Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Zëdhënësja e antikorrupsionit, Genta Vangjeli, në një deklaratë për shtyp në selinë blu, ka publikuar disa dokumenta që zbardhin favoret e anëtarëve të PS në Këshillin Bashkiak ndaj familjarëve të tyre apo të ish-zyrtarëve socialistë në institucionet e pushtetit lokal në Durrës.
TIRANË- Partia Demokratike ka denoncuar të tjera shkelje, këtë herë në bashkinë e Durrësit. Zëdhënësja e antikorrupsionit, Genta Vangjeli, në një deklaratë për shtyp në selinë blu, ka publikuar disa dokumenta që zbardhin favoret e anëtarëve të PS në Këshillin Bashkiak ndaj familjarëve të tyre apo të ish-zyrtarëve socialistë në institucionet e pushtetit lokal në Durrës.
Vangjeli gjithashtu në deklaratë thotë se tenderi i zhvilluar nga Shoqëria Rajonale Ujësjellës Kanalizime Durrës, do të zbatohet nga kompanitë e anëtarit socialist të KB Durrës Munir Konesha dhe familjarëve të tij, një prej të cilave subjekt i vendimit të dënimit të formës së prerë dhe nga kompania e vëllait të Drejtori të Departamentit Teknik e ish administrator i po të njëjtit institucion që zhvillon tenderin. Po ashtu vngjeli shprehet se presin që SPAK të veprojë sa më parë lidhur me këtë skandal.
Deklarata e zëdhënëses së antikorrupsionit në PD, Genta Vangjeli:
Një tender i publikuar në buletinin e APP-së të kësaj jave (nr.8 dt.17.02.2025) u bë shkak për zbulimin e një skeme përfitimi të parave të shqiptarëve në favor të familjarëve të ish zyrtarëve apo zyrtarëve socialistë aktualë në institucionet e qeverisjes vendore Durrës.
Shoqëria Rajonale Ujësjellës Kanalizime Durrës sh.a, me pronarë kryesorë MIE dhe Bashkinë Durrës, ka zhvilluar tenderin me objekt ‘Rikonstruksion i rrjetit të ujësjellësit në zonën Kodër Arapaj, në zonën Plepa dhe Zonën e Skraparlinjve, Durrës’.
Për këtë procedurë AK njoftoi fitues OE ‘2AF ALBANIA GROUP sh.p.k dhe Subjekt Mbështetës: BOE ALB-KON shpk dhe IDEAL CONSTRUCTION AND PROJECTION (I.C.P).
Këto emra subjektesh lidhen me Anëtarin socialist të këshillit bashkiak në bashkinë Durrës Munir Konesha.
Së pari, 2AF Albania Group shpk është subjekti i cili zbatoi punimet për tenderin 3.2 mil euro të ujësjellësit në Bulqizë për të cilin u dënuan me vendim të formës së prerë kryebashkiaku socialist, por edhe Aqif Konesha administrator dhe pronar i kësaj shoqërie të cilën e zotëronte së bashku me babain e tij anëtarin aktual të Këshillit Bashkiak Durrës, Munir Konesha.
Aqif Konesha u dënua me 1.4 vite burg për falsifikim të dokumenteve.
Pas kryerjes së veprës penale, në Nëntor 2023 Aqifi dhuron aksionet e pronësisë tek bashkëshortja. Po kështu veproi edhe babai i tij Munir Konesha duke dhuruar aksionet tek i njëjti person brenda rrethit familjar.
Ndërkohë përfaqësuesi ligjor i po të njëjtës shoqëri është djali tjetër Alban Konesha.
Neni 76 i LPP pika 1/dh ndalon kualifikimin dhe shpalljen fitues të operatorëve të dënuar me vendim të formë së prerë.
Atëherë: Si e shpalli fitues këtë operator UK Durrës?
Së dyti, sipas njoftimit të bashkisë Durrës për shorteun publik të datës 18.06.2024 me objekt shpërndarjen/caktimin, midis përfituesve nga procesi i rindërtimit, i banesës kolektive nr.1&3 Rruga ‘Lura’, dhe nr. 15&23 rruga ‘Ahmet Dakli’, Njësia Administrative nr.5, Durrës,
anëtari i këshillit bashkiak Durrës u kujdes që djali i tij Albani dhe bashkëshortja të jenë më në fund pjesë e përfituesve nga programi i rindërtimit por jo vetëm kaq,
e pse mos kishte edhe një biznes tjetër si bar , restorant, me shezllone e çadra plazhi djali i tij Albani?!
Subjekti Beqiraj shpk u krijua me pronarë Alban Konesha dhe vëllain e bashkëshortes së tij.
Ndërsa prej krijimit deri në 2022 subjekti në kushtet e mbijetesës e pa balance në QKB bënte ping pong me ndryshimet e statusit nga aktiv në pasiv, çuditërisht sa përfunduan zgjedhjet vendore të 2023, në Qershor të atij viti sapo babai u bë anëtar i KB Durrës, biznesi lulëzoi.
