Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
ELBASAN- Petrit Kodra dhe Marios Calja, dy sekserët që ishin kthyer në mankthin e studentëve të Elbasanit, pasi në këmbim të çmimeve të kripura të vendosura prej tyre, stutendët arrinin të mernin provimet në Fakultetin Ekonomik dhe Ciklin e Ulët në Elbasan.
Të dy personat duke shfrytëzuar njohjet me pedagogët në Elbasan, arrinin të peshkonin studentë ngelës në sezonin e vjeshtës dhe kundrejt çmimeve që varionin nga 200 euro deri në 200 mijë lekë të vjetra, premtonin vënien e një note kaluese pesë. Fillimisht policia dhe prokuroria e Elbasanit urdhëruan arrestimin e disa personave në këtë qytet, ku mes mes tyre ishin dhe dekani i Fakultetit të Humane Albert Riska dhe shefja e departamentit të gazetarisë Elvira Lumi.
Korrupsioni në Universitetin e Elbasanit, u evidentua gjatë një hetimi të kryer nga prokuroria e Elbasanit, për zbulimin e një ngjarjeje, që kishte të bënte me shpërthimin e një sasie tritoli në këtë qytet. Përgjimet e prokurorisë së këtij qyteti nxjerin në dritë se sekserë dhe pedagogë flasin me njëri-tjetrin për fiksimin e datave të provimeve. Rezulton se rënia në gjurmë të tyre ka ndodhur krejt rastësisht, pasi prokuroria e Elbasanit, ishte duke mbajtur në vëzhgim e përgjim telefonik, një të ri nga Gostima e Cërrikut, Marius Calja. Ky i fundit ishte i dyshuar për shpërthimin me tritol të një biznesi dhe mbajtjes së lëndëve plasëse. Por, gjatë bisedave të përgjuara, ai interesohej tek persona të tjerë për të marrë një notë kaluese në një provim në Fakultetin Ekonomik pranë Universitetit të Elbasanit. Po kështu, Marius Calja rezulton se kontaktonte me studentë të tjerë, duke luajtur rolin e sekserit mes tyre dhe personave të tjerë, të cilët kontaktojnë pedagogët me qëllim marrjen e notave kaluese në provime të ndryshme kundrejt pagesave në shuma të mëdha. Gjatë përgjimeve të një sërë numrash telefonikë ka rezultuar se numri 06962XXX përdorej nga një person me emrin “Titi” Petrit Kodra. Marius Calja ishte student në Universitetin “Aleksandër Xhuvani” të qytetit të Elbasanit, Fakulteti Ekonomik. Ai, gjatë periudhës 12 shator 2017 deri në datën 20 shator 2017, ka pasur disa provime në lëndë të ndryshme në këtë universitet. Nga bisedat telefonike të përgjuara të numrit që ai përdor, rezulton se ai komunikon me disa persona në lidhje me marrjen e notave kaluese në provime, duke paguar shuma të ndryshme parash. Gjatë hetimit, kontaktohen persona të ndryshëm, të cilët pasi marrin para nga Mariusi, dyshohej se hynin në kontakte me pedagogë të ndryshëm, me qëllim vënien e notave kaluese në provime. Po kështu rezulton se i Marius Calja kontaktonte edhe me studentë të tjerë, duke luajtur rolin e ndërmjetësit mes tyre dhe personave, të cilët kontaktonin pedagogët, kjo me qëllim marrjen e notave kaluese në provime të ndryshme kondrejt pagesave në shuma të ndryshme. Calja flet pikërisht me Petrit Kodra, i cili mban lidhjet me shefen e departamentit të gazetarisë Elvira Lumi, duke u prezantuar si mik i dekanit të Fakultetit Albert Riska. Në datën 19 shtator 2017 zhvillohet kjo bisedë në telefofon mes pedagoges Lumi dhe sekserit Kodra/
Lumi:– Alo
Kodra:– Ajo, si je
Lumi:– Mir, ça bën o
Kodra:– Mir, ai miku Rizait jam që folëm sot
Lumi:– A a, hë
Kodra:– Ha re ça bëre ti?
Lumi:Po pra t’thash thuj, kur t’kaloj m’thuj se un s’rri dot atje se s’e kam numrin e asaj. Po i thash i çuni i shokut tim që t’i thoj t’shoqit që t’vij knej nga mu.
