Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Një ditë pas kaosit që u krijua në Kuvendin e Shqipërisë, sot janë parashikuar një sërë komisionesh parlamentare të cilat do të zhvillohen online. •Nga 10 mbledhje që janë parashikuar, 5 prej tyre janë vendosur të mbahen online. 5 të tjera do të zhvillohen në Kryesinë e Kuvendit, por mund të ndodhë që edhe sot deputetë mund të përdorë sërish kaosin për të sabotuar punën. •Kryetari i PD-së, Sali Berisha, theksoi sot se "asgjë nuk do mund të ndalë protestën e deputetëve të opozitës në mbrojtje gjer në sakrificat më të mëdha në mbrojtje të të drejtave kushtetuese të qytetarëve shqiptarë që i kanë votuar."
6 artikuj për këtë temë.
TIRANË- Deputetja e Partisë Socialiste, Blerina Gjylameti është përplasur fizikisht me deputetët e Partisë Demokratike, të cilët kishin bllokuar derën për të hyrë në Komisionin e Shëndetësisë.
Siç shihet edhe në videon e mëposhtme, Gjylameti ka shtyrë deputetët e PD-së dhe ka hyrë me forcë brenda në sallë.
Te lutem mos me prek me dorë”, i drejtohet ajo deputetin të PD Isuf Çela.
“Si kamikaze! Je dhe grua, nuk bën gruaja kështu”, dëgjohet duke iu drejtuar një deputete e opozitës, Blerina Gjylametit.
TIRANË-Kanë nisur me tensione nga ana e opozitës dhe e mazhorancës mbledhjet në Komisionet Parlamentare ditëne sotme. Deputetët e opozitës nuk kanë lejuar të zhvillohet mbledhja në sallat e kuvendit dhe në shenjë proteste ata kanë vendosur karrige përpara hyrjes.
Nga ana tjetër dhe në Komisioni e Medias është parë një situatë e tensionuar, ku deputetët e opozitës kanë debatuar me përfaqësuesit e mazhorancës me tone të larta. Edhe në komisionin e medias raportohet se puna është ndërprerë.
TIRANË-Saimir Korreshi deputeti i Partisë Demokratike bashkë me kolegë të tjerë të opozitës paraditen e sotme ka debatuar me tone të ashpra në ambientet e Komisionit të Ligjeve. Në një video të kapur nga mediat, Korreshi ka hyrë në sallën e komisionit dhe ka gjetur disa nga kolegët e PS gjatë mbledhjes online. Deputeti ka pyetur përfaqësuesit e PS, se përse janë online kur deputetët janë prezentë.
“O plehra, jeni plehra”, dëgjohet të thotë Korreshi i shoqëruar nga kolegët Dashnor Sula dhe Dhurata Çupi.
Protesta e deputetëve ka arritur në nivel përplasjesh edhe më shumë pas ditës së djeshme, ku deputetë të opozitës u përleshën me Gardën e Republikës.
TIRANË-Deputetët e opozitës edhe pse online kanë vijuar protestën e tyre paraditen e sotme gjatë zhvillimit të Komisioneve Parlamentare. Në disa nga Komisionet duke filluar nga Komisioni i Ligjeve, Veprimtarisë Prodhuese dhe i të Jashtmit deputetët e opozitës kanë ndërhyrë online dhe në sallat ku zhvilloheshin. Ka patur debate mes disa deputetëve të cilët kanë kërkur shpjegime se përse duhet të behen online kur ata janë prezentë dhe nuk është marrë asnjë shpjegim.
Mbledhjet online të Komisioneve Parlamentare erdhën pas përjashtimit të deputetëve nga Kuvendi i Shqipërisë disa ditë më parë dhe u përforcuan më tepër edhe pas përplasjes ditën e djeshme me Gardën e Republikës.
Kujtojmë se ditën e djeshme Garda e Republikës nuk ka lejuar hyrjen e disa deputetëve në Kryesinë e Kuvendit, çka ka ka bërë që deputetët e opozitës të reagojnë me forcë në disa raste, duke hipur mbi kangjella dhe duke u futur nga dritaret e Kuvendit.
Protesta e deputetëve vijon për kërkesat e ngritjes së Komisioneve Hetimore, të cilat sipas mazhorancës nuk miratohen duke qenë se çështjet janë në hetim.
