Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Lëvizja Vetëvendosje, që drejtohet nga Albin Kurti, ka dalë e para në zgjedhjet parlamentare të mbajtura me 9 shkurt në Kosovë. Kjo parti me 40.86 për qind të votave dhe me përfshirjen edhe të votave të diasporës që pritet të numërohen dhe ato me postë dhe me kusht, pritet t’i sigurojë 46-48 ulëse në legjislaturën e re të Kosovës.
KOSOVË- Teksa Komisioni Qendror i Zgjedhjeve po përpunon ende rezultatet e zgjedhjeve, njohësit e ekonomisë vlerësojnë se krijimi i qeverisë do të jetë sfidë institucionale. Rezultati, sipas tyre nuk garanton qeveri stabël. Por, ata thonë se vonesa e formimit të Qeverisë së re po e dëmton Kosovën.
Lëvizja Vetëvendosje, që drejtohet nga Albin Kurti, ka dalë e para në zgjedhjet parlamentare të mbajtura me 9 shkurt në Kosovë. Kjo parti me 40.86 për qind të votave dhe me përfshirjen edhe të votave të diasporës që pritet të numërohen dhe ato me postë dhe me kusht, pritet t’i sigurojë 46-48 ulëse në legjislaturën e re të Kosovës. Pas VV-së, PDK-ja i ka siguruar 25 ulëse, 20 LDK-ja, 9 AAK-ja, etj.
Mirëpo, bazuar në këto statistika asnjë subjekt politik i vetëm nuk do të mund ta formojë Qeverinë e re, duke i detyruar të hyjnë në marrëveshje koalicioni, të cilat marrëveshjet me subjektet politike shqiptare do të rezultojnë shumë të vështirë për partinë e Albin Kurti për shkak të gjuhës së ashpër të tij gjatë fushatës. E vonesa në krijimin e institucioneve të reja qendrore do të ketë pasoja për Kosovën si në aspektin politik, ashtu edhe në atë ekonomik.
Ish-ministri i Financave, Haki Shatri, ka folur lidhur me ndikimin në ekonomi nga vonesa e formimit të institucioneve qendrore pas mbajtjes së zgjedhjeve në Kosovë. Shatri thotë se çdo vonesë e tillë do të ndikonte negativisht në ekonominë kosovare.
“Çdo vonesë e formimit të institucioneve ndikon negativisht. Është periudha e operatorëve ekonomik të fillojë, projektet kapitale. Nëse Kurti do të bëhet prapë kryeministër, me këtë Qeveri që e ka pas, ma mirë ekonomia e Kosovës mos me pas qeveri të tillë hiç. Me qeveritë e tjera kish pas efekte pozitive në ekonomi”.
Kurse, kryetari i Sindikatës së Pavarur të Sektorit Privat, Jusuf Azemi, ka kritikuar vonesën e formimit të qeverisë, duke theksuar se kjo po përkeqëson situatën për punëtorët e sektorit privat. Azemi ka deklaruar se edhe kur institucionet ishin në funksion, ka pasur probleme të mëdha për punëtorët, ndërsa vakumi aktual është duke e rënduar edhe më tej këtë situatë.
“Edhe kur i kemi pasur institucionet në rregull legale dhe legjitime, kemi pasur telashe dhe probleme aq të mëdha, sa që nuk me marrë me mend, sepse nuk kanë qenë në nivelin e duhur. Sidomos tani edhe ky vakum që shpresojmë që nuk del ashtu siç po mendoj, do të jetë një vakum shumë i gjatë, kjo vetëm sa e rëndon më tepër pozitën e punëtorëve të sektorit privat të Kosovës. Nëse janë të gatshme qeveria dhe parlamenti që të nisin me u marr me problemet që ne i kemi, ne jemi shumë vonë. Mos të flasim që mund të ndodh që me javë e me muaj nuk kemi mundur të konstituar organet”.
Ai ka kërkuar që punëtorët e sektorit privat, veçanërisht ata që ofrojnë shërbime për institucionet shtetërore, të trajtohen në mënyrë të barabartë me ata të sektorit publik.
“Në mënyrë automatike dhe drejtpërdrejtë dëmtohen punëtorët e sektorit privat të Kosovës, sepse ne kemi probleme jashtëzakonisht të mëdha, kemi problemin parësor që kemi thënë deri më tani. Kërkesa e punëtorëve të sektorit privat sidomos ku ata kryejnë shërbime për institucionet shtetërore, duhet të barazohen me punëtorët e sektorit publik.
Kemi punëtorë në QKUK, punëtorët teknik dhe të sigurimit fizik, ku për të njëjtën pozicion punëtorët që paguhen direkt nga buxheti i Kosovës, marrin 50 euro më shumë që do të rritet edhe në qershor 50 euro, kurse në që kryejmë shërbimin në të njëjtën vend, vetëm përmes kompanisë private merr 100 euro më pak dhe kërkesa jona është që duhet të barazohemi”.
Njohësi i çështjeve ekonomike, Jakup Bellaqa vlerëson se vonesa e formimit të institucioneve pas zgjedhjeve të 9 shkurtit, do të shkaktojnë pasoja negative në ekonominë e vendit.
