Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryedemokrati Sali Berisha ka mbledhur deputetët e Partisë Demokratike një ditë pas protestës që u zhvillua dje para parlamentit. • Berisha deklaroi se skandali McGonigal është një tregues se kryeministri Edi Rama dhe qeveria duhet të largohen me revolucion. • Berisha iu përgjigj kritikëve të dy protestave që shprehën zemëratë për përfundimin e protestave dhe zërave në publik për përdorimin e dhunës. • Kreu i PD tha se "Që në këtë moment, kjo forcë asgjëson veten, nëse përdor dhunë". • Kryedemokrati risolli shkrimin e Uashington Post për lidhjen Rama-McGonigal, ku thuhet se raporti e ka zhytur deri në fyt ish-agjentin. • Berisha ka komentuar edhe zgjedhjet lokale për të cilat tha se PD nuk do ti bojkotojë. • Kryetari i PD, iu kërkoi deputetëve demokratë rezistencë parlamentare.
6 artikuj për këtë temë.
TIRANË- Kryetari i Partisë Demokratike Sali Berisha ka deklaruar se në zgjedhjet e 25 prillit ambasadorja amerikane Yuri Kim dhe Mathew Palmer mezi po priste fitoren e Edi Ramës. Gjatë deklaratës për mediat, Berisha ka theksuar se ky grup ka ndërmarrë akte të turpshme si dhe kriminale ndaj opozitës dhe pluralizmit. Po ashtu Berisha theksoi se ata uruan Ramën në kundërshtim me kodin elektoral.
"Ne na duhet një dialog shumë intensiv. Sepse ky grup jo vetëm ndërmori aktet më të turpshme dhe kriminale ndaj opozitës dhe pluralizmit, por ky grup i siguroi kësaj organizate kriminale mbrojtjen më të fuqishme ndërkombëtare, evidente.
Nuk duhet të harrojmë qëllimet më kryesore, se si shkohej dhe urohej për zgjedhje në natën e zgjedhjeve, dhe përsëri të nesërmen në kundërshtim me kodin, që thotë uro fitoren, por të presim shqyrtimin e ankesave. Është një standard që e dha ambasadori i SHBA në OSBE në Vjenë. Por këtë nuk e dha Juri Kim, nuk e tha Metju Palmer. Prisnin me padurim fitoren e Edi Ramës. Me çfarë meritash? Se e shndërroi Shqipërinë në narkoshtet? Që nxori të dhënat private të qytetarëve dhe ia dha partisë së tij? A ishin të paguar nga Edi Rama apo jo, nuk e di, por realiteti është ky dhe ne duhet ta themi në sy realitetin.
Çdo shqiptari, u luajt me fatet e tyre. Askush nuk e përcakton fatin më shumë se vota. Ky qëndrim u mbajt vetëm për të shtypur opozitën shqiptare dhe për të ndihmuar një regjim kleptokratik, një narkoregjim. Ndaj e konsideroj jetik këtë dialog, shtëpi më shtëpi, derë më derë, me çdo qytetar, pavarësisht bindjeve të tij politike," tha Berisha.
TIRANË- Partia Demokratike nuk e dorëzon Parlamentin. Kështu deklaroi ditën e sotme kreu i PD-së, Sali Berisha në mbledhjen e kryesisë. Berisha u shpreh se demokratët nuk do të tërhiqen nga zgjedhjet dhe nuk do të dorëzohen. Më tej, ai shtoi se PD do të vazhdojë rezistencën në parlament madje duhet ta shumëfishojë atë.
'Demokratët nuk kanë ndërmend të tërhiqen nga zgjedhjet, as të dorëzohen. Ky është revolucion.
Unë e kuptoj se ky term ngjall debat. Por në rast se një vendi, me forca madhore, i shkatërrohet pluralizmi, si mund ta rivendosë ai? Ai është një akt kundërrevolucionar, ky është revolucion. Ai është grusht shteti kundër pluralizmit.
Ne jemi në të drejtën tonë dhe ne i injorojmë këto. Marrim vetëm qëndrimet e parlamentit: a mund të veprohet në një parlament siç vepron Edi Rama me Lindën e tij kryetare? Në mënyrën më të turpshme dhe të padenjë. Ndaj dhe ne rezistencën në parlament duhet ta shumëfishojmë. Nuk e dorëzojmë ne parlamentin. Nuk kemi autoritet për të dorëzuar parlamentin. Ne përfaqësojmë 750 mijë zgjedhës.'- tha Berisha.
