“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
Kafeneja “Bike Friendly Café” në Prishtinë, po ofron një birrë falas për ata që tregojnë dëshmi të vaksinimit kundër koronavirusit. Shoqata e Gastronomëve të Kosovës po ashtu ka bërë publike iniciativën “Sigurohu, Vaksinohu”, dhe pjesëtarët e saj po nominojnë njëri-tjetrin për t’u imunizuar kundër COVID-19, sëmundjes që shkakton koronavirusi.
Sektori i gastronomisë në Kosovë ka paralajmëruar se shumë shpejt do të mund të hyjnë në fuqi masat e reja për luftim të pandemisë. Në to përfshihet edhe dëshmia e vaksinimit nga data 20 gusht, për një mori aktivitetesh.
Ministria e Shëndetësisë i ka thënë Radios Evropa e Lirë se ende nuk ka vendim për ndonjë masë të tillë, ndonëse Arben Vitia, i cili drejton këtë ministri, ka thënë më 6 gusht se autoritetet janë duke shqyrtuar masa të reja.
Aktualisht kjo Ministri ka prezantuar një video-material me moton “Vaksinohu, Delta po vjen!”, përmes së cilës u bën thirrje të gjithë personave mbi moshën 18-vjeçare që të marrin vaksinën kundër koronavirusit.
Kosova është ndër vendet me shkallën më të ulët në vaksinimit në rajon, ani pse autoritetet kanë thënë se ka vaksina të mjaftueshme për të gjithë të rriturit. Qytetarët e Kosovës mund të zgjedhin mes vaksinave të prodhuesve Pfizer/BioNTech dhe AstraZeneca për t’u imunizuar kundër COVID-19. Ndërkohë që varianti Delta i koronavirusit vazhdon të përhapet si në Kosovë, ashtu edhe në pjesën më të madhe të botës, qeveritë kanë prezantuar masa të ndryshme për të nxitur vaksinimin.
Disa janë kritikuar dhe kanë nxitur protesta, tjerat duket se kanë funksionuar dhe kanë rritur lakoren e vaksinimit. Vendet si Franca dhe Italia e kanë bërë të detyrueshëm dëshminë për vaksinim apo test negativ për koronavirus, për të pasur qasje në një mori aktivitetesh.
Pakistani ka qenë edhe më i rreptë. Dhjetëra mijëra persona janë nisur drejt qendrave të vaksinimit më 5 gusht, pasi zyrtarët kanë bërë të ditura ndëshkimet për të pavaksinuarit, përfshirë bllokim të numrave të telefonit, ndalesë për hyrje në zyre, restorante, qendra tregtare dhe mjete transporti.
Nga 25 euro e deri në lotari milionëshe
Serbia besohet se ka qenë vendi i parë që ka ofruar para të gatshme për vaksinim. Presidenti serb, Aleksandar Vuçiq i ka ofruar nga 25 euro secilit qytetar që ka marrë të paktën një dozë të vaksinës deri në fund të muajit maj. Para të gatshme ka propozuar edhe presidenti amerikan, Joe Biden.
Ai u ka bërë thirrje shteteve amerikane që të ofrojnë 100 dollarë për personat që sapo janë vaksinuar. Ai po ashtu ka thënë se Qeveria federale do të rimbursojë të gjitha bizneset e vogla dhe ato të mesme që ofrojnë ditë pushimi në mënyrë që punëtorët të vaksinohen.
Në Detroit është raportuar se është duke u ofruar pagesë prej 50 dollarësh për ngasësin e një makine që e dërgon dikë për vaksinim. Lotaritë janë bërë po ashtu të popullarizuara. Në shtetin e Ohajos, të rriturve që kanë marrë një dozë të vaksinës kundër koronavirusit, u është ofruar mundësia që të jenë pjesë e lojës shpërblyese për të fituar një milion dollarë.
Kanadaja është duke përdorur po ashtu nismën e lotarisë, me shpërblime deri në një milion dollarë, derisa Letonia dhe Polonia janë duke shpresuar njëjë se paratë e gatshme do t’i motivojnë njerëzit për t’u vaksinuar.
E në Hong Kong çmimi kryesor është një apartament. Dhe kjo është vetëm një nga nismat e kompanive private në këtë vend, pasi Qeveria e Hong Kongut u ka kërkuar që t’i inkurajojnë njerëzit për t’u vaksinuar.
Pak hezitim, pak para
Në Suedi nuk ka shumë hezitim për vaksina, andaj edhe shuma e parave të gatshme nuk është shumë e lartë. Oferta prej 10 eurove në këmbim të vaksinimit, nuk është se ua ndryshon jetën suedezëve. Mirëpo Erik Wengström nga Universiteti Lund, që ka krijuar këtë skemë, ka thënë për të përditshmen amerikane Politco se edhe kjo shumë ka efektin e vet.
“Njerëzit mund të kenë synim vaksinimin, mirëpo gjithmonë iu del gjithmonë gjatë ditës. Kështu që një shtytje e vogël mund të ndihmojë”, ka thënë ai.
