“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
GJKKO dhe SPAK hodhën poshtë pretendimin e Veliajt, duke publikuar dialogun e plotë mes Veliajt dhe Dados, teksa thonë se prokurori nuk ka përdorur fjalën "ndyrësirë" në asnjë moment gjatë seancës. Por Veliaj vijon ti qëndrojë bindjes së tij se prokurori ka përdorur fjalor jo të hijshëm.
TIRANË - Kryetari i Bashkisë së Tiranës ka reaguar sërish nga qelia e burgut në lidhje me dialogun e publikuar këtë të hënë mes tij dhe prokurorit Olsi Dado, ku pretendon se ky i fundit e ka quajtur "ndyrësirë" gjatë seancës gjyqësore në GJKKO.
GJKKO dhe SPAK hodhën poshtë pretendimin e Veliajt, duke publikuar dialogun e plotë mes tij dhe Dados, teksa thonë se prokurori nuk ka përdorur fjalën "ndyrësirë" në asnjë moment gjatë seancës. Por Veliaj vijon ti qëndrojë bindjes së tij se prokurori ka përdorur fjalor jo të hijshëm.
Në një reagim në rrjete sociale kryebashkiaku thotë se në atë sallë gjyqi është fyer, sulmuar e kërcënuar nga prokurori Dado. Veliaj vijon sulmet, teksa thotë se "ajo seancë ishte një kasaphanë e përgatitur për të më “vrarë” politikisht dhe kam dëgjuar lloj-lloj epitetesh, që nga “gënjeshtar”, “je patologjik” e deri te fjalia “e di se ku shkon, ky merret me mua ky …ndyrësirë”.
Më tej kryebashkiaku shkruan se fton gjykatën të publikojë audion e asaj seance sipas tij të shëmtuar dhe pastaj qytetarët ta vendosin vetë se kush ka të drejtë.
Reagimi i Veliajt:
Mirëmbrëma,
Siç e dini, prej dy javësh unë ndodhem i mbyllur në qeli pa gjyq dhe i dënuar që në faqen e parë të një dosjeje, të cilën po e faktoj çdo ditë se është një montim i shëmtuar dhe farsë e rrezikshme.
Por, gjithashtu, ndodhem në kushte të pabarabarta për të thënë të vërtetën time, atë të vërtetë të cilën do ta mbroj deri në fund dhe do të vazhdoj ta them së paku këtu, në rrjetet e mia sociale, si e vetmja mënyrë për të komunikuar me qytetarët e Tiranës dhe gjithë publikun.
Po! E them dhe e përsëris, në atë sallë gjyqi unë jam fyer, sulmuar e kërcënuar nga prokurori im, Olsi Dado, me fjalë të cilat janë të regjistruara dhe padyshim mund të bëhen transparente për publikun. Ajo seancë ishte një kasaphanë e përgatitur për të më “vrarë” politikisht dhe kam dëgjuar lloj-lloj epitetesh, që nga “gënjeshtar”, “je patologjik” e deri te fjalia “e di se ku shkon, ky merret me mua ky …ndyrësirë”.
Për të qenë të vërtetë deri në fund, ftoj gjykatën të publikojë audion e asaj seance të shëmtuar dhe pastaj qytetarët ta vendosin vetë se kush ka të drejtë. Ama, unë do të vijoj të çmontoj atë dosje të stisur kundër meje çdo ditë, pak nga pak, siç kam bërë deri më sot.
Dialogu mes Veliajt dhe Dados në seancën gjyqësore është publikuar nga vetë kryebashkiaku këtë të hënë, përmes së cilit pretendonte se prokurori e kishte quajtur "ndyrësirë". Por gjykata e Posaçme në reagimin zyrtar hodhi poshtë pretendimet e kryebashkiakut Erion Veliaj për gjuhën që sipas tij është përdorur në seancë gjyqësore. GJKKO tha se varianti i bisedës së publikuar nga Veliaj sot në Facebook nuk është i vërtetë, pasi verifikimi i bërë në sistemin audio, të seancës gjyqësore për marrjen në pyetje të kryebashkiakut Veliaj, nuk rezulton që të jetë përdorur fjala “ndyrësirë” nga ana e prokurorit Ols Dado në asnjë moment.
Pas Gjykatës së Posaçme, edhe SPAK hodhi poshtë pretendimet e kryebashkiakut për gjuhën që sipas tij është përdorur në seancë gjyqësore. Prokuroria e Posaçme publikoi faqen 292 të procesverbalit të skanuar, e firmosur nga sekretarja e GJKKO-së, ku shihet se fjala "Ndyrësirë" nuk është përdorur nga prokurori Ols Dado, ashtu siç pretendoi Veliaj.
Sali Berisha TIRANË - Kreu i Partisë Demokratike, Sali Berisha, ka komentuar këtë të hënë zhvillimet më të fun...
Klodiana Lala TIRANË- Gazetarja Klodiana Lala ka folur edhe për deputeten e PS-së, Klotilda Bushka, e cila u paraqit sot në SPAK. Lala...
Klodiana Lala TIRANË- Gazetarja Klodiana Lala, ka folur për kërcënimet dhe fyerjet e Erion Veliajt ndaj prokurorit që po e he...
Sali Berisha TIRANË - Kreu i Partisë Demokratike, Sali Berisha ka folur këtë të hënë për takimet që ka mbajtur...
Sali Berisha TIRANË - Kryetari i Partisë Demokratike, Sali Berisha ka komentuar mbrëmjen e sotme rikthimin e tij në PD pasi hoqi dor&eu...
Albin Kurti KOSOVË- Kryeministri i Kosovës, Albin Kurti, ka uruar koalicionin CDU/CSU për fitoren në zgjedhjet parlamentare ...
Veliaj, Dado TIRANË - Është publikuar audio e dialogut Veliaj-Dado gjatë seancës gjyqësore të mbajtur në Gjykat&eum...
Veliaj, Dado TIRANË - Gazetari Bledian Koka, ka komentuar akuzat e kryebashkiakut Veliaj kundrejt prokurorit Olsi Dado, i cili përmes një do...
TIRANË- I burgosur prej 14 ditësh me akuzat e korrupsionit dhe pastrimit të parave, kryebashkiaku i Tiranës, Erion Veliaj po bën trad...
Sali Berisha TIRANË - Kryetari i Partisë Demokratike, Sali Berisha ka reaguar në lidhje me tymin e zi që po dilte nga tarraca e godin&e...