TIRANË- Kryetari i Partisë Demokratike, Sali Berisha bëri të ditur se PD nuk do të bojkotjë zgjedhjet. Gjatë mbledhjes së Kryesisë së PD-së, Berisha u shpreh se përpjekja për të përjashtuar PD-në nga zgjedhjet është etapa e tretë e skenarit të të njëjtëve autorë.
'Revolucioni ka një dimension tjetër, po kaq të rëndësishëm, po kaq jetik: dimensionin elektoral.
Sepse bëhet çdo gjë që të grabiten zgjedhjet, të plaçkiten zgjedhjet. Ne duhet të qëndrojmë ndaj çdo akti, ndaj çdo veprimi, ndaj çdo përpjekje të shkelmimit të ligjit të zgjedhjeve.
Ne nuk i bojkotojmë zgjedhjet. Përpjekja për të përjashtuar PD-në nga zgjedhjet është etapa e tretë e skenarit të të njëjtëve autorë. Por absolutisht do marrin përgjigjen e merituar. Sepse çdo vendim, përveç vendimit që është marrë, është i paligjshëm. Nuk ka asgjë më të paligjshme se shpallja palë e atij që nuk është palë. Ne kemi vendimin e gjykatës, ata që duan të na përjashtojnë ne, do përballen me ne. Kjo është e gjitha.'- tha Berisha.
TIRANË- Synimi i mbledhjes së Kryesisë së Partisë Demokratike, ishte përcaktimi i detyrave për secilin deputet. Kështu deklaroi në mbledhje kryedemokrati Sali Berisha. Ky i fundit, tha se përcaktimi i detyrave do t'i ndihmojë që të vazhdojnë betejën kundër Qeverisë.
'Ata që duan të na përjashtojnë do përballen me në. Demokratët nuk kanë ndërmend të tërhiqen nga zgjedhjet. Do përcaktojmë detyra më konkrete dhe të vazhdojmë betejën'- tha ndër të tjera Berisha.
TIRANË- Kryetari i Partisë Demokratike, Sali Berisha bëri të ditur se demokratët nuk do të përdorin dhunë për të marrë pushtetin. Gjatë mbledhjes së Kryesisë së PD-së, Berisha mohoi përdorimin e dhunës, duke shtuar se do të përdoret çdo forcë e mosbindjes civile.
'Sot është koha që ne të bëjmë gjithcka për një komunikim. Të vazhdojmë këtë revolucionin në mënyrë kreative. Atyre se pa dhunë nuk përmbyset, u them se dhuna nuk na sjell objektivat që kërkojmë. Jemi në hapat më fillestarë të mosbindjes civile, të shfrytëzimit të potencialit, nuk shkojmë të forca, se kjo do të thotë të marrim pushtetin me forcë. Por përdorim cdo forcë të mosbindjes civile.'- tha Berisha.
TIRANË- Kryetari i Partisë Demokratike, Sali Berisha, akuzon kryeministrin Edi Rama se është porositës i vrasjes së opozitës. Në mbledhjen e kryesisë së PD-së, kryedemokrati tha se Rama do të largohet nga pushteti vetëm me revolucion. Po ashtu, kreu i PD deklaroi se shqiptarët po vidhen, duke përmendur se 4.5 milionë euro po ndërtohet autostrada Kakavijë-Janinë ndërsa 22 milionë euro po ndërtohet autostrada Limuth-Rrogozhinë.
'McGonigal, që vazhdon të jetë kryefjalë e medieve botërore, është në burg, kurse porositësi i vrasjes me pagesë të opozitës shqiptare, është në pushtet. Cilido që mendon se ky porositës i krimit më të shëmtuar ndaj demokracisë dhe pluralizmit, asgjësimit të pluralizmit de facto, largohet me votën e lirë, gabon. Është iluziv, gënjen veten. Kjo është e vërteta.
Ky porositës i vrasjes së opozitës largohet vetëm me revolucion. Sepse, Shqipëria, një vend anëtar i NATO-s, ka degraduar në shkallën më ekstreme. Në Europë është narkoshteti i parë dhe i vetëm. Do të thotë se vendos mafia e drogës. Shqipëria është vendi i qytetarëve, që vidhen në mënyrën më monstruoze. 4.5 milionë euro po ndërtohet autostrada Kakavijë-Janinë, 22 milionë euro po ndërtohet autostrada Limuth-Rrogozhinë. A munden shqiptarët të pranojnë një gjë të tillë? Marrim vetëm këto krahasime. Kurse rrugët anësore të autostradës Lekaj-Tepelenë shkojnë 7.1 milionë dollarë për kilometër. 320 milionë së bashku.'- tha Berisha.
