Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Sot rinisi seanca e parë plenare për sesionin e ri. •Në fillim mori fjalën kryetarja e Kuvendit, Lindita Nikolla e cila bëri një bilanc të sesioneve të mëparshme. •Por, kur Nikolla lexoi se kishte ardhur në Kuvend një shkresë nga PD për zgjedhjen e Lulzim Bashës si kryetar të grupit parlamentar të kësaj partie, nisën diskutimet në sallë. •Ndërkohë që Nikolla e ka përmendet këtë shkresë, ka qenë Gazment Bardhi dhe deputetë të tjerë ata që kanë qeshur nga ndenjëset e tyre. •Pak më vonë, Bardhi dhe Basha janë parë duke debatuar me tyre, pasi janë ulur pranë, ndërsa të dy deputetët duken të acaruar me njëri-tjetrin. •Gjatë fjalës së tij në Kuvend, Bardhi tha se ta harrojë që PS, Rama dhe Veliaj do zgjedhin kreun e grupit të PD. •Pas përfundimit të seancës plenare, kryetari i Partisë Demokratike, Sali Berisha pranoi ftesën e Gazment Bardhit për një takim për të unifikuar qëndrimin e opozitës.
11 artikuj për këtë temë.
TIRANË- Lulzim Basha dhe Gazment Bardhi u filmuan nga kamerat teksa debatonin me njëri-tjetrin në seancën plenare. Ky diskutim, nisi pas revoltës së deputetëve të opozitës kur mësuan kërkesën që Basha i kishte dërguar kryeparlamentares.
Raportohet se diskutimi mes tyre ishte kështu:
“Je bërë qesharak”, mësohet se i është drejtuar Basha, Bardhit.
”Qesharak je bërë ti kokë e këmbë”, është përgjigjur ky i fundit, i cili vijon: A ka mundësi të lutem...
TIRANË- Deputeti Edi Paloka, ka reaguar pasi kryetarja e Kuvendit Lindita Nikolla prezantoi si kryetar të Grupit Parlamentar të PD Lulzim Bashën.
Sipas Palokës, kjo situatë është qesharake dhe se nuk mund të pranohen një kryetar që vetëzgjidhet.
“Sot dua t’ju vë para një situate të tillë se po shoh se nuk po e kuptoni… nëse nesër unë mbledh 2 mijë vet në një sallë dhe e quaj Kuvend të PS dhe zgjidhem kryetar, sekretar e të tjera me ‘ar’ prapa, dhe u them se jam kreu i grupit të PS, çfarë do bënit ju? Kuptoje kështu dhe mos u bëni qesharake si ata. Vjen dikush që u thotë se jam zgjedhur kryetar i PS dhe ju e pranoni”, -u shpreh Paloka.
TIRANË- Sali Berisha në seancën e parë plenare për këtë sezon, deklaroi se Kuvendi është antikushtetues. Sipas tij parlamenti nuk shpreh më interes për popullin dhe u bëri thirrje qytetarëve që “t’i shkurtojnë ditët” teksa tha se vetëm Kuvend shqiptar nuk mund të quhet.
Berisha: Parlamenti nuk shpreh më interesat e shqiptarëve. Ftoj qytetarët, t’ia shkurtojmë jetën një parlamenti që nuk meriton të ekzistojë. Për një moment të përfytyroni shpellën më të madhe të mafies që imagjinata juaj mund të përfytyrojë. Drejtoni sytë këtu në këtë krah, dhe kjo është më e madhja në botë edhe Europë.
Ky parlament është i bazuar i tëri mbi krimin, mbi drogën dhe vjedhjen e shqiptarëve. SKY ECC, EncroChat dëshmojnë se lidhjet tuaja me bandat dhe krimin shkojnë në Meksikë, në Ekuador, në Bolivi. Dëshmojnë se ju keni dhunuar në mënyrën më flagrante, keni vjedhur votën e shqiptarëve dhe nuk meritoni asnjë ditë të vetme të jeni në këtë sallë.
Dëshmoj se shumica juaj duhet të jenë te Balili dhe tek Balilat tuaj, së pari.
