumbuar çdo gje në ishullin Hawaii

Të paktën 89 njerëz kanë vdekur nga zjarret në ishullin Hawaii, një numër i madh që ka tërhequr kritika për mënyrën se si autoritetet trajtuan një nga fatkeqësitë natyrore më të këqija në historinë e fundit të arkipelagut amerikan. Zjarret kanë marrë jetën e të paktën 89 personave, siç njoftoi guvernatori i shtetit John Green, duke paralajmëruar se numri i viktimave mund të rritet, raportojnë mediat e huaja. 

"Ne kemi numëruar 89 të vdekur", tha Green. “Do të vazhdojë të rritet. Ne duam që njerëzit të përgatiten për të”, shtoi ai.

Banorët, ende në gjendje shoku, kanë filluar të shohin shkallën e shkatërrimit në Laheina. “Gjithçka u shkatërrua, gjithçka. Po më thyhet zemra”, tha 80-vjeçari Anthony Garcia, i cili prej 30 vitesh ka zgjedhur Lahainën si shtëpinë e tij. 

Rreth tij, të mbijetuarit kërkojnë me shpresën për të gjetur foto ose objekte. Nga dyqanet, hotelet dhe restorantet që i dhanë karakterin e qytetit turistik me 13.000 banorë, nuk ka mbetur pothuajse asgjë.

Në këtë peisazh rrënimi, banorët po përpiqen të kuptojnë se si mund të kishte marrë përmasa të tilla kjo tragjedi. Kështu veproi edhe gjyqësori, duke urdhëruar një hetim për menaxhimin e krizës nga autoritetet lokale. Maui përjetoi ndërprerje të shumta të energjisë gjatë krizës, dhe numri i urgjencës 911 ndaloi së punuari në disa pjesë të ishullit, ndërsa sirenat e alarmit të zjarrit nuk u aktivizuan. Ekipet e kërkimit dhe shpëtimit, të ndihmuar nga qen të trajnuar, kanë mbërritur në Maui për të kërkuar viktima.