Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Projektligji për Portin e Durrësit ka kaluar mes debateve, përplasjeve e sherreve në Komisionin e Ligjeve. Për tetë orë me radhë, deputetët e Opozitës debatuan e kërkuan llogari nga përfaqësuesit Besart Kadia e Elira Kokona dhe Autoritetit Portual të Durrësit, Pirro Vengu. • Deputetët demokratë, Gazment Bardhi, Enkelejd Alibeaj, Oerd Bylykbashi, Dhurata Çupi dhe Dashnor Sula janë bërë bashkë dhe kanë hedhur akuza kundrejt qeverisë e kryeministrit Edi Rama në lidhje me këtë projektligj. Ata pretendojnë se kompania që fshihet pas këtij investimi nuk është Emaar, por një offshore, e regjistruar në ishujt Kajman. Ndërsa paratë vijnë nga bota e krimit dhe e korrupsionit. • Të ftuarit u shprehën se projekti nuk është fituar pa garë, por që ka pasur një garë të hapur dhe se i vetmi investitor që është ofruar, ka qenë ky që po i jepet projekti. Përsa u përket “pasaportave të arta”, ajo tha se Bashkimi Europian nuk ka kërkuar që të mos jepen, po të pasqyrohen kushtet e sakta. Sipas Kokonës, dhënia e shtetësisë dhe pasaportës bazohet në ligjet aktuale të Shqipërisë. Përtej sqarimeve, opozita këmbëngul se Porti i Durrësit është një aferë dhe që po e nxjerr shtetin me humbje duke qenë se investitori është përjashtuar nga taksat. • Në fund, gjithçka u mbyll me sherr. kryetarja e Komisionit Klotilda Bushka tha se shteti nuk do të nxjerrë asnjë para nga buxheti i saj për këtë projekt, duke i konsideruar mashtrime deklaratat e Opozitës. Por kjo deklaratë, revoltoi deputetin e Partisë Demokratike Gazment Bardhi, i cili i tha Bushkës se po gënjente për gjithçka në lidhje me investimin. Por, Bushka e ndërpreu debatin dhe vijoi me votimin. Në momentin që debati u përmbyll, Bardhi nisi të hidhte mikrofonat dhe të përplaste dosjet.
8 artikuj për këtë temë.
TIRANË- Është mbyllur me sherr Komisioni i Ligjeve! Pas debateve të njëpasnjëshme, kryetarja e Komisionit Klotilda Bushka kaloi për votim projektiligjin për Portin e Durrësit. Fillimisht, ajo tha se shteti nuk do të nxjerrë asnjë para nga buxheti i saj për këtë projekt, duke i konsideruar mashtrime deklaratat e Opozitës. Por kjo deklaratë, revoltoi deputetin e Partisë Demokratike Gazment Bardhi, i cili i tha Bushkës se po gënjente për gjithçka në lidhje me investimin. Por, Bushka e ndërpreu debatin dhe vijoi me votimin. Në momentin që debati u përmbyll, Bardhi nisi të hidhte mikrofonat dhe të përplaste dosjet.
Pjesë nga debati:
Klotilda Bushka: Tani më fal, i kam dhënë fjalën vetes. Unë nuk e di a i besoni vetë ju këto që thatë. Përjashtimi nga taksa e ndikimit në infrastrukturë, nuk po i jepet zhvilluesit të huaj, por një shoqërie të përbashkët mes investitorit të huaj dhe një shoqërie 100% shqiptare. Mos gënjeni kot.
Gazment Bardhi: Gënjeshtra e vetme është e juaja. Po japim 630 milionë euro dhe marrim mbrapsht 280 milionë euro.
Klotilda Bushka: Sigurisht në këtë shoqëri, shteti ka 33%. Shteti shqiptar në këtë marrëveshje futet pa dhënë asnjë para.
Klotilda Bardhi: Si asnjë para? Pronat kujt të janë? Si gënjen kështu. Prona publike nuk ka vlerë kështu, nuk bëhet llogaria kështu…
Klotilda Bushka: Shteti shqiptar nuk ka gjetur një bamirës, sepse kështu do Bardhi dhe Alibeaj. Po të bënim diskutim serioz, do ju jepja të drejtë ju.
Bardhi: Diskutim jo serioz është ky që bën ti. Përjashtimin nga taksa e bën shoqërisë së përbashkët shtet-privat që do realizojë projektin.
