"Delirantë, injorantë dhe dështakë-zemërakë"/ Rama nga Thethi: Sistemi nuk përmbyset! "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
SHQIPËRI- Tymuese, flakadanë, bidona uji, gurë, shkopinj, molotov dhe shufra betoni. Këto ishin mjetet me të cilat protestuesit e thirrur nga Partia Demokratike, kanë zgjedhur të protestojnë ditën e sotme para kryeministrisë tek bulevardi “Dëshmorët e Kombit”. Për 5 orë, mbështetësit e thirrur nga PD, me vuvuzela dhe pa flamuj partish u përplasën me policinë dhe shkatërruan skelën hyrëse tek Kryeministria dhe kërpudhën e dashur të kryeministrit Edi Rama.
Protestuesit çanë kordonin e policisë dhe tentuan të hyjnë në kryeministri duke i vënë flakën skelës. Më pas ata rrëzuan simbolin e kërpudhës që ndodhej në oborrin e kryeministrisë. Për të ndaluar protestuesit, Garda ka hedhur gaz lotësjellës dhe ka qëlluar me plumba gome. Si pasojë 19 persona mbetën të lënduar, mes të cilëve policë dhe gazetarë. Momenti më i vështirë ishte ai i siguruar nga Dosja.al, ku një prej protestuesve të hipur në skelë, i cili zbritet pa ndjenja. U raportua se qytetarit i kishte rënë infrakt dhe po merr ndihmën e parë në spital. Gjatë gjithë protestës, një megafon i Gardës i vendosur në tarracën e Kryeministrisë ka bërë thirrje për një protestë jo të dhunshme. Pas 5 orësh, protesta u mbyll nga kryetari Lulzim Basha, i cili njoftoi një protestë të dytë edhe më të madhe tek parlamenti, ditën e enjte në orën 10:00. Nga Vlora, kryeministri Edi Rama e ka quajtur të dalë boje, protestën e dhunshme të opozitës. Ndërkohë ministri i Brendshëm, Lleshaj ka bërë thirrje që të dëgjohet zëri i SHBA-ve, të cilat dënonin dhunën e ushtruar dhe kërkonin protestë paqësore. Reagimi nuk ka munguar as nga aleatët e Shqipërisë. Ndërkombëtarët bënë thirrje për një protest paqësore, duke kërkuar edhe vënien para përgjegjësisë së protestueve të dhunshëm. Qëndim të ashpër ndaj tyre ka mbajtur edhe kryetarja e LSI-së, Monika Kryemadhi, e cila tha se protestuesit e dhunshëm duhet që të ndëshkoheshin, pasi sipas saj ata ishin provokatorë të infiltruar.
Ora 16:03- Basha mbyll protestën: Të enjten takohemi para parlamentit
Kryetari i Partisë Demokratike, Lulzim Basha ka falenderuar të gjithë qytetarët që iu bashkuan protestës së opozitës. Basha tha para qytetarëve se opozita nuk do të tërhiqet dhe se protesta do të zhvillohet sërish të enjten në orën 10:00 para parlamentit.
Ora 15:35- Kryemadhi: Ne që bëmë Ramën kryeministër, “meritojmë të helmohemi” sot
Në një prononcim live, kryetarja e LSI-së, Monika Kryemadhi u shpreh se policia duhet të ndalojë personat e dhunshëm, por gjithashtu u shpreh se efektivët nuk kanë asnjë të drejtë të hedhin gaz lotsjellës mes atyre që protestuan paqësisht.
Ora 15:29/ Ekipet e urgjencës mjekësore kanë dërguar drejt QSUT-së 19 të lënduar, mes tyre 9 policë
Ekipet e urgjencës mjekësore kanë dërguar në QSUT 9 policë, dy përfaqësues të medias dhe 8 protestues. Pasi kanë marrë ndihmën e parë, të lënduarit janë larguar nga ambientet e spitalit.
