Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË- Ministrja e Shëndetësisë, Ogerta Manastirliu ka reaguar pas deklaratave të kreut të PD Lulzim Basha, i cili tha se shëndetësia është në kolaps, të pavërteta. (Lexo këtu)
Nëpërmjet një reagimi të gjatë në rrjetet sociale, Manastirliu ka pwrdorur shifrat dhe faktet për të vërtetuar të kundërtën e asaj që artikuloi kryedemokrati Basha në konferencën e zhvilluar mesditen e sotme me temë “Sistemet shëndetësore, vizione dhe sfida”.
Sipas saj, premtimet e Bashës se do bënte ndryshime rrënjësore në shëndetësi, mes të cilave premtoi një pagë 1200 euro për mjekët, tha se ishin thjesht premtime të zbrazura që kanë qëllim të vetëm ardhjen e tij në pushtet.
“Duke folur me vepra në vend të fjalëve. Pagesa për mjekët në spitale bashkë me shërbimin roje që kemi dyfishuar është mesatarisht 920 euro në muaj, ndërkohë që përfitojnë 2.5 milion lekë mbi pagën në muaj.”
Reagimi i ministrisë së Shëndetësisë:
Një pasqyrë ku shqiptarët të shohin gënjeshtrat e Lulzim Bashës për shëndetësinë
Premtim bosh apo mea culpa ishte ky i Kryetarit të PD për shëndetësinë?
Premtim i zbrazët për të ardhur në pushtet përmes artit të gënjeshtrës, që pak kush e njeh si ai, apo mea culpa për trajtimin që qeveritë e njëpasnjëshme ku ai ka qenë pjesë e rëndësishme, u kanë bërë profesionistëve të shëndetit?
Zotohet me shpresën që do u hedhë hi syve punonjësve të sektorit të shëndetësisë, apo bën mea culpa për një kohë kur, denigrimi i mjekëve dhe infermierëve nuk shprehej vetëm me një trajtim financiar qesharak, por edhe me kushte pune të mjera, ku minjtë proverbialë ishin po aq të kudogjendur, sa edhe gënjeshtrat në fjalimet e Kryetarit të PD për shëndetësinë.
Një kohë që ka ikur, për të mos u kthyer kurrë më!
Kur flet për shëndetësinë në gjendje kome, ka parasysh gërmadhat që la pas qeveria e tij, apo 80 qendrat shëndetësore ku qytetarët shqiptarë kanë filluar tashmë të marrin shërbime cilësore dhe me standarte. Të cilat deri në fund të mandatit, do të bëhen 300.
Kur flet për keqmenaxhim të burimeve njerëzore, e ka fjalën për fenomenin e punësimeve me pagesë nën dorë të infermierëve, në kohën e qeverisë ku Kryetari PD-së ishte pjesë, apo e ka fjalën për ndalimin absurd të specializimeve të mjekëve, që krijoi një boshllëk të rrezikshëm në plotësimin e spitaleve rajonale me profesionistë të shëndetit? Se me siguri nuk ka si të jetë duke folur për realitetin sot, ku infermierët punësohen vetëm falë MERITËS, nëpërmjet një procesi transparent, që është vite drite larg atyre që nxjerr nga goja kryetari i PD.
Kur flet për Buxhetin më të ulët, kthehet me mendjen e tij në kohën e Buxhetit mjeran që qeveria e tij i akordonte sektorit të shëndetësisë? Se me siguri, nuk e ka fjalën për Buxhetin që merr Shëndetësia sot, 43.3% më i lartë se në 2013-ën.
Kur flet për barnat, e ka fjalën për 40 milionë USD borxhe vetëm në sektorin e Shëndetësisë, që u trashëguan nga qeveria e tij, ku edhe serumi e barnat bazë, rrallëkund gjendeshin në spitale? Se me siguri, nuk ka si të jetë duke folur për realitetin e sotëm, ku tashmë ne kemi plotësuar Listën esenciale të barnave në çdo spital, kemi rritur 30 milion USD buxhetin e barnave të rimbursueshme, i kemi dhënë një herë e përgjithmonë zgjidhje furnizimit me herceptinë, një bar të cilin sot e merr falas çdo grua, e cila vuan nga kanceri i gjirit.
Kur flet për oligarkët në sistemin farmaceutik, ka në mendje çmimet abuzive, të cilët nuk njohën një herë ulje në kohën e qeverisë ku shërbeu devoshmërisht edhe kryetari i PD, e kur barnat bliheshin më shtrenjtë se sa në vendet e origjinës? Se nuk ka si të jetë duke folur për çmimet e barnave sot, ulja me 30% e të cilave, u ka kursyer shqiptarëve mbi 70 milionë dollarë.
Kur flet për rritjen e pagave për mjekët dhe infermierët, e ka fjalën për pagat tallëse të një kohe që nuk vjen më? Se me siguri, nuk ka si të jetë duke folur për rritjen 35% që kjo qeveri u ka bërë pagave në 5 vite. Pagesa për mjekët në spitale bashkë me shërbimin roje që kemi dyfishuar është mesatarisht 920 euro në muaj, ndërkohë që përfitojnë 2.5 milion lekë mbi pagën në muaj, kur shërbejnë aty ku ka mungesa për mjekë specialistë, të shkaktuara prej politikës dritëshkurtër të atyre që sistemin shëndetësor e çuan në kolaps.
