Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Në një deklaratë për mediat, Gjokutaj ngiti akuza të rënda për manipulim të fakteve dhe prapavijë tërësisht politike të dosjes.
TIRANË- Avokati Genc Gjokutaj deklaroi se çështja ndaj Jamarbër Malltezit, është ndërtuar mbi një zinxhir falsifikimesh. Në një deklaratë për mediat, Gjokutaj ngiti akuza të rënda për manipulim të fakteve dhe prapavijë tërësisht politike të dosjes.
Sipas tij, vetë kallëzimi i kësaj çështje i bërë nga Taulant Balla është i falsifikuar dhe përmban atribuime të cilat vetë prokurorët i kanë vërtetuar që nuk janë të vërteta. Gjokutaj pretendon se edhe vetë hetimi ka qenë i falsifikuar duke shtuar se mbrojtja ka paraqitur akte pafund gjatë hetimit paraprak ndërsa SPAK i ka kthyer mbrapsht.
Genci Gjokutaj: Në fakt, zoti Malltezi dhe kolegët shpaluan dhe tre elementë, po themi, pikantë që ka kjo çështje, por unë desha që t'ju sjell në vëmendjen tuaj në mënyrë shumë të shkurtër, për t'ju thënë që në këtë çështje ka si fill falsifikimin. Pse? Kemi të bëjmë me një kallëzim të falsifikuar. Vetë kallëzimi i kësaj çështje i bërë nga Taulant Balla është i falsifikuar dhe përmban atribuime të cilat vetë këta prokurorë i kanë vërtetuar që nuk janë të vërteta. Që te pretendimi i shtetëzimit që nuk ka ekzistuar. Ne kemi provuar të gjitha me dokumenta këto. Vazhdon me një hetim të falsifikuar dhe që për çudi, të gjitha këto gjykohen nga një gjyqtare falsifikatore. E vërtetuar së fundmi, përgjegjëse për veprën e falsifikimit. Pra, shikoni se çfarë profili ka kjo çështje, duke ndjekur, për dijeninë tuaj, ne kemi paraqitur akte pafund gjatë hetimit paraprak dhe SPAK-u nuk ka dashur, nuk ka dashur t'i pranojë dhe na e ka kthyer mbrapsht.
I tillë është ky hetim dhe dëshira e tyre për të hetuar në mënyrë objektive. Pra, çfarë ka ndodhur? Ata vetë kanë provuar falsitetin dhe në vend që këtë çështje ta pushojnë se s'ka fakt penal se nuk ka vepër penale, se nuk ka pasojë, sepse gjithmonë një krim shoqërohet me një pasojë, të cilën ata nuk dinë ta thonë se çfarë është. Dhe pa pasojë nuk ka vepër penale. E kanë provuar dhe me një guxim të marrë e nisin në gjyq, ndonëse fabula e kallëzimit me fabulën e kërkesës për gjykim dhe akuzës nuk kanë ngjashmëri, janë si dita me natën. Dhe ata vazhdojnë, akuzojnë sot e kësaj dite. Do t'ju them dhe dy elementë pse ne themi që kjo çështje ka një profil pastërtisht politik, sepse historia nisi që me KLGJ-në, që brenda tre javëve KLGJ-ja në lidhje me shkarkimin e gjyqtares Irena Gjoka, thotë, po, është e vërtetë që në vitin '96, KLD-ja me në krye ish-presidentin Berisha, e ka shkarkuar gjyqtarin Irena Gjoka, ndërsa mbas tre javëve kur e kërkon parlamenti, thotë nuk kam nuk kemi databazë.