Kodra:-Po pra
Lumi:– Se… Ose do m’thush po erdhi për ktej m’thuj ti pastaj, hajde m’thuj
Kodra:– Nuk
Lumi:– Më mer n’telefon
Kodra:– Ajo ka provime, o Lufto
Lumi:–
Kodra:– Ti o Dem. Ajo ka, osht e zonme, ka provim po merr burrin. E kupton?
Lumi: – Tani ësht aty ajo, n’pun ësht?
Kodra:– Ajo ësht mrena n’pun
Lumi:– E mir, kur t’dali m’thuj mu ti
Kodra:– Po nuk e di un kur del ajo se ka deri n 3, 4 provim ajo, e kupton ëë?
Lumi:– Mir mir, ja po erdhi ai do flas me atë pastaj se i dërgova haber atij,
Kodra:– Okej, çao
Lumi:– Dërvoga hab…
Pas kësaj bisede është lejuar përgjimi i numrave të telefonit me emrin, “Riza”, “Demi” dhe “Eriola”. Gjatë përgjimit të numrave telefonikë të mësipërm, është mësuar se këto numra përdoreshin nga një person me emrin “Titi”. Policia ka bërë vëzhgimin e këtij personi me qëllim identifikimin e tij dhe të personave të tjerë, me të cilët ky shtetas, ka kontakte pasi nga këto përgjime rezultonte se ky person luan rolin e ndërmjetësit mes studentëve dhe personave të ndryshëm, të cilët kanë qëllim sigurimin e ndërmjetësimit për marrjen e notave kaluese nga pedagogë të ndryshëm të Universitetit “Aleksandër Xhuvani”. Sa më lart rezulton nga transkriptimi i përgjimit të numrit telefonik +466 dhe konkretisht:
Titi:– Eli
Eli: – Ha pra, pse s’më more?
Titi: – Nuk m’u përgjigj akoma t’keqen. I rash ziles, ndoshta ësh n’shpi, n’gjum a, nuk e di.
Eli: – Dua, dua konfirmim sepse është shkelje ligjore në qoftë se nuk është.
Titi: – M’duket zemër se ajo ka qenë ktu ke i gjithë sezoni, nga data 4
Eli:– Ma konfirmo si burrë shteti që je.
Titi: – Po pra, po pra, ja i kam shkrujt mesazh, i shkrujta dhe t’vllait
Eli: – Mir, mir, hajt hajt.
Titi: – Hajt.
Eli:– Mere, po t’pres telefon, çao, çao.
Ndërkohë në datën 5 tetor 2017, në bazë të transkriptimeve të bisedave telefonike të kryera nga numri në përgjim +466, i cili përdorej nga Petrit Kodra, nga ana e policisë gjyqësore është kërkuar vënia në përgjim e numrit telefonik, i cili përdoret nga pedagogia e gazetarisë Elvira Lumi, dhe dekani i Albert Riska.
Në datën 2 tetor 2017, dosja penale është bashkuar me një dosje tjetër, pasi personi ndaj të cilit po zhvillohej hetimi Petrit Kodra, i cili dyshohet të ketë kryer të njëjtën vepër penale të “Ushtrimit të ndikimit të paligjshëm”.
Nga transkriptimi i bisedave telefonike të përgjuara Petrit Kodra, rezulton se bisedon me pedagogen Elvira Lumi, me detyrë Shefe e Departamentit Letërsi-Gazetari si dhe Albert Riska, me detyrë Dekan i Fakultetit të Shkencave Humane në Universitetin “Aleksandër Xhuvani” në Elbasan.
Petriti:– Zysha, si t’kam motër?
Elvira:– Mirë. Kush je ti?
Petriti: – Titi, Titi jam.
Elvira:– O Titi, ty po kërkoj, numrin tënd s’po e gjej.
Petriti:– Kujt po ja kërkon numrin tim ti moj zemër?
Elvira:– Po s’e gjej dot. Un t’kam regjistru ty apo jo? Dëgjo tani Elin, ma verifiko nji çikë, Mirela Bekteshi ishte ktu kto datat e provimeve?
Petriti:– Të gjitha, të gjitha, të gjitha.
Elvira:– M’u beto.
Petriti:– Të gjitha të betohem. Ja ta pys, nji sekond.
Elvira:– Hë, hë
Petriti:– Ngjo Titin
Elvira:– Hë, hë
Petriti:– Se pranej t’mora ty se mora Bertin po s’e di ku ësht, s’ma hapi.
Ësht n’komision, ësht n’mbledhje, hë
Petriti:– A ësht n’komision, mir. Ëë, do ketë nei mini, minisezon tani për nji datë tek?