Ora 14:52/ Hipën në majë të skelës, pëson infarkt pasi goditet me granatë (VD)
Një video me pamje të rënda është siguruar nga dosja.al, ku shihet sesi një burrë i cili hipi në skelën tek kryeministria, pasi u godit me granata lotsjellëse mësohet se ka pësuar infarkt dhe zbret në një gjendje të keqe shëndetësore. Dosja.al ka mësuar se personi i lënduar është transportuar tashmë në urgjencë dhe po merr ndihmën e parë mjekësore.
Ora 14:26/ Basha: Protestuesit u provokuan nga skenari i Ramës
Kryedemokrati Lulzim Basha, në një reagim për mediat tha se asnjëri nga protestuesit nuk kishte si qëllim të kryente akte të dhunshme, por sipas tij, janë provokuar nga policia.
Ora 14:08/LSI: Policia provokoi qytetarët, po bëjmë të pamundurën t’i mbajmë nën kontroll
LSI me anë të një deklarate për media ka pretenduar se Policia e Shtetit ka provokuar protestuesit. Më tej, në deklaratën e LSI-së bëhet me dije se opozita do të bënte të pamundurën për t’i mbajtur protestuesit të qetë dhe nën kontroll.
Ora 14:00- Pas kuintave/ Ja çfarë ndodhi në protestën e opozitës, fotot në prapaskenë
Dosja.al sjell të përmbledhur momente nga protesta e ditës së sotme, që nga protestuesit që përleshen me policinë, spostimin pas përdorimit të gazit lotsjellës dhe të tjera momente kyçe që s’duhen humbur.
[sgallery url=”https://dosja.al/protesta-e-opozites-permbledhje-me-foto/”]
Ora 13:24– Lëndohen dy gazetare dhe dy policë
Nga protesta para Kryeministrisë, dy gazetare dhe dy policë kanë mbetur të lënduar. Bëhet fjalë për Marsela Karapanxhon e televizionit “A2” dhe gazetaren e Shijak Tv.
Ora 13:20- Ndërkombëtarët mesazh të prerë opozitës: Dhuna e papranueshme, nxitësit do mbajnë përgjegjësi
Ndërkohë që protesta e opozitës para kryeministrisë po vazhdon, ndërkombëtarët kanë dënuar aktet e dhunës dhe kanë bërë me dije se nxitësit dhe autorët e dhunës do të mbajnë përgjegjësi për incidentet e sotme.
Berisha: Rama ka afat deri në darkë, çadra ishte lule
Ish-kryeministri Sali Berisha, tha se Edi Rama ka afat deri në darkë për të dhënë dorëheqjen. Sipas tij, nëse diçka e tillë nuk ndodh çadra do t’i duket si lule.
Ora 13:14- Lleshaj: Politika të distancohet nga dhuna, të dëgjohet zëri i SHBA
Ministri i Brendshëm Sandër Lleshaj, ka reaguar pas akteve të dhunës në protestën e opozitës duke i kërkuar drejtuesëve politikë që të distancohen nga aktet e dhunës dhe të dëgjojnë zërin e miqve të mëdhenj të Shqipërisë, duke nënktuuar deklaratën e ambasadës së SHBA-së.
Ora 12:38- Dhuna në protestën e opozitës, Rama: Politikë e dalë boje
Kryeministri Edi Rama ka reaguar pas incidenteve të dhunshme në protestën e opozitës para Kryeministrisë. Rama e quajtur të dalë boje protestën në Tiranë.
Ora 12:24- Garda thirrje qytetarëve: Ruani qetësinë, policia do të zbatojë ligjin
Nga tarraca e Kryeministrisë, me anë të një megafoni Garda i ka bërë thirrje qytetarëve që të ndalojnë aktet e dhunës ndryshe do të zbatojnë ligjin.
Për të ndaluar protestuesit që të futen brenda godinës së Kryeministrisë, Garda ka nisur duke gjuajtur me plumba gome dhe gaz lotsjellës. Prej plumbave të gomës, disa person kanë mbetur të lënduar.
[sgallery url=”https://dosja.al/protesta-protestuesit-tentojne-te-hyjne-ne-kryeministri-disa-te-lenduar-foto/”]
Ora 11:30- Protestuesit kalojnë policinë, tentojnë që të futen brenda Kryeministrisë
Pasi kaluan kordonin e parë të policisë, disa protestues kanë grisur mbrojtësen e Kryeministrisë dhe kanë tentuar që të futen brenda godinës.