Së dyti, ky parlament është turpi i historisë. Për herë të parë një parlament voton për dyfishimin e rrogave të deputetëve, në një kohë kur lenë në mjerim, në gomone, në varfëri eksreme qytetarët, sepse kur psikologjinë, kur ndërgjegjen, kur logjikën ta infiltron krimi ke humbur çdolloj mundësie për të arsyetuar.
Së treti, kur po lexoje atë fjalim më kujtove Vitori Çurin, por absolutisht ajo ka qenë edhe më modeste se sa ti.
Po si mund të dalësh këtu para të lexosh një raport të atillë? Fund e krye mashtrime dhe vetëm mashtrime.
Parlamenti nuk shpreh më interesat e shqiptarëve, ndaj dhe unë ju ftoj të dashur qytetarë t’ia shkurtojmë jetën, ditët një parlamenti që nuk meriton të ekzistojë. Një parlamenti anti-kombëtar që refuzon të dënojë gjenocidin serb mbi shqiptarët, një parlamenti që ka miratuar ligje dhe rregulla që ndihmojnë Serbinë e madhe të Ballkanit të Hapur. Një parlamenti që vetëm shqiptar nuk mund të quhet.
TIRANË- Deputeti i Partisë Demokratike, Gazment Bardhi tha se Lulzim Bashës i duhet të sigurojë 19 vota të deputetëve për t’u bërë kryetari i Grupit Parlamentar të Partisë Demokratike. Madje, tha para gazetarëve se nëse arrin 18 vota, të 19-ën do e ketë nga ai.
“Paska ambicie për tu bërë kryetar i grupit, në këtë moment i duhet të sigurojë 18 vota deputetësh, vota e 19 do jetë e Bardhit, po e deklaroj publikisht. Kaq borxh i kam për hir të bashkëpunimit që kam pasur me të”, tha Bardhi.
Po ashtu, nuk mungoi as ironia për Bashën. Ja se çfarë tha për të:
“Do vetëshpallet mbret i Anglisë shumë shpejt. Mos u habisni që të thotë se “jam dhe kryeministër”.
/Dosja.al
TIRANË- Kryetari i Partisë Demokratike Sali Berisha ka deklaruar se do të marrin pjesë në tryezën e thirrur nga Gazment Bardhi për ditën e nesërme. Gjatë fjalës së tij për gazetarët jashtë parlamentit, Berisha akuzoi se ky institucion është ngritur mbi krimin dhe ky droga dhe vjedhja kthehen në votë dhe vota shndërrohet në krim.
FJALA E PLOTE:
Theksova edhe në parlament, theksoj përsëri se ky parlament është i ngritur mbi krimin, drogën, është parlamenti i vetëm në Europë në të cilin vjedhja, krimi, droga shndërrohen në votë dhe vota shndërrohet në krim.
Është institucion i fatkeqësisë kombëtare, është institucion që të vetmin vendim që ka marrë, ka dyfishuar rrogat e tij, është institucion i cili ka kaluar me dhjetëra vendime të lotuara nga krimi dhe grupet kriminale, është institucion i cili ka bllokuar të gjitha nismat me rëndësi kombëtare. Nuk ka lejuar rezolutën për dënimin e gjenocidit serb në Kosovë dhe trojet shqiptare.
Është institucion i cili me qëndrimet e tij, jo që nuk i shërben integrimit, por i shërben dezintegrimit të Shqipërisë në BE dhe e lë në vend numëro. Është institucion i cili siç e dëgjuat përpiqet të përligjë gjithçka antikushtetuese, antiligjore të qeverisë dhe të mbulojë krimet e saj.
Pyetje: Do të merrni pjesë në tryezë nesër?
Sali Berisha: Po do të marrim pjesë. Ne shkojmë aty dhe do të marrim pjesë. Edhe ftesën e konsiderojmë hap pozitiv dhe ne do të marrim pjesë.
Pyetje:Për negociata apo bashkim?
Sali Berisha: Do ti mësoni që të gjitha në kohën e duhur, por ne i përgjigjemi pozitivisht ftesës.
TIRANË- Kryetarja e Kuvendit, Lindita Nikolla ka njohur Lulzim Bashën si kreun e grupit të PD-së.
