“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
I pyetur nëse është dakort me kërkesën e Presidentit Ilir Meta për ngritjen e një Komisioni për Butrintin, Berisha tha se është plotësisht dakort me këto.
TIRANË- Kryedemokrati Sali Berisha ka deklaruar se ka thashetheme që Komisioni i Investimeve Strategjike po ngrihet me dyshime të mëdha, duke shënjestruar Enkelejd Alibeajn. Në një konferencë për gazetarët, Berisha tha se nuk ka asgjë kundër ngritjes së Komisioneve, por për mënyrën se si trajtohen ato nga Opozita. Berisha shtoi se Oerd Bylykbashi është bërë pjesë e njërit prej tyre për shkak të aftësive që ka dhe jo sepse mbështet një farsë. I pyetur nëse është dakort me kërkesën e Presidentit Ilir Meta për ngritjen e një Komisioni për Butrintin, Berisha tha se është plotësisht dakort me këto.
Pjesë nga konferenca:
Pyetje: Sot PS në Konferencën e Kryetarëve rrëzoi kërkesën e PD, ose të zotit Alibeaj, për miratimin e një Komisioni Hetimor për investimet strategjike. Ndërkohë nga ana tjetër zoti Shehaj mbante një konferencë po për këtë çështje. A e mbështesni ju këtë komision hetimor, apo PD do të mjaftohet vetëm me deklarata dhe konferenca për këtë çështje?
Sali Berisha: Partia Demokratike denoncon përpjekjet e Edi Ramës për bashkëpunimin e tij me pseudo-opozitën për Reformën Zgjedhore dhe Reformën Territoriale. I denoncon me forcën më të madhe dhe konsideron këtë akt të AliBashës si një nga aktet më të shëmtuara që ai bën në kurriz të vendit me Edi Ramën. Partia Demokratike do të paraqesë shumë shpejt qëndrimin e saj lidhur me këto reforma. Sa i përket Komisionit për investimet strategjike, nuk kam asgjë kundër, por rumoret janë shumë shqetësuese, do t’i ndjekim, sepse ka të dhëna që synimet janë të kundërta me atë që mund të presin qytetarët. Nuk kam pse të shprehem në avancë, do t’i ndjekim. Në rast se do të bëhet transparencë e vërtetë ne do ta duartrokasim çdo përpjekje në këtë drejtim nga kushdo, s’kemi asnjë lloj kompleksi, por nëse do të përdoren siç u përdor, nëse do të përdoren për të mbuluar aferat më të mëdha, siç është Porti i Durrësit, apo Butrinti, çka ne kemi disa të dhëna paraprake, sigurisht që ne do të reagojmë fuqishëm në kohë.
Pyetje: Zoti Berisha, pak javë më parë në një nga konferencat që zhvilluat këtu teksa u pyetët nëse do të merrni pjesë në Reformën Zgjedhore apo Territoriale, deklaruat se nuk do të bëheshit pjesë e asnjë tentative për fasadë që zhvillohet në Kuvend. Ndërkohë nënkryetari i PD, Oerd Bylykbashi ka marrë pjesë në nisjen e punimeve të Komisionit të Reformës Zgjedhore. Pse keni ndryshuar qëndrim?
Sali Berisha: Oerd Bylykbashi nuk merr kurrë pjesë në fasadë. Nuk e shndërron kush në fasadë Oerd Bylykbashin. Bylykbashi është një nga specialistët më të shkëlqyer të të drejtës elektorale në këtë vend. Qenia e tij është për ne, dhe për mua, e mjaftueshme që ajo punë të mos ketë fasadë, por siç e keni provuar ju edhe më përpara, qëndrimet e Oerd Bylykbashit. Ka një problem të dytë këtu. Nuk është problemi se Oerdi do të jetë fasadë aty. Problemi është se ata kanë përjashtuar Partinë Demokratike nga Komisioni i Reformës Territoriale dhe e kanë vetëm me AliBashën. Dhe tjetra, në Komision për 4 qarqet e jugut, të cilat në rrafshin e Reformës Territoriale përbëjnë problemin kryesor. Pse? Gjirokastra me 120 mijë banorë qarku ka 7 njësi. Tirana me rreth 1 milion banorë ka tre ose katër njësi. Ky është ajo që quhet ‘gerrymandering’ më skandaloz që mund të bëhet. Dhe, nuk ka asnjë përfaqësues të këtyre qarqeve sepse Edi Ramës i duhet numri aty që, fitova kaq e aq. Pra, qëndrimi ynë është ky, do përcaktohet tërësisht si do të vendosin, do të vendosin të vazhdojnë me pseudo-opozitën, le ta vazhdojnë dhe nuk bëhemi pjesë. Por, ne nuk jemi apriori kundër komisioneve, kundër Reformës Territoriale sepse ajo duhet, duhet të shqyrtohet, nuk jemi kundër Reformës Zgjedhore sepse ajo ka rekomandime ndërkombëtare, por nuk mund të qëndrojmë kurrsesi në pozicion me njërën dhe të përjashtuar tek tjetra. Këto nuk mund të ndodhin.
