"Delirantë, injorantë dhe dështakë-zemërakë"/ Rama nga Thethi: Sistemi nuk përmbyset! "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Euronews.rs ka raportuar të gjithë përplasjen mes tyre, që nga akuzat deri tek delegimi i përgjegjësive për rritjen e kriminalitetit në Britaninë e Madhe.
SERBI- Retorika e ashpër mes kryeministrit Edi Rama dhe autoriteteve britanike ka gjetur vend edhe në mediat serbe. Euronews.rs ka raportuar të gjithë përplasjen mes tyre, që nga akuzat deri tek delegimi i përgjegjësive për rritjen e kriminalitetit në Britaninë e Madhe.
Artikulli i plotë:
Kriminelë, kokë turku, çmendinë, ksenofobi, diskriminim, pushtim, gënjeshtra, janë disa nga termat e polemikës publike, aspak diplomatike mes kryeministrit shqiptar Edi Rama dhe zyrtarëve britanikë.
Rama iu përgjigj ashpër akuzave të zyrtarëve britanikë që u shprehën se gjithnjë e më shumë shqiptarë të lidhur me grupe kriminale po shkojnë në vendin e tyre. Mes polemikave ka ndërhyrë edhe Princi shqiptar Leka.
“Nëse Laburistët do të ishin në krye, do të lejonin të gjithë kriminelët shqiptarë të vinin në këtë vend, do të lejonin të gjitha varkat të vinin në Britaninë e Madhe, do të hapnin kufijtë tanë dhe do të minonin plotësisht besimin e popullit britanik në kontrollin e sovranitetit të tyre,” - tha Sekretarja e Brendshme britanike, Suela Braverman, në një fjalim të fundit para deputetëve.
Braverman, e cila u përball sërish me kritika pasi pretendoi se kishte një "pushtim të azilkërkuesve" në bregdetin jugor të Anglisë, ka kritikuar edhe më parë azilkërkuesit me origjinë shqiptare.
"Shumë prej tyre pretendojnë se po trafikohen si skllevër. Në fakt, shumë prej tyre nuk janë skllevër të kohës moderne dhe ata gënjejnë se janë viktima të tregtisë,"- tha ajo në konferencën e Partisë Konservatore muajin e kaluar.
Shqetësimet për njerëzit që shkonin në Mbretërinë e Bashkuar nga Shqipëria u rritën javën e kaluar pas një paralajmërimi të lëshuar nga Dan O'Manny, zyrtari i Mbretërisë së Bashkuar i ngarkuar për trajtimin e migracionit të paligjshëm.
Ai deklaroi se kishte një rritje “eksponenciale” të numrit të shqiptarëve që mbërrinin me varka, sepse bandat kriminale shqiptare “kishin një pikëmbështetje në veri të Francës dhe ua lehtësonin kalimin”.
O'Mani deklaroi gjithashtu se numri i shqiptarëve që janë shpërngulur në Britaninë e Madhe këtë vit është "midis një deri në dy për qind e të gjithë popullsisë mashkullore të Shqipërisë", gjë që autoritetet shqiptare e mohuan.
Krahas këtyre deklaratave zyrtare, Agjencia Kombëtare Britanike e Krimit (NCA) njoftoi të hënën se në bashkëpunim me policinë belge janë arrestuar tre persona të dyshuar për kontrabandë njerëzish. Sipas raportimeve, ata të tre u përpoqën të transportonin emigrantë shqiptarë përmes Kanalit Anglez me anije.
Dy burra me bazë në Anglinë jugore u arrestuan kur mbërritën në bregdetin belg dhe dymbëdhjetë emigrantë, që besohet se ishin shqiptarë, të cilët u arrestuan gjithashtu, tha NCA në një deklaratë.
Pas këtyre deklaratave, Rama akuzoi Londrën se po përdorte qytetarët shqiptarë si “koka turku” për të justifikuar politikën e dështuar të emigracionit.
“Të vësh në shënjestër shqiptarët, që disa e bënë me turp gjatë luftës për Brexit, si shkaktar i krimit britanik dhe problemeve kufitare, është retorikë e lehtë, por injoron fakte të vështira. Të përsërisësh të njëjtat gjëra dhe të presësh rezultate të ndryshme është çmenduri, pyet Ajnshtajnin,”- tha Rama.
Ai shtoi se 70 për qind e 140,000 shqiptarëve që u shpërngulën në Britaninë e Madhe kishin jetuar më parë në Itali dhe Greqi.
"Nga këta, 1200 janë biznesmenë. Shqiptarët në Britani punojnë shumë dhe paguajnë taksa. Britania e Madhe duhet të luftojë kundër bandave kriminale të të gjitha kombësive dhe të ndalojë diskriminimin ndaj shqiptarëve për të justifikuar dështimet e saj politike,”- tha Rama.
