Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Rama tha se ky plan do të ndihmojë që të hapen shtigje të reja bashkëpunimi.
TIRANË- Në përfundim të takimit informal me liderët e rajonit në Tiranë, kryeministri Edi Rama tha se po punohet për hartimin e një plani të ri ekonomik dhe financiar në mbështetje të Ballkanit Perëndimor. Gjatë konferencës me gazetarët, Rama vuri theksin se për shkak të krizës ekonomike, luftës, pandemisë, hendeku mes BE dhe vendeve të Ballkanit Perëndimor është thelluar.
Sipas tij ky plan do të ndihmojë që të hapen shtigje të reja bashkëpunimi.
PJESË NGA FJALA E RAMËS:
Ditën e sotme në Tiranë u zhvillua një takim informal mes kryeministrave të shteteve të Ballkanit Perëndimor dhe Komisionerit të Bashkimit Europian për Zgjerimin dhe Fqinjësinë, Olivér Várhelyi mbi planin e ri të mbështetjes financiare dhe ekonomike të BE-së.
Pas takimit, Kryeministri Edi Rama zhvilloi një komunikim me mediat lidhur me çështjet e diskutuara në takim:
Duke qenë se sot kaluat disa orë në kushte jo fort të mira për shkak edhe të vapës dhe duke qenë se takimi, për natyrën e tij informale, ishte një takim pa konferencë shtypi të përbashkët, e pashë të udhës që t’ju ftoj për t’ju informuar, duke ju falenderuar për mundimin e sotëm dhe pastaj sigurisht edhe për t’ju përgjigjur ndonjë pyetjeje lidhur me këtë, nëse keni.
Ju e dini që Shqipëria do të mikpresë samitin e parë të Procesit të Berlinit jashtë Bashkimit Europian në tetor dhe për këtë ne jemi angazhuar shumë seriozisht me kancelarinë në Gjermani, por edhe me aktorë të tjerë në mënyrë që ky Samit të ketë një produkt domethënës për Ballkanin Perëndimor dhe të shërbejë për të hedhur një hap të rëndësishëm më tutje në raport me ato që Procesi i Berlinit ka në bazën e vet, që janë lehtësimet e vazhdueshme në ndërveprimin mes vendeve të Ballkanit Perëndimor, por nga ana tjetër edhe mundësisht për të hedhur një hap të rëndësishëm në raportet tona me Bashkimin Europian.
Për këtë të dytën, ne ishim sot këtu në Tiranë me Komisionerin Várhelyi, i cili mbulon rajonin dhe ka për detyrë trajtimin e të gjitha çështjeve që kanë të bëjnë me zgjerimin dhe me fqinjësinë dhe për këtë diskutuam.
Prej disa kohësh ne jemi në një përpjekje si Shqipëri, për të nxitur një mënyrë të re të të parit të gjërave në raport me Ballkanin Perëndimor në aspektin e hendekut që ekziston përmes vendeve anëtare dhe vendeve tona, sidomos pas goditjeve të njëpasnjëshme të pandemisë, të krizës energjetike në tërësi, konflikti në Ukrainë që kanë bërë që Bashkimi Europian të shpërndaje fonde shumë të konsiderueshme mbështetjeje për vendet anëtare dhe kjo e ka zgjeruar hendekun mes nesh dhe vendeve anëtare, në aspektin e kapaciteteve plus mundësive të brendshme të çdo vendi.
Duke marrë parasysh jo vetëm këtë pasojë, por edhe kontekstin e përgjithshëm dhe të gjitha sfidat që sot janë të përbashkëta po aq sa janë dhe të përveçme, ne jemi përpjekur edhe duke u koordinuar me të tjerët, që të krijojmë një tjetër qasje, që do të thotë paralelisht me ecurinë e procesit të negociatave të kemi një mbështetje ekstra financiare dhe ekonomike për vendet e Ballkanit Perëndimor.
Kjo është diçka që ka filluar të formësohet dhe një plan i ri mbështetjeje financiare dhe ekonomike për Ballkanin Perëndimor është duke u përgatitur dhe për këtë ne ishim sot me Komisionerin, për të diskutuar, për tu konsultuar, për të ndarë opinione për sesi nga njëra anë vendet e Ballkanit Perëndimor mund të mbështeten më shumë financiarisht dhe për sesi nga ana tjetër, vendeve të Ballkanit Perëndimor mund t’iu hapen disa shtigje të integrimit në tregun e bashkuar europian, pa pritur që ato të anëtarësohen në Bashkimin Europian.
Edi Rama TIRANË- Kryeministri Edi Rama nuk e komentoi gjatë mungesën e kryeministrit Albin Kurti në takimin e sotëm me lider&...
Edi Rama TIRANË- Pas 4 orësh ka përfunduar samiti informal i krerëve të rajonit, të ftuar nga Edi Rama, ku ka marrë pjes...
Artan Fuga dhe Skender Gjinushi TIRANË- Akademiku Artan Fuga ka përcjellë reagimin e radhës, pas njoftimit të Akademisë s&eu...
Edi Rama TIRANË- Kryeministri Edi Rama ka publikuar pamje nga takimi informal me liderët e Ballkanit Perëndimor, i mbajtur ditën e...
Edi Rama TIRANË- Këto janë fotot kur Kryeministri Edi Rama përcjell kryeministren e Serbisë, Ana Brnabiç. Kjo e fundit, ish...
Gazment Bardhi TIRANE- Deputeti i Partisë Demokratike, Gazment Bardhi, në një prononcim për mediat është shprehur se kalimi i...
Takimi TIRANË- Pas 4 oeësh ka përfunduar takimi prej disa orësh i kryeministrit Edi Rama me liderët e Ballkanit Perëndimor dh...
Partia Demokratike TIRANË- Deputetët e Grupit Parlamentar të Partisë Demokratike ka thirrur në interpelancë urgjente kry...
Flamur Noka TIRANE- Deputeti demokrat Flamur Noka, i ftuar sot në rubrikën “Opinion” në News24, ka bërë një dekl...
Foto ilustrim Një ditë më parë, më 14 korrik 2023, Kuvendi i Shqipërisë votoi në shumicë për heqjen e imu...
