Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Bajram Begaj tha se Shqipëria qëndron në krah të Ukrainës dhe e mbështet atë në të gjitha drejtimet, ndërsa sulmoi Rusinë se po tenton të prishë stabilitetin dhe qetësinë në rajon.
BRUKSEL- Në konferencën e përbashkët me Sekretarin e Përgjithshëm të NATO-s, Jens Stoltenberg, nga selia qendrore në Bruksel me presidentin e Shqipërisë, Bajram Begaj vlerësoi bashkëpunimin e Shqipërisë me Aleancën. Pas takimit të tyre, në konferencën për shtyp, Begaj tha se Shqipëria qëndron në krah të Ukrainës dhe e mbështet atë në të gjitha drejtimet, ndërsa sulmoi Rusinë se po tenton të prishë stabilitetin dhe qetësinë në rajon.
Ndërsa Stoltenberg nga ana e tij, tha se Shqipëria luan një rol të rëndësishëm për stabilitetin dhe bashkëpunimin në Ballkanin Perëndimor një rajon me rëndësi strategjike për NATO-n. Po ashtu shtoi se me presidentin Begaj kishte folur edhe për investimin në bazën e Kuçovës.
FJALA E PËRBASHKËT:
Stoltenberg: Kontribuoni për forcat shuëmkomëbëshe në Letoni dhe Bullgari duke ndihmuar dhe penguar agresonin e mundshëm. Muajin e shkuar u përgjigjët me shpejtësi pasojave të tërmetit në Turqi. Shqipëria luan një rol të rëndësishëm në Ballkanin Perëndimor. Përgëzoj Shqipërinë për miratimin e protokollin për Finlandën dhe Suedinë. Aleatët ishin përkrah jush pas sulmeve kibernetike. Ne po investojmë në bazën e Kuçovës. Do vazhdojmë të mbështesim Shqipërinë. Ne ramë dakord për rëndësinë e pranisë së NATO-S në rajon, si misioni në Kosovë. Ne vlerësuam gjithashtu vijimin e dialogut mes Serbisë dhe Kosovës.
Begaj: U bë më shumë se një vit që jemi dëshmitarë të një lufte. NATO ka treguar unitet dhe vendosmëri. Situata aktuale e bën të domosdoshme që rendi të jetë fokusi, zgjerimi i aleancës është detyrim. Në koordinim të plotë me aleancën, në cilësinë e anëtarit të Këshillit të Sigurimit do te jemi proaktivë. Shqipëria përshëndet dialogun Kosovë-Serbi. Plani duhet të qenderzohej në marrëdhënien mes dy vendeve. Po kalojmë kohë sfidash të mëdha. Shqipëria arriti të ndërpresë dhe të rikuperohet nga sulmi, ka një plan për forcimin e kapaciteteve dixhitale.Bashkëpunimi me NATO, vlerësohet maksimalisht. Shqipëria do vijojë të përmbushë detyrimet. Angazhimi do të rritet. Shqipëria ka rritur buxhetin e mbrojtjes dhe mirëpresim.
