Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
SPANJË– ‘El Pais’ ka vendosur t’i dedikojë një shkrim pritjes së emograntëve afganë në Shqipëri që ikën pasi talibanët pushtuan Afganistanin. Në një artikull të botuar, janë publikuar dëshmitë e shumë prej afganëve që janë strehuar buzë Adriatikut, në Shëngjin. Nuk harrohet të përmendet që emigrantët janë pritur me shërbime me ‘5 yje’ në një nga resortet më të shtrenjta në zonë, pavarësisht jetës që bëjnë shqiptarët zakonisht. Në shkrim, El Pais shton se kryeministri Edi Rama, pas afganëve, është i gatshëm të presë edhe ukrainasit.
Shkrimi i plotë i EL Pais
Era trazon ujin e pishinës, duke goditur skajet. Ajri është i lagësht dhe përzihet me kripësinë e detit Adriatik. Basir Nader shikon qiellin e mbuluar me re. “Aty ku jetojmë është më ftohtë”, thotë ai duke rregulluar syzet. Kujtimi i atdheut të tyre është tashmë 5418 kilometra larg, përtej Ballkanit. Nader është një gazetar afgan. Ai u largua nga Kabuli me gruan dhe dy vajzat e tij sepse ishte kërcënuar.
Kur Afganistani ra në duart e talebanëve, puna e një gazetari u bë jashtëzakonisht e rrezikshme. Sidomos për Naderin, i persekutuar nga fundamentalizmi islamik për shkak të origjinës së tij.
“Ditën që mbërritëm në aeroport, pati një sulm vetëvrasës me vdekje të panumërta. Ne ishim aty kur shpërtheu”, kujton ai, duke iu referuar sulmit të dyfishtë vetëvrasës që përhapi panik rreth aeroportit të Kabulit më 27 gusht.
Por Nader nuk e kishte imagjinuar kurrë që fluturimi ndërkontinental do ta çonte në Shqipëri, një vend për të cilin nuk dinte asgjë, i vendosur në anën tjetër të botës. Dhe gjithashtu një vend që ofronte komoditet dhe rehati. Ai dhe familja e tij janë strehuar në dhomat e Rafaelo Resort, me pesë yje në Shëngjin, në qytetin e Lezhës, një nga perlat e turizmit shqiptar.
Në zemër të kompleksit hotelier është e vendosur edhe Statuja e Lirisë. Është një suva, por paraqet dëshirën dhe ëndrrën e 900 mysafirëve që duan të prekin tokën amerikane.
Sepse atje duan të shkojnë të mërguarit afganë. Është një grup mjekësh, ndihmash, aktivistësh dhe gazetarësh që kanë pasur marrëdhënie me fuqitë perëndimore në 20 vitet e fundit, të cilët nuk shihen mirë nga regjimi i sapolindur dhe për këtë arsye janë evakuuar. Sot, kafazi i ‘tyre’ i praruar është një hotel luksoz në brigjet e detit Adriatik. Këtu ata presin që tu përmbushet fati.
“Rastet tona po shqyrtohen nga Departamenti i Punëve të Jashtme të Shteteve të Bashkuara. Marrja e vizës zgjat nga 12 deri në 14 muaj. Ndoshta do të jemi këtu edhe për një kohë të gjatë,”- shton Nader.
Solidariteti ndërkombëtar
Kryeministri shqiptar Edi Rama ka deklaruar se së shpejti do të shpallë një plan pritjeje për ukrainasit që po largohen nga vendi i tyre si pasojë e pushtimit rus dhe se është i gatshëm të garantojë mbrojtje për të gjithë ata që vijnë. Ky vendim politik të kujton një moment tjetër në verën e vitit 2021, kur qeveria shqiptare nuk hezitoi t’u hapte dyert e vendit refugjatëve nga Afganistani. Gjesti i Shqipërisë shkaktoi habi në të gjitha vendet, veçanërisht në Itali, vendi europian që ka më shumë marrëdhënie me Tiranën.
Mediat kanë kujtuar zbarkimin e anijes Vlora. Pikërisht 30 vjet më parë, më 8 gusht 1991, rreth 20.000 shqiptarë, të ngjeshur në anije, mbërritën në bregdetin italian, me mall për një jetë të re. E shkuara dhe e tashmja. Krahasimi historik me situatën aktuale ka përforcuar forcën e mesazhit të Edi Ramës: ndërsa Bashkimi Evropian i pasur ngre mure selektive, Shqipëria e varfër ishte në gjendje të mirëpriste tragjedinë e popullit afgan.