Jo vetëm nuk ishte më pasiv, por u zgjerua aktiviteti deri në ndërtime hotelesh, pallatesh e resortesh, apo hidrocentrale e parqe fotovoltaike etj.
Kundra syrit të keq në prill 2024 Alban Konesha i dhuron aksionet e tij kunatit dhe detyrën e administratorit ja dorëzon bashkëshortes.
Së treti, 2AF Albania Group shpk me administrator djalin e anëtarit të KB Durrës dhe pronare nusen e djalit tjetër sipas spending data ka përfituar nga v.2019 deri tani 1.8 mil euro pagesa për kontrata tenderash nga të cilat spikatin 1 milion euro paguar nga bashkia Bulqizë dhe 528 mijë euro paguar nga qarku Durrës.
Së katërti, kompania e cila prezumohet të mbështesë punimet për rikonstruksion e rrjetit të ujësjellësit në Durrës, ALB-KON shpk, as ka të rregjistruar në objektin e veprimtarisë së saj rikonstruksione për rrjete ujësjellësash dhe as ka të rregjistruar në ekstraktin historik asnjë lloj kontratë të mëparshme.
Subjekti ka pronar vetë anëtarin e Këshillit Bashkiak Durrës Munir Konesha sëbashku me të vëllain.
Pra, kontrata e prokuruar nga UKD Durrës me pronar edhe Bashkinë Durrës, do të mbështetet në zbatim nga kompania e anëtarit të këshillit bashkiak të së njëjtës bashki.
Tani vijmë tek subjekti tjetër mbështetës IDEAL CONSTRUCTION AND PROJECTION (I.C.P) krijuar në 2019 në pronësi të Alban Dautaj.
Këshilli Mbikëqyrës i Shoqërisë Rajonale të UK Durrës nga data 26 Shkurt 2024 deri në 29 Prill 2024 emëroi në detyrën e administratorit të komanduar të kësaj shoqërie, drejtorin e Departamentit Teknik Gerald Dautaj njëherësh vëllain e Alban Dautaj, pronar i subjektit mbështetës më lart.
Thagmat e këshillit mbikëqyrës të UK Durrës shkojnë deri aty sa pas një paçavureje me shkresat dhe kërkesës së QKB, marrin një vendim 12 ditë më vonë me efekte prapavepruese 12 ditë para….
Emërimi i Dautaj sipas vendimit të datës 8 Mars 2024, fillon në 26 Shkurt.
Duket se edhe Drejtori Teknik i UKD Durrës mendon për familjarët.
Subjekti në pronësi të vëllait të vogël ka pikërisht në objekt veprimtarie edhe shërbime që lidhen me detyrën e vëllait të madh Gerald.
Përveç tenderit të fundit, ky subjekt përfitoi 100 mijë euro duke përfshirë shkolla, ndërmarrje dhe Bashkinë Durrës.
Pra, tenderi i zhvilluar nga Shoqëria Rajonale Ujësjellës Kanalizime Durrës, do të zbatohet nga kompanitë e anëtarit socialist të KB Durrës Munir Konesha dhe familjarëve të tij, një prej të cilave subjekt i vendimit të dënimit të formës së prerë dhe nga kompania e vëllait të Drejtori të Departamentit Teknik e ish administrator i po të njëjtit institucion që zhvillon tenderin.
Presim që SPAK të veprojë sa më parë lidhur me këtë skandal …
Hajnat duhen dënuar në 11 Maj.
Edi Rama TIRANË - Kryeministri Edi Rama, gjatë bashkëbisedimit në rrjete sociale përmes rubrikës "Sy m'sy" është py...
Edi Rama TIRANË - Kryeministri Edi Rama gjatë bashkëbisedimit në rrjete sociale me komentuesit, është pyetur edhe në lid...
Edi Rama TIRANË - Kryeministri Edi Rama ka zhvilluar edhe ditën e sotme një bashkëbisedim me komentuesit përmes platformës "S...
Erion Veliaj TIRANË - Kryetari i Bashkisë së Tiranës, Erion Veliaj ka reaguar sërish nga qelia e burgut të Durrësit, aty...
Rama, Gonxhe TIRANË - Kryeministri Edi Rama ka inspektuar këtë të diel punimet në kantierin e Galerisë Kombëtare të...
Sali Berisha TIRANË - Kryetari i Partisë Demokratike, Sali Berisha, do të zhvillojë këtë të diel një takim me ...
McGonigal SHBA - Gazetari investigativ amerikan, Chuck Ross, në një postim në rrjete sociale një ditë më parë, ka s...
sali berisha TIRANË- Kryetari i Partisë Demokratike, Sali Berisha do të zhvillojë ditën e nesërme një takim në Athi...
bushka, xoxa TIRANË- Në deklaratën e SPAK-ut pas arrestimit të kryebashkiakut të Tiranës, Erion Veliaj, tërhoqi vëm...
rama dhe bin zayed TIRANË- Kryeministri Edi Rama ka njoftuar se ditën e nesërme mbërrin në Tiranës, presidenti i Emirateve t&...