FJALA E PLOTË E BEGAJT:
Vlerësoj lidershipin Tuaj dhe punën e jashtëzakonshme që jeni duke bërë në këtë kohë të sfidave të mëdha, që nuk janë parë prej dekadash në kontinentin tonë. U bë më shumë se një vit, që jemi dëshmitarë të një lufte konvencionale në Europë, rezultat i një akti të paprecedentë të agresionit të paprovokuar të Rusisë ndaj një vendi sovran, Ukrainës. Ky akt ka tronditur paqen, stabilitetin dhe arkitekturën e sigurisë në Europë. NATO ka demonstruar kohezion, solidaritet, unitet, vendosmëri dhe forcë reaguese për të mbrojtur çdo centimetër të territorit të Aleancës dhe vendeve anëtare. Në këtë kohë sfidash për sigurinë Euro-Atlantike, është thelbësore implementimi i kuadrit strategjik të mbrojtjes dhe shkurajimit, si edhe përditësimi i planeve të mbrojtjes së Aleancës. Është veçanërisht e rëndësishme forcimi i tetë grupbatalioneve në krahun lindor të NATO-s. Situata aktuale e bën të domosdoshme që rendi i qetësisë dhe i paqes ndërkombëtare të jetë fokusi ynë. Për këtë arsye, zgjerimi i Aleancës është detyrim, ndaj, anëtarësimi i Suedisë dhe i Finlandës janë të mirëpritura dhe të domosdoshme. Unë jam i lumtur që Parlamenti i Shqipërisë është nga të parët që e ka ratifikuar protokollin e anëtarësimit në NATO të Suedisë dhe Finlandës. Në koordinim të plotë me Aleancën, Shqipëria i qëndron në krah dhe do të vazhdojë ta mbështetë Ukrainën në aspektin politik, diplomatik, ushtarak dhe të asistencës humanitare për aq kohë sa të jetë e nevojshme. Në cilësinë e anëtarit jo të përhershëm të Këshillit të Sigurimit të OKB-së, në bashkëpunim me SHBA-në dhe BE-në, ne do vijojmë të jemi proaktiv në ruajtjen e kohezionit ndërkombëtar për Ukrainën. Në Samitin e Madridit, aleatët rikonfirmuan rëndësinë strategjike të Ballkanit Perëndimor. Pavarësisht progresit të bërë në drejtim të integrimit Euro-Atlantik, rajoni vijon të karakterizohet nga zhvillime komplekse gjeopolitike dhe të sigurisë. Rusia përbën kërcënim domethënës dhe direkt ndaj NATO-s dhe Ballkanit Perëndimor. Ajo ka rritur përpjekjet e saj influencuese duke përdorur metoda të luftës hibride, subversionit politik, financimeve të paligjshme etj. Qëllimi i saj është prishja e paqes, stabilitetit dhe bllokimin e reformave Euro-Atlantike të vendeve të rajonit. Kemi ndjekur me shqetësim ngjarjet në veriun e Republikës së Kosovës në fund të vitit të kaluar. Shqipëria përshëndet dhe mbështet dialogun Serbi-Kosovë. Që nga viti 2008, Republika e Kosovës është një vend sovran dhe i pavarur me vizion të qartë për t’u integruar në familjen euro-atlantike. Plani europian për normalizimin e marrëdhënieve është një hap pozitiv që do duhet të qendërzohet në njohjen reciproke ndërmjet dy shteteve. Vlerësoj maksimalisht angazhimin dhe përkushtimin e NATO-s në rajon dhe misionin KFOR, si një histori suksesi. KFOR, është garantues i paqes dhe i sigurisë në Kosovë dhe rajon. Ne jemi duke kaluar kohë të sfidave të mëdha, të cilat kërkojnë vendime të guximshme dhe të drejta. Në këtë kontekst është në bindjen time se është më se e justifikueshme për ta konsideruar anëtarësimin e Republikës së Kosovës në Aleancën Euro-Atlantike. Shqipëria vlerëson shqetësuese kërcënimin që vjen nga Irani. Në korrik dhe shtator të vitit të kaluar ne u përballëm me një sulm të rëndë kibernetik të ndërmarrë dhe të sponsorizuar nga struktura shtetërore të Republikës