Megjithatë, jo të gjithë migrantët marrin të njëjtin trajtim.
Sipas gazetës online Balkan Insight, në vitin 2020, një numër në rritje i azilkërkuesve afganë u detyruan të lypin për të mbijetuar. Objektet shtetërore janë të mbingarkuar dhe ka mungesë ushqimi. Për më tepër, rritja eksponenciale e flukseve migratore e shkaktuar nga mbyllja progresive e rrugës ballkanike e ka kthyer Shqipërinë në një vend tranziti drejt Evropës. Sipas vlerësimeve të UNHCR- së, Agjencia e OKB-së për Refugjatët, vetëm nga janari deri në tetor 2021, rreth 9,000 persona u paraqitën në kufijtë shqiptarë.
Për mërgimtarët afganë, historia është e ndryshme. I pari mbërriti më 27 gusht. Aktualisht janë 2400 dhe përveç Shëngjinit janë sistemuar në hotele në Durrës, në lagjen Golem dhe në qytetin Studentor të Tiranës. Sipas vlerësimeve të fundit, 300 prej tyre janë larguar nga vendi dhe janë transferuar në Shtetet e Bashkuara të Amerikës dhe vende të tjera të Bashkimit Evropian.
Colleen Denny, drejtoreshë rajonale për Spirit of America, një organizatë ndërkombëtare e pranishme në Rafaelo Resort, thotë se organizata e saj u ka shërbyer 121 njerëzve.
“Ne ofrojmë ushqim, veshmbathje dhe nevoja elementare. Ne kemi ofruar gjithashtu kujdes mjekësor dhe mbështetje psikologjike: trauma që kanë pësuar refugjatët është e vështirë të përballohet,”- shpjegon Denny.
Refugjatët në qendrën turistike
Forcat e sigurisë ruajnë dyert e resortit. Të moshuarit janë ulur rreth tavolinave në lokal. Rrugët e ngushta që rreshtojnë ndërtesat e hoteleve janë të mbushura me jetë. Vështrimi i Soraya (jo emri i saj i vërtetë) është projektuar përtej dritareve të një dhome ku një klloun është i rrethuar nga fëmijë të gëzuar. Mes tyre është edhe djali i saj, duke luajtur me tullumbace.
“Shqipëria na ka ndihmuar shumë: na ka trajtuar si mysafirë dhe jo si refugjatë. Kjo do të thotë shumë për ne, njerëzit që kemi hequr dorë nga gjithçka,”- thotë e reja. Soraya nuk është emri i saj i vërtetë, ajo kërkon anonimitetin sepse ka lënë pas disa nga të dashurit e saj më të afërt në Afganistan. Ashtu si Nader, ajo është gazetare dhe është krenare për përvojën e saj. Me vështirësi, ajo krijoi një vend për vete në botën e informacionit. Agjencia e lajmeve për të cilën punonte Soraya ishte vetëm për gratë. Kjo nuk ishte mirë me talebanët.
“Në Shtetet e Bashkuara do të më duhet të filloj nga e para: do të gjej një punë dhe do të përpiqem të ndërtoj një karrierë të re,”- shpjegon ajo.
Rafa i kalon ditët në hotel, duke shoqëruar djalin e tij në kurset e anglishtes dhe duke lexuar disa libra.
“Ende nuk mund ta besoj se si ka ndryshuar jeta ime. Shpresoj që dikush të më marrë në telefon dhe të më thotë se gjithçka është si më parë, se gjithçka është në vendin e vet”. Nga ana tjetër, Naseri ka realizuar një ëndërr të vogël: të shohë valët e detit të përplasen në rërë.
“Nuk ka det në Kabul,”- thotë ai. Për të thyer monotoninë e përditshme të hotelit, ai shpesh ecën në qendër të Lezhës me të rinjtë e tjerë afganë që takoi në resort. Për të shkuar dhe për t’u kthyer duhen rreth 14 kilometra. Në Afganistan, Naseri ishte një aktivist politik dhe talebanët hodhën në erë selinë e organizatës së tij. Kujtimi i gjëmimit të bombës i pushon fjalët. Fytyra e tij mban ende shenjat e humbjes
“Në fillim kisha frikë se si do të na prisnin shqiptarët,”- thotë i prekur.
Çfarë mendojnë shqiptarët?
