Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Begaj tha se zgjedhjet janë të qytetarëve e jo të partive politike, ndaj dhe qytetarët duhen lënë që të shprehin vullnetin e tyre të lirë.
TIRANË- Presidenti Bajram Begaj ka zhvilluar sot takime me drejtues të ndryshëm të institucioneve, ndërkohë që jemi një muaj para zgjedhjeve. Kreu i Shtetit priti kryesuesen e misionit të OSBE-së, Audrey Glover, kryekomisionerin Ilirjan Celibashi, Drejtori i Policisë Muhamet Rumbullaku, i dërguari i SHBA-ve Damien Smith, përfaqësues të AMA-s dhe anëtarë të KAS. Në mesazhin e tij pas takimit, Begaj u bëri thirrje institucioneve që të zbatonin standartet e nevojshme për zgjedhjet. Kreu i Shtetit tha se shitblerja e votës, keqpërdorimi i fondeve dhe çdo gjë tjetër që mund të cënojë procesin zgjedhor, është totalisht e patolerueshme. Begaj tha se zgjedhjet janë të qytetarëve e jo të partive politike, ndaj dhe qytetarët duhen lënë që të shprehin vullnetin e tyre të lirë.
Deklarata e Begajt:
Të nderuar Ambasadorë, Të nderuar drejtues të institucioneve dhe strukturave të angazhuara me organizimin, administrimin dhe vlerësimin e procesit zgjedhor, Të nderuar përfaqësues të medias, Të nderuar pjesëmarrës, E kam shumë të rëndësishëm këtë takim me ju sot, pasi sigurimi i standardeve zgjedhore jep garanci për një pushtet i cili përfaqëson vullnetin e qytetarëve shqiptarë. Një proces zgjedhor i drejtë, i paanshëm dhe i bazuar tërësisht në kushtetutë e ligj, është detyrim thelbësor ndaj vendit tonë. Me reformën në sistemin e drejtësisë dhe me fillimin e negociatave për anëtarësim në Bashkimin Evropian, vendi ynë ka hapur qartazi një faqe të re në historinë e demokracisë shqiptare.
Proceset demokratike në Shqipëri janë ndërtuar, zhvilluar dhe forcuar me kontributin e çdo bashkëqytetari të angazhuar brenda e jashtë vendit. Institucionet që ju përfaqësoni, kanë përgjegjësinë e madhe të prezantimit, menaxhimit dhe performancës, të të gjithë procesit zgjedhor sipas standardeve demokratike. Miradministrimi i këtyre zgjedhjeve nga ana juaj, sipas përgjegjësive që ju ngarkon ligji, duhet të përmbushi këto standarde të pacënueshme, në mënyrë që këto zgjedhje të mos cilësohen thjesht si më të mira se sa ato të viteve të mëparshme. Është më se e natyrshme që partitë politike të përfshihen në fushatë elektorale me gjithë entuziazmin që përfaqësojnë ofertat politike, por ky nuk mund të jetë entuziazmi i asnjë aktori institucional përgjegjës për mbarëvajtjen e procesit zgjedhor. Partitë politike duhet të paraqesin vetëm ofertën! Kjo ofertë duhet dhënë në mënyrë sa më të qartë dhe sa më transparente. Eksperiencat e mëparshme na kanë përballur jo rrallëherë me fenomene negative dhe me forma të paligjshme si pjesë e fushatës zgjedhore, për të cilat institucionet jo gjithmonë kanë reaguar me sukses ndaj tyre. Sot, kuadri zgjedhor është më i plotë dhe instrumentet mbrojtëse janë më të avancuara.
Fenomenet e shit-blerjes së votës, keqpërdorimit të burimeve financiare, financimet e paligjshme dhe jo transparente të partive politike, prishja apo manipulimi i procesit zgjedhor janë të patolerueshme. Policia, si dhe të gjitha institucionet e tjera përgjegjëse duhet të reagojnë përballë çdo fenomeni që mund të cënojë procesin zgjedhor. Organizuesit dhe monitoruesit e zgjedhjeve, gjithashtu dhe të gjitha institucionet e përfshira në proces, duhet të punojnë me paanësi, e përgjegjshmëri. Ju, jeni mbrojtësit e standardeve zgjedhore, jeni garantët e lirisë dhe të ndershmërisë së zgjedhjeve. Ju jeni garantët e demokracisë shqiptare! Çdo votues duhet të ushtrojë të drejtën kushtetuese përmes votës, e cila duhet të pasqyrojë vullnetin e tij dhe të askujt tjetër. Ne kemi në dorë që qytetarët të kenë zë, të drejtë zgjedhjeje e të jenë vendimtarë mbi fatin e propozimeve mbi bazën e programeve që i bëhen. Idetë dhe iniciativat duhet të mbështeten në mënyrë që Shqipëria të mbrojë e të fuqizojë potencialin e madh natyror, kulturor e njerëzor që ka. Aktorët zgjedhorë institucionalë, ashtu si dhe aktorët mediatikë, kanë përgjegjësi po aq sa partitë politike që shtetasit të dëgjohen, të respektohen dhe që kjo fushatë të bëhet çliruese e jo penguese e mundësive për një pushtet, i cili duhet të jetë i tëri në funksion dhe për qytetarët.
