Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Në listën e 33 drejtuesve të qeverive shqiptare, prej vitit 1912 deri më sot, Enver Hoxha ishte kryeministri i 22-të. Ai e mbajti këtë detyrë nga 23 tetori 1944 deri më 19 korrik 1954, plot 9 vjet, 9 muaj e 26 ditë.
Në librin e tij “Historitë e 33 kryeministrave të Shqipërisë”, gazetari dhe pedagogu Roland Qafoku i jep të njëjtën hapësirë edhe diktatorit shqiptar Enver Hoxha, si edhe drejtuesve të tjerë të shtetit shqiptar. Veçse ai e përdor shumë rrallë përcaktorin “diktator”.
ENVER HOXHA HERO I KOMBIT?!
Enver Hoxhës i mjaftuan vetëm pak vite për të ngritur kultin e tij. Këtë e bëri jo vetëm me eliminime, ndalime e dënime, por edhe me vlerësime për veten e tij. Vetëm në pak vite si kryeministër ai mori 11 dekorata dhe urdhrat më të lartë që merr një shqiptar. Hero i popullit, Urdhër i Lirisë së Klasit të Parë, Urdhër i Flamurit, Medalja e Kujtimit, Urdhri Partizan i klasit të parë, Urdhër i Skënderbeut i klasit të parë, Urdhër i Trimërisë, Urdhri “Ylli i Kuq”, Medalja e Trimërisë, Medalja e Çlirimit. Kulmi i vetëdekorimit arrin kur, vetëm 1 vit e 11 muaj si kryeministër, mori urdhrin “Hero Kombëtar”.
Çdo komb ka një Hero Kombëtar. Që gjatë Rilindjes dhe me ngritjen e shtetit shqiptar Gjergj Kastriot Skënderbeu ishte heroi ynë kombëtar. Por më 27 nëntor 1946, Shqipëria bëhet i vetmi vend në botë me dy heronj kombëtarë. Me Skënderbeun dhe Enver Hoxhën. Dhe çudia vijon: bashkë me titujt dhe urdhrat e tjerë këta tituj vazhdojnë të jenë edhe sot, që ka kaluar një çerekshekulli nga rrëzimi i komunizmit.
RROGA E ENVER HOXHËS
Kryeministër, ministër i Mbrojtjes, ministër i Jashtëm, Sekretar i Parë i Komitetit Qendror të PPSH, gjeneral kolonel, Komandant i Përgjithshëm i Forcave të Armatosura. Askush nuk ka mbajtur njëkohësisht kaq shumë detyra në historinë e shtetit shqiptar. Por sa e kishte rrogën Enver Hoxha? Revista “Time”, e vitit 1971, zbulon se Hoxha merrte 2 mijë lekë të rinj, ose me kursin e asaj kohe 240 dollarë amerikanë.
VJERSHA E KRYEMINISTRIT
Enver Hoxha rezulton i vetmi kryeministër që ka bërë një vjershë gjatë kohës që ka qenë në këtë detyrë. Edhe Fan Noli si vjershëtor u mor me përkthime gjatë ushtrimit të detyrës, ndërsa Mehmet Shehu kishte hedhur në vargje impresionet e luftës së Spanjës, por jo kur ishte kryeministër. Por muza e Enver Hoxhës u frymëzua nga një pikëllim i madh, për kë do thoni ju? Shuarja e babait të tij shpirtëror, Josif Stalin. Ja dhe vjersha që sot më shumë të bën për të qeshur:
“Nënë buçet Shkumbini
Djalo ka ndrruar jetë
Stalini Mëndjethelli, zemërtrimi
E kish caktuar Lenini
Të forcohej komunizmi”.
10 VJET KRYEMINISTËR, 40 VJET DIKTATOR, ASNJË GËRVISHTJE
Për 40 vjet Enver Hoxha drejtoi me dorë të hekurt Shqipërinë. Afro 100 mijë është shifra zyrtare që jepet për ata që kanë vuajtur gjatë sistemit komunist ose janë eliminuar, ose janë burgosur apo internuar. Ndërkohë as në 10 vite si kryeministër dhe as në 30 të tjera si sekretar i parë i Komitetit Qendror, Enver Hoxhës nuk i hyri asnjë gjemb në këmbë. Asnjë atentat, asnjë përpjekje, asnjë tentativë, asnjë plan nuk është konfirmuar që një apo disa shqiptarë të synonin për ta eliminuar Enver Hoxhën.
Sa ironike është ajo që thotë Sulo Gradeci, kryetari i grupit të Sigurimit të Enver Hoxhës, për 30 vjet, në intervistën e dhënë autorit të këtij libri në vitin 2007: “Enverin e ruante i gjithë populli”. Është më se kuptimplotë pyetja naive e një studenti tim të gazetarisë, në një orë leksioni: “Si ka mundësi që me tërë ato krime që ndodhën, si nuk e qëlloi dikush diktatorin, të paktën me llastiqe?”.
Marrë nga Njëkomb.org
1 vit nga zgjedhjet e 25 prillit si e shikoni gjendjen e vendit:
DashiDita do të jetë mjaft pozitive sa i takon dashurisë, ku do keni mundësi që të bëni paqe, apo të takoni persona që t’iu bëjnë t’iu rrahë zemra. Keni shumë m...
ZVICER– Reperja e njohur Loredana edhe pas ndarjes vazhdon të mbajë kontakte me reperin Mozzik pasi që i lidh vajza e tyre Hanna. Mirëpo duket se ajo mban edhe ...
TIRANE– Eliona Pitarka është një nga personazhet e shumtë që ditën e djeshme mori pjesë në marshimin kundër abuzimeve seksuale. Aktorja postoi një foto ng...
TIRANE-Virgjëresha, Peshqit dhe Binjakët duket se janë shenjat e zodiakut të cilat do të ndikohen më së shumti nga eklipsi i datës 5 Qershor. Mbrëmjen e kësaj d...
AMERIKE– Reperi amerikan Kanye West do të bëjë një gjest shumë human për vajzën e të ndjerit Floyd.“TMZ” bën me dije se Kanye do e paguajë për 6 vite me radhë t...
Mbrëmjen e sotme pamje spektakolare do të shfaqet në qiell, pasi sipas austrounautëve do të ndodh eklipsi hënor, i cili është cilësuar si eklipsi ‘selinisi’. Nj...
TIRANË– Këngëtarja e njohur Morena Taraku së fundmi ka bërë një bisedë me ndjekësit në rrjetin e saj të ‘Instagramit’. Mesa duket ajo ka vendosur që ...
