Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Me anë të një postimi në Facebook, Bardhi shkruan se nëse Rama do të kuptonte nga ligji, Shqipëria do të ishte një vend më i mirë dhe nuk do të ishte në krye të vendeve me korrupsion madhor.
TIRANË- Kreu i Grupit Parlamentar të Partisë Demokratike Gazment Bardhi i është përgjigjur postimit të kryeministrit Edi Rama në lidhje me kërkesën që ai i ka çuar SPAK për informacion. Me anë të një postimi në Facebook, Bardhi shkruan se nëse Rama do të kuptonte nga ligji, Shqipëria do të ishte një vend më i mirë dhe nuk do të ishte në krye të vendeve me korrupsion madhor.
Bardhi po ashtu ka shpjeguar se çështja e hetimit të përfshirjes së Olsi Ramës në trafikun e Xibrakës është njësoj si çështja e hetimit të përfshirjes së Edi Ramës në aferën e korruptimit të ish-shefit të kundërzbulimit të FBI-së Charles McGonigal. Ndërkohë që më tej Bardhi shkruan se nëse do mund të merren me fjalorin juridik ose me faktin që të dy vëllezërit Rama janë nën hetim nga SPAK, njëri në dyshim për përfshirje për trafik droge, tjetri, kryeministri, për dyshim në korruptimin e ish-shefit të kundërzbulimit të FBI-së.
Postimi i Bardhit:
Nëse Edi Rama do të kuptonte nga ligji, Shqipëria do të ishte një vend më i mirë, dhe nuk do të ishte në krye të listës së vendeve me korrupsion madhor të përhapur në çdo sektor apo me lidhje të forta me krimin e organizuar. Avokati i çdo afere korruptive dhe kriminale të familjarëve dhe bashkëpunëtorëve të tij, do të donte që numri 335/1 të mos ekzistonte në databazën e prokurorisë, që kjo e fundit të regjistronte një kallëzim të ri, që raportet e policisë dhe përgjimet e prokurorisë shqiptare dhe gjermane të dosjes Xibraka të mos ekzistonin, që të dhënat e TIMS të mos ekzistonin. Fati i keq i vëllait të madh të Olsit, është që ato ekzistojnë dhe janë në dosjen 335/1. Asnjë propagandë e jotja, veglave të tua, apo mediave në shërbimin tënd, nuk e fshehin dot të vërtetën, as makinën me targë AA 653 DM. As budallëku yt se unë paskam kapur Rai 3, nuk e zhvendos dot vëmendjen nga e vërteta, sado të qeshura shkakton!
Për zhurmën e ditës, do ta kuptojë shumë shpejt Edi Rama, nëse kam bërë apo jo kallëzim në SPAK për vëllain e tij që ka përdorur të njëjtën makinë me kartelin e drogës. Dallimin ligjor të informacionit/kallëzimit që kam dërguar në Prokurorinë e Posaçme Antikorrupsion me kallëzimin e ri që regjistrohet në regjistrin e veprave penale në kuptimin penal të fjalës, mund t’ia shpjegojë fare mirë Engjëll Agaçi, eksperti i tij për çështjet e trafikantëve të drogës. Megjithatë një shpjegim mund t’ia jap dhe unë.
Çështja e hetimit të përfshirjes së Olsi Ramës në trafikun e Xibrakës është njësoj si çështja e hetimit të përfshirjes së Edi Ramës në aferën e korruptimit të ish-shefit të kundërzbulimit të FBI-së Charles McGonigal. Për McGonigal kërkova të nisë hetimi. Kur dolën fakte të reja, nuk dorëzova kallëzim nga e para, por dërgova informacion shtesë të kallëzimit, sepse dosja penale ekziston. Njësoj dhe për Olsin e çunave të Xibrakës. Dosja penale ekziston e pezulluar dhe informacioni/kallëzimi shtesë është për ta vënë në lëvizje këtë dosje që Edi Rama do të dëshironte ta varroste. Tani, do të merremi me fjalorin juridik apo me faktin që të dy vëllezërit Rama janë nën hetim nga SPAK, njëri në dyshim për përfshirje për trafik droge, tjetri, kryeministri, për dyshim në korruptimin e ish-shefit të kundërzbulimit të FBI-së?! Zgjidh e merr Edi Rama! Burrat nuk fshihen pas lojrave të fjalëve!
