Përleshje e përgjakshme në Selanik/ Dy shqiptarët gjenden të plagosur në rrugë nga kalimtarët, dyshohet se janë përdorues droge
U gjetën të përgjakur në rrugë nga kalimtarët, dy shqiptarët u plagosën pas një sherri, dyshohet se...
U gjetën të përgjakur në rrugë nga kalimtarët, dy shqiptarët u plagosën pas një sherri, dyshohet se...
X pezullon llogaritë e opozitës turke mes protestave për arrestimin e Ekrem Imamoglut 22 Mars, 22:23 Presi...
Berisha tregon politikanët që e kanë frymëzuar: Trump kur guxoi të thotë se armiku më i rrezikshëm ë...
"Brezi i ri duhet të kuptojë se politika nuk është e keqja", Rama: Mediat sociale janë kthyer në një instrume...
Ndër të tjera, Berisha shtoi se të gjithë janë të ftuar që të marrin pjesë në proces, ndërsa shtoi se kjo do të ishte ftesa e fundit për ta që t'i bashkoheshin në procesin e zgjedhjeve lokale kundër kryeministrit Edi Rama.
TIRANË- Numri një i Partisë Demokratike, Sali Berisha ka folur për procesin e Primareve. Në fjalën e tij para mediave para se të futej në Kuvend, Berisha lajmëroi se deputeti Edi Paloka po negocionte me kolegët që janë pjesë e grupit "Alibeaj". Ndër të tjera, Berisha shtoi se të gjithë janë të ftuar që të marrin pjesë në proces, ndërsa shtoi se kjo do të ishte ftesa e fundit për ta që t'i bashkoheshin në procesin e zgjedhjeve lokale kundër kryeministrit Edi Rama.
"Kam takuar zotin Ilir Meta dhe Petrit Vasili. Kam takuar edhe kryetarët e partive opozitare, zotin Mediu, Dule, Duka dhe Dashamir Shehi. Konstatoj që realisht po ecet drejt një kandidati të vetëm. Unë falënderoj të gjithë bashkëbiseduesit, të gjithë aleatët për qëllimet e tyre pozitive që opozita të paraqitet në këto zgjedhje me një kandidat të vetëm. Ndërkohë gjatë ditëve në vijim, do takoj të gjithë forcat politike që kanë pasur aktivitet elektoral, por që nuk janë në parlament. Edhe me ata do përpiqem të gjej një zgjidhje që të shkohet me një front të përbashkët. Çdo deputet është i ftuar të kandidojë po të dojë, dhe të inkurajojë të tjerë të kandidojë. Ju garantoj se kryesia, përveç rasteve të jashtëzakonshme, nuk do bëjë përzgjedhje eliminuese, por do jenë primaret. Ne kemi premtuar ndryshimin, ne do sjellim ndryshimin. Do jenë primaret që do vendosin, jo kryesia dhe kryetari. Çdo deputet që dëshiron të kandidojë, është i ftuar të kandidojë. Janë bërë takime dhe do bëhen takime. Zoti Paloka po merret intensivisht me këtë. Por jo vetëm ai. Janë të hapura të gjitha dyert e komunikimit. Kjo ftesa ime publike është rasti i fundit. Ne mirëpresim çdo lloj sugjerimi.
Çdo deputet është i ftuar që të kandidojë po të dojë, por edhe të inkurajojë të tjerë. Kryesia përveç rasteve më të jashtëzakonshme nuk do të bëjë përzgjedhje eliminuese, por do të jenë primaret, ne kemi premtuar dhe do të sjellim ndryshimin. Kushdo që do të kandidojë është i ftuar të kandidojë. Grupimi Alibeaj? Janë bërë takime, do bëhen takime. Paloka po merret me këtë, por jo vetëm ai. Janë të hapura të gjitha dyert e komunikimit. Kjo ftesa ime publike është rasti i fundit. Nëse duan mirëkuptim apo marrëveshje,"-tha Berisha.
PRONONCIMI I PLOTË I KREUT TË PD-së, SALI BERISHA JASHTË SALLËS SË PARLAMENTIT
Pyetje: Mund të themi se jeni dakordësuar për të dalë me një kandidat të përbashkët dhe si do ti zgjidhni këto?
Berisha: Po, takimet që kam zhvilluar deri më sot janë takimi me Ilir Metën, kryetarin e e Partisë së Lirisë, Petrit Vasilin. Kam takuar dhe kryetarët e partive opozitare, Fatmir Mediut, Vangjel Duke, Agron Duka dhe Dashamir Shehu. Konstatoj se po ecet drejt një kandidati të vetëm. Unë falënderoj të gjithë bashkëbiseduesit, aleatët për të gjithë qëllimet e tyre që opozita të dalë me një kandidat të vetëm. Ndërkohë, gjatë këtyre ditëve në vijim, unë do të takoj të gjithë forcat politike të cilat kanë pasur aktivitet elektoral dhe nuk janë në parlament. Dhe me ata do të përpiqemi të gjejmë një ujdi. Pra të shkohet në këto zgjedhje me një Front të Vërtetë të Shpëtimit të Shqipërisë nga monizmi i Edi Ramës.