Islamike të Iranit. Shqipëria në bashkëpunim të ngushtë me partnerët strategjikë dhe NATO-n, arriti ta ndërpresë dhe të rikuperohet nga ky sulm, si edhe ka ndërprerë marrëdhëniet diplomatike me Republikën Islamike të Iranit. Qeveria shqiptare ka një plan ambicioz për forcimin e kapaciteteve digjitale dhe mbrojtëse kibernetike. Bashkëpunimi me NATO-n në këtë drejtim vlerësohet maksimalisht. Si vend anëtar i NATO-s dhe vend kandidat për në BE, Shqipëria përshëndet nënshkrimin e deklaratës së përbashkët të NATO-s me BE-në duke vlerësuar rolin e partneritetit strategjik të BE-së në mbrojtje të vlerave euro-atlantike. Shqipëria do të vijojë të përmbushë të gjitha detyrimet në kuadër të mbrojtjes kolektive. Angazhimi dhe kontributet e Shqipërisë në NATO do të vijojnë të rriten. Aktualisht jemi prezent në misionin KFOR, në Latvia dhe Bullgari, në kuadër të prezencës së përparuar. Shqipëria ka rritur buxhetin e mbrojtjes në 1.86% të produktit të brendshëm bruto. Parashikojmë që vitin e ardhshëm të arrijmë nivelin 2%. Ndërkohë, Shqipëria do të vijojë modernizimin e Forcave të Armatosura dhe pajisjen me kapacitete të reja luftimi, mbështetjes me luftim dhe kapacitete logjistike. Diskutova me Sekretarin e Përgjithshëm, lidhur me ecurinë e punimeve në Bazën Ajrore Taktike të Kuçovës, të cilat po ecin sipas programit të miratuar. Qeveria shqiptare ka shprehur ambicien, ka paraqitur projektin dhe mirëpret një prezencë detare të NATO-s në portin e ri në Porto Romano. Ky port baze detare siguron prezencë detare për Aleancën në rajonin Adriatiko-Jonian, gjithashtu edhe akses në akset kryesore të korridorit tetë. Kjo ndihmon në rritjen e shpejtësisë dhe lëvizshmërisë së Aleancës në krahun lindor dhe Ballkanin Perëndimor. I nderuar zoti Sekretar i Përgjithshëm, Më lejoni që edhe një herë, t’ju falenderoj për diskutimin e hapur dhe të rëndësishëm që kishim sot. Jam besimplotë se Samiti i Vilniusit do jetë një tjetër sukses dhe do të materializojë vendimet e mëdha të Samitit të Madridit.
Edi Rama, Olaf Scholz TIRANE- Kryeministri Edi Rama tha se vendet e rajonit duhet të marrin shembull nga Shqipëria për realizimin dhe efekte...
BERLIN- Kancelari gjerman Olaf Scholz u shpreh optimist për arritjen e një marrëveshje mes Kosovës dhe Serbisë në lidhje me plan...
Edi Rama dhe Olaf Scholz TIRANE- Kryeministri Edi Rama tha se Shqipëria nuk do të largohet nga nisma "17+1" e inicuar nga Kina. kryeministri tha ...
Edi Rama dhe kancelari Olaf Shcolz TIRANE- Kryeministri Edi Rama dhe kancelari Olaf Scholz kanë diskutuar në takimin mes tyre edhe për cc&eu...
Edi Rama dhe Olaf Scholz TIRANË- Kryeministri Edi Rama tha në konferencë e përbashkët me kancelarin gjerman Olaf Sholz tha se mba...
Edi Rama dhe Olaf Scholz GJERMANI- Më 16 tetor të këtij viti, në Tiranë do të mbahet Samiti i Procesit të Berlinit. Lajm...
Ilir Meta, kryetar i PL TIRANE- Kryetari i Partisë së Lirisë, Ilir Meta e quajti Sali Berishën "vulë e gjallë" e Partisë...
Ilir Meta, kryetar i PL TIRANE- Ilir Meta, kryetar i Partisë së Lirisë garantoi se marrëveshja me Partinë Demokratike dhe Sali Ber...
Rama takon Scholz TIRANE- Kryeministri Edi Rama është pritur në një takim nga kancelari gjerman Olaf Scholz. Pamjet e hyrjes në am...
Ilir Meta, kryetar i PL TIRANE- Ilir Meta, kryetar i Partisë së Lirisë tha se emrat që do të garojnë përballë Parti...