Në verë, Shëngjini është një nga motorët turistikë të Shqipërisë. Mirëpo, në errësirën e dimrit, është një çimento dhe rërë e rrahur nga era e akullt që zbret nga malet në lumin Drin e lan qytetin bregdetar. Këtu, fytyrat e afganëve kanë zëvendësuar fytyrat e errëta të turistëve. Ardem është i vetëdijshëm për vuajtjet që kanë duruar njerëzit e tij. Diaspora shqiptare, eksodi pas rënies së regjimit të Enver Hoxhës, diktatorit që drejtoi Shqipërinë pa ndërprerje për më shumë se 40 vjet, nxori breza të tërë jashtë vendit.
“Unë do të jepja jetën time për këta njerëz, e di se çfarë do të thotë të jetosh luftë, është një turp. I uroj atyre më të mirat, kjo është gjithçka që mund të bëj”, thotë ai.
Frika nga e panjohura dhe vullneti i mirë ndaj mërgimtarëve janë forcat parësore që bashkëjetojnë në ato pak shqiptarë që bredhin rrugëve. Një taksist i mbështetur pas makinës së tij paralajmëron: “Edhe qeveria të mendojë për ne!”
Shqipëria karakterizohet nga pabarazi të thella sociale dhe ekonomike. Struktura e saj institucionale mbetet e brishtë dhe e prekur nga një nivel i lartë korrupsioni, pavarësisht reformave të kryera për të bindur Evropën që ta shtojë atë si një anëtare të re të BE-së. Norma e rritjes së Shqipërisë në vitin 2021 ishte 7.2% sipas Bankës Botërore, por papunësia e të rinjve (15-24 vjeç) kalon 30% , sipas vlerësimeve më të fundit të vitit 2020.
Adelina ka një restorant larg nga Resorti.
“Restoranti im do të ishte mbyllur nëse refugjatët nuk do të ishin aty. Ata janë të kënaqur me kuzhinën tonë, u pëlqen ushqimi ynë,” thotë ajo duke buzëqeshur dhe duke treguar me gisht pjesën e brendshme të restorantit, vendet e të cilit janë të mbushura me klientë afganë. “Në të kaluarën, njerëzit tanë kanë marrë solidaritet nga vendet e tjera. Tani ne po bëjmë pjesën tonë. Ata janë njerëz të mirë dhe kjo është ajo që ka rëndësi,”- përfundon ajo.
Përshtati për Dosja.al: F.M
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Kryeqyteti u zhyt në një kaos e trafik sot kur ishte paralajmëruar se do të ishte një ditë pa makina, por nuk vlen e njëjta gjë për vetë krye...
BERAT– Katër dynym me shkurre kanë marrë flakë dhe janë djegur këtë mesditë. Ngjarja mësohet të ketë ndodhur në Berat, më konkretisht në fshatin Gjerovena...
GJERMANI– Persona të panjohur mbrëmë kanë pikturuar grafite në muret e ambasadës serbë në Stuttgart. Në mure është vendosur logoja e UÇK-së (Ushtr...
DETROIT– Gjykata Federale ka bërë të ditura detaje të reja lidhur me bosin shqiptar të kokainës në Detroit, Ylli Didani. Shqiptari u kap në tentativë për ...
TIRANË– Gazetarja e emisionit “Fix Fare”, Antela Lika është kërcënuar me jetë ndërsa operatorit që e shoqëronte i është thyer kamera. Ngjarja e rëndë...
SHQIPËRI- Gripi i pulave duket se përhapet me shpejtësi kudo! Pas Durrësit, dyshimet se ky grip ka mbërritur dhe në fermat e Divjakës dhe Lushnjes kanë shk...
TIRANË– Ish-kryeministri Sali Berisha ka reaguar sërish pas dorëheqjes së një dite më parë të ish-kreut të Partisë Demokratike, Lulzim Basha nga pos...
KLOS– Një vatër zjarri ka përfshirë ditën e sotme masivin pyjor me dushqe në fshatin “Kujtim” të Bashkisë Klos. Për shkak të erës së fortë, zj...
TIRANË– Iu kërkua dorëheqja dhe e dha! Pas shumë javësh presion, Lulzim Basha deklaroi ditën e djeshme në një konferencë për mediat, gjatë një mbledh...
TROPOJË– Një zjarr i përmasave shumë të mëdha ka përfshirë fshatin Kam të Tropojës. Flakët e zjarrit u shuan herën e parë mirëpo u aktivizuan sërish ...
