Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në dokumentet e prezantuara pretendohet se bosët e inceneratorëve kanë shndërruar në bujk një nga punonjësit e tyre. Atij i kanë “shitur” me letra 8500 ha tokë nga trualli që inceneratori kishte marrë me koncesion.
TIRANË- Partia e Lirisë ka denoncuar prej ditësh se në truallin e inceneratorit të Tiranës është ngritur edhe një serë për prodhime bujqësore, e cila është financuar me fondet që Bashkimit Europian ka dhënë për bujqit shqiptarë. E gjitha ka ndodhur kur drejtoreshë e Agjencisë për Zhvillim Bujqësor dhe Rural (AZHBR) ishte ministrja e tanishme e Bujqësisë, Frida Krifca. Në dokumentet e prezantuara pretendohet se bosët e inceneratorëve kanë shndërruar në bujk një nga punonjësit e tyre. Atij i kanë “shitur” me letra 8500 ha tokë nga trualli që inceneratori kishte marrë me koncesion.
"Menjëherë ky person, që në dokumentet e bërë publike nga Partia e Lirisë i është fshirë identiteti i plotë, por paraqitet me inicialet E.B., merr si firmë konsulence një tjetër kompani dhe aplikon për fonde të AZHBR. E.B. është një emër që herë figuron si punëtor, herë si bujk i pavarur, madje edhe si administrator i inceneratorit të Tiranës. Megjithatë kërkesa e bujkut u miratua dhe nga fondet që BE i ka dhënë Shqipërisë përmes programit IPARD, 310 mijë euro kalojnë për ndërtimin e një sere nga kompania e inceneratorëve. Por për akuzar, një reagim ka ardhur edhe nga Agjencia për Zhvillimin Bujqësor dhe Rural, e cila i ka cilësuar të pavërteta akuzat se fondet e Bashkimit Europian janë shpërdoruar,"-është akuzuar publikisht nga zyrtarë dhe vetë lideri i Partisë së Lirisë, Ilir Meta.
Në një reagim, AZHBR thotë se akuzat janë një sulm politik dhe nuk kanë asnjë bazë. AZHBR deklaron se ka marrë të gjitha masat për të zbatuar në transparencë të plotë Programin IPARD II, mbi parimin e trajtimit të barabartë të çdo aplikimi në respekt të procedurave standarte të akredituara.
“Ju sjellim në vëmendjen tuaj që AZHBR është një institucion i akredituar nga Bashkimi Europian dhe i monitoruar përmes filtrave të kontrolleve të brendshme e të jashtme nga disa institucione për respektimin dhe zbatimin me përpikmëri të kritereve të programit, politikave bujqësore dhe akteve ligjore dhe nënligjore të miratuara në zbatim të tyre,”- thotë AZHBR në një reagim.
Njoftimi i plotë për mediat:
Informojmë opinionin publik mbi akuzat e pavërteta të subjekteve politike që synojnë të përbaltin punën e rëndësishme që është kryer nga AZHBR në vitet e fundit e cila ka kontribuar cilësisht dhe qenësisht për zhvillimin e bujqësisë shqiptare, modernizimin e saj dhe rritjen e punësimit në sektor. Alibia e papërgjegjshme e ngritur si një sulm politik mbi administrimin e AZHBR dhe ‘keqpërdorimin e fondeve të Bashkimit Evropian’ është pa asnjë bazë, e pavërtetë dhe e dënueshme.
Në emër të transparencës totale, AZHBR në bashkëpunim me Autoritetin Menaxhues në zbatim të plotë të procedurave të parashikuara nga Programi IPARD II, për çdo thirrje për aplikime ka marrë të gjitha masat për të orientuar dhe informuar aplikantët mbi Programin në mënyrë që të rritet mundësia për aplikime të suksesshme. Është hartuar Udhëzuesi për Aplikantët i cili është bërë publik së bashku me dokumentat standarte të aplikimit, dhe janë kryer fushatat informuese në të gjitha qarqet në Republikën e Shqiperise ku në transparencë të plotë janë informuar aplikantët. Në transparencë të plotë, fushatat informuese janë kryer edhe nëpërmjet medias së shkruar dhe audiovizive. Është informuar publiku vazhdimisht mbi projektet e realizuara. Gjatë shqyrtimit të aplikimeve, AZHBR ka marrë të gjitha masat për të zbatuar në transparencë të plotë Programin IPARD II, mbi parimin e trajtimit të barabartë të çdo aplikimi në respekt të procedurave standarte të akredituara. Në zbatim të manualit të procedurave dhe Udhëzuesit për Aplikantët AZHBR shqyrton dhe verifikon gjendjen ligjore dhe financiare të subjekteve aplikantë duke kërkuar dokumenta qartësisht të përcaktuara për të gjithë aplikantët njëlloj pa asnjë trajtim të diferencuar.
