Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Partia Socialiste ka zgjedhur kryetarët e 58 degëve në të gjithë Shqipërinë, pasi në tre të tjera, në Bashkinë Has, Roskovec dhe Himarë procesi për zgjedhjen e kryetarit do të përsëritet. Blendi Klosi, Sekretari Organizativ i Partisë Socialiste tha se në tre bashki nuk janë gjetur kandidatura të përshtatshme. • Në Tiranë është rikonfirmuar Erion Veliaj, i cili do të drejtojë kryeqytetin për katër vitet e ardhshme, ndërsa në shumë degë ka bashkë-kryesi. Janë dy persona që do të drejtojnë degën për katër vite në bashkëpunim me njëri-tjetrin. • Në total kanë qenë 561 kandidatë për kryetarë degësh, shifër që e bëri me dije vetë kryeministri Edi Rama. 190 prej tyre (34%) e kandidaturave janë të rinj të moshës nën 35 vjeç, 263 (47%) kandidatë janë nga mosha 36-50 vjeç, ndërsa vajza dhe gra përbëjnë 32.2% të kandidaturave, 28. • I pyetur nëse procesi i zgjedhjes së kryetarë është një farsë, Gjiknuri e mohoi një gjë të tillë duke shtuar se për këtë gjë është marrë mendimi i kryesisë. Edhe për rikonfirmimin e Veliajt, Gjiknuri tha se kryesia e ka konsideruar të arsyeshme që ai të jetë sërish në një rol që i përshtatet.
6 artikuj për këtë temë.
TIRANË- Sekretari i Përgjithshëm i Partisë Socialiste Damian Gjiknuri ka deklaruar se për procesin e zgjedhjes së drejtuesve është marrë opinioni i anëtarësisië. Gjatë deklaratës për shtyp, Gjiknuri tha se nga ky proces PS-ja do të dalë më e fortë.
"Në fakt unë e kam dhënë dhe këtë shpjegim kemi të bëjmë me një proces krejt tjetër. E para njëherë nganjëherë kandidaturat zgjidhen duke reflektuar një raport, kësaj here është një proces që shkon përtej asaj, sepse kandidatët nuk filtrohen nga asnjë lloj strukture. Kandidatët vetëshpallen aplikojnë, ballafaqohen, është marrë opinion i anëtarësisë, grupi i punës ka pasur një metodologji ku përfshihej dhe opinion i Asamblesë. Ky proces, Partia Socialiste do të dalë më e fortë dhe besoj se kemi zgjedhur kandidatët më të mirë. Çdo parti ka formën e saj të organizimit dhe çdo ndryshim ne e bëjmë është në funksion të forcimit të organizatës dhe në funksion të objektivave elektoralë," tha Gjiknuri.
TIRANË- Sekretari i Partisë Socialiste Damian Gjiknuri ka treguar se rizgjedhja e Erion Veliajt si kreu i PS-së në Tiranë ishte një proces i natyrshëm. Gjatë konferencës për mediat, Gjiknuri tha se Kryesia e PS-së, e ka menduar atë si zgjidhjen më të mirë.
"Është më i natyrshëm në rolin e tij për të kryer këtë proces. Është i pari që ka nisur përzgjedhjen e emrave dhe përfshirjen në këtë proces, kështu që e ka bërë. Kryesia e Partisë Socialiste ka menduar që kjo është zgjidhja më e mirë," tha Gjiknuri.
TIRANË- Partia Socialiste ka zgjedhur kryetarët e 58 degëve në të gjithë Shqipërinë, pasi në tre të tjera, në Bashkinë Has, Roskovec dhe Himarë procesi për zgjedhjen e kryetarit do të përsëritet. Blendi Klosi, Sekretari Organizativ i Partisë Socialiste tha se në tre bashki nuk janë gjetur kandidatura të përshtatshme. Në Tiranë është rikonfirmuar Erion Veliaj, i cili do të drejtojë kryeqytetin për katër vitet e ardhshme, ndërsa në shumë degë ka bashkë-kryesi. Janë dy persona që do të drejtojnë degën për katër vite në bashkëpunim me njëri-tjetrin.
