GJKKO merr vendimin për Sali Berishën, kryedemokrati lihet në 'arrest shtëpie'

30 Dhjetor 2023, 12:38 Nga I.A

Sali Berisha

TIRANË- Gjykata e Posaçme ka dhënë vendimin për kryedemokratin Sali Berisha. GJKKO ka vendosur që Berisha, i cili akuzohet për çështjen Partizani, të lihet në masën e sigurisë 'arrest shtëpie'. Kjo masë sigurie u kërkua nga prokurorët e SPAK, pasi Berisha nuk respektoi masën e sigurisë detyrim paraqitje të vendosur më para.

Në kërkesën e SPAK për GJKKO, theksohet se Berisha duhet të izolohet plotësisht dhe duhet që të komunikoj vetëm me familjarët e ngushtë. Po ashtu SPAK kërkoi që dera e banesës së Berishës, të ruhet me polici. Vendimin nga GJKKO e ka dhënë gjyqtarja Irena Gjoka, për të cilën Berisha dhe avokatët e tij kanë dorëzuar kërkesë për heqjen e saj nga çështja për shkak të konfliktit personal. Kjo pasi Berisha në vitin 1996 e ka shkarkuar, Gjokën nga detyra dhe për këtë çështja duhej të gjykohej nga një gjyqtar tjetër. 

Njoftimi i GJKKO-së:

                                                   SHKURTIM  VENDIMI

“PËR ZËVDËSIMIN E MASËS SË SIGURIMIT”

Gjykata e Posaçme e Shkallës së Parë për Korrupsionin dhe Krimin e Organizuar, e përbërë prej:

                                                GJYQTARE: IRENA GJOKA 

asistuar nga sekretare gjyqësore Bora TOTOLAKU, sot me datë 30.12.2023, mori në shqyrtim në seancë gjyqësore, kërkesën penale me nr.520 Rregj.Them., datë rregj. 22.12.2023 që i përket:

KËRKUES: Prokuroria e Posaçme Kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.

OBJEKTI: Zëvendësim i masave të sigurimit personal shtrëngues, “Detyrim për t’u paraqitur në policinë gjyqësore” parashikuar nga neni 234 i K.Pr.Penale dhe “Ndalim i daljes jashtë shtetit”, parashikuar nga neni 233 i K.Pr.Penale, me masën e sigurimit personal shtrëngues “arrest në shtëpi” parashikuar nga neni 237 i K.Pr.Penale, ndaj personit nën hetim Z. Sali Berisha.

SHTETAS NËN HETIM:

Sali Berisha, i biri i Ram-ës dhe i Shiqere-s, i datëlindjes 15.10.1944, lindur në Tropojë dhe banues në Tiranë, në adresën: Rruga "Mustafa Matohiti", Ndërtesa 36, Hyrja l, Nd. 036, Njësia Administrative nr. 2, me nr. personal E40701031R, i mbrojtur në këtë gjykim nga av.Genc Gjokutaj me nr.license 1309, Nipt K72208001G, anëtar i Dhomës së Avokatisë Tiranë dhe av.Sokol Mëngjesi me nr.license 3673, Nipt L41803013C, anëtar i Dhomës së Avokatisë Tiranë, të zgjedhur me prokurën e posaçme me Nr. 2456 Rep. Nr. 1060/2 Kol datë 26.12.2023.

I DYSHUAR: Për kryerjen e veprës penale “Korrupsioni pasiv i funksionarëve të lartë shtetërore ose të zgjedhurve vendorë”, kryer në bashkëpunim, parashikuar nga neni 260 e 25 i Kodit Penal.

BAZA LIGJORE: Nenet 228, 229, 230, 231, 232, 237, 244 dhe 260 të K.Pr.Penale.

Gjykata, pasi shqyrtoi kërkesën, vlerësoi çështjen në tërësi, dëgjoi palët në kërkimin përfundimtar, të cilat kërkuan:

Prokuroria e Posaçme Kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai, kërkoi:  Pranimin e kërkesës sipas objektit; Zëvendësimin e masave të sigurimit personale shtrënguese, "detyrim për t'u paraqitur në policinë gjyqësore" parashikuar nga neni 234 i K.Pr.Penale dhe "Ndalim i daljes jashtë shtetit" parashikuar nga neni 233 i K.Pr.Penale, caktuar ndaj personit nën hetim Safi Berisha, i biri i Ram dhe i Shiqere, datëlindja 15.10.1944, lindur në Tropojë, me nr personal E40701031 R, i dyshuar për kryerjen e veprës penale "Korrupsioni pasiv i funksionarëve të lartë shtetërore ose të zgjedhurve vendorë" kryer në bashkëpunim, parashikuar nga neni 260 e 25 i K.Penal, me vendimin nr. nr. 112 datë 20.10.2023, të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, të verifikuar me vendimin nr. 117 datë 26.10.2023, të po së njëjtës gjykatë, lënë në fuqi me vendimin nr. 56 datë 21.11.2023, të Gjykatës së Posaçme të Apelit për Korrupsionin dhe Krimin e Organizuar Tiranë, me masën e sigurimit "arrest në shtëpi" parashikuar nga neni 237 i K.Pr.Penale, në adresën e vetëdeklaruar në akte nga personi nën hetim Sati Berisha, duke e urdhëruar atë të mos largohet nga banesa e tij e ndodhur në adresën Rruga "Mustafa Matohiti", Ndërtesa 36, Hyrja l, Nd. 036, Njësia Administrative nr. 2, Tiranë, duke u siguruar ruajtja e tij me punonjës policie të shtetit, si dhe ndalimin e komunikimit me persona të tjerë përveç atyre që bashkëjetojnë në të njëjtën banesë me të.

Shtetasi nën hetim Sali Berisha, nëpërmjet përfaqësuesëve të tij ligjorë, av.Genc Gjokutaj dhe  av.Sokol Mëngjesi, kërkoi: Rrëzimin e kërkesës së prokurorisë.

Gjykata bazuar në nenet, 228, 229, 230, 231, 232, 233, 237, 249, 260/2, 466 të Kodit të Procedurës Penale,

VENDOSI:

1. Pranimin e kërkesës së Prokurorisë së Posaçme kundër Korrupsionit dhe Krimit të Organizuar.

2.Zëvendësimin e masave të sigurimit personal me karakter shtrëngues “detyrimi për t’u paraqitur në policinë gjyqësore”  parashikuar nga neni 234 i K.Pr.Penale dhe "Ndalim i daljes jashtë shtetit" parashikuar nga neni 233 i K.Pr.Penale, caktuar me vendimin Nr.112, datë 20.10.2023, verifikuar me vendimin nr. 117 datë 26.10.2023, të Gjykatës së Posaçme të Shkallës së Parë për Korrupsionin dhe Krimin e Organizuar, lënë në fuqi me vendimin nr. 56 datë 21.11.2023, të Gjykatës së Posaçme të Apelit për Korrupsionin dhe Krimin e Organizuar, me masën e sigurimit personal shtrëngues “arresti në shtëpi”, parashikuar nga neni 237 i K.Pr.Penale, ndaj shtetasit nën hetim Sali Berisha,  i biri i Ram-ës dhe i Shiqere-s, i datëlindjes 15.10.1944, lindur në Tropojë, me nr. personal E40701031R, i dyshuar për kryerjen e veprës penale “Korrupsioni pasiv i funksionarëve të lartë shtetërore ose të zgjedhurve vendorë”, kryer në bashkëpunim, parashikuar nga neni 260 e 25 i Kodit Penal.

2.1. Urdhërohet shtetasi nën hetim Sali Berisha, të mos largohet nga banesa e tij e ndodhur në adresën: Rruga "Mustafa Matohiti", Ndërtesa 36, Hyrja l, Nd. 036, Njësia Administrative nr. 2, Tiranë si dhe të mos komunikojë me persona të tjerë përveç atyre që bashkëjetojnë në të njëjtën banesë me të.

3-Për ekzekutimin e këtij vendimi ngarkohet Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.

4- Mbikëqyrja e zbatimit të masës së sigurimit “arrest në shtëpi”, parashikuar nga neni 237 i K.Pr.Penale, si dhe urdhërimeve të përcaktuara në këtë vendim të kontrollohet nga Prokuroria e Posaçme kundër Korrupsionit dhe Krimit të Organizuar dhe shërbimet e policisë gjyqësore, pranë Drejtorisë së Përgjithshme të Policisë së Shtetit.

5-Kundër këtij mund të bëhet ankim nga palët, brenda pesë ditëve, në Gjykatën e Posaçme të Apelit për Korrupsionin dhe Krimin e Organizuar.