Klotilda Bushka: Kompania do investojë në Shqipëri 2.1 miliardë euro për të bërë një zonë turistike. Zoti Bardhi mos më ndërprit. Ju folët, tani e kam unë radhën. Tokën ia japim në pronësi? Më gjeni një rresht ku thuhet se tokën e japim në pronësi. Ne e japim në përdorim.
Gazment Bardhi: Nuk do i investojë ai, mos gënje. Nuk do i investojë ai. Do i investojnë njerëz ku Edi Rama dhe banda në pushtet ka fshehur lekët e korrupsionit. Gjeje ti se ku do i investojë 2.1 miliardë euro. Gjeje në marrëveshje.
Klotilda Bushka: Unë nuk e vazhdoj më diskutimin do të kaloj në votim sepse ju kolegë nuk keni respekt. Kur ju flisni ne ju respektojmë. Kalojmë në votim. Të numërojë votat sekretaria. Nuk ka më diskutime kalojmë në votim se ju kolegë nuk keni respekt
Gazment Bardhi: Gjejeni në marrëveshje ku investon ai? (I bie me grusht tavolinës)
Klotilda Bushka: Më gjeni një rresht. E keni lexuar kontratën? Sot gjithë ditën treguam se ajo që thoni ju për zhvillimin e procedurës së përshpejtuar është e drejtë dhe sot i dhamë 8 orë kohë për ta sqaruar. dhe unë nuk e kuptoj, ju qofshi që nuk gjetët asnjë defekt tek kontrata.
TIRANË- Deputeti i Partisë Demokratike Gazment Bardhi është përplasur me drejtuesin e Autoritetit Portual të Durrësit, Pirro Vengu. I pranishëm në Komisionin e Ligjeve, Bardhi po fliste për ndërtimet, por drejtuesja e Komisionit Klotilda Bushka i tha se e kishte marrë fjalën pa leje. Mes tyre ndërhyri dhe Vengu, por Bardhi i kërkoi të pushonte të mos jepte urdhra.
Pjesë nga replikat:
Gazment Bardhi: Pra leja e ndërtimit do merret pas 20 vjetesh, prandaj taksa do paguhet pas 20 viteve. Ky do ndërtojë në ajër, në këtë moment ne do marrim vetëm të ardhura. Kështu e kuptova unë.
Klotilda Bushka: Fjalën e keni marrë pa leje
Gazment Bardhi: E kam unë radhën e fjalës, ju pse ndërhyni…Sa i takon…Shqetësimi im është që shteti shqiptar ka vendosur të bëjë biznes dhe humb, del i humbur. Ajo që ke sjellë ti me firmën që nuk është e kryeministrit se ai ve e Belindën të firmosë e ka praktikë pune. Ti mbylle gojën se del jashtë ndryshe. Nuk na urdhëron ti këtu.
TIRANË- Deputeti i Partisë Demokratike Gazment Bardhi ngriti shqetësimin se përse një i huaj ka të drejtë të marrë shtetësinë shqptare nëse blen një apartament. Ai pyeti sekretaren Elira Kokona, nëse kjo gjë ishte konsultuar me Bashkimin Evropian, pasi mund të ketë ndikime tek vizat për shqiptarët. Ndërsa, Kokona u shpreh se ky zbatim ka ardhur si pasojë e ligjeve aktuale.
Pjesë nga replikat:
Gazment Bardhi: Pyetja e fundit ka të bëjë me mundësinë që aa që blejnë apartamente, kanë mundësi të aplikojnë për shtetësi shqiptare. A është konsultuar me Komisionin Europian se mund të sjellë efekte në liberalizimin e vizave?
Elira Kokona: Parashikimi me stimujt me të drejtë i referohet programeve të veçanta në fushën e shtetësisë e rezidencës, programe që edhe mos të ishte ky ligj në fuqi, parashikohen në ligjet e Shqipërisë, ligji për të huajt dhe ai për shtetësinë. Praktika prezente globalisht dhe shtete anëtare të BE. Ajo çfarë i referohet BE në rekomandimet e 2014 ka të bëjë me tipologjinë e kushtet e programeve të veçanta, që nuk janë miratuar me këtë ligj, janë mundësi që i jepen një shteti për të autorizuar nxjerrjen e legjislacionit përkatës. Në rastin e rezidencave të arta, kanë lindur se zbatim i të drejtave kushtetuese për të ushtruar aktivitet tregtar. Nuk mund të hapin një aktivitet e të mos kenë akses. Programe të veçanta hartohen me BE. Nuk është programi që është problematik. Nuk është i ndryshëm nga stimuj që janë miratuar tashmë nga ligjet e vendit. Theksi i komenteve të BE i referohet kritereve specifike të programit të veçantë dhe kontrollit të subjekteve që plotësojnë kushtet për të marrë stimujt.