Kur lexon mundimshëm shifrat që i vënë para për treguesit shëndetësorë, flet për një kohë kur të sëmurët humbnin jetën në urgjenca kardiake, për shkak se u vihej dryni pas orës 16:00, si dhe në fundjavë? Se me siguri që nuk e kanë informuar për më shumë se 3600 jetë të shpëtuara qysh prej fillimit të funksionimit të kësaj urgjence 24/7, as për 28400 qytetarët që kanë përfituar FALAS paketat e kardiologjisë në spitalet publike dhe jo-publike. duke u kursyer qytetarëve më shumë se 60 milion euro.
Kur përmend renditjen ndër vendet e Evropës, ka parasysh përjashtimin që u bënte qeveria e tij qytetarëve të pasiguruar, të cilët duhej të shkundnin xhepat, edhe kur vizitoheshin nga Mjeku i Familjes? Se nuk ka si të jetë duke folur për 600 mijë të PASIGURUARIT, që sot përfitojnë nga skema e rimbursimit çdo shërbim shëndetësor FALAS, duke ndjekur sistemin e referimit.
Kur sulmon verbërisht partineritetet publik-privat, e ka fjalën për pagesën 8100 lekë nga xhepi që çdo qytetar paguante për kontrollin e përvitshëm, apo për veglat e ndryshkura, që e kishin kthyer bashkëjetesën me infeksionet në një normalitet të hapësirave tona spitalore? Sepse me siguri nuk e ka fjalën për analizat mjekësore, që sot shqiptarët i përfitojnë FALAS, pranë çdo qendre shëndetësore, kudo ku jetojnë, as për standartet evropiane me të cilat kryhen sot ndërhyrjet operatore, në çdo sallë operacioni në spitalet tona. Pa përmendur dializantët, që e mbajnë mirë mend kohën kur duhej të udhëtonin 4-5 orë për një seancë dhe sot e marrin shërbimin pranë vendbanimit, me standarte të larta.
Qytetarëve shqiptarë u vlejnë këto fakte dhe qindra të tjera, si një pasqyrë e mirë për t’ia vënë përballë kryetarit të arratisur opozitar, sa herë që zgjohet dhe hap thesin e të pavërtetave për sistemin e shëndetësisë.
Për sa na takon, do të vazhdojmë të punojmë çdo ditë për ta përmirësuar sistemin, të vetëdijshëm se ka ende shumë gjëra që duhet të përmirësojmë, se ka ende premtime që duhet të përmbushim, se ende nuk kemi mbërritur atje ku duam të na shpjerë vizioni që ne kemi për shëndetësinë.
Duke folur me vepra në vend të fjalëve. Të bindur për aftësinë dhe mençurinë që kanë qytetarët shqiptarë, për të bërë dallimin mes kujt flet me punë dhe kujt me gënjeshtra.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Pas thirjes që kryetari i Partisë Republikane, Flamur Mediu, i bëri dje, presidenti Ilir Meta pritet të takojë të martën krerët e partive të vogla....
TIRANË– Për rikonstruksionin e Piramidës, premtim ky i bërë nga Erion Veliaj që prej 2016-ës, ka reaguar zëdhënësja e Partisë Demokratike, Ina Zhupa.Përme...
TIRANË- Ambasadori i Bashkimit Evropian në Shqipëri, Luigi Soreca, ka shkuar sot në zyrën e kryetares së LSI, Monika Kryemadhi.Takimi nisi në pasditen e s...
Deputeti i futur në parlament nga listat e kryetarit të partisë Demokratike, Lulzim Basha, Arlind Çaçani ka një parashikim të errët për demokratët...
TIRANË- Deputeti i Bundestagut, Christian Petry, gjatë vizitës së tij në Tiranë ka zhvilluar dhe një konferëncë më mediat në ambientet e Ambasadës Gjermane...
Tiranë- Ish-ministri i Drejtësisë Ylli Manjani është shprehur se në vendin tonë nuk ka demokraci pasi sipas tij të paktën gjysma e popullit është sot jashtë sis...
TIRANË– Ish-deputeti i Lsi, Petrit Vasili e quan vjedhje heqjen e gërmave të Teatrti Kombëtar. Në një reagim në Facebook, Vasili shkruan se heqja e gërmave...
Për heqjen e gërmave të Teatrit Kombëtar, ka reaguar dhe ish-deputetja e Partisë Demokratike, Albana Vokshi e cila shprehet se këtë godinë do ta mbrojnë me &cc...
Në një deklaratë për shtyp, Kryetarja e LSI-së përmendi edhe bashkëshortin e saj Ilir Metën, teksa theksoi se ka ikur koha kur LSI-ja kishte hallin e Metës për ...
Kryetarja e LSI-së, Monika Kryemadhi nënkuptoi një kërcënim me vrasje teksa tha se Rama ka veshur nënat me të zeza për bijtë e humbur por ‘çdo shtëpi e k...
