Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
ZELANDA E RE- Gjatë ditëve të kaluara, infeksionet e diagnostikuara rishtas kanë qenë relativisht të ulëta në Zelantën e Re. Edhe ditën e djeshme ky shtet raportoi vetëm një rast të ri.
“Kjo na jep besim se ne kemi arritur qëllimin tonë të eleminimit, i cili kurrë nuk do të thotë se e kemi zhdukur virusin, por do të thotë që ne e dimë se nga po vijnë rastet e reja në vendin tonë.”- tha të hënën Ashley Bloomfield, Drejtori i Përgjithshëm i Shëndetit në Zelandën e Re, duke shtuar se kishte vetëm një rast që nga data 1 prill ku autoritetet ende po hetonin burimin e infeksionit.
E hëna ishte dita e fundit pas gati 5 javësh ku vendi ka qenë nën masa të rrepta të bllokimit, të cilat Kryeministja e Zelandës së Re, Jacinda Ardern i përshkroi si “kufizimet më të rrepta” të vendosura nga Zelanda e Re në gjithë historinë e saj.
Të martën, vendi aplikoi planin e lehtësimit të masave për Covid-19. Kufizimet e reja gjithashtu nënkuptojnë që Zelanda e Re po del gradualisht nga kjo gjendje e vështirë, por nuk ja ka dalë ende në luftën kundër Covid-19.
Zelanda e Re ka raportuar 19 vdekje dhe 1,472 raste të konfirmuara nga koronavirusi, sipas Universitetit Johns Hopkins. Mes tyre, 1,214 të infektuar janë rikuperuar, tha të martën Ministria e Shëndetësisë. Por ndërsa suksesi i Zelandës së Re në eleminimin e virusit mund të duket si një arsye për të festuar, Arderni është ende vigjilente sa i përket situatës së këtij virusi vdekjeprurës.
Por çelësi i vërtetë i suksesit të Zelandës së Re mesa duket janë vendimet e shpejta të marra në kohë dhe mbështetja tek shkenca.
Vendimet e marra në kohë
Si shumë vende, Zelanda e Re kishte modele që tregonin se një shpërthim i mundshëm i koronavirusit mund të ishte shkatërrues nëse nuk ndërmerrej ndonjë veprim në kohë. Për dallim nga disa vende të tjera, Zelanda e Re u përgjigj relativisht shpejt.
Kur Ardern njoftoi në 14 mars se kushdo që hynte në vend do të duhet të izolohet për dy javë, ishte ndër kufizimet më të vështira kufitare në botë. Në atë kohë, vendi kishte vetëm gjashtë raste. Kur më 19 mars, Ardern ndaloi të huajt të hynin në vend, kishte 28 raste të konfirmuara.
Dhe në 23 mars, kur Ardern njoftoi se vendi do të duhet të bllokohet, pati 102 raste të konfirmuara, por asnjë viktimë. Ka disa arsye që Zelanda e Re ndërmori një veprim të fortë.
Testimi masiv
Zelanda e Re ka vepruar me sukses sa i përket testimeve, deri në atë pikë sa të mund të kryejë deri në 8,000 teste në ditë, tha Ardern ditën e sotme. Deri më sot, Zelanda e Re ka realizuar 126.066 testime. Në krahasim me Britaninë e Madhe, një vend me rreth 13 herë më shumë njerëz sesa Zelanda e Re, ka realizuar 719.910 teste për Covid-19.
Por shenja e vërtetë që testimi i Zelandës së Re ka ndihmuar në luftën kundërvirusit, është bërë shembull edhe për shumë shtete të tjera.
Të mbështetesh në shkencë
Mësimi i vërtetë nga Zelanda e Re ka qenë kombinimi i shkencës dhe udhëheqjes së mirë, tha profesori Michael Baker, nga Departamenti i Shëndetit Publik të Universitetit Otago, në fillim të këtij muaji.
Gjatë gjithë periudhës së bllokimit, Ardern është shfaqur përkrah Bloomfield në konferenca të rregullta për shtyp, ku Ardern shpesh kalonte pyetje nga media tek ai.