Petriti: – E mirë. Po po bi shi ktej me
Elvira:– A m’gjon
Petriti:– Po t’ngjoj t’ngjoj. Të ngjoj. Alo, hë moj
Elvira:– Alo
Petriti:– Të ngjoj të ngjoj po ktej po bi shi
Elvira:– E di
Petriti:– A mirë
Elvira:– Tani t’vi un, do m’presësh apo?
Petriti:– Po që do t’pres, do t’pres s’diskutohet. Un du t’ulemi t’diskutojm içik ça do bëjm ça s’do bëjm se gjanat knej jan shtrëngu. Ty do t’nxjerr un po ajo shoqja jote a vështirë
Elvira:– Nuk e di, un
Petriti:– Nejse hajde t’bisedojm i her, pastaj shofim e bajm
Elvira:– Mir, un po vi dhe kur t’jem aty t’mar n’telefon
Petriti:– Ose po qe se ash koh e keqe, siç m’the, t’thash dhe je pushim hajde n’drekë, hajde masdite, vetëm takohemi 5 minuta
Elvira:– Jo jo, un u nisa do vij se pastaj jam n’punë n’orën 3, që kshu
Petriti:– Okei.
Elvira:– Hajt
Petriti:– Okei, okei
Elvira:– Mirupafshim.
Në datën 25 shtator 2017 është dhënë autorizimi për regjistrimin e fshehtë fotografik, filmi, video në vende publike, ku autorizohen oficerët e policisë gjyqësore pranë Sektorit Kundër Krimit Ekonomik në DVP Elbasan dhe punonjësit e Drejtorisë së Forcës së Posaçme Operacionale në DPP e Shtetit Tiranë, të vëzhgojnë Marius Calja, personin e identifikuar me emrin Titi (Petrit Kodra) dhe persona të tjerë, me të cilët hyjnë në kontakte.Në vazhdimësi të këtij autorizimi nga ana e Prokurorisë, në kuadër të hetimit të këtij procedimi penal, janë lëshuar edhe autorizimet për regjistrimin e fshehtë fotografik, filmi, video në vende publike në datën 9 tetor 2017 dhe datë 25 tetor 2017. Nga ky vëzhgim del qartë se Petrit Kodra, i kishte marrë studentëve të tjerë me qëllim që të rregullonin notë kaluese në provime. Në sezonin e vjeshtës 2017, Marius Calja i ka marrë para në shumën 150 euro personit nën hetim Anesti Sollaku, student i Fakultetit Ekonomik me qëllim që të ndikonte te pedagogia e lëndës menaxhim-biznes, që ai të merrte notë kaluese. Po kështu, Marius Calja ka marrë para nga personi nën hetim (student) Mikel Lici në shumën 20.000 lekë dhe këto para ia ka dhënë Petrit Kodra, me qëllim që të ndikonte në mënyrë të paligjshme te pedagogia e lëndës menaxhim-biznes në Fakultetin Ekonomik, me qëllim vënien e notës kaluese në provimet e vjeshtës.
Ndërkohë në datën 2 korrik 2018 në policinë e Elbasanit ka depozituar kallëzim penal studenti Elton Sharka, i cili ka qënë student i Fakultetit të Ciklit të Ulët në universitetin e Elbasanit, ku ai denonconte Petrit Kodrën si sekserin e pedagogëve. Nga hetimet e këtij procedimi penal rezulton se Petrit Kodra, gjate sezonit të provimeve qershor 2016, ka marrë para nga studentja Madena Kafazi, me qëllim që ajo të merrte notë kaluese në provimet e këtij sezoni, duke qenë studente në Fakultetin e Ciklit të Ulët në Universitetin “Aleksandër Xhuvani” të qytetit të Elbasanit. Personi nën hetim Madena Kafazi, në kohën që Petrit Kodra, i ka dhënë për të marrë provimin e saj në shumën 15.000 lekë, i ka dhënë para edhe për dy shokë të saj të klasës, shtetasit Elton Sharka dhe Aurel Xhika. Petrit Kodra, pasi ka marrë paratë nga personi nën hetim Madena Kafazi, duke premtuar se do të ndikojë te pedagogët e lëndëve përkatëse, në momentin që kanë dalë notat u është fshehur këtyre studentëve, pasi ata nuk i kishin marrë provimet. Personi nën hetim Madena Kafazi shpjegon se i pandehuri Petrit Kodra në këtë periudhë, gjatë gjithë kohës qëndronte në ambientet e Universitetit të Elbasanit dhe njihej nga të gjithë si person, i cili kishte njohje me pedagogë të ndryshëm.