TIRANË- Deputeti i Partisë Demokratike Enkelejd Alibeaj ka ngritur dyshime në lidhje me ndarjen e hitimit në projektin e Portit të Durrësit. I pranishëm në Komisionin e Ligjeve, Alibeaj pyeti se përse shtetit merr vetëm 33% të fitimit, kur në fakt kontribuon 630 milionë euro.
"Si ka mundësi që ky investitori i madh vjen për të investuar me vetëm 80 milion euro në xhep dhe 80 milion euro kredi, ndërsa shteti shqiptar krunde fare hedh në këtë projekt (taksat që hiqen për infrastrukturën, strehimin social dhe 812 mijë metra katrorë truall) 630 milionë euro?! Ndërsa kur vjen puna të fitimi, privati merr 67 përqind të fitimit, ndërsa shteti 33 përqind?"- tha Alibeaj.
TIRANË- Debate në Komisionin e Ligjeve. Pirro Vengu, drejtorit i Autoritetit Portual në Durrës është përplas me deputetin e Partisë Demokratike Gazment Bardhi. I pranishëm në Komisionin e Ligjeve, Vengu po fliste në lidhje me projektit e Portit të Durrësit, në momentin që ndërhyri Bardhi. Deputeti i PD-së shtroi pyetjen për përjashtimin nga taksat të ndërtuesit që shet apartamentet.
Pjesë nga biseda mes tyre:
Pirro Vengu: Pallate, po flasim për ndërtesa e infrastrukturë. Nuk janë pallate janë ndërtesa shërbimesh, banimi. Koncepti zhvillimor, zhvillimi është zhvillim urban jo banesash sociale. U përmendën detyrime te rehabilitimit, nuk kam parë projekt tjetër në Shqipëri për rehabilitimin e vijës bregdetare. Nuk ka parë investim të tillë. Ju i referoheni rezidencave të mbyllura, nuk do ketë tra tek hyrja. Deti është pronë publike me akses publik. Qytetit i rikthehen mijëra metra hapësirë e gjelbër.
Gazment Bardhi: Pyetja ime kishte të bënte me investitor strategjik ku është edhe shteti brenda. Ky zhvillues do shesë apartamente me 1500 euro. Është përjashtuar nga taksa e ndikimit në mjedis. Një zhvillues tjetër që shet po apartamente. Një nga kolegët më tha që quhen tani rezidenca, nuk quhen pallate. Ju jeni mësuar të jetoni në rezidenca, sepse unë ashtu i njoh. Unë nuk ndërtoj pallate dhe nuk di të ndërtoj pallate. Unë po përpiqem të shpjegoj pyetjen time. Përjashtimet nga taksat për apartamentet që ky investitor do shesë a ndikojnë tek konkurrenca me ndërtues të tjerë, kjo ishte pyetje. Do t’i thuash të pushojë pak ai?
Klotilda Bushka: Sapo i thashë. Kur bëni diskutim merrni fjalën
Gazment Bardhi: Përjashtime nga taksa për apartament që ky investitor do të shesë a ndikojnë tek konkurrenca?
Klotilda Bushka: Dhe ju thanë jo sepse nuk ka investim tjetër si ky as në Durrës dhe as në Shqipëri
Gazment Bardhi: S’kam marrë përgjigje.
Klotilda Bushka: Jua thanë pra
Gazment Bardhi: Po flas për veprimtarinë ekonomike moj zonjë. Dëgjova në përgjigjet tuaja që kontributi i shtetit do jetë i shtrirë ne 20 vjet. Kush është ky kontribut? Ju vendosni në dispozicionin pronën publike. Pra leja e ndërtimit do merret pas 20 vjetesh, prandaj taksa do paguhet pas 20 viteve. Ky do ndërtojë në ajër, në këtë moment ne do marrim vetëm të ardhura. Kështu e kuptova unë.