“Vonesa e formimit të institucioneve dhe qeverisë shkakton pasoja negative për ekonominë se krijohet një jo stabilitet dhe në imazhin ekonomik të vendit nga aspekti i jashtëm”.
Bellaqa vlerëson se investitorët e jashtëm do të krijojnë opinion negativ për Kosovën pas vonesës së formimit të Qeverisë.
“Krijohet një ambient i papërshtatshëm i të bërit biznes dhe investitorët e jashtëm për shkak të vonesës krijojnë opinion negativ, se s’ka stabilitet politik. Kjo krijon një pasiguri në mos sundimin e ligjit”.
Kurse, analisti Halil Matoshi për mos ndikimin negativ në politik e ekonomi të Kosovës pas vonesës së formimit të Qeverisë e institucioneve ka shprehur një fakt. Sipas tij, Kosova duhet në Kuvend të votojë një marrëveshje ndërkombëtare me BE për t’i parandaluar humbjen e qindra miliona eurove.
“Kosova duhet ta votojë në Kuvend marrëveshjen ndërkombëtarë me BE-në për planin e rritjes ku mund të humbin qindra miliona”.
Komisioni Qendror i Zgjedhjeve (KQZ) në Kosovë ka përfunduar numërimin e votave të kandidatëve për deputetë prej të gjitha vendvotimeve në Kosovë, si dhe ka përfunduar verifikimin e votave për subjektet politike. Por, KQZ ka bërë të ditur se brenda këtyre ditëve do të fillojë numërimi i fletëvotimeve nga diaspora, votat me kusht dhe votave të personave me nevoja të veçanta.
Kosova ka mbajtur zgjedhjet e rregullta parlamentare më 9 shkurt. Me Ligjin e ri për zgjedhjet, votat e kandidatëve për deputetë janë numëruar ndaras në Qendrat Komunale të Numërimit. Ky proces ka nisur me vonesë, ndërsa organizatat për monitorim të zgjedhjeve e kanë kritikuar vetë KQZ-në se nuk është përgatitur mjaftueshëm mirë për procesin.
Pas publikimit të 99.96 për qind të rezultateve në faqen e KQZ-së, kryeministri aktual, Albin Kurti i Lëvizjes Vetëvendosje – që ka garuar edhe për një mandat të dytë.
Lëvizja Vetëvendosje (LVV) parti në pushtet, ka dalë e para në këto zgjedhje, me 40.90 për qind të votave, e pasuar nga Partia Demokratike e Kosovës (PDK) me 22.03 për qind të votave, Lidhja Demokratike e Kosovës (LDK) me 17.64 për qind të votave, koalicioni mes Aleancës për Ardhmërinë e Kosovës (AAK) dhe Nismës Socialdemokrate me 7.46 për qind të votave, si dhe Lista Serbe me 4.60 për qind të votave.
Lëvizja Vetëvendosje, e cila ka siguruar më së shumti vota në këtë proces zgjedhor, është zotuar se do ta formojë Qeverinë e re, ndonëse me rezultatet aktuale, ajo nuk i ka 61 deputetë për miratim të kabinetit të ri qeveritar. Partitë opozitare, PDK, LDK, dhe AAK, kanë hedhur poshtë mundësinë e krijimit të koalicionit me LVV-në dhe kanë shprehur gatishmëri për formimin e një Qeverie së bashku./ Monitor
Sali Berisha TIRANË- Kryedemokrati Sali Berisha premtoi se në tre muajt e parë të qeverisjes së Partisë Demokratike, në ...
Sali Berisha TIRANË - Kryetari i Partisë Demokratike, Sali Berisha ka komentuar këtë të hënë zgjedhjet parlamentare t&eu...
Sali Berisha TIRANË - Kryetari i Partisë Demokratike, Sali Berisha, ka komentuar këtë të hënë dëshminë e ish-n...
Sali Berisha TIRANË - Kryetari i Partisë Demokratike, Sali Berisha, ka folur këtë të hënë për zgjedhjet parlamentar...
Sali Berisha TIRANË - Kryetari i Partisë Demokratike, Sali Berisha, ka akuzuar këtë të hënë administratën e Joe Bid...
Ilirjan Celibashi TIRANË - Kreu i Komisionit Zgjedhor Ilirian Celibashi, ka folur mbi zgjedhjet parlamentare që pritet të mbahen më 11 ...
Erion Veliaj TIRANË - Kryebashkiaku i Tiranës, Erion Veliaj, i arrestuar që prej 10 shkurtit me vendim të Gjykatës së Po...
Sali Berisha TIRANË- Kreu i Partisë Demokratike, Sali Berisha ka rrëfyer se pas humbjes në zgjedhjet e vitit 2017, i kishte kë...
George Soros SHBA- Një artikull mbi financimet e USAid në Ballkan është bërë nga media amerikane 'Townhall'. Në artikull...
Erion Veliaj TIRANË - Kryetari i Bashkisë së Tiranës ka reaguar sërish nga qelia e burgut në lidhje me dialogun e publikuar k...