Pyetja: Z. Berisha, ka deputetë të PD-së të cilët deklarojnë se duhet të dilni me një kandidat të përbashkët. Deputetë që nuk marrin pjesë në mbledhjet tuaja. Jeni i gatshëm të thërrisni një mbledhje të jashtëzakonshme të diskutoni edhe me këta deputetë për këtë çështje.
Berisha: Shumë pyetje e drejtë. Çdo deputet është i ftuar të kandidojë po të dojë dhe të inkurarojë të tjerë që të kandidojnë. Ju them këtë, normalisht kryesia do ti shqyrtojë ata, por kryesia përveç rasteve të jashtëzakonshme nuk do të bëjë përzgjedhje eliminuese, por do të jenë primaret. Ne kemi premtuar ndryshimin dhe po e sjellim. Pra do të jenë primaret ato dhe jo kryetari dhe kryesi që të përcaktojë kandidatin. Çdo deputet që dëshiron të kandidojë për cilin do vend është i ftuar të kandidojë. Çdo deputet që dëshiron të shikojë një demokrat, demokrate, apo një qytetar që ai beson se i ka të gjitha cilësitë për të qenë qytetar i parë i asaj bashkie, ta inkurajojë dhe të futet në primare. Kjo është shumë e thjeshtë.
Pyetje: Ju nuk do të bëni asnjë përpjekje tjetër për të afruar pranë jush, grupimin Alibeaj?
Berisha: Nuk është vetëm ftesa, janë bërë takime. Zoti Paloka po merret intensivisht me këtë, po jo vetëm ai. Kështu që janë të hapura të gjitha dyert e komunikimi dhe kjo ftesa ime publike është rasti i fundit se, po qe se duan nëpëmjet mirëkuptimi apo marrëveshje, ne mund të mirëpresim çdo lloj sygjerimi.
Pyetje: A mendoni se jeni të vonuar në këtë proces, pasi ende nuk e keni bërë takimi për të bërë bashkimi?
Berisha: Ne duhet të shpejtojmë në zgjedhje, garë. Nuk është kjo një garë që e drejton lidershipi i PD-së, jo. Është një garë që e përcaktojnë primaret.
Pyetje: Lidershipi demokrat ka për detyrim moral që të bashkojë të gjitha palët...
Berisha: Patjetër, por ama formë më demokratike, civile se sa forma e një gare të hapur nuk mund të ofroj kush. Ne u zotuam para qytetarëve shqiptarë se do të sjellim ndryshimin dhe ne sollëm ndryshimin. Në këto primare do të votojnë anëtarësia, por edhe simpatizantët. Unë u kërkova partive aleate, bëni listat që dhe anëtarët tuaj të votojnë njësoj, me barazi të plotë.
Pyetje: U pranua ky propozim?
Berisha: Varet tani, por unë po them se po ecet drejt mirëkuptimit ç’është e vërteta.
Enkelejd Alibeaj TIRANË- Deputeti i Partisë Demokratike, Enkelejd Alibeaj deklaroi ditën e sotme se i ka kërkuar Presidentit Bajram Beg...
Olta Xhacka TIRANË- Ministrja Olta Xhaçka deklaroi ditën e sotme se sistemet nuk janë prekur nga sulmet kibernetike edhe pas sulmeve ...
Helidon Bushati TIRANË- Deputeti i Partisë Demokratike, Helidon Bushati nuk iu bind urdhërit të kryetares së Kuvendit, Lindita Nik...
Tedi Blushi TIRANË- Sekretari i Përgjithshëm i Partisë së Lirisë, Tendi Blushi ka ndarë një tender të shpallur...
Arben Ndoj LEZHË- Arben Ndoj duket se është penduar nga postimi që bëri ditën e djeshme. Ai lajmëroi dorëheqjen nga...
Sokol Sadushi Kryetari i Gjykatës së Lartë në Shqipëri, Sokol Sadushi në intervistë për DW tregon sfidat e kë...
Shpetim Idrizi TIRANË- Kreu i PDIU-së, Shpëtim Idrizi ka treguar arsyen pse mungoi dje në bisedimet që kryetari i Partis&e...
Pamje nga Kuvendi TIRANË- "Cilat janë objektivat e Muhamet Rrumbullakut për 100 ditët e para?,"-kështu e nisi interpelancën e...
Bledi Çuçi TIRANË- Ministri i Brendshëm, Bledi Çuçi ka zhvilluar sot në Kuvend një interpelancë me de...
Dashamir Shehi TIRANË- Dashamir Shehi ka treguar se takimi me kreun e PD-së Sali Berisha dhe aleatët është kryer ditën e...
