Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Avokati i kryebashkiakut të Tiranës, Erion Veliaj, Plarent Ndreca, ka reaguar ashpër pasi u gjobit nga gjykata për shkak të mungesës në një seancë gjyqësore, duke e cilësuar masën disiplinore si të pajustifikuar dhe arbitrare.
TIRANË- Avokati i kryebashkiakut të Tiranës, Erion Veliaj, Plarent Ndreca, ka reaguar ashpër pasi u gjobit nga gjykata për shkak të mungesës në një seancë gjyqësore, duke e cilësuar masën disiplinore si të pajustifikuar dhe arbitrare.
Përmes një deklarate publike, Ndreca ka sqaruar se mungesa e tij erdhi si pasojë e një konflikti objektiv oraresh, pasi në të njëjtën kohë ishte i angazhuar në një gjyq civil që vijon prej pesë vitesh dhe ishte caktuar shumë më herët se seanca penale në fjalë.
Sipas avokatit, gjykata është njoftuar zyrtarisht rreth orës 09:00, duke bashkangjitur edhe dokumentacionin përkatës që provonte pamundësinë e paraqitjes.
Reagimi i plotë:
Sot disa media, që prej kohësh kanë hequr dorë nga objektiviteti dhe janë rreshtuar hapur në krah të akuzës kundër Erion Veliajt, nxituan të publikojnë lajmin se unë jam gjobitur nga gjykata për mungesë në seancë. Natyrisht, harruan të tregojnë arsyen e mungesës.
Ja e vërteta.
Sot, në orën 09:00, me shkresë zyrtare njoftova gjykatën se në të njëjtën orë (orën 10 a.m.) isha në një proces civil, që vijon prej pesë vitesh dhe ishte caktuar shumë kohë përpara seancës penale. Bashkëlidha provat dhe kërkova shtyrjen e seancës. Askush nuk mund të jetë fizikisht në dy gjykata në të njëjtën kohë. Kjo është një pamundësi objektive, për gjykatën penale jo.
Sipas kolegëve të pranishëm në sallë, arsyeja e gjobës ishte “se unë duhej ta kisha njoftuar këtë konflikt që në seancën e kaluar”. Ndërkohë seancën e kaluar gjykata vendosi datën dhe orën pa pyetur asnjë avokat. Nuk u interesua nëse mbrojtësit kishin angazhime të tjera, por sot gjobit një prej tyre sepse nuk e paska njoftuar për një konflikt oraresh, që ajo vetë nuk u interesua kurrë as ta pyeste, as ta verifikonte.
Nuk është hera e parë dhe me shumë gjasë nuk do të jetë as e fundit, që kam kritikuar publikisht mënyrën se si po zhvillohet ky proces. Shpresoj sinqerisht që kjo gjobë të mos jetë një reagim ndaj këtyre qëndrimeve. Por nëse dikush beson se me një gjobë, me disa gjoba, me procedime administrative apo edhe penale mund të më bëjë të hesht, gabon. Kush më njeh, e di se nuk jam nga ata që zgjedh rehatinë në kurriz të padrejtësisë dhe është shumë vonë të filloj ta bëj tani.
Po bëhet e qartë çdo ditë e më shumë se në këtë proces edhe pse akoma në fillim, shumë nga argumentet tona, të refuzuara fillimisht, janë pranuar nga gjykata më të larta. Të njëjtin fat do kenë edhe shkelje të tjera përpara Gjykatës Evropiane të të Drejtave të Njeriut, e cila shumë shpejt do të vihet zyrtarisht në lëvizje me kërkesën tonë. Kauza nuk është thjesht të fitojmë një proces, por nëpërmjet tij të ndërtojmë standarde më të mira kushtetuese dhe evropiane të drejtësisë.
Pikërisht për këto standarte do t’i drejtohem edhe Dhomës Kombëtare të Avokatisë. Gjobitja e një avokati në krye të detyrës së tij nuk është një problem individual, por një precedent që prek lirinë dhe pavarësinë e profesionit të avokatit.
Nëse një gjykatë pretendon të diktojë mënyrën se si një avokat organizon veprimtarinë e tij profesionale dhe e ndëshkon kur ajo nuk përputhet me ritmin që gjykata imponon njëanshmërisht, atëherë nuk vihet në diskutim vetëm liria e avokatit, por vetë e drejta për një mbrojtje të pavarur.
Unë besoj në një drejtësi që pranon kondradiktoritetin, debatin, bashkëpunimin, mirëkuptimin institucional dhe e konsideron mbrojtjen një garanci kushtetuese, jo një pengesë procedurale.
Ndaj, as kjo gjobë dhe as ndonjë masë tjetër nuk do të më largojë nga kjo rrugë. Pa avokatë të lirë nuk ka mbrojtje efektive, pa mbrojtje efektive nuk ka proces të rregullt dhe pa proces të rregullt nuk ka shtet të së drejtës.", është shprehur Ndreca./Dosja.al
Erjon Isai TIRANË- Është shtyrë seanca paraprake gjyqësore ndaj kryetarit të Bashkisë së Kolonjës, Erjon ...
TIRANË- Një analizë e thelluar e revistës prestigjioze “Foreign Policy” i ka kushtuar vëmendje të gjer&eu...
Ilir Beqaj TIRANË- Ish-ministri Ilir Beqaj ka ndërmarrë një hap të ri ligjor, duke iu drejtuar ditën e sotme Gjyka...
Komisioni i Ligjeve TIRANË- Ministri Blendi Gonxhja ka përdorur një gjuhë të ashpër dhe fyese gjatë raportim...
Saimir Korreshi TIRANË- Deputeti i Partisë Demokratike, Saimir Korreshi, ka lëshuar batuta dhe ironi gjatë mbledhjes së...
Albulena Haxhiu KOSOVË- Ushtruesja e detyrës së presidentit të Kosovës, Albulena Haxhiu, njoftoi se ka nënshkruar dekret...
Protesta në Tiranë TIRANË- Partia Demokratët Evropianë ka reaguar për situatën politike në Shqipëri, duke k&eu...
Sali Berisha TIRANË- Kryetari i PD-së, Sali Berisha ka kërkuar nisjen e hetimeve ndërkombëtare ndaj kryeministrit Edi Rama, duke ...
Sali Berisha TIRANË- Kryetari i Partisë Demokratike, Sali Berisha, ka sjellë në vëmendje shifrat alarmante të fluturimeve t&e...
Sali BERISHA TIRANË- Deklarata e eurodeputetit çek Tomas Zdecovski ishte në qendër të konferencës për mediat e zhvill...