U shpall në Tiranë, sot më datë 30.12.2023.

           GJYQTARE       SEKRETARE

        IRENA GJOKA       BORA TOTOLAKU

sali berisha

Në përputhje me standarded JTI

Politike 30 Dhjetor 2023, 12:28 I.A

Rama: Në qershor do të ketë rritje page për mjekët, arsimtarët dhe punonjësit e policisë

Edi Rama TIRANË- Kryeministri Edi Rama ka deklaruar se në qershor do të ketë rritje page për disa profesione që u ë...

Politike 30 Dhjetor 2023, 12:19 a.l

Zelenskyy nderon Ramën me Urdhrin e Princit ‘Jaroslav i Urti’, vlerësimi më i lartë bashkë me Princin e Arabisë Saudite dhe kryeministrin spanjoll

Edi Rama dhe Volodymyr Zelenskyy TIRANË- Presidenti i Ukrainës, Volodymyr Zelenskyy ka nderuar kryeministrin Edi Rama me Urdhrin e Pri...

Politike 30 Dhjetor 2023, 12:19 I.A

Konferenca e fundvitit me gazetarët, Rama: Vit i mirë për Shqipërinë, rritja ekonomike 3.7%

Edi Rama TIRANË- Kryeministri Edi Rama e ka konsideruar vitin 2013 si një vit i mirë për Shqipërinë. Gjatë konferen...

Politike 30 Dhjetor 2023, 11:52 I.A

Gjyqi ndaj Berishës, avokatët mbërrijnë në GJKKO, Mëngjesi: Kemi dorëzuar me postë kërkesën tjetër për përjashtimin e Irena Gjokës

GJKKO TIRANË- Avokatët e kryedemokratit Sali Berisha, Genc Gjokutaj dhe Sokol Mëngjesi kanë mbërritur pranë ambienteve t...

Politike 30 Dhjetor 2023, 10:25 I.A

Dosja.al zbardh përgjimet nga dosja hetimore e SPAK, fatura fiktive e lëshuar nga Kurtulaj, lekët i merr mbrapsht në dorë

   SPAK TIRANË- Dosja.al ka zbardhur ekskluzivisht të tjera përgjime në lidhje me dosjen hetimore që SPAK ka ...

Politike 30 Dhjetor 2023, 10:08 I.A

Ekskluzive/ Hetimet e SPAK, dalin bisedat mes Beqajt dhe Kurtulaj: Aneksi 8 mor burrë, i thuaj Gazit të takohemi në orën 4

Ilir Beqaj TIRANË- Dosja.al ka siguruar në mënyrë ekskluzive dosjen hetimore të hetimeve të SPAK që ka hapur n...

Politike 29 Dhjetor 2023, 22:31 I.A

Hetimet e SPAK, Dosja hetimore: Ermal Kurtulaj pronar i një restoranti te Kalaja e Tiranës, vepron për llogari të Beqajt

TIRANË- Pjesë nga dosja hetimore e SPAK ndaj Ilir Beqajt dhe Ermal Kurtulajt është zbardhur nga Dosja.al. Në dosje ësh...

Politike 29 Dhjetor 2023, 22:12 I.A

Hetimet e SPAK/ Pjesë nga Dosja hetimore: Ermal Kurtulaj njohje të hershme me Ilir Beqajn, ish-Ministri dyshohet se ka fshehur pasuri

Ilir Beqaj TIRANË- Dosja.al ka zbardhur dosjen hetimore që SPAK po krye ndaj ish-Ministrit Ilir Beqaj dhe Koordinatorin e projektit EUS...

Politike 29 Dhjetor 2023, 22:03 h.k

"Asnjë hap pas"/ Berisha në pritje të vendimit për arrestimin: Dëshmi përultësie, jo kokëfortësie

Sali Berisha TIRANË- Sali Berisha, Kreu i Partisë Demokratike ka thënë ditën e sotme se gjithçka mund të ndodhë ...

Politike 29 Dhjetor 2023, 21:08 I.A

Hetimi i SPAK/ Dosja.al zbardh detaje: Ermal Kurtulaj ka lëshuar fatura fiktive, miliona euro janë shpenzuar për shërbime që nuk kanë ndodhur

GJKKO TIRANË- Dosja.al ka zbardhur detaje nga dosja hetimore për ish-Ministrin Ilir Beqaj si dhe Koordinatorin e projektit EUSAIR që me...

MË SHUMË