Ai theksoi se Shqipëria është një vend i NATO-s dhe se po negocion anëtarësimin në Bashkimin Evropian.
"Shqipëria është një vend i sigurt. Kur Gjermania kishte një problem të ngjashëm, ajo ashpërsoi masat ndëshkuese. Britania mund dhe duhet të bëjë të njëjtën gjë, pa u përgjigjur me retorikë kriminale që përfundon duke dënuar të pafajshmit", tha Rama, duke shtuar se Tirana është gati të punojë ngushtë me Londrën, por edhe se respekti i ndërsjellë është i nevojshëm.
I ftuar në programin e BBC-së, Rama tha se “është shumë e qartë, edhe nga Tirana, e cila nuk është aq afër Londrës, se kjo është një politikë e dështuar, jo për shqiptarët, as alienët apo gangsterët, por një politikë kufitare e dështuar”.
I pyetur se çfarë pasojash mund të kenë deklaratat e tij për shqiptarët që jetojnë në Britaninë e Madhe, ai tha se një fjalor i tillë nuk është gjë tjetër veçse nxitja e ksenofobisë dhe shënjestrimi i një komuniteti, gjë që sipas tij është krejtësisht në kundërshtim me traditën e madhe britanike.
“Britania ishte modeli për integrimin dhe tani po bëhet, nuk e di, si një çmendinë”, shtoi ai.
Princi shqiptar Leka ka reaguar ndaj deklaratave të zyrtarëve britanikë, duke thënë se “12 mijë shqiptarët e mbërritur në Britaninë e Madhe me gomone në vitin 2022, prej të cilëve 10 mijë të rinj të pamartuar, nuk përfaqësojnë pushtim”.
"Mos na demonizoni për politikën tuaj të brendshme. Britania e Madhe ka një popullsi prej 67 milionë banorësh, me gjashtë milionë emigrantë. Prandaj, prania e12 mijë shqiptarëve nuk konsiderohet një pushtim. Dështimet e ligjzbatimit britanik nuk janë përgjegjësia jonë. Një numër i madh shqiptarësh që vijnë në Mbretërinë e Bashkuar janë nga BE-ja dhe jo nga Shqipëria”, shkroi ai.
Rreth 140,000 njerëz me origjinë shqiptare u vendosën në Mbretërinë e Bashkuar këtë vit, shumë më tepër se 90 mijë që kishin shkuar mes viteve 2008 dhe 2013, ndërsa dhjetëra mijëra u shpërngulën midis viteve 1991 dhe 2008. Gjithashtu thuhet se në Britaninë e Madhe janë rreth 1300 kompani të menaxhuara nga shqiptarë, shumica e të cilave në Londër dhe 58 akademi që drejtojnë kurse të gjuhës shqipe për fëmijët e shqiptarëve që jetojnë në MB.
Sophie Corcoran dhe Princ Leka TIRANË- Princ Leka ka replikuar me analisten politike britanike, Sophie Corcoran, lidhur me emigrimin masiv të shq...
Deputetja e Partisë Demokratike, Ina Zhupa TIRANË- Deputetja e Partisë Demokratike, Ina Zhupa deklaroi se grupimi që mbështet Enke...
Kudret Saliaj TIRANË- Kujdestarinë e tre fëmijëve të Kudret Saliajt që u vra nga vjehrri i tij, Mexhit Picari në qershor...
Foto nga mbledhja BERLIN- Kryeministri i Kosovës Albin Kurti ka vënë firmën e tij në emër të Kosovës, në tri m...
Kujtim Gjuzi TIRANË- Kryetari i Partisë Konservatore Albania, Kujtim Gjuzi ka dorëzuar në seline e Partisë Demokratike kë...
Sali Berisha TIRANË- Kryetari i Partisë Demokratike Sali Berisha ka denoncuar kryebashkiakun e Korçës, Sotiraq Filo që sipas tij...
Konferenca e perbashket BERLIN- Kryeministri Edi Rama ka theksuar marrëdhëniet shumë të mira të vendit tonë me Gjermaninë...
Ursula von der Leyen BERLIN- Presidentja e Komisionit Europian Ursula von der Leyen u shpreh se për shkak të zhillimeve gjeopolitike të ndod...
Pamje nga konferenca e sotme BERLIN- Kancelari gjerman Olaf Scholz, presidentja e Komisionit Europian, Ursula von der Leyen dhe kryeministri i Shqipër...
Olaf Scholz BERLIN- Kancelari gjerman, Olaf Scholz, ka folur pas përmbylljes së punimeve të Samitit të Ballkanit Perëndimor në...