Ta mirëkuptoj dhe inatin që s’të del me rrëzimin e padisë për kallëzim të rremë ndaj meje, sepse u zgjidh edhe dilema që po vetë ngrite si alibi ditore “ose unë në burg, ose Olsi”. Ndërkohë, bën mirë të qetësohesh, të mendosh alibinë e rradhës dhe të bëhesh gati për interpelancën e së enjtes! Mos u fshih prapë pas fustanit të grave! Alibia se duke mbrojtur Olsin, po mbron Shqipërinë, nuk ta merr kush seriozisht. Shqipëria dhe Olsi nuk janë e njëjta gjë, edhe pse ti e trajton Shqipërinë si shtëpinë tënde, që e ndan me pjesë për familjarët apo bashkëpunëtorët e tu. P.s: Me padinë për shpifje nr. 22, bëre gjë, apo e le të tretet me propagandën e ditës?
Por si qëndron e vërteta?
Në fakt Gazment Bardhi nuk ka bërë kallëzim ndaj Olsi Ramës pasi të dhënat që ka bërë denoncimin në media i ka marrë nga dosja e çështjes Xibraka që ndodhej në arkivën e ish-Prokurorisë së Krimeve të Rënda. Në kërkesën që Bardhi bëri në Prokurori i ka kërkuar SPAK që të marrin dosjen e çështjes Xibraka dhe të rihapin hetimin e lënë pezull nga Prokuroria e Krimeve të Rënda që është shkrirë tashmë në SPAK. Ndërsa kallëzim penal bëhet kur personi zbulon ose siguron fakte të reja në lidhje me një çështje, ndërkohë që faktet e dosjes Xibraka janë tashmë në arkivat e SPAK.
Edi Rama TIRANË- Kryeministri Edi Rama ka reaguar për mos nisjen e hetimit të SPAK ndaj kreut të Grupit Parlamentar të PD-së ...
Nicola Fratoianni ITALI- Sekretari i të majtës italiane Nicola Fratoianni ka bërë një reagim të fuqishëm, në lidhje...
Gazment Bardhi TIRANË- Prokuroria e Posaçme Kundër Korrupsionit dhe Krimit të Organizuar (SPAK) ka marrë vendim për mosfill...
Bashkia Puke PUKË- Një sherr fizik ka ndodhur në Bashkinë e Pukës. Mësohet se ditën e djeshme rreth orës 16:30...
Anëtarët TIRANË- Anëtarët e maxhorancës në Komisionin Hetimor për Shërbimet Publike të Sterilizimit dhe ...
Gazment Bardhi TIRANË- Dosja.al, ka siguruar shkresën e Kreut të Grupit Parlamentar të Partisë Demokratike Gazment Bardh...
Blendi Gonxhja TIRANË- Përçarja mes kryeministrit Edi Rama dhe kryebashkiakut Erion Veliaj duket se sa vjen dhe po bëhet më...
Edi Rama dhe Sigfrido Ranucci ITALI- Mediat italiane raportojnë se kryeministri Edi Rama mund jetë i ftuar së shpejti në emisionin...
Komisioni TIRANË- Përçarja në Komisionin Hetimor të Sterilimit ka vijuar më shumë ditën e sotme. Në vid...
Olsi Rama dhe Gazment Bardhi TIRANË- Njoftimi i Prokurorisë së Posaçme në lidhje me kallëzimin e vëllait të kryem...
