6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Enkelejd Alibeaj tha se çdo ditë do të mblidhet me kryesinë dhe grupin parlamentar për të diskutuar mbi kandidaturat që të nxjerrë në zgjedhjet lokale të 14 majit. Pas 3 orësh mbledhje ku të pranishëm ishin 16 deputetë, tek zyrat e reja që ka marrë, përballë kryesisë së Kuvendit, Alibeaj nuk bëri asnjë emër publik, por shtoi se do të kandidojë në të gjitha bashkitë. • Ai kërkoi që kryedemokrati Sali Berisha të lirojë selinë blu, me argumentin se Gjykata e Apelit u aka kaluar atyre zyrat dhe vulën e PD-së. • Alibeaj komentoi dhe kandidimin e demokratëve nën logon e Partisë së Lirisë duke shtuar se ajo është parti e majtë dhe se është kundër statutit të PD-së që të bëhet kjo gjë, referuar koalicionit të Berishës me Ilir Metën. • I pyetur nëse ka një përplasjemes tij dhe deputetit Gazment Bardhi për kandidatët, duke qenë se ky i fundit është shprehur se në Tiranë, Durrës dhe Elbasan nuk do të ketë emra më 14 maj, Alibeaj u përgjigj shkurt dhe tha se për gjithçka vendos kryesia. • Gjithsesi, deputeti nuk e ka mbledhur asnjëherë kryesinë për të marrë vendime dhe numri i pjesëmarrësve në këto mbledhje që zhvillohen nuk ka qenë asnjëherë i deklaruar.
8 artikuj për këtë temë.
TIRANË- Zyrat ku deputeti Enkelejd Alibeaj zhvillon mbledhjen me deputetët e Partisë Demokratike janë përballë Kryesisë së Kuvendi. Sot, Alibeaj mblodhi për herë të parë deputetët dhe zhvilloi konferencën e tij të parë për mediat. Zyrat e reja, përballë asaj të kryeparlamentares Lindita Nikolla, Alibeaj i konsideroi të përkohshme, ndërkohë që kërkoi lirimin e selisë blu nga kryedemokrati Sali Berisha. Duke cituar vendimin e Gjykatës së Apelit, Alibeaj tha se ato zyra u takojnë atyre.
“Pavarësisht disa kërkesave emocionale apo edhe racionale, do të mund të kërkojmë funksionimin me të gjitha elementët e PD-së. Unë kam gjetur mbështetje nga demokratët e tjerë për këtë qëndrim. Unë nuk jam nga ata që i çoj demokratët të bien pre e ndjesive të tyre, nuk kruaj me gisht plagë që mezi po mbyllen, nëse do të mbyllen. Unë besoj tek ligji dhe kur ka një vendim gjykate e ai vendim pranohet, ato zyra dhe ajo seli është e demokratëve,”- tha Alibeaj.
TIRANË- Deputeti Enkelejd Alibeaj ka mohuar të ketë paur një përpasje me kolegun e tij, Gazment Bardhi, referuar kandidaturave për 14 majin. Në një konferencë me gazetarët, Alibeaj u pyet nëse do të nxjerrë kandidatë në Tiranë, Durrës dhe Elbasan, duke qenë se Bardhi është shprehur negativisht, por nuk dha një përgjigje të prerë. Ai tha se për gjithçka do të vendosë kryesia.
Pjesë nga konferenca:
Pyetje: Keni kandidat për Tiranën, Durrësin dhe Elbasanin?
Enkelejd Alibeaj: Procesi është në vazhdim. Ky proces, siç është parashikuar në vendimin e Kryesisë, është një proces që bazohet në statutin e partisë. Në një nga mbledhjet e mëparshme, ne kemi kërkuar kandidimin e Primareve.
Pyetje: Ka një përplasje mes jush dhe zotit Bardhi? Ka patur një paqartësi
Enkelejd Alibeaj: Nuk është paqartësi. Unë dhe kushdo ka detyrim të respektojë vendimet e Kryesisë. Ajo që ka thënë Bardhi është në bazë të qëndrimeve tona për kandidatët e Primareve të grupit të Rithemelimit, janë të ftuar të bashkohen në logon e PD-së. Ky proces, do të vazhdojë të diskutohet këtu në mbledhjet e Kryesisë.