Nga bileta në kinema e deri te lopët e gjalla – falas
Në Mal të Zi, të gjithë qytetarët mbi 50 vjeç, që kanë marrë vaksinën kundër koronavirusit në muajin korrik, kanë fituar kupon turistik në vlerë të 50 eurove. Kuponët mund të shfrytëzohen në hotelet në Ulqin, Budvë si dhe në Institutin “Dr. Simo Millosheviq”, ka njoftuar Ministria e Zhvillimit Ekonomik në këtë shtet.
Greqia është duke ofruar po ashtu kuponë për të rinjtë e moshave 18-25 vjeç, pasi të marrin dozën e parë të vaksinës. Ata do të mund të shfrytëzojnë këta kuponë për të udhëtuar, për të qëndruar nëpër hotele, për të marrë pjesë në koncerte, për të shkuar në kinema, dhe aktivitetet tjera kulturore.
Në Mbretëri të Bashkuar, ministrat janë duke shqyrtuar mundësitë e ofrimit të udhëtimeve falas për të vaksinuarit e moshës së re me kompanitë Uber dhe Bolt, bileta për kinema dhe ushqim të shpejtë falas. Qeveria britanike po ashtu ka bërë të ditur se po shqyrton mundësinë që t’ua pamundësojë të pavaksinuarve hyrjen nëpër klube të natës për disa javë.
Rrjeti amerikan CNN ka raportuar se një distrikt në Tajlandë ka nisur një fushatë që u mundëson personave të vaksinuar që të fitojnë një lopë të gjallë në javë deri në fund të vitit.
Pas prezantimit të kësaj fushate, numri i të interesuarve për vaksina është rritur nga qindra në mijëra, ka thënë për Reuters shefi i rajonit Mae Chaem në Tajlandë, Boonlue Thamtharanurak.
“Fshatarët i duan lopët. Lopët mund të shiten për para të gatshme”.
Shënjestra te veshi dhe stomaku
Në Gjermani, zyrtarët janë duke ofruar salsiçe falas në qytetin Sonenberg, ndërsa në Berlin janë duke u angazhuar profesionistë të muzikës (DJ) për të argëtuar njerëzit derisa vaksinohen.
“Berlin mund të vaksinojë, Berlini mund të organizojë festë – po bëjmë të dyja bashkë”, ka thënë Dilek Kalayci, ministre e Shëndetësisë, sipas të përditshmes lokale, Berlin.de.
Ende nuk janë bërë hulumtime rreth asaj se sa efektive janë nismat për rritje të numrit të të vaksinuarve kundër COVID-19, mirëpo kërkimet për vaksinat tjera, kanë treguar se ofrimi i mjeteve financiare rrit numrin e personave të imunizuar për një sëmundje të caktuar. Sipas të dhënave të Ministrisë së Shëndetësisë në Kosovë deri më 9 gusht, numri i personave të vaksinuar me të dyja dozat e vaksinave ka shkuar në 169,687 ndërsa shifra totale e vaksinave të dhëna është 498,858.
Marrë nga REL
Iftar dhe politikë, a u prek Muaji i Ramazanit nga politikanët?
SHBA– Agjensia hapësinore NASA, ka publikuar imazhet e te gjitha vendeve ku ka vatra zjarri nëpër botë në kohë reale. Harta e publikuar tregon të gjitha vendet ...
ITALI– Krateri jug-lindor i malit Etna është rritur në lartësi pas gjashtë muajsh që ka qenë aktiv. Lajmi është dhënë agjencia italiane e monitorimit të v...
ITALI– Sheshi San Marco në Venecia është përfshirë nga përmbytjet gjatë natës së djeshme, të cilat fatmirësisht nuk kanë shkaktuar dëme si herët e tjera.Mediat ...
AUSTRALI– Pamje të ‘jashtëzakonshme’, të cilat po bëjnë xhiron e rrjetit, janë filmuar nga një fotograf adoleshent në një qytet bregdetar Australian.Daily...
UELLS– Një ngjarje e rëndë ka ndodhur në Mumbles të Uellsit ku shumë persona janë plagosur si pasojë e dëmtimit të pjesës së sipërme të një autobusi dy ka...
SHBA- Guvernatori i Nju Jorkut, Andrew Cuomo ka dhënë sot dorëheqjen nga posti i tij pas akuzave për ngacmim seksual. Demokrati tha se aktin për dorëheqje e kis...
PRISHTINË– Ish-ministri i Drejtësisë nga Aleanca për Ardhmërinë e Kosovës, Selim Selimi ka dhënë versionin e tij lidhur me prapaskenat e Samitit të Berlini...
BRITANI– Një familje është ‘shuar’ nga Covid-19 në Cardiff te Uellsit në Mbretërinë e Bahkuar këtë javë, duke përjashtuar vetëm një anëtar të saj. Ata kishin re...
GREQI– Komuniteti i Serres në Greqi është i tronditur nga krimi i rëndë i një 22-vjeçari, i cili për një motive banale i nguli thikën në zemër shokut të ...
GREQI– Një ngjarje e rëndë ka ndodhur në Greqi orët e para të mëngjesit të sotëm, ku një 22-vjeçar ka lënë të vdekur 20-vjeçarin nga Serres.Protot...