TIRANË- Enkelejd Alibeaj, deputeti i Partisë Demokratike ka kërkuar llogari për kompaninë që merr pjesë në investimin e Portit të Durrës, që sipas tij është e regjistruar në ishujt Kajman. I pranishëm në në Komisionin e Ligjeve, Alibeaj tha se kjo kompani është shpallur investitor strategjik. Por, sekretarja Elira Kokona e hodhi poshtë këtë gjë. Kokona tha se është dhënë statusi i investimit strategjik për një projekt të dorëzuar. Sipas saj, kjo gjë është dhënë me kushtin e verifikimit nga institucionet shqiptare.
Pjesë nga replikat:
Enkelejd Alibeaj: Ka një shoqëri të regjistruar në Shqipëri, pronar më rezulton mua një shoqëri në parajsë fiskale, në ishujt Kajman. A pyetët ju se cilët janë këta pronarë? Kjo kompani më 2 dhjetor të vitit 2021, me vendimin 14/6 i ka dhënë statusin investitor strategjik, një shoqërie, pronari i të cilës është në parajsat fiskale. Juve kur ju erdhi dhe ju trokitën në derë, e pyetët se kush jo ore zotëri se nuk na rezulton. Se po jepni statusin e investitorit strategjik, pyetët apo jo?
Elira Kokona: Pyetëm, dhe jo vetëm pyetëm, por në vendimin që citon Alibeaj, por projekti aplikues ka marrë statusin e investitorit strategjik, jo subjekti. Ndërkohë që në pikën 6 nëse s’gaboj, në një nga pikat e këtij vendimi, investitorit nuk iu dha nga Komiteti i Investitorit strategjik, është dhënë statusi i investimit dhe është kushtëzuar në plotësimin e një serie kërkesash. Po ju tregoj dokumentin zyrtar, jepet detyra për institucionet që të bëjnë verifikime. Nuk është status si investitori, por për investimin si projekt është kushtëzuar me verifikime.
TIRANË- Debate dhe replika në Komisionin e Ligjeve. Deputeti i Partisë Demokratike Enkelejd Alibeaj ka kërkuar që të dijë nëse ka qenë shteti shqiptar që ka kërkuar grupi Emaar për investimin në Portin e Durrësit apo e anasjellta. I pranishëm në Komisionin e Ligjeve, Alibeaj pyeti zëvendësministrin Besart Kadia se si ka ndodhur kjo gjë dhe se përse nuk ka pasur një garë.
Pjesë nga replikat:
Enkelejd Alibeaj: Më rezulton nga të gjitha analizat që kam marrë, që qeveria ka deklaruar se kompania e madhe Emaar Group do të zbatonte projektin e Durësit, si është identifikuar kjo kompani, nga kush, ka bërë ajo kërkesë apo ka shkuar shteti shqiptar? A është eksploruar nga ana e qeverisë shqiptare mundësia për të zhvilluar një garë për këtë temë, çështje?
Besart Kadia, zv/ministër: Përsa i përket pyetjes së parë, doja t’ju thoja që vetë zoti Alabbar ka dalë në deklarata për media ndërkombëtare duke dhënë detaje për projektin. Ai në projektet e tij kudo në botë, ka investuar 14 miliardë euro përgjatë 5 viteve të fundit. Përsa i përket projekteve që zgjedh të bëjë, ai zgjedh një subjekt të caktuar. Të gjitha projektet jashtë vendit, funksionojnë në këtë formë.
Enkelejd Alibeaj: Ju thatë që ishte kërkesë e zotit Alabbar, jo nga Shqipëria…Pyetjet ishin ato që unë bëra pak më parë, kam interest ë veçantë të marr përgjigje për këtë pyetje. Pyetja imë është e thjeshtë, ka shkuar shteti shqiptar dhe i ka vënë gishtin, ti do vish, apo ka ardhur investitori? Kaq e thjeshtë. Kur ka ardhur investitori, qeveria shqiptare, a ka menduar që eksploronin, të shtronin çështjen që duhet operuar me anë të një gare? E ka bërë apo jo?
Klotilda Bushka: Nuk do bëni ju intervistë direkte me të ftuarit duke marrë të gjithë kohën e të pranishmëve.
Enkelejd Alibeaj: Ta sqarojmë tani.
Klotilda Bushka: Ky është rregulli, bëj pyetje merr përgjigje, nuk merrni dot ju të gjithë kohën e komisionit.
