Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Të dyja partitë e kanë provuar se dinë të nxjerrin mandate edhe në momentin e tyre më të keq. Por të ketë të njëjtën rritje edhe Partia “Mundësia”?
TIRANË- Partitë e reja që marrin pjesë në këto zgjedhje janë të shumta. Këto zgjedhje parlamentare që do të mbahen më 11 maj, do të kenë sfidën e parë dhe më të vështirën, përballjen me votuesin! Pritshmëritë, marrë shkas nga të gjitha partitë e reja që nga viti 1990 nuk janë të mëdha, përveç disa sondazheve që sot po qarkullojnë në disa prej mediave më të ndjekura në vend. Për çudi, Agron Shehaj me partinë e tij të sapokrijuar, Mundësia renditet i treti me vota në sallën e Kuvendit të Shqipërisë. Madje më shumë se Partia SocialDemokrate, apo Partia e Lirisë 4 vjet më parë, dy forca politike që pavarësisht gjithçkaje janë “kuaj” në fushën e betejës. Të dyja partitë e kanë provuar se dinë të nxjerrin mandate edhe në momentin e tyre më të keq. Por të ketë të njëjtën rritje edhe Partia “Mundësia”?
A ka vërtetë shanse që një parti e sapokrijuar të dalë më mirë se parti të tjera të reja, por me më shumë kohë në terren se Shehaj?
Për të marrë një këndvështrim edhe nga perspektiva e tyre, ZËRI ka kontaktuar me drejtuesit e dy partive të tjera (të reja) që janë po ashtu në garë në zgjedhjet e 11 majit. Arlind Qori me “Lëvizja Bashkë” e ka provuar veten duke marrë një mandat në zgjedhjet lokale të 2023, në Bashkinë e Tiranës. Ai ka përfaqësuesen e partisë së tij në sallën e Kuvendit bashkiake, ndërsa Lapaj po ashtu është në të njëjtën vazhdë me Shehajn. Por si ndjehem kur përballen me sondazhe që katapultojnë kundërshtarin e tyre shumë më lart se ta?
Për Qorin është e thjeshtë! Ai merr si referencë zgjedhjet lokale, duke u shprehur se sipas sondazheve, rezultatin më të mirë mund ta kishte vetëm 2.4%, por që pas ditës së votimit u kuptuar që kishte marrë 5% të votuesëve në Tiranë. Kështu, duket se zgjedh që të mos komentojë më gjatë sondazhet, që i cilëson si të paguara për të bërë shërbime të caktuara para fushatës.
Arlind Qori: Në një vend ku qytetari i zakonshëm ka frikë të shprehë haptazi preferencën e vet politike dhe ku televizionet janë në duart e oligarkëve, sondazhet nuk mund të jenë të besueshme. Edhe më pak të besueshme bëhen në rastin e Lëvizjes BASHKË, e cila mbetet e vetmja parti me qëndrim të qartë e të fortë kundër oligarkisë ekonomike dhe që nuk shpenzon para as për rrjetet sociale, lere më për të blerë sondazhistë. Për ta bërë më të qartë pozicionin tim, më lejoni t'ju kujtoj se sondazhi më optimist për Lëvizjen BASHKË në vitin 2023 në Tiranë na nxirrte me 2.4% të votave (sondazhet e tjera na jepnin vetëm 1%), ndërkohë që rezultati im ishte afro 5% si kandidat për kryetar bashkie. Kësisoj, sondazhet në vendin tonë janë operacione propagandistike që nuk synojnë të nxjerrin në pah realitetin, por të fabrikojnë gënjeshtra të dobishme për ata që i paguajnë. Ju siguroj që Lëvizja BASHKË do t'i kapë të gjithë në befasi kur të nisë numërimi i votave.
Lapaj nga ana tjetër, nuk zgjedh të komentojë fare duke u shprehur se rezultatin e punës së deritanishme, do ta ‘lexojë’ bashkë me të gjithë të tjerët në 12 maj.
Adriatik Lapaj: Ne nuk komentojmë punën e të tjerëve, fokusohemi të puna jonë. Në 12 maj do flasim mbi faktet. Ne nuk jemi parti televizori, por partia që në këtë fushatë ka ritmin më të madh të aktiviteteve në vend.
Qëndrime këto të qarta dhe më këmbë në tokë, duke u lënë qytetarëve që të zgjedhin në bazë të mendimeve dhe vlerave që mendojnë se duhet të zgjedhjen. Kështu në heshtje duket se kanë zgjedhur që të mos katapultohen apo fryhen më kot, për të mos e bërë më të ashpër ndonjë surprizë të mundshme më 12 maj. Përballë nuk kanë amatorë, por një kryeministër me 3 mandate; një ish-kryeministër që më shumë ka bërë politikanin sesa profesionin e tij të jetës; një PSD që di ku i gjen mandatet dhe një Parti të Lirisë që edhe me Ilir Metën në burg, se ndal fushatën. Në të gjithë këtë, do ketë vendin e tretë për Agron Shehaj? Mbetet për t’u parë.
Në të njëjtën valë duket se janë edhe një pjesë e mirë e gazetarëve politikë në vend. Kështu, Desada Metaj, ish-këshilltare e PD, me një eksperiencë të gjatë në media shkruan se "Epo të kesh call center vetë dhe të blesh sondazhe tek të tjerë…veç histori suksesi për biznesin nuk duket të jetë", duke ironizuar hapur Agron Shehajn në lidhje me biznesin e tij të Call Centerave.
Ndërsa analisti Enton Abilekaj pyet se a quhet "krim zgjedhor" blerja e sondazheve.
"Eshte njeri qe blen sondazhe per te dale i treti. Quhet krim zgjedhor ky?"-shkruan ai në Facebook.
A ka manipulime në këto sondazhe? A po përdoren ato për të krijuar një perceptim të rremë mbi realitetin e 11 majit? Kjo mbetet për tu parë./ZËRI
Rama PATOS- Kryeministri Rama gjatë fjalës së tij në takim me banorë të Patosit u shpreh se ky qytet nuk e ka kyrsyer asnj&eu...
Aulona Bylykbashi ELBASAN- Nënkryetarja e Bashkisë Elbasan, Aulona Bylykbashi në zgjedhjet e 11 majit do të kandidojë në list...
foto ilustruese ITALI- Një deputete italiane e opozitës po kërkon sqarime pasi 16 nga 41 migrantët e transferuar në Shqipëri ...
Franc Nuri TIRANË- Drejtuesi i Departamentit të Drejtësisë në PD, Franc Nuri gjatë një deklarate për mediat ka reag...
Ervin Doda SHKODËR- Partia Demokratike ka kallëzuar në Prokurorinë e Tiranës, kandidatin e PS për deputet në Shkodë...
pamje nga takimi SPANJË- Kryetari i Partisë Demokratike, Sali Berisha ka zhvilluar një takim me kryeministrin e Maqedonisë së...
Rama ROSKOVEC- Kryeministri Edi Rama gjatë fjalës së tij në takimin me gratë dhe vajzat në Roskove u ka bërë thirrj...
Rama ROSKOVE- Kryeministri Edi Rama ka zhvilluar një takim me gratë dhe vajzat në Roskovec. Rama gjatë fjalës së tij u shpreh...
Mesazhi TIRANË- Gazetari, Armand Bajrami përmes një postimi në "Facebook" ka ndarë një sms që është dërgu...
Rama FIER- Kryeministri, Edi Rama gjatë fjalës së tij në takim me të rinjtë në Fier ka folur në lidhje me rënd...