Pyetje: Bardhi deklaroi se në këto 3 bashki nuk do nxirrni kandidatë.
Enkelejd Alibeaj: Është gjithmonë sipas rregullave të statutit që këto do i vendosë Kryesia.
TIRANË- Deputeti Enkelejd Alibeaj ka kërkuar që kryedemokrati Sali Berisha të lirojë selinë blu. Në një konferencë me gazetarët, me argumentin se Gjykata e Apelit ua ka kaluar atyre zyrat dhe vulën e PD-së, Alibeaj tha se zyrat duhen liruar. Ai rikujtoi protestën e 8 Janarit në oborrin e PD-së dhe tha se nuk do të organizojë diçka të tillë. Por, deputeti shtoi se kërkon vetëm zbatimin e ligjit.
Pjesë nga konferenca:
Meqënëse ndodheni në zyrat e reja, keni ndonjë lëvizje për të rimarrë selinë e PD?
E kuptova, unë po e them dhe këtu tek zyrat e reja që janë të përkohshme. Këto janë skena të shëmtuara që nuk na bëjnë nder asnjërit prej nesh. Duhet tu themi qytetarëve kujt po u besoni? Kush po ua kërkon besimin për të qeverisur? Pavarësisht disa kërkesave emocionale apo edhe racionale, do të mund të kërkojmë funksionimin me të gjitha elementët e PD-së. Unë kam gjetur mbështetje nga demokratët e tjerë për këtë qëndrim. Unë nuk jam nga ata që i çoj demokratët të bien pre e ndjesive të tyre, nuk kruaj me gisht plagë që mezi po mbyllen, nëse do të mbyllen. Unë besoj tek ligji dhe kur ka një vendim gjykate e ai vendim pranohet, ato zyra dhe ajo seli është e demokratëve.
TIRANË- Deputeti Enkelejd Alibeaj është shprehur se Lulzim Basha aktualisht është thjesht një anëtar i grupit parlamentar. Në një konferencë me mediat, Alibeaj u pyet se çfarë prezanton Basha aktualisht në PD, por shtoi se nuk kishin diskutuar për të gjatë mbledhjes. Duke qeshur, Alibeaj tha se ai ka të drejtë të paraqitet në forume, por kur ka justifikime, mund edhe të mos shkojë.
Pjesë nga konferenca:
Çfarë përfaqëson sot Lulzim Basha, të shkuarën apo të ardhmen e PD?
Kjo ishte një çështje që nuk u diskutua në mbledhje. Ai është një anëtar i grupit të PD-së. Çdo deputet dhe çdo anëtar ka të drejtë të vijë dhe të thotë fjalën e tij në forume. Ka një të drejtë, të vijë dhe ta zbatojë, jetojmë në demokraci. Por kanë dhe të drejtë të mos jenë prezëntë kur kanë justifikime.
TIRANË- Deputeti Enkelejd Alibeaj ka deklaruar se në zgjedhjet lokale të 14 majit, do të ketë 61 emra. Në një konferencë me gazetarët, Alibeaj tha se janë ende në diskutime për emra konkretë. Ai shtoi se për gjithçka do të vendosë Kryesia.
Pjesë nga konferenca:
Janë të strukturës së partisë, jo të Alibeajt. A i kanë? Ne po diskutojmë. Përshembull, aty ku ishe ti, ishte zoti Bejko që sot na raportoi se ka 4 kandidatura në Gjirokastër. Ne do të diskutojmë mbi to për të gjetur njeriun që do të jetë shëmbëlltura e PD-së me pretendimin për të qenë fitues. Procesi është në vazhdim. Është një proces që vijon, ka një vendim të kryesisë që e ka përcaktuar qartë, që ka përcaktuar pozicionin e partisë që do të marrë pjesë në zgjedhje.