Kryen verifikimin e pastërtisë së figurës së aplikantit nëpërmjet dokumenteve si: -Vërtetim nga Ministria e Drejtësisë që aplikanti nuk ka qenë i dënuar më parë; -Vërtetim nga Prokuroria që aplikanti nuk është në hetim; Kryen verifikimin financiar nëpërmjet dokumentave si: -Pasqyra e të ardhurave; -Licenca për ushtrimin e veprimtarisë bujqësore; -Libra inventaresh për të gjithë pasuritë fikse të zotëruara nga subjektet; -Dokument nga Banka e Shqipërisë për të verifikuar se subjektet aplikante nuk janë kredimarrës te këqinj.
Bazuar në Udhëzuesin për aplikantë, çdo projekt verifikohet dhe përjashtohet nga granti vetëm nëse: – Janë të falimentuar ose në proces likujdimi, nëse aktiviteti i tyre administrohet nga gjykata, nëse kane hyrë në marrëveshje me kreditoret, nëse kanë pezulluar veprimtarinë ekonomike apo nëse janë në proces gjyqësor lidhur me të tilla çështje. – Janë dënuar për një kundërvajtje lidhur me sjelljen e tyre profesionale nga një vendim gjyqësor i formës së prerë. – Nuk kanë përmbushur detyrimet lidhur me pagesën e kontributeve të sigurimeve shoqërore ose pagesën e taksave. – Janë gjykuar me vendim Gjyqësor të formës së prerë për mashtrim, korrupsion, përfshirje në një organizatë kriminale apo çfarëdolloj veprimtarie tjetër të pa ligjshme që dëmton interesat financiare të B.E. – Janë aktualisht subjekt i një gjobe administrative të përmendur në nenin 96 (1) të Rregullores Financiare.
Në kushtet kur projekti nuk kategorizohet në asnjë nga pikat e sipër përmendura AZHBR nuk ka kompetencë investigimi apo hetimi të proceseve por të konfirmojë bazuar në dokumentacionin provues nga institucionet kompetente. Subjektet e përmendura i janë nënshtruar verifikimit të plotë mbi statusin juridik, dëshmi penaliteti, vërtetim nga prokuroria/gjykata që nuk është subjekt nën hetim, si dhe kanë depozituar dokumentat që vërtetonin poseidimin e ligjshëm të tokës objekt aplikimi, në përputhje me kriteret e aplikimit të cilat janë të njëjta për të gjithë. Të gjithë keto dokumente janë kërkuar për subjektet që përmenden në media dhe janë konform rregullave dhe kërkesave të akredituara.
Ju sjellim në vëmendjen tuaj që AZHBR është një institucion i akredituar nga Bashkimi Europian dhe i monitoruar përmes filtrave të kontrolleve të brendshme e të jashtme nga disa institucione për respektimin dhe zbatimin me përpikmëri të kritereve të programit, politikave bujqësore dhe akteve ligjore dhe nënligjore të miratuara në zbatim të tyre. Transparenca është parimi kryesor i punës sonë dhe informacioni i plotë për çdo aplikim gjendet në faqen ëëë.azhbr.gov.al. Çdokush që kontakton Agjencinë merr përgjigje shteruese me shkresë, email apo përmes numrit të gjelbër. Deklaratat e bëra ditët e fundit në media janë baltë e hedhur mbi AZHBR, për interesa politike dhe personale të individëve që i bëjnë ato, krejtësisht të pavërteta.Këto abuzime me tendencë nuk do të arrijnë të përbaltin kurrë punën intensive dhe me dedikim të 250 punonjësve të cilët kanë arritur ta kthejnë AZHBR në një institucion model në vend për efektivitet dhe transparencë.
Taulant Balla TIRANË- Kryetari i Grupit Parlamentar të Partisë Socialiste, Taulant Balla lajmëroi se në shtator do të miratoh...
Ilir Meta TIRANË- Presidenti Ilir Meta i ka bërë reklamë sot boronicave të Tropojës. Meta e ka nisur ditën du...
Porti i Durresit TIRANË- Kryeministri Edi Rama e ka nisur mëngjesin e sotëm duke publikuar disa pamje nga porti i Durrësit teksa shihen...
Sali Berisha TIRANË- Kryetari i Partisë Demokratike Sali Berisha ka hedhur akuza mbi qeverinë e kryeministrin Edi Rama. Në një ta...
Sali Berisha TIRANË- Kryetari i Partisë Demokratike Sali Berisha ka hedhur akuza mbi qeverinë e kryeministrin Edi Rama se nuk ka shtuar nj&e...
Sali Berisha TIRANË- Kryetari i Partisë Demokratike Sali Berisha ka denoncuar qeverinë e kryeministrit Edi Rama për kontrabandë na...
Sali Berisha TIRANË- Kryetari i Partisë Demokratike Sali Berisha ka denoncuar një pronar peshkarexhash që sipas tij fut naftë kont...
Sali Berisha TIRANË- Kryetari i Partisë Demokratike Sali Berisha ka nisur një takim me ekspertë të fushës së energjitik&...
Albano Bogdo dhe Ilir Meta TIRANË- Ilir Meta nuk ka humbur kohë dhe duket se i është rikthyer fuqishëm aksionit opozitar duke mble...
Ornela Çuçi TIRANË- Ornela Çuçi, zëvendësministrja që u shkarkua sot nga kryeministri Edi Rama sqaron se ka...
