Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË- Opozita e bashkuar ka zhvilluar protestën e paralajmëruar përpara Parlamentit ku mijëra qytetarë iu bashkuan një proteste paqësore, në dallim nga protesta e datës 16 shkurt, ku u plagosën 19 persona për shkak të përdorimit të gazit lotsjellës. Mbi 2000 policë u angazhuan për mbarëvajtjen e protestës. Me nisjen e grumbullimit të protestuesve, deputetët që dogjën mandatet morën fjalën njëri pas tjetrit. Kryetari i PD, Lulzim Basha dhe kryetarja e LSI, Monika Kryemadhi shkuan tek Kryesia e Kuvendit, ku dorëzuan mandatet. Me daljen nga kryesia e Kuvendit, Basha dhe Kryemadhi kanë drejtuar turmën tek selia e Partisë Demokratike. Basha mbajti edhe një fjalë para qytetarëve, ku këndoi tre strofa nga himni kombëtar. Basha tha se nga sot, është një qytetar i thjeshtë dhe se parlamentit të krimit, sot iu vu kyçi.
Paralelisht me protestën, kryeministri Edi Rama zhvilloi një takim me kryeparlamentarin Gramoz Ruçi dhe kreun e grupit të PS, Taulant Balla. Protesta e sotme vjen pas vendimit të Këshillit Kombëtar të Partisë Demokratike vendosi përfundimisht djegien e mandateve të deputetëve. Sali Berisha, Lulzim Basha (Lexo këtu) dhe deputetët e tjerë të opozitës dorëzuan mandatin e tyre. Edhe kryetarja e LSI Monika Kryemadhi (Lexo këtu) hoqi dorë nga mandati. Opozita kërkon rrëzimin e Kryeministrit Rama dhe ngritjen e një qeverie tranzitore e cila do të organizojë zgjedhjet lokale dhe ato qendrore.
Zhvillimet orë pas ore në protestën e opozitës
Ora 13:05 Basha lajmëron mbylljen e protestës: Jemi të gjithë qytetarë
Pas dorëzimit të mandateve në kryesinë e Kuvendit, kreu i Partisë Demokratike, Lulzim Basha ka folur për mediat nga selia e PD ku njoftoi dhe mbylljen e protestës së sotme. Kreu i PD shtoi sot opozita i vuri kyçin parlamentit, që siç e quajit ai është i krimit.
Ora 12:45- Në protestë nuk mungon gazetarja italiane, raporton mes qytetarëve
Në protestën e sotme të opozitës e cila po zhvillohet para Parlamentit nuk ka munguar edhe një gazetare italiane e cila po raporton nga terreni. Gazetarja Laura Tangherlini raporton protestën për median italiane “Rai News 24”. Në fotot e mëposhtme duhen qartë mometet teksa ajo pyet qytetarët shqiptarë për protesën e sotme.
Ora 12:20- Kryesia e blinduar nga policia, Basha dhe Kryemadhi në godinë për të dorëzuar mandatet
Pak minuta më parë kreu i PD-së Lulzim Basha dhe kryetarja e LSI-së Monika Kryemadhi janë futur në godinën e Kryesisë së Kuvendit për të lënë mandatet e deputetëve. Dy liderët e opozitës janë ngjitur në shkallët e brendshme të kësaj godine ku edhe do të lenë mandatet e tyre. Kjo godinë është e blinduar nga forca të shumta policie.
Ora 12:05 Basha thirrje qytetarëve: Së bashku drejt Kryesisë së Kuvendit të dorëzojmë mandatet
Basha në fjalën e tij para Parlamentit u bëri thirrje të gjithë qytetarëve që të ndjekin deputetët e opozitës drejt Kryesisë së Kuvendit për të bërë aktin final të dorëzimit të mandateve. Basha tha se Kryeministri Edi Rama, nuk do të ketë vrimë miu ku të futet, dhe i bëri thirrje policisë së Shtetit, që të mos lejojë largimin e tij nga vendi.
Burime për Dosja.al bëjnë me dije se ky vendim iu është komunikuar sot truprojave që ruajnë Berishën, dhe iu është thënë që të rikthehen në detyrë tek Garda e Republikës.
Ora 11:50- Kryemadhi nga sheshi i protestës: Nuk ka më kthim pas, të largojmë Ramën dhe krimin
Kryetarja e LSI-së Monika Kryemadhi ndodhet në protestën e opozitës dhe është shprehur se shqiptarët do e ndajnë politikën nga krimi. Ai u shpreh e vendosur se nuk ka më kthim pas dhe se qeveria Rama do të rrëzohet.
Ora 11:31-Hiqen valët gjatë protestës/ AKEP: E kërkoi Policia e Shtetit, do mbrojmë sigurinë publike
Gjatë protestës së sotme për shkak të sigurisë publike në vend, AKEP njofton se që prej orës 11:00 deri në orën 16:00 do të ketë ndërprerje të valëve në disa zona në Tiranë. AKEP sqaron se ky veprim është ndëmarrë pas kërkesës së Drejtorisë së Përgjithshme të Policisë së Shtetit.