Marius Calja me pedagogen Eriola Calja, ka lidhje familjare, pasi kjo e fundit është bashkëshortja e kushëririt të tij. Nga hetimi në lidhje me këta shtetas, nuk u arrit të provohet që pedagogia Eriola Calja të ketë konsumuar elementet e veprës penale të “Ushtrimit të ndikimit të paligjshëm ndaj personave që ushtrojnë funksione publike”. Nga provat e grumbulluara gjatë hetimit nuk provohet që pedagogia Eriola Calja të ketë premtuar apo të ketë ndikuar te ndonjë pedagog me qëllim dhënien në mënyrë të kundërligjshme të provimeve për personin nën hetim Marius Calja. Vetëm bisedat telefonike të bëra me personin nën hetim, nuk mund të krijojnë bindjen se kjo shtetase ka konsumuar elementë të veprës penale të “Ushtrimit të ndikimit të paligjshëm ndaj personave që ushtrojnë funksione publike”. Nga hetimet e kryera, si edhe nga vëzhgimet ambientale, kontrollet e ambienteve, ekspertimi kompjuterik,rezulton se Petrit Kodra bisedon me Admirimin, ku ky i fundit i kërkon që të interesohet në lidhje me notën e një studenteje.
Nga përgjimet telefonike i Petrit Kodra, Elvira Lumi dhe Albert Riska, këta persona flasin me njëri-tjetrin me qëllim vendosjen e disa datave të provimeve për një shtetase të identifikuar, e cila është studente. Nga ana e Albert Riska i merret përsipër vendosja e një date në sezonin e muajit shkurt, pasi në sezonin e muajit shtator ajo i ka plotësuar të gjitha datat e provimeve. Nga ana e pedagoges Elvira Lumi, pyetet Petrit Kodra në lidhje me studenten, se nëse ajo ka qenë në Shqipëri, në datat e vendosura për t’u dhënë provimet. Nga hetimet e kryera në lidhje me këtë procedim penal, rezulton se Petrit Kodra ka njohje në Universitetin “Aleksandër Xhuvani” dhe si rezultat i këtyre njohjeve, ai ka edhe kontakte me pedagogë të ndryshëm të këtij universiteti. Petrit Kodra, gjatë sezonit të vjeshtës 2017 ka pasur kontakte të vazhdueshme me Marius Calja, studenti i Fakultetit Ekonomik në Universitetin “Aleksandër Xhuvani”. Gjatë kësaj periudhe, Petrit Kodra ka marrë para nga Marius Calja, me qëllim që ai të ndikonte në mënyrë të kundërligjshme te pedagogë të ndryshëm, me të cilët Marius Calja kishte provimet. Nga hetimi rezulton se Petrit Kodra ka premtuar se kundrejt shumave të parave, do të mundësonte ndikimin e paligjshëm në pedagogë të ndryshëm, me qëllim vënien e notave kaluese. Nga ana e Marius Calja dhe Petrit Kodra, i janë dhënë shuma parash në shumën 200 euro, me qëllim që ky i fundit të mund të ndikonte në pedagogë të ndryshëm me qëllim vënien e notës kaluese. Nga ana e Marius Calja dhe Petrit Kodra, përveç rasteve që ai i ka dhënë para për vete me qëllim që të mundësonte ndikim të paligjshëm te personat që ushtrojnë funksione publike, në rastin konkret pedagogë të Fakultetit Ekonomik, ai i ka dhënë edhe shuma parash të ndikim të paligjshëm ndaj Albert Riska, me qëllim marrjen e favoreve për shtetas të ndryshëm me qëllim dhënien e provimeve. Nuk rezultoi asnjë provë që të provonte se pedagogu, Albert Riska të ketë konsumuar veprën penale të “Ushtrimit të ndikimit të paligjshëm ndaj personave që ushtrojnë funksione publike”. Nga përgjimet telefonike rezulton se Petrit Kodra i ka kërkuar pedagogut, Albert Riska, informacion në lidhje me vendosjen e datave të provimeve për studentë të ndryshëm. Nga ana e Albert Riska nuk rezulton që të jetë kryer ndonjë veprim në kundërshtim me ligjin, për sa i përket vendosjes së datave për provime. Nga përgjimet telefonike rezulton se në disa biseda Albert Riska bisedon me