LISTA ME TË PËRZGJEDHURIT:
Shkodër: Ilmi Lakti dhe Miral Petani
Malësi e Madhe: Lulzim Zaraj
Vau i Dejës: Kristjan Shkreli
Pukë: Anjeza Doda dhe Pajtim Zeqiri
Fushë Arrëz: Ervin Doda
Kukës: Anila Sokoli dhe Besmir Lamallari
Has: Do të ripërsëritet procesi
Tropojë: Egzon Bashkurtaj
Dibër: Alma Selami dhe Danjel Gjura
Bulqizë: Albion Gjini dhe Festime Mjeshtri
Klos: Armando Gjini
Mat: Hasan Pasha dhe Lindita Barci
Durrës: Luan Zaza
Krujë: Redon Roshi
Shijak: Fatmir Koci
Tiranë: Erion Veliaj
Kamëz: Rebeka Sulejmani
Vorë: Endrisa Haxhiu
Kavajë: Marinela Aliaj dhe Shpend Barameta
Rrogozhinë: Lufti Kashari
Elbasan: Ardit Demiri dhe Ermira Urupi
Belsh: Mariglen Bali
Cerrik: Tomor Zaimaj
Peqin: Bukurosh Maci
Gramsh: Enis Zani
Librazhd: Fatbardha Qatja
Prrenjas: Haxhi Collaku
Berat: Valbona Zylyftari
Dimal: Adelina Vangjeli dhe Albana Kora
Kuçovë: Gentjan Qafoku dhe Renata Baçi
Polican: Erjon Zylyftari dhe Sara Satka
Skrapar: Edmond Omeri dhe Xhanina Kushova
Pogradec: Erion Thëngjilli
Maliq: Orlind Demollari dhe Rudina Brego
Korçë: Anxhela Tao dhe Petrika Tollfuçi
Devoll: Genti Lakollari dhe Zerina Sinani
Pustec: Katerina Ago, Sandri Nikolla
Kolonjë: Eraldo Xhelili
Gjirokastër: Gentjan Llogo dhe Mihare Lapa
Dropulli: Kristo Vorsane
Libohovë: Dhurata Demiri dhe Jani Memo
Përmet: Ervin Tuçi
Këlcyrë: Hodjan Selmani
Memaliaj: Edmonda Harizi
Tepelenë: Dino Selimi dhe Kleona Bahja
Vlorë: Admir Malaj
Selenicë: Nertil Bellaj
Himarë: Do ripërsëritet procesi
Delvinë: Izet Sinaj
Finiq: Thoma Kallojeri
Sarandë: Elron Gjoni
Konispol: Kristo Mallanezo
Lezhë: Florian Gjini
Kurbin: Bernard Pale
Mirditë: Marjana Prenga dhe Reunar Kolaj
Fier: Adela Hysenaj dhe Ramion Kurti
Lushnje: Merjeme Dervishi dhe Erges Krakulli
Divjakë: Agim Maka
Patos: Artjol Hoxhaj dhe Suela Hoxhaj
Roskovec: Do ripërsëritet procesi
Mallakastër: Zamir Malasi
TIRANË- Sekretari i Partisë Socialiste Damian Gjiknuri ka deklaruar se është i kënaqur nga procesi që u ndoq për përzgjedhjen e kryetarëve të degëve të PS-së. Në një deklaratë për shtyp, Gjiknuri tha se ata janë një parti ku kanë debat brenda tyre.
"Unë personalisht jam shumë i kënaqur nga ky proces, për herë të parë ne kishim mundësi të dëgjonim kandidatë që nuk vinin nga përzgjedhja e vetë strukturës, por aplikonin dhe flisnin për ambiciet e tyre. Jemi një parti ku debati zhvillohet brenda dhe kthen veten në platformën më të madhe të ideve," tha Gjiknuri.
TIRANË- Kryeministri Edi Rama ka publikuar dhe numrin e kandidatëve për kryetarë të degëve, pak para nisjes së mbledhjes së kryesisë së Partisë Socialiste, të cilët janë gjithsej 561. Sipas përqindjeve të publikuara nga Rama në Facebook, 34% e tyre ose 190 kandidatë janë nën 35 vjeç. Po ashtu bëhet me dije se 47% e kandidatëve ose 263 janë nga mosha 36-50 vjeç. Ndërkohë që 32.2% e kandidatëve janë vajza dhe gra.
Partia Socialiste do të mbledhë pasditen e sotme kryesinë për zgjedhjen e 61 kryetarëve të degëve të kësaj partie. Mësohet se në mbledhjen e sotme do të shqyrtohet procesi i zhvilluar i deritanishëm si dhe do të analizohen të gjithë kandidatët. Ndërkohë që pasi të merren të gjitha rezultatet nga komisioni që ka zhvilluar dëgjesat, kryesia e PS-së do të caktojë dhe kryetarët e rinj në degët. Në Kongresin e PS-së të mbajtur më 9 prill delegatët votuan ndërprerjen e mandatit të 61 kryetarëve aktual të Partisë. Kjo u bë me qëllim riorganizimin e partisë për zgjedhjet vendore të vitit 2023.
TIRANË- Kryeministri Edi Rama ka nisur mbledhjen në kryesinë e Partisë Socialiste. Mbledhja ka nisur në orën 17:00 në selinë rozë, ku i pranishëm është edhe kryeministri Rama. Në këtë mbledhje fokusi do të jetë te zgjedhja e kryetarëve të degëve të PS-së në rrethe. Pritet të vendoset se cilët do të jenë kryetarët e degëve të PS në 61 bashki.
I pari që pritet të mbajë fjalën Blendi Klosi, i cili do të bëjë një raportim për procedurën e ndjekur deri më tani. Sot Rama bëri një rezyme të të gjithë turit të ndjekur nga socialistët për zgjedhjen e krerëve të degëve. 561 kandidatë kanë shprehur dëshirën për tu bërë kryetarë dege, mes tyre, 33.2% janë gra e vajza.
