Berisha: 14 maji është dita e kurorëzimit të pluralizmit politik, qytetarët të kënaqur me alternativat tona

12 Maj 2023, 12:25 Nga I.A

Sali Berisha

TIRANË- Kryetari i Partisë Demokratike Sali Berisha ka deklaruar sot se 14 maji është dita e kurorëzimit të plotë të pluralizmit politik. Në konferencën për shtyp, Berisha u shpreh se kjo ka qenë një nga fushatat më të mira të tij dhe ka besim se do të triumfojë në zgjedhje. Po ashtu Berisha ka shtuar se qytetarët janë të kënaqur me alternativat dhe programet e tyre për bashkinë në vend. 

"Në këtë fushatë, në rrugët dhe sheshet, qytetet dhe fshatrat e Shqipërisë, në mendjen dhe zemrat e qytetarëve u përballën dy alternativa. U përball alternativa e njerëzve të lirë, alternativa e pluralizmit, alternativa e dinjitetit, e të ardhmes së shqiptarëve, alternativa e interesave individuale dhe kombëtare të shqiptarëve me alternativën e pushtetit në duart e një njeriu, me alternativën e monizmit të bazuar në krimin, drogën dhe vjedhjen e qytetarëve shqiptarë, me alternativën e bazuar në terrin dhe mafien, me alternativën që u krijoi shqiptarëve dramën më të madhe me shpopullimin e vendit. Një alternativë që varfëroi shqiptarët në mënyrën më të pamëshirshme dhe i largoi nga vendi i tyre.

Vij sot për të shprehur mirënjohjen të pakufishme atyre qindra mijëra qytetarëve me të cilët u takova në sallat, sheshet dhe rrugët e Shqipërisë, për mbështetjen e madhe, për epërsinë totale morale që vendosëm në këtë fushatë ndaj krahut obskur, krahut monist. Në kushtet më të pabarabarta që mund të zhvillohej një fushatë, epërsinë më të madhe e pati koalicioni ynë ‘Bashkë Fitojmë’. Fushata ishte mbi të gjitha një fushatë për qytetarin, një fushatë në të cilën qeveritarët tanë të ardhshëm vendorë paraqitën para qytetarëve programet më të mira për problematikat e mëdha të krijuara këto vite të qeverisjes shumë, shumë problematike të Rilindjes. Në këtë kontekst, ishte një festival do të thosha, programesh, vlerash, optimizmi, që qarkoi të gjithë vendin me sukses të plotë.

Ndaj dhe kam vetëm mirënjohje të pakufishme ndaj qytetarëve, mirënjohje të pakufishme ndaj kandidatëve tanë për frymën qytetarë që përcollën në këtë fushatë, krahasuar me kandidatët e territ, e valixheve me euro krimi, të cilët nuk guxuan kurrë njësoj si kryetari i tyre të paraqiten në debate televizive apo sheshe para qytetarëve për të debatuar për alternativën dhe bilancet. Kurora e fushatës ishte Tirana, por xhevahiret në këtë kurorë ishin fushatat e Elbasanit, Durrësit, Shkodrës, Kavajës, Korçës, Lushnjes, Gjirokastrës, Sarandës. Pra, nuk mund të veçosh. Nuk kam gjetur ndonjëherë qytetarë më të kënaqur nga alternativat e paraqitura se në këtë fushatë. 14 maji, kjo është dita e kurorëzimit të plotë të pluralizmit politik në Shqipëri, e triumfit të ndryshimit dhe të kandidatëve tanë," tha Berisha.

sali berisha

Në përputhje me standarded JTI

Politike 12 Maj 2023, 12:17 A.B

Po e lavdëron apo poshtëron? Rama për kryebashkiakun e Pukës: S'ka rënë nga qielli, i ka ato të vetat! Për komshi mbajeni larg

Edi Rama PUKË- Nuk dimë nësë ky fjalim për kryebashkiakun e Pukës, Gjon Gjonajn ishte lavdërim apo poshtërim. Kryem...

Politike 12 Maj 2023, 12:20 I.A

Arrestimi i Belerit, Berisha: Hakmarrje politike, këto janë qëllimet mafioze të Ramës

Sali berisha TIRANË- Kryetari i Partisë Demokratike Sali Berisha arrestimin e kandidatit për bashkinë e Himarës Fredi Beleri ...

Politike 12 Maj 2023, 12:04 A.B

Të shtënat me armë nga 26-vjeçari në Pukë, Rama: Një bandit! Është djali i gjykatësit të larguar nga vettingu për korrupsion

Edi Rama PUKË- Kryeministri Edi Rama komentoi ditën e sotme të shtënat me armë zjarri që ndodhën pak ditë më p...

Politike 12 Maj 2023, 12:07

“Po filmoja, m’u turrën punonjësit e bashkisë”, deputeti i PD denoncon takimin në Maliq, kryebashkiaku: U takuam për problemet e traktoristëve

Edmond Spaho dhe Gëzim Topçiu MALIQ- Një incident është regjistruar në fshatin Vreshtas në Maliq, ku kryebashkiaku i k...

Politike 12 Maj 2023, 11:55 I.A

“Shikoni kryetarin e Bashkisë që mbledh vota”, Përplasja e plotë mes Spahos dhe Topçiut në Maliq: Ik o Mondi, u bëre si adoleshent

Ilir Pendavinji MALIQ- Deputeti demokrat Edmond Spaho është përplasur sot me kryebashkiakun e Maliqit Gëzim Topçiu dhe me d...

Politike 12 Maj 2023, 11:35 I.A

VIDEO/ Nisma Thurje mbyll fushatën elektorale në Tiranë: Të thyejmë sërish bustet

Qytetaret TIRANË- Nisma Thurje mbylli fushatën zgjedhore, në një event ku u dhanë mesazhe për ndryshimin e klasës politi...

Politike 12 Maj 2023, 11:22 f.i

'THRILLER'- Arrestimi i Belerit në Shqipëri, 'vlojnë' mediat greke: Ende nuk është liruar

Fredi Beleri GREQI- Rasti i arrestimit të kandidatit për kryetar të Bashkisë Heimarë Fredi Beleri, mbrëmjen e së enjtes ...

Politike 12 Maj 2023, 11:18 A.B

ZYRTARISHT i arrestuar! Kandidatit të 'Bashkë Fitojmë', Fredi Belerit i komunikohet urdhërarresti (DOKUMENTI + AKUZAT)

Fredi Beleri TIRANË-Kandidati i koalicionit “Bashkë Fitojmë” për bashkinë e Himarës, Fredi Baleri është...

Politike 12 Maj 2023, 11:06 A.B

Tensionet në Kukës! Akuzat për blerje votash, reagon Safet Gjici: Ne kontrollojmë territorin nga bandat! Të bllokohen makinat me targa të huaja

Safet Gjici KUKËS- Kandidati i Partisë Socialiste për Bashkinë e Kukësit për '14 Majin', Safet Gjici, ka dalë publikisht...

Politike 12 Maj 2023, 11:04 A.B

"Skemat e përdorura nga PS për vjedhje dhe manipulime votash"/ DENONCIMI i PD: SPAK dhe KQZ të marrin masa

DEKLARATË PËR MEDIA E N/KRYETARIT TË PD, OERD BYLYKBASHI Partia Demokratike ka marrë e po merr masa për të garantuar votën...

MË SHUMË