Pra, kanë shkarkuar, kanë fshirë databazën. Është kjo KLGJ që merr këtë vendim dhe nuk i hyn hetimit të kësaj gjyqtareje ndonëse i kërkon Prokurorisë së Përgjithshme hetim të thelluar, Prokuroria e Përgjithshme ia sjell materialin dhe kjo thotë, nuk e miratojmë ne, thotë, relacionin e katër anëtarëve të saj. Dhe e fundit, që është çështja në themel të çështjes, duhet të dini jo vetëm zoti Berisha, që nuk ka përgjegjësi penale pasi vendimmarrja është kolegjiale, është, vendimmarrja është në kuadër të një programi politik të Partisë Demokratike për rregullimin e marrëdhënies së pronës së pronarëve dhe ligji i ri sigurisht ka elementë shumë më shtrëngues dhe filtra shumë më të qartë në lidhje me problemin e pronës, nga e cila kanë përfituar me qindra mijëra shtetas, por zoti Jamarbër Malltezi ç'punë ka këtu?
Sepse dispozita e thotë qartë, zyrtari i lartë shtetëror. Dhe do ta mbyll me një kazus, me një çështje, me, në fakt janë dy çështje të Gjykatës së Lartë. Në mars, Gjykata e Lartë, ne kemi kërkuar gjithë kohës që zoti Jamarbër Malltezi, gjeni nenin, se nuk mund të përgjigjet për korrupsion të zyrtarit të lartë kur nuk ke qenë asnjëherë në jetën tënde zyrtar i lartë. Çfarë ka ndodhur? Në mars të vitit 2024, Gjykata e Lartë, në gjykimin e masës së sigurimit ndaj zotit Malltezi, thotë që, edhe duke mos qenë, thotë, zyrtar i lartë, justifikohet masa, dhe e ka legjitimuar që edhe pa ekzistencën e këtij subjekti mundet. Në 8 prill, mos gaboj, të 2025-ës, në rastin e një çështje pikërisht për korrupsion pasiv të zyrtarëve të lartë, Gjykata e Lartë, i njëjti trup gjykues, dhe kjo është, kjo është ajo pjesa më pezhorative, i njëjti trup gjykues, e njëjta treshe, thotë, vepra penale, thotë, e korrupsionit të zyrtarëve të lartë, kërkon, thotë, domosdoshmërisht ekzistencën e këtij subjekti të posaçëm, zyrtar i lartë shtetëror. Pra, nga marsi i 2024-ës deri në prill të 2025-ës, i njëjti trup gjykues, Gjykata e Lartë, jo shkalla e parë, mban dy qëndrime.", u shpreh Gjokutaj./Dosja.al
Jamarbër Malltezi TIRANË- Dhëndëri i kryedemokratit Sali Berisha, Jamarbër Malltezi dhe avokatët e tij kanë mbajtur nj&e...
Mali i Zi Çështjet e identitetit në Mal të Zi u hapën sërish. Debati për gjuhën, shtetësinë dhe flamu...
Ajola Xoxa TIRANË- Ajola Xoxa, bashkëshortja e kryebashkiakut të Tiranës, Erion Veliaj është paraqitur ditën e sotm...
Foto ilustruse Ministri i të Drejtave të Njeriut dhe të Pakicave i Serbisë, Demo Berisha, deklaroi se të drejtat e shqiptarëv...
Rama dhe Netanyahu TURQI- Media turke konservatore 'Yeni Akit' ka publikuar një artikull kritik ndaj kryeministrit Rama, duke e quajtur atë ...
Adriatik Lapaj TIRANË- Kreu i Lëvizjes “Shqipëria Bëhet”, Adriatik Lapaj u shpreh se refuzon bashkimin me Partin...
Adriatik Lapaj TIRANË- Kryetari i “Shqipëria Bëhet”, Adriatik Lapaj ka deklaruar se kryeministri Rama ka tentuar dy herë ta...
Albana Koçiu TIRANË- Ministrja e Brendshme Albana Koçiu ka mohuar lajmet për heqjen e udhëzimit për ndalimin e monop...
Sali Berisha TIRANË- Kryetari i Partisë Demokratike, Sali Berisha tha se Shqipëria po shkon drejt zhdukjes. Gjatë takimi...
Sali Berisha TIRANË- Kreu i PD-së, Sali Berisha deklaroi se çdo demokrat e demokrate duhet të ndjejë veten në mision, ...