Besart Kadia, zv/ministër: Shqipëria është një vend në zhvillim dhe ka shpallur që ka 5 fusha të ndryshme për investime strategjike dhe kërkon investitorë për këtë. Praktika e ndjekur me Alabbar është e njëjta me të gjitha investimet në Shqipëri.
Enkelejd Alibeaj: Edhe njëherë, dakort, Porti i Durrësit është potencial i madh. Erdhi investitori, trokiti, ka pasur interesin e tij, është e logjikshme. Pyetja është, pse shteti shqiptar nuk organizoi një garë për zhvillimin e portit?
Besart Kadia, zv/ministër: Nuk është tënder publik dhe po jepet tender, çdo subjekt në Republikën e Shqipërisë apo për zhvillime të tilla, ne kemi dashur të thithim investitorin. Asnjë subjekt tjetër nuk e ka kaluar këtë vlerë investimi, ky është një investim strategjik. Kështu që zbatohet ai ligj.
Klotilda Bushka: Jemi brenda fushës për ligjin e investimeve strategjike.
Enkelejd Alibeaj: A është zbatuar MSA?
Besart Kadia, zv/ministër: Janë marrë tre mendime, nga autoriteti i konkurrencës dhe nga të tjerët dhe nuk thonë që ka ndikim në këtë fushë.
Enkelejd Alibeaj: Kanë thënë që nuk dëmtohet konkurrenca, por ju pranoni që nuk ka pasur një garë. Psë nuk identifikoi ajo vetë disa investitorë strategjikë në botë që mund të ofronin më shumë se 2.1 miliardë?
Besart Kadia, zv/ministër: Janë 15 investitorë të huaj dhe 50 e ca vendas që e kanë bërë këtë gjë. Në asnjë rast tjetër ju nuk e keni ngritur këtë pyetje. Shteti shqiptar u ka dhënë prioritet 5 fushave, për të thither investitorë të huaj. Kjo gjë nuk ndryshon, nuk është penguar askush. Nuk ka pasur asnjë kërkesë më shumë se 450 milionë euro për keto investime. Detyra është bërë, ligji është zbatuar, kush nuk ka pasur interes, nuk e ka bërë. Ky ka dëshirën, ka vizionin, përputhen me interesin e Shqipërisë dhe ja ku jemi.
Elira Kokona, Zv Sekretare e Përgjithshme në Kryeministri: Në fakt dua të theksoj atë që u përmend nga kolegu Kadia. Në hartimin e parametrave dhe standarteve, kemi pasur parasysh respektimin e ligjeve dhe të kushtetutës e MSA-së. jemi në kushtet e një gare, por është një garë e hapur, nuk ka datë të caktuar. Vendosja e një afati kohor cënon standartin e invetimeve strategjike dhe i bie të ndryshojmë legjislacionin. Çdo interpretim ndryshe do të ishte subjektiv, i pa mbështetur në analiza.
TIRANË- Komisioni i Ligjeve është shoqëruar me debate ditën e sotme. Kryetarja e Komisionit Klotilda Bushka është përplasur deputetin demokrat Gazment Bardhi, teksa në mbledhje po diksutohej Porti i Durrësit. Në momentin qe Bardhi tentoi të merrte fjalën, nuk i është lejuar dhe nisi të fliste pa mikrofon. Pas kësaj Bushka i ka kërkuar Bardhit që të mbaj qetësi dhe të mos prishë mbledhjen.
Pjesë nga debati:
Kadia: Mund të vazhdojë
Bardhi: Të marrim leje
Bushka: Ju lutem a ka mundësi, afroni pak mikrofonin dhe i ftuari po flet a mund ta dëgjojmë.
Bardhi: I ftuari të vazhdojë fjalën.
Bushka: Këtu drejtoj unë, kur të drejtoni ju jepni urdhra, i ftuari do flasi, ne sipas rregullores do e dëgjojmë.
Bardhi:I ftuari do flasi ....
Bushka: Mos ma ngri zërin mua, do flisni sipas rregullores kur të merrni fjalën, nëse nuk keni interes të dëgjoi të ftuarin është çështja juaj, por ju nuk mund të prishni mbledhjen. Mereni fjalën vazhdoni, ju lutem ju jutem zoti Bardhi se nuk ju nderon kjo shprehje.
