Zjarr në Astir/ Digjen 4 mjete, 8 të plagosur, dyshohet se iu vu tritol mjetit të biznesmenit Dritan Llanaj

E moshuara

TIRANË- Një e moshuar ka deklaruar për mediat se nuk do të kishte shpëtuar e gjallë nga zjarri në Astir, nëse nuk do ishte për nusen e saj. Gruaja e cila u shpëtoi flakëve të zjarrit deklaroi se kanë dëgjuar shpërthime e britma të qytetarëve e fëmijëve. 

'Shpëtuam, dolëm të parët, u strehuam te një i njohuri jonë. Kishin shumë probleme, britmat e fëmijëve i kam dëgjuar, më mirë mos t'i kisha pa. Nuk kam parë zjarrëfikëse. Po kishte shpërthim, krisëm. Nuk e kam dëgju, e ka dëgju nusja, ajo më coi mua. Për vete isha djeg aty, shyqyr më nxorri nusja. Kanë dëgjuar krisëm, për sa nuk e di. '- tha një e moshuar. 

Zjarri që u vu në orët e para të mëngjesit në garazh dëmtoi katër makina dhe la të plagosur tetë persona. Të lënduarit kanë marrë ndihmën e nevojshme mjekësore në spital dhe janë larguar për në banesat e tyre, pasi ndodhen jashtë rrezikut për jetë. Paraprakisht është raportuar se qëllimi i personave që kanë vënë zjarrin ka qenë të djegin një makinë, por situata u ka dalë jashtë kontrollit.  

Sino Llanaj, plagosja

TIRANË- Zjarri në Astir nisi nga makina e e llojit “Range Rover” që është në pronësi të vëllait të Sino Llanajt, biznesmenit të fushës së ndërtimeve që u plagos në janar të vitit 2021 pas një përplasjeje me armë zjarri që ndodhi në ‘Rrugën e Kavajës’. Mësohet se mjeti i Llanajt që është edhe personi që ka ndërtuar pallatin në fjalë ka qenë i parkuar në garazhin e pallatit që mori flakë dhe djegia e tij ka qenë synimi i autorëve që aktivizuan flakët. Zona është rrethuar nga forcat RENEA dhe njësia anti-eksploziv pasi dyshohet se në metin e Lanajt është vendosur një sasi tritoli.

Zjarri në garazh dëmtoi katër makina dhe la të plagosur tetë persona. Të lënduarit kanë marrë ndihmën e nevojshme mjekësore në spital dhe janë larguar për në banesat e tyre, pasi ndodhen jashtë rrezikut për jetë. Paraprakisht është raportuar se qëllimi i personave që kanë vënë zjarrin ka qenë të djegin një makinë, por situata u ka dalë jashtë kontrollit.  

Zjarri në Astir

TIRANË- Ekspertë nga njësia antieksploziv kanë mbërritur në pallatin që u përfshi nga flakët pas mnsatës së kaluar. Mësohet se ata ndodhen në garazhin ku dhe është aktivizuar vatra e zjarrit, e cila dyshohet të ketë qenë e qëllimshme.

Zjarri në garazh dëmtoi katër makina dhe la të plagosur tetë persona. Të lënduarit kanë marrë ndihmën e nevojshme mjekësore në spital dhe janë larguar për në banesat e tyre, pasi ndodhen jashtë rrezikut për jetë. Paraprakisht është raportuar se qëllimi i personave që kanë vënë zjarrin ka qenë të djegin një makinë, por situata u ka dalë jashtë kontrollit.  

Banori në Astir

TIRANË- Një nga banorët e pallatit në Astir ku ra zjarr ka treguar se si shpëtuan familjarët nga godina që mori fjalë. Në një prononcim për mediat, banori tregon se shumë banorë kanë thyer xhamat dhe kanë nxjerrë gratë e fëmiëjt nga dritaret përmes shkallëve lëvizëse. Ai thotë se kanë dëgjuar edhe shpërthime, por pritet që të zbardhen më shumë detaje pas hetimeve.

“Ishim në gjumë kur ra zjarri. Ra poshtë. Morëm ato shkallët që happen dhe thyen xhamat njerëzit e nxorrën gratë e fëmijët. Gjithë çfarë kishin i nxorrën. Reaguan shumë shpejt ata të  zjarrfikëses, erdhën shpejt. Se çfarë ndodhi me zjarrin nuk dimë gjë. S’dimë nëse ka pasur ndonjë shkëndijë apo jo. Dëgjuam shpërthime poshtë në garazh,”- tha banori.

Zjarri u aktivizua pas mensatës së kaluar, rreth orës 01:00. Në total u dogjën katër mjete dhe u plagosën tetë persona. Të lënduarit kanë marrë ndihmën e nevojshme mjekësore në spital dhe janë larguar për në banesat e tyre.

