Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ai kritikoi mungesën totale të transparencës nga ana e qeverisë dhe theksoi se qëllimi i deklaratës së tij është të ndërgjegjësojë publikun dhe të bëjë thirrje për reagim ndaj këtyre praktikave që, sipas tij, penalizojnë biznesin e ndershëm dhe forcojnë interesat e evazorëve.
TIRANË- Partia Demokratike ka shprehur një qëndrim të ashpër kundër dy projektligjeve të qeverisë për faljen e detyrimeve dhe paqen fiskale, duke i cilësuar ato si një goditje direkte ndaj bizneseve të ndershme dhe një ndihmë për evazorët fiskalë. Në një deklaratë për mediat, deputeti Eno Bozdo foli mbi projektligjet e fundit të miratuara nga qeveria për faljen e detyrimeve dhe “Paqen Fiskale”, ku u shpreh se këto nisma dëmtojnë rëndë bizneset e ndershme dhe favorizojnë evazionin fiskal dhe pastrimin e parave të pista.
Ai kritikoi mungesën totale të transparencës nga ana e qeverisë dhe theksoi se qëllimi i deklaratës së tij është të ndërgjegjësojë publikun dhe të bëjë thirrje për reagim ndaj këtyre praktikave që, sipas tij, penalizojnë biznesin e ndershëm dhe forcojnë interesat e evazorëve.
Deklarata e PD-së:
Me një të rënë të lapsit, deputetët socialistë miratuan në komisionet parlamentare projektligjin për faljen e detyrimeve, i cili u fal mbi 2 miliardë euro bizneseve që kanë përfituar pa të drejtë nëpërmjet evazionit fiskal, kontrabandës, korrupsionit, shmangies së pagesës së TVSH-së, akcizave, detyrimeve doganore etj.
Kërkesës së deputetëve të Partisë Demokratike dhe opozitës për emrat e kompanive që përfitojnë më shumë nga kjo falje, Ministri i Financave iu përgjigj se këto emra nuk i kishte.
Konstatimit të deputetëve të Partisë Demokratike se kjo falje prej 2 miliardë eurosh dëmton rëndë të gjitha bizneset e ndershme që paguajnë deri në taksat dhe tatimet, dhe se praktikisht është një ftesë e hapur për cilindo biznes të bëjë sa më shumë evazion dhe korrupsion në pritje të amnistisë së radhës, përfaqësuesi i qeverisë nuk dha asnjë shpjegim.
Pyetjes tjetër të deputetëve opozitarë, nëse ndër përfituesit e kësaj amnistie ka persona që vazhdojnë të marrin tendera apo prokurime publike sepse nuk shkon që hajduti të marrë përsëri financim nga paratë publike përsëri përfaqësuesi i qeverisë nuk u përgjigj.
Kontrolli i Lartë i Shtetit, në raportin e tij vjetor për vitin 2024, konstaton se administrata tatimore dhe ajo doganore ka bërë fare pak përpjekje për të rikuperuar këtë borxh. KLSH konstaton se në tatime gjatë vitit 2023 ky borxh u rrit me 400 milionë euro. Pra, u falën praktikisht 400 milionë euro në vitin elektoral 2023, por për këtë çështje nuk morëm asnjë shpjegim.
Ndërkaq, projektligji tjetër, ai i “Paqes Fiskale”, miraton një mekanizëm ku një biznes, nëse deklaron paraprakisht për vitin 2026 një fitim 18% më të madh se ai i vitit të shkuar, për çdo fitim mbi 18% do të taksohet me vetëm 5%, dhe jo me normën e zakonshme të tatimit. Kjo është një pabarazi dhe aspak e ndershme, sepse ky mekanizëm hap jo thjesht një rrugë, por një autostradë të tërë për evazion fiskal.
Veçanërisht bizneset që operojnë në sektorë si ndërtimi e kanë shumë të thjeshtë të përfitojnë nga kjo skemë, duke fshehur fitimet dhe ulur artificialisht taksat që duhet të paguajnë. Ky është sektori ku paratë e pista qarkullojnë dhe ku qeveria mbyll sytë për pastrimin e këtyre parave në dhjetëra kulla shumëkatëshe që po jepen dhe do të jepen për ndërtim kudo në Shqipëri.