Elvira Lumi, në lidhje me kriteret për rekrutimin e pedagogëve në fakultetin e tij. Nga hetimi nuk u provua se Albert Riska të ketë kryer veprime në lidhje me këtë fat, pasi ai nuk rezulton të jetë anëtar i komisionit të pranimeve në fakultet. Nga të gjitha provat e grumbulluara, nuk u arrit të provohet se pedagogu Albert Riska, të ketë konsumuar elementë të veprës penale të “Ushtrimit të ndikimit të paligjshëm ndaj personave që ushtrojnë funksione publike”. Nga ana tjetër Elvira Lumi thotë prokuroria e Elbasanit, rezulton të ketë komunikime me Petrit Kodra. Nga këto komunikime telefonike të kryera mes tyre, rezulton se nga ana e pedagoges Elvira Lumi,Petrit Kodra është pyetur në lidhje me pjesëmarrjen e një studenteje në provimet e vjeshtës, me qëllim vendosjen e datave për pjesëmarrjen në provime. Gjatë përgjimeve telefonike të numrit të përdorur nga Elvira Lumi, rezulton se ajo ka biseduar me persona të ndryshëm në lidhje me provimet e dhëna prej tyre, por nuk rezulton që ajo të ketë premtuar apo ndikuar në pedagogë të ndryshëm në mënyrë të kundërligjshme me qëllim vënien e ndonjë note kaluese. Për pedagogen Elvira Lumi, nuk u arrit që gjatë hetimit të sigurohet ndonjë provë, e cila të provojë që kjo pedagoge, gjatë ushtrimit të detyrës së saj, të ketë konsumuar elementë të veprës penale të “Ushtrimit të ndikimit të paligjshëm ndaj personave që ushtrojnë funksione publike”. Ndërsa për sa i përket Petrit Kodra, me veprime aktive janë konsumuar elementet e veprës penale të “Ushtrimit të ndikimit të paligjshëm ndaj personave që ushtrojnë funksione publike”, në lidhje me studentët Marius Calja, Mikel Lici, Anesti Sollaku, Madena Kafazi, Elon Sharka dhe Aurel Xhika dhe nga i pandehuri Marius Calja, me veprime aktive, janë konsumuar elementet e veprës penale të “Ushtrimit të ndikimit të paligjshëm ndaj personave që ushtrojnë funksione publike”.
(Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
DURRËS- Një aksident me vdekje ka ndodhur mbrëmjen e sotme në autostradën Tiranë-Durrës. Mësohet se një mjet ka përplasur për vdekje një këmbësor, 45 vje&c...
TIRANË– Ditën e hënë, më datë 25 Nëntor pritet të miratohen emrat e tetë prokurorëve që do të jenë pjesë e Prokurorisë së Posaçme.Këshilli i Lartë i...
TIRANË- Një pjesë e Unazës së Re dhe Yzberishtit kanë mbetur pa energji elektrike që prej orës 13:00 për shkak të një defekti në një kabinë elektrike.Në nj...
TIRANË- Gjatë leksionit të hapur me studentë të Univeristetit të Korçës, Fan S. Noli, Kryetari i KQZ-së tha se: “Të rinjtë duhet të ndërgjegjësohen ...
ITALI- Një ngjarje tragjike ka ndodhur në një familje shqiptare që jetonte në Itali, në Roseto degli Abruzzi, një qytet në provincën e Teramos.Matteo Marku një ...
TIRANË– Interpol Tirana në bashkëpunim me partnerët ndërkombëtarë ka ekstraduar ditën e sotme dy persona të shpallur në kërkim për vrasje.Në njoftimi...
TIRANË- Një ditë pas shkarkimit të Besnik Muçit nga Komisioni i Posaçëm i Apelimit dhe pas kërkesës së tij në Gjykatën Kushtetuese, ky insti...
Lushnje- Ditën e sotme ka ndodhur një aksident në vendin e quajtur rrethrrotullimi i Çermes në Lushnjë.Një makinë e cila drejtohej nga një grua, e cila ...
Një automjet tip audi A4 ka dalë nga Rruga në aksin rrugor rrethrrotullimi i Çermës-Lushnjë. Mjeti që drejtohej nga një femër, e cila kishte në makinë dh...
Tiranë- Pasi foli publikisht Presdienti Ilir Meta, Presidenca i ka dërguar një shkresë Prokurorisë së Tiranës ku i kërkon të verifikojë shantazhin ndaj zëdhënë...