Kryetarja e parlamentit Lindita Nikolla tha se kishte marrë njoftim nga PS se kryetar grupi ishte caktuar Bledi Çuçi dhe nga PD (duke iu referuar segmentit të partisë së vulës të drejtuar nga Basha) se kryetar grupi ishte caktuar Lulzim Basha.
Pas fjalës së kryeparlamentares, deputetët e opozitës shpërthyen në brohorima e të qeshura.
TIRANË- Vendimi që lexoi në seancën plenare kryetarja e Kuvendit, që kishte të bënte me kreun e grupit parlamentar të PD-së, revoltoi opozitën. Gjatë fjalës së tij në Kuvend, deputeti Gazment Bardhi deklaroi se PS nuk mund të tallet as me qytetarët dhe as me opozitën, duke shtuar se PS nuk e ka fuqinë që të ndikojë në vendime të brendshme të PD-së.
"Ju mund të talleni me qytetarët, mund të jeni tall edhe me opozitën për shkak të konflikt, por ta harroni se do vijë dita kur kreun e grupit të PD ta zgjedhë PS. Atë ditë, ti para dhe pas teje Rama ti bëni llogaritë mirë. Ke një rregullore parlamenti që lexon njoftime të grupeve parlamentare, jo të partive politike, ta kryejnë aktivitetin jashtë kësaj salle, në këtë sallë ka deputetë të grupit të PD që vendosin se kush është kreu i grupit të PD. E kuptoj se disa kanë vendosur të bëhen qesharakë, ju kanë përfshirë edhe juve por mosprovokoni deputetët e opozitës. Ky është një paralajmërim i thjeshtë dhe qytetar. Veliaj dhe Rama nuk e caktojnë dot kreun e grupit të PD”, tha Bardhi.
TIRANË- Deputeti i Partisë Demokratike, Saimir Korreshi shkoi në parlament me brisqe rroje. Gjatë një deklarate për gazetarët para Kuvendit, ai ironizoi duke thënë se brisqet e rrojës ia ka sjellë qeverisë ose dhe Bashës.
“Ia solla qeverisë ta sterilizojë meqenëse ka 10 vite që se rruan për popullin”, tha ai.
TIRANË- Seanca e sotme plenare nuk kaloi pa debate. Kryetarja e Kuvendit të Shqipërisë, Lindita Nikolla bëri me dije se ka ardhur në Kuvend një shkresë nga PD për zgjedhjen e Lulzim Bashës si kryetar të grupit parlamentar të kësaj partie. Ndërkohë që Nikolla e ka përmendet këtë shkresë, ka qenë Gazment Bardhi dhe deputetë tëe tjerë ata që kanë qeshur nga ndenjëset e tyre.
Pak më vonë, Bardhi dhe Basha janë parë duke debatuar me tyre, pasi janë ulur pranë, ndërsa të dy deputetët duken të acaruar me njëri-tjetrin. Kjo skenë ndodhi në momentin që në Kuvend po fliste kryetari i Partisë Demokratike, Sali Berisha.
TIRANË- Kryeparlamentarja Lindita Nikolla ka njoftuar në Kuvend se kreu i Grupit të PD është Lulzim Basha, pasi nga kjo detyrë u shkarkua Gazment Bardhi. Pas këtij njoftimi, Bardhi dhe deputetët e tjerë të opozitës u 'shkrinë' se qeshuri në sytë e Bashës.
“Sot në orën 9 kam marr një njoftim nga PD e cila më drejtohet që në zbatim të rregullores së parlamentit, më vënë në dijeni se kryetari i grupit është Basha”, tha Nikolla.
/Dosja.al
TIRANË- Ish-ministri i Brendshëm, Bledi Çuçi është prezantuar ditën e sotme si kryetar i Grupit parlamentar të Partisë Socialiste. Vendimi i marrë nga Asambleja Socialiste në fund të korrikut ka marrë sot dhe “OK” e deputetëve socialistë.
Miratimi është bërë para nisjes së seancës plenare, e para e këtij sesioni.
Më herët postin e kreut të grupit të PS e ka mbajtur Taulant Balla, i cili pasoi Çuçin në dikasterin e Ministrisë së Brendshme./Dosja.al