Pyetje: Zoti Berisha, ju pak më parë i cilësuat komisionet hetimore të posaçme si fasadë dhe pjesë të një pseudo-opozite. Po kërkesën e Ilir Metës të bërë pak minuta më parë për ngritjen e një Komisioni Hetimor për Butrintin e mbështesni?
Sali Berisha: Plotësisht! E keni parë votimin? Si votuan AliBasha me Bardhin? Çështja e Butrintit është një çështje shumë e madhe, një nga çështjet më të mëdha, jo të Shqipërisë, por të Europës. Sepse çfarë ndodh? Edi Rama përpiqet të mbrohet me Fondin Shqiptaro-Amerikan dhe në Parlament tha e akuzove për korrupsion. Jo! Nuk akuzoj unë Fondin, ndonëse në mënyrë absolute nuk jam dakord me faktin që Fondi ka bërë vetë studimin, ka përfshirë avokaten që ka bërë kontratën në Bord. Nuk jam dakord me Bordin që ka ngritur, sepse ministrja e Kulturës që vetëm me Kulturën s’ka asgjë të përbashkët ajo zonjë, ka pranuar në kontratë që Ministria e Kulturës do jetë për dy vjet dhe pastaj do të jetë zonja Margariti dhe jo Ministria, çka mund të ndodhë vetëm në Shqipëri një gjë e tillë, pra nuk është ex officio. Unë jam kundër këtyre. Por problemi më kryesor është se, ju e dini, Butrinti, zona A1, A2, A3 e tij, përkatësisht zona arkeologjike, zona Ramstar dhe zona e biodiversitetit siç është Kepi i Stillës, me këtë rast, dhe kjo përbën tërësinë e një Parku Kombëtar mahnitës, të pashoq kund, ky u zbërthye për hir të zonës A1 dhe Zona A2 dhe A3 iu lanë Edi Ramës, oligarkëve të tij dhe Zona B rekreative e Manastirit.
Që të gjitha këto për klientelën e Edi Ramës, për ndërtime ku vetëm në Kepin e Stillës, zonë me biodiversitetin më të larta, zonë A për mbrojtje, do të ndërtohen 620 vila për klientelën e Edi Ramës. Nuk ka njeri, nuk ka shqiptar që të mund të pranojë një projekt të tillë. Dhe ai nxjerr ombrellën, Fondin Shqiptaro-Amerikan. Fondi, për mua ka bërë një gabim shumë të madh. Nuk mund të pranonte shkatërrimin e tërësisë së Parkut Kombëtar, se këtë po e bën qeveria shqiptare. Qeveria shqiptare po iu përdor ju. Dhe i bëj thirrje Bordit të mblidhet dhe ta shohë edhe njëherë në kompleks këtë problem që nuk mund të mbyllet. Ajo është një pasuri përrallore e shqiptarëve, edhe ashtu siç është, zona Ramstar është po kaq me interes të madh se nuk janë kaq të shpeshta, zona e biodiversitetit thuhet se në shpellat e detit aty vjen breshka e Mesdheut, një rrallësi e madhe shumë.
Sali Berisha TIRANË- Kryedemokrati Sali Berisha e ka konsideruar një tradhëti kombëtare faktin që kryeministri Edi Rama ndodhet n&...
Taulant Balla TIRANË- Kryetari i Grupit parlamentar i Partisë Socialiste, Taulant Balla deklaroi ditën e sotme se rrëzimi i kërkes...
Annalena Baerbock GJERMANI- Ministrja e Jashtme gjermane, Annalena Barbock, gjatë mbërritjes së saj në Këshillin e Punëve t&e...
Sali Berisha dhe Alfred Lela TIRANË- Gazetari Alfred Lela ka konfirmuar se do tëjetë drejtor i komunikimit dhe zyrës së shtypit n...
Sali Berisha TIRANË- Kryedemokrati Sali Berisha ka prezantuar para gazetarëve drejtorin e ri të zyrës së shtypit në Partin&eu...
Konferenca TIRANË- 19 marrëveshje u firmosën ditën e sotme gjatë mbledhjes së dy qeverive Shqipëri-Kosovë, në ...
Mbledhja KOSOVË- Ministrat e Infrastrukturës të Shqipërisë dhe Kosovës prezantuan ditën e sotme projektin e Portit t&eum...
Albin Kurti KOSOVË- Në fillim të mbledhjes së dy qeverive, kryeministri Rama propozoi që në nëntor të këtij vi...
Agron Shehaj, deputet i PD TIRANE- Deputeti i Partisë Demokratike Agron Shehaj denoncoi ministren e Punëve të Jashtme, Olta Xhaçka pa...
Ulsi Manja TIRANË- Ministri i Drejtësisë Ulsi Manja njoftoi nga Prishtina se marrëveshja gjyqësore mes Kosovës dhe Shqipë...
