Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gazeta greke shkruan se Gjikuria me 4 gusht do të përballet me kandidatin e Partisë Socialiste, i cili aktualisht mban detyrën e prefektit të Vlorës, Vangjel Tavon.
GREQI - Një nga gazetat më të njohura në Greqi, "Kathimerini" ka shkruar për kandidatin e OMONIA dhe Partisë Demokratike në zgjedhjet e 4 gushtit për bashkinë Himarë.
"Kathimerini" në artikull shkruan se Omonia që përfaqëson minoritetin etnik grek në Shqipërinë e Jugut dhe opozitA shqiptare zgjodhën si kandidat të përbashkët në zgjedhjet e përsëritura bashkiake të 4 gushtit në Himarë, Petro Gjikurian, një shqiptar etnik grek që jeton dhe punon në Shtetet e Bashkuara.
Më poshtë në shkrim është përcjellë edhe postimi i Gjikurias në Facebook ku njoftoi kandidimin e tij për drejtimin e bashkisë së Himarës. Gazeta greke shkruan se Gjikuria me 4 gusht do të përballet me kandidatin e Partisë Socialiste, i cili aktualisht mban detyrën e prefektit të Vlorës, Vangjel Tavon. Zgjedhjet e Himarës u vendosën pasi Komisioni Qendror i Zgjedhjeve i Shqipërisë hoqi mandatin e Fredi Belerit, një tjetër grek etnik, i cili u dënua për blerje votash dhe më pas u dënua me dy vjet burg, mbyll shkrimin gazeta greke.
ARTIKULLI I PLOTË I KATHIMERINI:
Organizata “Omonia” dhe partitë e opozitës shqiptare zgjodhën si kandidat të përbashkët në zgjedhjet e përsëritura të 4 gushtit në Himarë mërgimtarin Petro Gjikuria, me origjinë nga fshati Drimadhë, i cili jeton dhe punon në SHBA.
Në postimin e tij në rrjetet sociale, Petro Gjikuria shprehet:
Të dashur bashkëqytetarë!
Bashkia Himarë nuk ka më kohë për të humbur. Prej vitesh, vendi ynë Himara, Lukova dhe Vranishti kanë mbetur pas ndërsa bota përparon. Një vend i bekuar, me bukuri natyrore mahnitëse, me njerëz të aftë dhe punëtorë që kanë shkëlqyer kudo në botë, sot nuk është i denjë as për mundësitë, as për paraardhësit tanë, as për qytetarët e vet, dhe aq më tepër për fëmijët tanë.
Prej 12 vitesh Bashkia nuk pati forcën të planifikojë dhe materializojë ato çka nevojiten. Një kryetar bashkie partiak, zbatues i urdhrave të qeverisë, shpërdoroi shumë kohë për të bërë shumë pak.
Kur qytetarët e Himarës vendosën të ndryshonin kryetarin e bashkisë, nuk u lejuan. Ish kryetari humbës i zgjedhjeve vazhdoi të qëndrojë në drejtimin e Bashkisë dhe Kryebashkiaku fitues, Fredi Beleri, e pa veten pas hekurave të burgut me akuza të fabrikuara. Gjatë gjithë kësaj kohe Himara mbeti pa kryetar bashkie.
Duke parë të gjitha këto dhe pasi mësova për shpalljen e zgjedhjeve vendore në datën 4 gusht, mora vendimin të bëj një hap përpara për vendin, të shpall kandidaturën time për Kryetar të Bashkisë Himarë dhe të kërkoj nga partitë politike, nga shoqatat e ndryshme dhe nga çdo bashkëqytetar të mbështesë këtë kandidaturë dhe të ecim së bashku përpara për të nesërmen e Himarës.
Kam lindur në Dhërmi dhe vij nga një familje që ka luftuar për dy gjëra të shenjta: për Vendin dhe për Demokracinë. Kam punuar fort në Greqi dhe në SHBA dhe kam mësuar shumë duke punuar në fushën e kulinarisë dhe hotelerisë. Këto dije dhe eksperienca dëshiroj t’i vendos në funksion të vendit tim, duke punuar së bashku me bashkëqytetarët e mi për mirëqenien dhe zhvillimin e Himarës në të gjitha fushat.
Në datën 4 gusht nuk votojmë për të zgjedhur Kryeministër, votojmë për Kryetar Bashkie! Votojmë për të nesërmen e Himarës!