TIRANË-'Keni bërë gabim'- kështu iu drejtua kryedemokrati Sali Berisha, Gardës, e cila ka rrethuar sërish hyrjen në Kuvend. Ky 'qortim', vjen një ditë pasi garda nuk lejoi hyrjen e deputetëve demokratë brenda Kuvendit. Deputetët u përplasën me gardën, duke përdorur tone të larta. Disa prej tyre kaluan kangjellat e të tjerë u futën brenda nga dritarja.
Tensionet vijuan në komisionin e Ligjeve mes deputetit Dashnor Sula dhe Petro Koçit. Mbledhja u shty për tu zhvilluar online. Ndërsa rreth orës 14:14 minuta deputetët e Rithemelimit vijuan me kaosin në Kryesi duke mos lejuar deputetët socialistë që të futen në Komisionin e Veprimtarisë Prodhuese duke detyruar që mbledhja të niste online në orën 16:00. Edhe komisionet e tjera u shtynë, e madje disa u zhvilluan online./Dosja.al
TIRANË- Edhe ditën e sotme, ish-kryeministri Sali Berisha u paraqit në ambientet e Kuvendit. Për gazetarët, ai tha se veprimet e Edi Ramës për të bllokuar komisionet hetimore, tregojnë degradimin ekstrem të një regjimi.
DEKLARATA E BERISHËS:
Asgjë nuk do mund të ndalë protestën e deputetëve të opozitës në mbrojtje gjer në sakrificat më të mëdha në mbrojtje të të drejtave kushtetuese të qytetarëve shqiptarë që i kanë votuar. Akti më i turpshëm në historinë e një parlamenti, kur Edi Rama urdhëroi Lindën e parlamentit të mbyllë me gardistë në kundërshtim flagrant me ligjin dhe Kushtetutën, të mbyllë me dry, dyert e parlamentit në të cilin ata janë anëtarë dhe nga i cili ata kanë imunitetin e tyre.
Këto akte tregojnë degradimin ekstrem të një regjimi, që ka për ligj, ligjet e drogës, kodet e drogës, krimit, vjedhjes dhe korrupsionit. Të dashur qytetarë dhe qytetare, kjo betejë është betejë me të keqen më të madhe të historisë sonë kombëtare pas Enver Hoxhës. Edi Rama bllokon komisionet hetimore parlamentare, sepse e di se ata do nxjerrin para shqiptarëve të gjithë vjedhjet, të gjithë plaçkitjet, të gjithë përvetësimet që ai ka bërë me sojin e tij, pasurive publike, fondeve publike.
Do nxjerrin se si për interesat e tij dhe të klaneve të tij kriminale, porti mijëravjeçar i Durrësit poërfundon në hiç, vetëm që ky me klanet e tij në Dubai dhe kudo që i ka, të ndërtojë mbi 12 mijë apartamente, të përvetësojë 1.2 milionë metër katror truall publik. Edi Rama nuk mund të përfundojë komision hetimor parlamentar sepse del firmëtar kryesor në aferën, vjedhjen e shekullit, qëjanë djegësat, dhe veçanërisht djegësi i Tiranës. Ai nuk mund të pranojë hetimin e tij sepse del i implikuar, aksioner me Pëllumb Gjokat, Gjergj Lucat dhe shumë të tjerë që janë prejardhje krimi dhe droge.
Nuk mund të pranojë komisionin hetimor parlamentar, sepse del se duke shkelur ligje, kushtetutë dhe konventë evropiane, kërkon të emërojë në Himarë, përfaqësuesin e mafies së rrezikshme të trojeve himarjote, dhe kjo vetëm për interesa të tij, të vëllait të tij, të ministrave të tij. Unë pyes çdo qytetar, sa vlen hetimi i një bashkiaku diku, apo i një zyrtari tjetër, në krahasim me kryepeshkaqenin e krimit dhe vjedhjeve në Shqipëri, Edi Rama.
Jo, nuk ka vlerë. Ndaj dhe ne me guxim të palëkundur, nuk lëshojmë gjersa Edi Rama t’i nënshtrohet hetimit parlamentar. Jo vetëm ai, por të gjithë ish-kryeministrat, të gjithë ish-zyrtarët e lartë dhe ata që janë sot. Por natyrisht, e keqja e të keqes është Edi Rama.