TIRANË- Deputeti ka përsëritur se e ka dorën të shtrirë për çdo kandidat të dalë nga procesi i Primareve. Në një konferencë me gazetarët, Alibeaj tha se përsa i përket kryedemokratit Sali Berisha, me të ka mbyllur çdo komunikim pas shpalljes non-grata nga Departamenti Amerikan i Shtetit. Ai shtoi se e rëndësishme është të rrëzohet kryeministri Edi Rama dhe se për këtë gjë, kandidatët duhen bashkuar.
Pjesë nga konferenca:
Partia Demokratike s'ka si të ketë një kandidat. Kandidatët e tjërë mund të jenë në logo të tjera, PS apo PL, janë kampe të tjera. Së dyti, të marrësh demokratë dhe t'i çosh në një parti që nuk ka ngjyrën dhe logon që kam unë pas, është e papajtueshme me pozicionin e PD-së. Më pyet për Berishën? E kam bërë të qartë një vit e gjysmë përpara, është një çështje identiteti e Partisë Demokratike. PD është një parti pro perëndimore, marrëdhëniet e saj me SHBA-të, Mbretërinë e Bashkiar dhe BE janë thelbi i kësaj partie. Kemi bërë maksimumin përtej çdo durimi, për të bërë të mundur pasjen e një kandidati të demokratëve në mënyrë që të gjithë ata që janë kundër regjimit të Ramës, të kenë një alternativë. Gjithmonë e kemi mbajtur dorën shtrirë ndaj kandidatëve. Për hir të një gjëje më të shenjtë, interesi publik dhe ai i demokratëve, për t'i vendosur një kufi këtij regjimi, është e arsyeshme të ndodhë kështu, një kandidat me moral rreth të cilit të përbashkohen të gjithë ata që duan ta shohin një orë e më parë të rrëzuar Ramën. Është e qartë besoj.
TIRANË- Deputeti Enkelejd Alibeaj është shprehur se këtë javë do të zhvillojë çdo ditë mbledhje me demokratët. Në një prononcim për mediat pas mbledhjes që zhvilloi sot, Alibeaj tha se në çdo takim do të diskutohet për emrat e kandidatëve që do të garojnë në zgjedhjet lokale të 14 majit. Ai tha se procesi është në vijim.
Pjesë nga fjala e Alibeajt:
Këtë javë do të kemi çdo ditë mbledhje. Sot diskutuam për emrat e mundshëm për kryetarë bashkie. Do të kemi edhe nesër mbledhje të Kolegjit të kryetarëve. Sot është diskutuar në lidhje me procesin e miratimit të kandidaturave. Procesi është në vijim
TIRANË- 16 deputetë janë prezentë në mbledhjen që po zhvillon Enkelejd Alibeaj. Mbledhja po mbahet tek zyrat e reja që ka marrë Alibeaj.
Të pranishëm janë: Eralda Tase Bane; Orjola Pampuri; Dhurata Çupi; Zheni Gjergji; Ferdinand Xhaferraj; Bledion Nallbati; Gazment Bardhi; Kreshnik Collaku; Merita Bakiu; Enkelejd Alibeaj; Selaudin Jakupllari; Dashnor Sula; Arbi Agalliu; Lefter Gështenja; Andia Ulliri; Flamur Hoxha.
Pritet që pas mbledhjes së sotme, Alibeaj të dalë në një deklaratë për mediat, për të zbuluar se cila është zgjedhja për lokalet e 14 majit, kur PD-ja e Sali Berishës ka refuzuar publikisht kërkesën e tyre për të dalë me një kandidat të përbashkët. Ndërkohë që Alibeaj e deputetët pranë tij bëjnë thirrje për bashkim, Berisha dhe Ilir Meta prezantojnë garues që do të kandidojnë nën siglën e koalicionit "Bashkë fitojmë!". Afati për koalicionet është 26 marsi, datë pas të cilës, listat konfirmohen nga KQZ dhe i hapet rruga edhe modelit të fletës së votimit.