Bloomfieldai është i kualifikuar në mjekësi dhe ka një specializëm në mjekësinë e shëndetit publik. Sipas një deklarate në faqen e internetit të Ministrisë së Shëndetësisë, fusha e tij e veçantë e interesit profesional është parandalimi dhe kontrolli i sëmundjeve jo të transmetueshme.
“Në Zelandën e Re, ajo ka qenë një lidhje e mrekullueshme midis shkencës së mirë dhe udhëheqjes së shkëlqyeshme, dhe të dy së bashku janë që unë mendoj se janë me të vërtetë shumë efektivë. Unë kam qenë vërtet i zhgënjyer që vendet që kanë shumë më tepër raste, absolutisht burimet më të larta shkencore në botë, që janë SHBA dhe Britania e Madhe apo shumë vende të tjera në Evropë, nuk kanë vepruar më mirë sesa vendet si Zelanda e Re e cila ka burime të kufizuara.”- tha Baker.
E ardhmja
Edhe pse Zelanda e Re aktualisht po shihet si një histori suksesi për krizën e koronavirusit, ajo gjithashtu tregon se të fituarit e luftës kundër Covid-19, nuk është një arsye për të shtyrë Zelandën e Re t’i kthehet jetës normale. Njerëzit do të duhet të jetojnë me rregulla.
Ardern theksoi se beteja kundër Covid-19 do të vazhdojë deri sa të ketë një vaksinë. Dhe sikurse vendet e tjera edhe Zelanda e Re është gotidur rëndë në ekonominë e saj.
Turizmi, industria më e madhe e Zelandës së Re ka marrë një goditje të fortë. Shtetasit e huaj janë akoma të ndaluar të hyjnë në vend, por çdo shtetas nga Zelanda e Re që vjen në atdhe do të duhet të karantinohet për 14 ditë.
Ka diskutime se Zelanda e Re dhe Australia do të hapin kufijtë mes njëra-tjetrës, por tani për tani nuk ka asnjë njoftim zyrtar.
Sipas një skenari më të mirë, Thesari i Zelandës së Re vlerësoi se vendi mund të shihte një normë papunësie prej 13%.
Burimi: CNN
A.C/Dosja.al
1 vit nga zgjedhjet e 25 prillit si e shikoni gjendjen e vendit:
BRITANI– Kur e gjithë bota është në krizë përfshirë edhe Britaninë e Madhe, vajza e Boris Johnson duket se nuk e vret fare mendjen se çfarë po ndodh për...
SPANJË– Një spanjoll është gjobitur pasi theu karantinën për të nxjerrë shëtitje peshkun e tij të artë. Pronari i paidentifikuar i kafshës shtëpiake u pika...
SHBA- Presidenti amerikan Donald Trump tha të hënën se ai ka informacion rreth udhëheqësit të Koresë së Veriut, Kim Jong Un dhe se shpreson se ai është mirë me ...
KOLUMBI- Ditën e djeshme është vënë në pranga një terrorist i cili dyshohet se wshtw anëtar i ISIS. Bëhet fjalë për një 29-vjeçar i cili shtypi dy policë...
BRITANI E MADHE– Shkencëtarët kanë shprehur besim në aftësinë e tyre për t’ia dalë mbanë së shpejti, duke rritur shpresat në të gjithë botën se nuk do të duhet ...
ITALI -18 gushti i vitit 2018, zgjoi qytetarët e Gjenovës me një lajm të tmerrshëm që do të mbahet mend në të gjithë historinë e Italisë.Ura “Morandi”, që bashk...
ITALI- 382 persona kanë ndërruar jetë brenda 24 orëve në Itali, duke e çuar numrin total të viktimave në 27.359.Krahasuar me një ditë më parë sërish so...
KOSOVË- I nominuari i Lidhjes Demokratike të Kosovës, Avdullah Hoti, është shprehur se nesër do të finalizohet marrëveshja e koalicionit mes partisë që ai ...
FRANCË– Autoritet në Francë kanë njoftuar se po planifikojnë që rritjen e numrit të testimeve brenda një jave. Sipas mediave të huaja Franca do të nisë së ...
SPANJË- Aktori i njohur i serialit të famshëm spanjoll “La Casa De Papel” Denver, është i lidhur me aktoren e të njëjtit serial , Maria Pedraza e njohur s...