E nesërmja në Bashkinë Himarë nuk do të ketë përjashtime, nuk do të ketë fëmijë të nënës dhe njerkës, banorë të përhershëm dhe të përkohshëm, socialistë dhe demokratë, tanët dhe të atyre.
Nuk do të ketë korrupsion, nuk do të ketë pasiguri për pasurinë e çdo qytetari, nuk do të ketë Kryebashkiak të emëruar që zbaton verbërisht urdhrat e të gjithë atyre që duan të uzurpojnë pronat tona, ngado qofshin ata.
Jemi të gjithë banorë të Himarës dhe nuk duhet të lejojmë askënd të na përçajë, sado lart qoftë ai. Mbi të gjitha dhe para së gjithash është interesi i zonës!
E nesërmja për Bashkinë Himarë ka program, atë që vendosën qytetarët me shumicë votash në maj të vitit të kaluar.
E nesërmja ka punë, ka zgjidhje, ka investime, ka Evropë, ka Demokraci, të cilën para së gjithash e garanton kryetari i Bashkisë. Ka Kryebashkiak që do të ketë porta të hapura në Tiranë, në Bruksel, në Athinë, por edhe në Uashington, për të kërkuar më të mirën për të nesërmen e Himarës.
Me këto fjalë kërkoj mbështetjen dhe votën tuaj!
Petro Gjikuria
Kandidat për Kryetar i Bashkisë Himarë.
Gjikuria, i cili thuhet se ka nënshtetësi shqiptare, greke dhe amerikane, do të përballet në zgjedhje me kandidatin e Partisë Socialiste të Edi Ramës, minoritar, ish-deputet dhe ministër dhe prefekt aktual i qarkut të Vlorës, Vangjel Tavo.
Kujtojmë se me vendimin e saj në fillim të javës, Komisioni Qendror i Zgjedhjeve ka hequr zyrtarisht nga posti i kryebashkiakut të zgjedhur Fredi Beleri, i cili mbetet në burg. Tani mbetet për t'u parë nëse atij do t'i jepet leja për të udhëtuar në Strasburg të martën për të marrë pjesë në ceremoninë zyrtare të hapjes si anëtar i Parlamentit Evropian.
Petro Gjikuria lindi në gusht 1964 dhe u rrit në Drimadhë të Himarës. Ka mbaruar shkollën e mesme katërvjeçare në Fier. Në vitin 1990 ishte në Greqi. Një vit më vonë, në shtator të vitit 1991, bashkë me të vëllanë u transferua në SHBA. Për 25 vitet e fundit ai ka qenë aktiv në fushën e hotelierisë dhe turizmit, duke mbajtur njësi hotelere në Ocean City, Maryland.
klevis balliu TIRANË- Shefi i organizimit në PD, Klevis Balliu ka folur lidhur me protestën e opozitës, e cila do të mbahet pas t...
Balluku DHËRMI- Zona bregdetare e Draleos, Drimadhes dhe Dhërmiut shumë shpejt do të ketë një furnizim të pandërpre...
edi rama, emmanuel macron SHBA- Kryeministri Edi Rama ndodhet në Uashington ku po merr pjesë në punimet e samitit të NATO-s. Rama ka t&...
Foto ilustruese HIMARË- Në zgjedhjet e pjesshme të 4 gushtit në Himarë mësohet se opozita do të ketë shumicën ...
Edi Rama dhe bashkëshortja WASHINGTON- Kryeministri Edi Rama ka ndarë në rrjetet sociale disa foto të realizuara darkës s&eum...
foto ilustruese TIRANA- Presidenti i Partisë së Lirisë Ilir Meta ka reaguar në lidhje me protestën e opozitës që do...
PD TIRANË- Kryetari i Grupit Parlamentar të Partisë Demokratike Gazment Bardhi ka kërkuar zhvillimin e një mocioni me debat lidhur...
Tonin Marinaj TIRANË- Komisioni Qëndror i Zgjedhjeve ka nisur verifikim të thelluar për kryebashkiakun socialist të Bash...
Sali Berisha TIRANË- Gjykata e Lartë ka rrëzuar ankimin që ka bërë kreu i Partisë Demokratike Sali Berisha &nb...
Genc Gjokutaj TIRANË- Seanca në Gjykatën e Posaçme për kryedemokratin Sali Berisha është shtyrë sërish ...