Zjarri në Astir

TIRANË- Zjarri që dogji katër makina dhe la tetë persona të plagosur në Astir dyshohet se ka qenë i qëllimshëm. Sipas ekspertizës e cila nuk ka përfunduar akoma, zjarri është vënë qëllimisht në një prej makinave në garazhin e pallatit në rrugën “Aleksandri i Maqedonisë”. Por flakët janë përhapur dhe për pasojë janë djegur katër mjete e janë plagosur tetë persona.

Zjarri u aktivizua pas mensatës së kaluar, rreth orës 01:00. Të lënduarit kanë marrë ndihmën e nevojshme mjekësore në spital dhe janë larguar për në banesat e tyre.

Zjarrefikesit ne Astir

TIRANË- Ky është momenti kur forcat zjarrëfikëse të cilat luftuan me zjarrin për disa orën, ulen në tokë për të pushuar. Ata mundën të shuanin zjarrin i cili përfshiu garazhin e një prej pallateve. Pas disa orësh zjarri u shua, mirëpo 8 persona mbetën të lënduar. Këta të fundit, morën ndihmën e duhur mjekësore e tashmë ndodhen jashtë rrezikut për jetën. Policia dhe grupi hetimor kanë nisur hetimet për ngjarjen, për të mësuar nëse ishte e qëllimshme apo shkak i një defekti teknik. 

Banesa ne flake

TIRANË- Tym dhe mjegull brenda banesës. Kjo ishte pamja e një prej familjeve në zonën e Astirit, e cila u përball në orët e para të mëngjesit të sotëm me zjarrin që nisi brenda garazhit të një prej pallateve. Qytetarja tregon me video se si është gjendja brenda banesës së saj ndërkohë që bën të ditur se mezi merr frymë e se ndodhet me fëmijë të vegjël në shtëpi. 

“Jemi brenda me fëmijë të vegjël spo marrim dot frymë'- raportoi qytetarja për 'JOQ'.

Nuk dihet nëse qytetarja është në mesin e 8 personave që përfunduan në spital për shkak të asfiksimit. 

Zjarr ne Astir

TIRANË- Këto janë momentet e tmerrit që kaluan mbrëmjen e djeshme banorët në Unazë të Re, në rrugën "Aleksandri i Maqedonisë", pasi një zjarr përfshiu garazhin e pallatit. Sapo ngjarja ndodhi, banorët dolën nga banesat e tyre mirëpo kishte dhe nga ata që mbetën brenda. Thirrjet dëgjohen në videon e ndarë nga 'JOQ' në Instagram, ndërkohë që jashtë pallatit dolën të tjerë banorë të cilët asistuan në largimin e mjeteve nga garazhi e nga rruga. 

Nga zjarri, 8 persona mbetën të plagosur, por fatmirësisht ndodhen jashtë rrezikut për jetën. Grupi hetimor po punon për sqarimin e rrethanave të ngjarjes.

Zjarri ne Astir

TIRANË- Tetë persona të plagosur nga zjarri që përfshiu në orët e para të mëngjesit një prej garazheve të një pallati në Unazën e re, në rrugën 'Aleksandri i Maqedonisë'. Për pasojë u dogjën 4 mjete të cilat ishin të parkuara në garazh. Nuk dihet nëse zjarri ishte aksidental apo ndodhi për shkak të ndonjë defekti. Policia dhe grupi hetimor kanë nisur punë për sqarimin e rrethanave të ngjarjes. 

NJOFTIMI I POLICISË:

Tiranë/Informacion paraprak Më datë 21.06.2022, në Unazë të Re, në rrugën "Aleksandri i Maqedonisë", në orët e para të mëngjesit ka rënë zjarr në një garazh dhe janë djegur 4 automjete. Si pasojë e zjarrit, janë dëmtuar lehtë dhe kanë shkuar për mjekim në spital shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar. Grupi hetimor po punon për sqarimin e rrethanave të ngjarjes.

Pamje nga zjarri në Astir

TIRANË- Banorët e zonës së Astirit janë përballur me një ngjarje të rëndë. Mbrëmjen e djeshme, garazhi i pallatit u përfshi nga flakët e zjarrit. Tymi i zi mbuloi të gjithë pallatin duke sjellë një pamje të frikshme. Në videon e postuar nga Dosja.al dëgjohen britmat e banorëve që kanë mbetur brenda banesave të tyre. 

Nga flakët 8 persona mbetën të plagosur. Nuk dihet nëse zjarri në garazh ishte aksidental mirëpo grupi hetimor ka nisur punën për të zbardhur ngjarjen e plotë.