Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Rama bashkë me ministren Evis Kushi ishin bërë bashkë e i kishin ndërtuar ‘biografinë’ mësuese Nereidës, duke e etiketuar si ‘viktimë të politikës’.
TIRANË- Mësuese Nereida Omeri, me titullin “Doktor Shkencash” edhe pse i shërbeu për 20 vite sistemit arsimor, këtë vit u gjend jashtë dyerve të shkollës. Prezenca e saj në takimet e organizuara nga kryetari i Partisë Demokratike Sali Berisha, me temë ‘Shqipëria në rrezik’ dhe kritikat e adresuara qeverisë e kryeministrit Edi Rama kishin rënë në veshin e këtij të fundit. Dhe kryeministri nuk e kishte lënë më kaq. Fjalët e tij para akademikëve e kolegëve të Omerit në Kongrsin e Arsimit treguan se Rama bashkë me ministren Evis Kushi ishin bërë bashkë e i kishin ndërtuar ‘biografinë’ mësuese Nereidës, duke e etiketuar si ‘viktimë të politikës’. Kreu i qeverisë tha se mësuesja në fjalë, pa i përmendur emrin ka tashmë një kotratë të përhershme, por që në kohën e lirë mund të vijojë me ndjekjen e takimeve të organizuara nga PD.
“Përpara pak ditësh më bëri përshtypje një kronikë, e cila ishte përhapur në gjithë rrjetet sociale e një mësueseje, që ishte një nënë me dy fëmijë dhe me kontratë të përkohshme, e cila ankohej për situatën ku gjendej e shtyrë dhe nga pasiguria që të jep kontrata e përkohshme, e një fluks i tërë komentatorësh e mbështesnin si viktimë të politikës. U interesova dhe arsyeja pse e konsideronin viktimë të politkës, ishte se kjo mësuese ishte shumë aktive në takimet që organizon grupi Shqipëria në Rrezik. Por në të njëjtën kohë mora vesh sot, duke ardhur, sepse e kam ndjekur këtë gjë me Evisin dhe prandaj po e ndaj këtu me ju, që përtej faktit që ajo mësuese shprehte gjithë shqetësimin, sekëlldinë, pasigurinë e saj e mbase dhe inatin e saj ndaj qeverisë, ndryshe nga të tjerë, i kishte bërë detyrat e veta duke konkuruar në portalin ‘mësues për Shqipërinë’ dhe ja kur sot rezultatet e portalit janë shpallur ajo është fituese, është fituese për të marrë një vend pune të përhershëm. Portali Mësues për Shqipërinë as nuk ka në kriteret e veta përkatësinë politikë, as nuk mund të ndryshohet, jo thjesht se ne nuk duam të ndërhyjmë dhe s’kemi ndërhyrë asnjëherëm por se çdo ndryshiom që mund të bësh te portali lë gjurmë, dhe portali të jep atë që të takon, për atë që kërkon. Kërkon një vend pune të përhershëm si mësues, e merr pavarësisht për kë voton, sa shprehesh apo nuk shprehesh për qeverinë apo opozitën. Këto nuk kanë asnjë rëndësi. Për ata që e mbajnë mend cfarë kohe ishte kur kjo gjë as nuk imagjinohej, është dicka me rëndësi të madhe për dinjitetin, respektion për meriën dhe lirinë e garancinë e konkurencës. Dua t’i uroj suksese mësueses në fjalë si mësuese me kontratë të përhershme. Në kohën e lirë ajo mund të vijojë të shkojë në mbledhjet e Shqipërisë në rrezik, por nëse Shqipëria do të ishte në rrezik, ajo nuk do kishte dot një kontratë të përhershmE,”- tha Rama.
Si nisi historia e mësueses?
Denoncimi u bë në fillim të këtij muaji nga deputetja e Partisë Demokratike, Albana Vokshi. Kjo e fundit shkruante se një Doktore Shkencash është hequr nga puna edhe pse kishte shërbyer prej 20 vitesh në arsim. Sipas Vokshit, edhe pse nga Qarku Elbasan, Ministrja Evis Kushi, nuk ka sy për të aftët, por për patronazhistët apo militantët, pasi nuk i duan të aftët, sepse duan të sundojnë më lehtë.