Por edhe për këtë nuk u dha asnjë shpjegim nga ana e përfaqësuesve të qeverisë.
Ne kundërshtuam projektligjin për “Paqen Fiskale” edhe për një mekanizëm tjetër, i cili u mundëson këtyre bizneseve të ndryshojnë bilancet e tyre kontabël për tre vitet e fundit pa asnjë problem. Pra, mund të ndryshojnë borxhet, kapitalet e veta, gjendjen e cash-it – me pak fjalë, të korrigjojnë çdo evazion fiskal pa u hyrë gjemb në këmbë.
Partia Demokratike nuk është kurrsesi kundër amnistive dhe krijimit të një klime sa më të mirë për biznesin. Partia Demokratike ka implementuar taksat më të ulta dhe klimën më të mirë për ekonominë ndonjëherë.
Por ajo kurrsesi nuk mund të bjerë dakord që nëpërmjet të ashtuquajturave “falje” apo “paqe fiskale” të goditen bizneset e ndershme që me shumë djersë, mund dhe sakrificë ia dalin të mbijetojnë. As të ndihmohen ata që kanë bërë evazion fiskal, shmangur taksat dhe detyrimet doganore, duke vjedhur paratë e rrogave, pensioneve, shkollave dhe spitaleve të munguara.
Të dy projektligjet, ai i “Faljes së Detyrimeve” dhe ai i “Paqes Fiskale”, kanë mungesë totale transparence, papërgjegjshmëri në propozimin e tyre dhe dëmtojnë, në vend që të rregullojnë, klimën e biznesit në vend. Ato penalizojnë biznesin e ndershëm, vetëm sepse administrata e patronazhistëve nuk ka dashur t’i mbledhë këto detyrime, siç e shpreh KLSH në raportin e saj për vitin 2024.
Projektligjet i kanë dalë krahë evazorëve fiskalë, hajdutëve të parave të shqiptarëve, që me bekimin e qeverisë pastrohen prej 2 miliardë eurosh nga borxhi më i madh i krijuar ndonjëherë ndaj shtetit. Partia Demokratike është kundër kësaj pakete fiskale dhe u bën thirrje të gjithë bizneseve të ndershme të reagojnë ndaj kësaj padrejtësie.
Gazment Bardhi TIRANË- Kreu i Grupit Parlamentar të PD, Gazment Bardhi ka kundërshtuar futjen në Kalendarin e punimeve tw Kuvendit t&eu...
Oerd Bylykbash TIRANË- Deputeti i Pastrisë Demokratike, Oerd Bylykbashi është paraqitur këtë të martë në SPAK....
Sali Berisha TIRANË- Kryetari i PD, Sali Berisha akuzon kryeministrin Edi Rama si të përfshirë në skema korruptive në ç...
Sali Berisha TIRANË- Kryetari i Partisë Demokratike, Sali Berisha, ka deklaruar se protesta e zhvilluar këtë të hënë nuk...
Kryetari i PD, Sali Berisha deklaron se opozita nuk do i ndërpresë protesta deri në largimin e kryeministrit Edi Rama. Në një intervi...
Gazment Bardhi TIRANA- Kreu i Grupit Parlamentar të PD-së, Gazment Bardhi theksoi se angazhimi i opozitës në procesin e reform&eum...
Gazment Bardhi TIRANA- Kreu i Grupit Parlamentar të Partisë Demokratike, Gazment Bardhi komentoi sot vendimin e PD-së për të ...
Arben Ahmetaj TIRANË- Ish-zëvendës Kryeministri, Arben Ahmetaj ka deklaruar se kanabizimi i Shqipërisë u bë me qëllim ng...
Arben Ahmetaj TIRANË- Ish-zvkryeministri Arben Ahmetaj ka deklaruar sot se urdhëri për Eco Parkun e Durrësit është firmosur n...
Arben Ahmetaj TIRANË- Ish-zëvendëskryeministri Arben Ahmetaj ka hedhur akuza të rënda lidhur me kostot e fryra në projektet m...