Gjej rastin këtu t’u bëj thirrje të gjithë subjekteve të përfshira në fushatë elektorale, që të mos e konsiderojnë konkurrimin si mundësi të denigrimit të njëri-tjetrit, por të angazhohen në garë me idetë më inovative për përmirësimin e jetesës së qytetarëve dhe për zhvillimin social- ekonomik të tyre, duke ruajtur kulturën, traditat, si dhe duke mbrojtur mjedisin e secilës prej njësive vendore të vendit tonë. Etika e garës dhe e komunikimit duhet të rrezatojë qytetari, mirësjellje dhe respekt, jo negativitet armiqësi apo agresivitet; argumente dhe jo sharje; mundësi zgjedhjeje dhe jo kërcënime; respekt të ndërsjellë dhe jo armiqësi ndaj njëri-tjetrit. Kjo është fryma me të cilën duhet të zhvillohet një debat i natyrshëm publik përpara një procesi zgjedhor. Media është gjithashtu një nga aktorët e rëndësishëm për të garantuar një proces zgjedhor sa më të lirë e të ndershëm. Të mbështeten gazetarët në misionin e tyre të përcjelljes të zërit të qytetarëve, si dhe të pasqyrimit në mënyrë të paanshme të të gjithë procesit dhe platformave të kandidatëve. Organizimi i zgjedhjeve të drejta, të lira, të ndershme dhe përmbushja e vullnetit të qytetarëve janë pjesë e pandashme e aspiratës së Shqipërisë evropiane, çka synon forcimin e besimit në institucionet e vendit dhe hedhjen e hapave të sigurt drejt anëtarësimit në BE. Për këto dy aspirata, këto zgjedhje kanë një rol vendimtar. Ndërsa ju, partitë politike, Ne të gjithë bashkërisht, kemi përgjegjësinë që ky rol të përmbushet! Të nderuar pjesëmarrës, Në çdo moment të këtij procesi zgjedhor, tek unë do të gjeni dëgjuesin e vëmendshëm, dhe tek Institucioni i Presidentit mbështetje të palëkundur.
Ju ftoj që brenda mandateve tuaja dhe në përmbushje të detyrimeve kushtetuese, të jeni organizues, garantues dhe vlerësues të një procesi zgjedhor me standarde, cilësor, të paanshëm dhe demokratik në respekt të votës së çdo shqiptari dhe të aspiratës evropiane të Shqipërisë, si dhe të një procesi zgjedhor që në asnjë rrethanë nuk shtrembëron ose tjetërson vullnetin dhe votën e lirë të qytetarëve shqiptarë. Në përfundim më lejoni të përcjell një mesazh për të gjithë votuesit e vendit tim: Të dashur bashkëqytetarë, Zgjedhjet vendore ju japin mundësinë për të përmirësuar hapësirën e jetesës së përditshme, duke filluar nga rruga ku kaloni çdo ditë, lagjia ku rriten fëmijët tuaj, si dhe qyteti apo fshati ku ju banoni. Ndaj ju lutem, në këto zgjedhje, me efekte të menjëhershme në përditshmërinë tuaj, ushtroni vullnetin tuaj, të mirëinformuar dhe krejt të lirë. Çdo intimidim apo shantazh duhet të denoncohet e dënohet! Ju ftoj të ushtroni të drejtën dhe pushtetin e votës suaj me gjithë forcën që i takon, duke përmbushur detyrimin tonë qytetar. Zgjedhjet nuk janë të partive politike, por janë për qytetarët shqiptarë, janë për Shqipërinë. Faleminderit!
Dashnor Sula TIRANË- Deputeti demokrat Dashnor Sula ka dekaruar se ekonomia shqiptare po shkon drejt fundit. Gjatë fjalës së sotme...
Jorida Tabaku TIRANË- Shtyrja e diskutimit dhe miratimit të projektligjit për taksat kombëtare është miratuar ditën...
Ina Zhupa TIRANË- Deputetja demokrate Ina Zhupa ka denuar tritolin e vendosur në makinën e kreut të PD-së në Vaun e Dej&...
Tritan Shehu TIRANË- Deputeti demokrat Tritan Shehu ka komentuar shpërndarjen e fondeve të KQZ-së për zgjedhjet e vitit 2021....
Ilir Meta TIRANË- Kreu i Partisë së Lirisë Ilir Meta ka deklaruar se ndryshimi mes Veliaj dhe Këlliçit në zgjedhjet lo...
Luciano Boci dhe Gledian Llatja ELBASAN- Kryebashkiaku i Elbasanit Gledian Llatja, duket e ndjek fushatën elektorale të rivalit të...
Enkelejd Joti TIRANË- Drejtori i Radio Televizionit Shqiptar, Enkelejd Joti ka dhënë dorëheqjen nga ky post. Dosja.al jus jell dhe dok...
Mirela Kumbaro TIRANË- Ministrja Mirela Kumbaro thotë se rregullat e reja për muzikën dhe amendamenti i miratuar në mbledhjen e qe...
Mirela Kumbaro TIRANË- Qeveria nuk do të lejojë me muzikë të lartë në të gjitha zonat e vendit, bregdetare ose jo. ...
Roland Bejko TIRANË- Kandidati i grupit të Enkelejt Alibeaj për Bashkinë e Tiranës, Roland Bejko ka folur për kundërsht...