Postimi i plotë:
Kjo është Nereida Omeri, doktore shkencash. Ka dy fëmijë dhe është kryefamiljare. Arsimtare për 20 vite, së fundmi nëndrejtoreshë në Gjimnazin Tomorr Sinani, Cërrik. E hoqën nga puna pasi i thanë që ishte shkurtuar pozicioni i nëmdrejtoreshës. Drejtori i Zyrës Vendore Koco Komino e hoqi nga shkolla duke i thënë që do e conin në një vend tjetër. I bënë kontratë me afat. Por, prej tre vjetësh, Nereida është pa punë, pa shtëpi, e jeton me prindërit pensionistë. Neraida është e para, me pikët maksimale në portal në Cërrik dhe Belsh, por i thonë që nuk ka vende të lira.“Jetoj me prindërit, sepse nuk ja dal dot me qira, pasi jam e papunë. Ky është fakti, lufta për kafshatën.” – thotë Nereida. Prej 3 vitesh kërkon të drejtën e saj. Edhe pse Doktore shkencash, edhe pse kryefamiljare, asnjë mbështetje nga Ministria e Arsimit apo zyra arsimore vendore. Nereida nuk klrkon lëmoshë, kërkon të drejtën e saj!! Ndërkohë, edhe pse nga Qarku Elbasan, Ministrja Evis Kushi, nuk ka sy për të aftët, por për patronazhistët apo militantët. Nuk i duan të aftët, sepse duan të sundojnë më lehtë. Kjo duhet e do të marrë fund!!
Çfarë thoshte Omeri tek Berisha?
Mësuesja denoncoi në një takimet largimin e saj nga puna. Ajo shprehej se kishte tre vite pa punë e se në shtëpi jetonte me prindërit pensionistë, pa asnjë të ardhur.
“Kam qenë arsimtare për rreth 20 vite. Para 3 vitesh më hoqën nga puna. Jam dhe pa shtëpi e jetoj me prindërit pensionistë. Më hoqën nga puna pa shkak. I kam bërë të gjitha studimet dhe kam marrë edhe titullin; Doktore Shkencash. Për mua është një fatkeqësi që jam e papunë. Kam 3 vite që e kërkoj të drejtën time. Jo vetëm që nuk kam gjetur ndihmë, por jam shkelur në dinjitet. Jetoj me prindërit, sepse nuk dal dot me qira, pasi jam e papunë. Ky është fakti, lufta për kafshatën,”- thoshte Omeri.
Tashmë mësuesja është rikthyer në vendin e punës me kontratë të përhershme.
Flamur Noka TIRANË- Deputeti i Partisë Demokratike, Flamur Noka kërkoi të dijë se nëse Qeveria ka informacion për &ccedi...
Edi Rama TIRANË- Kryeministri Edi Rama ka reguar pas akuzës së Partisë Demokratike për sulmin kibernetik nga Irani. Përmes n...
Komisioni TIRANË- Ditën e sotme u miratua në Komisionin e Ligjeve projektvendimi për ratifikimin e marrëveshjes financiare kuad&eu...
Edi Rama dhe Aleksandër Vuçiç SERBI- Presidenti serb Aleksandër Vuçiç është ftuar në funeralin e Mbret...
Ilir Meta TIRANË- Kryetari i Partisë së Lirisë, Ilir Meta ftoi qytetarët shqiptarë që t'i bashkohen protestës s&eum...
Komisioni TIRANË- Ditën e sotme është miratuar marrëveshja ndërmjet Këshillit të Ministrave të Shqipë...
Komisioni TIRANË- Zëvendës ministri i Brendshëm Andi Mahila deklaroi ditën e sotme se fenomeni i largimit të shqiptarëve...
Reforma, Taulant Balla dhe Dhurata Çupi TIRANË- Partia Socialiste dhe ajo Demokratike janë rifutur në debat përsa i përket ...
Enkelejd Alibeaj TIRANË- Deputeti i Partisë Demokratike, Enkelejd Alibeaj deklaroi ditën e sotme se djemtë shqiptarë që q&eum...
Enkelejd Alibeaj TIRANË- Ditën e sotme po diskutohet në Komisionin e Ligjeve, Projektligj Për ratifikimin e memorandumit të m...