Ora 11:00-Foto lajm/ Protesta e opozitës, qytetarët hipin mbi pemë
Detaje interesante vijnë nga protesta e opozitës para parlamentit. Siç shihet edhe në foto, disa qytetarë kanë hipur mbi pemë, pasi policia ka rrethuar parlamentin.
Ora 10: 53- Kryemadhi: Sot shansi i fundit i poltikës
Kryetarja e LSI, Monika Krymadhi, ka reaguar për mediat në nisje të protestës së opzitës, ku deklaroi se sot është shansi i fundit i polikës shqiptare. Kryemadhi u shpreh se veprimi që ka marrë opozita është shumë ekstrem, por dhe situata në të cilën ndodhemi është ekstreme.
Ora 10:40-Banorët e Astirit i bashkohen protestës së opozitës
Banorët e Astirit i janë bashkuar protestës së sotme paralajmëruar nga opozita, e cila ka filluar të zhvillohet para pak minuth para godinës së parlamentit.
Ora 10:25- Mijëra protestues në shesh, zbulohet se ku ndodhet kryeministri Edi Rama
Dosja.al mëson se kryeministri Edi Rama ndodhet te Kryesia e Kuvendit. Rama është duke zhvilluar një takim me Ruçin, ndërkohë që ka anuluar takimin në Gjirokastër në kuadër të turit “Bashkia që duam”.
[sgallery url=”https://dosja.al/nis-protesta-e-opozites-qytetaret-grumbullohen-para-kuvendit/”]
Ora 10: 24 –Zbulohen pankartat thumbuese kundër Edi Ramës
Disa nga pankartat më pikante janë ato që kanë krahasuar me liderët të Amerikës Jugore, si Moduro, Chavez por dhe si tutor e piktor.
Ora 10:15– Të rinjtë e FRPD-së vendosin lule dhe ndezin qirinj para Kuvendit
Të rinjtë e FRPD-së kanë vendosur para parlamentit lule dhe kanë ndezur qirinj pasi sipas tyre sot po marrin pjesë në “funeralin e parlamentit”.
Kreu i PD-së Lulzim Basha nga selia e blu është shprehur se sot Parlamenti ka rënë dhe është dita që mandatet e deputetëve do i kthehen popullit.
Që në orët e para të mëngjesit qytetarë të shumtë të organizuar nga partitë opozitare janë nisur nga rrethet drejt Tiranës. Rreth orës 07:00 është bërë nisja nga rrethet me autobusë, furgonë, por dhe mjete të vogla personale janë nisur drejt Tiranës.
Ora 09:00– Protesta e opozitës, nga Kruja nisen qindra qytetarë
Qindra qytetarë janë nisur nga rrethi i Krujës për të protestuar në Tiranë në tubimin që ka organizuar opozita. Sipas informacioneve të Dosja.al, Policia ka ngritur postblloqe në akset Fushë Krujë – Tiranë dhe Fushë Krujë-Rinas–Vorë.
(A.B/ J.V/ F.G/Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ashtu siç ishtë paralajmëruar edhe më herët, sot është dita e fundit e pranimit të aplikimeve për prokurorët që kandidojnë për Strukturën e ...
Në protestën e sotme të opozitës e cila po zhvillohet para Parlamentit nuk ka munguar edhe një gazetare italiane e cila po raporton nga terreni.Gazetarja Laura ...
TIRANË- Mbi 1200 policë janë angazhuar ditën e sotme në protestën që është zhvilluar para parlamentit dhe më pas tek kryesia e Kuvendit.Por duket se përve&...
Opozita ka bërë një lëvizje të befasishme, pas protestës që nisi tek Parlamenti. Pas thirrjes së kryetarit të PD, Lulzim Basha protesta është zhvendosur tek kry...
Kreu i Partisë Demokratike Lulzim Basha ka folur para qytetarëve që janë në protestë, duke i bërë thirrje ndërkombëtareve se ai ëshTë më ta.Basha tha se Rama ës...
Kryetarja e LSI-së Monika Kryemadhi ndodhet në sheshin e protestës dhe është shprehur se shqiptarët do e ndajnë politikën nga krimi. Ajo theksoi se duhet të kth...
Ditën e sotme, anëtari i Parlamentit Europian, Knut Fleckenstein në një prononcim për Dosja.al u përgjigj pyetjeve mbi gjendjen aktuale të politikës në vendin t...
TIRANE- Gjatë protestës së sotme për shkak të sigurisë publike në vend, AKEP njofton se që prej orës 11:00 deri në orën 16:00 do të ketë ndërprerje të valëve në...
Opozita e bashkuar ka nisur protestën përpara Kuvendit, dhe u ka bërë thirrje të gjithë qytetarëve të bashkohen. Kjo protestë ka anuluar dhe seancën plenare që ...
Kreu i PD-së Lulzim Basha nga selia e blu, pak para se të nisë protesta është shprehur se sot Parlamenti ka rënë dhe është dita që mandatet e deputetëve do i kt...