Ora 11: 10- Basha dhe Kryemadhi marshim në bulevard krah qytetarëve
Ka nisur protesta e opozitës, ku mijëra qytetarë kanë marshuar drejt sheshit para Kryeminsitrisë.
Kreu i Partisë Demokratike, Lulzim Basha dhe kryetarja e LSI, Monika Kryemadhi të shoqëruar nga lider të tjetër të partive të vogla kanë mardhur së bashku me qytetarët. Më pas kur kanë mbërritur para Kryeministrisë ata janë ulur në tokë.
Ora 11: 07- Kryemadhi marshon drejt Kryeministrisë: Rama ka ikur
Kryetarja e LSI-së Monika Kryemadhi sapo ka dalë nga selia e LSI-së për t’ju bashkuar protestës (lexo këtu). Ajo është shprehur se Edi Rama ka ikur tashmë nga pushteti dhe se tani duhet të ndërtohen institucionet.
“Sot kjo protestë është një protestë që fëmijët e shqiptaravë të kthehen në shtëpitë e tyre. Sot përballën dy botë, ajo e e krimit dhe integrimit. Ndërkombëtarët kanë bërë thirrjë për protsta sepse nga protesat vijnë ndryshimet në popujt e shtypur.
Ora 11:03- Protesta/ Incidentet e para, një i ri me maskë përplaset me turmën, hidhen edhe shashka
Një prej të pranishmëve ka provokuar pjesën tjetër të turmës dhe ka pasur përplasje mes protestuesve. Madje edhe një person është përzënë nga protesta pasi është akuzuar si militant i PS-së. Në protestë ka dhe disa persona që janë të maskuar, ndërsa nuk dihet se cili do të jetë roli i tyre në protestë.
Ora 10:30- Banorët e Astirit marshim drejt Kryeministrisë
Banorët e Unazës së Re, janë nisur në marshim për ty bashkuar në protestën e opozitës që do të zhvillohet në sheshin përpara Kryeministrisë.
Ata kanë marshur në këmbë të shoqëruar nga deputeti i PD, Klevis Balliu. Ata kanë bërë thirrje “Rama ik”, duke hedhur dhe shashka.
Ora 10:03- Blindohet Kryeministria, dhjetra makina të Policisë dhe Gardës rrethojnë godinën
Nga pamjet e siguruara nga “Dosja.al” shikohen dhjetra makina policie të cilat po rrethojnë godinën e Kryeminstrisë. Po kështu autobotet me ujë janë vendosur pas kësaj godine. Raportohet se rreth 13 mijë forca policie ndodhen rreth godinës së Kryeministrisë dhe bulevardit ‘Dëshmorët e Kombit’.
Ora 09:50: Qytetari denoncon: Policia postbllok te kthesa e Kamzës
Deputeti i Partisë Demokratike, Ervin Salianji, në një postim në Facebook shkruan se protestës së opozirtës po i bashkohet edhe policia. Sipas tij forcat e rendit po inkurajojnë qytetarët që të vijojnë protestën dhe kërkojnë që të bëhen pjesë e saj.
Ora 08:53- PD publikon shifrat: 50 mijë qytetarë janë nisur drejt Tiranës
Partia Demokratike ka publikuar shifrat paraprake se sa qytetarë do të jenë në protestën e që do të shvillohet nga opozita në Tiranë. Në një njoftim për mediat nga zyra e shtypit të PD bëhet me dije se drejt Tiranës janë nisur 50 mijë qytetarë.
Ora 08:51– Të armatosur, snajperistët e Gardës pozicionohen në godinën e Kryeministrisë
Në godinën e Kryeministrisë janë duke u poziconuar gardistët. Ata janë të armatosur dhe po përgatiten për poziconet e tyre në godinën e Kryeministrisë dhe terrenit përreth.
Ora 08:50– Protesta e opozitës, nga Durrësi nisen 5 mijë qytetarë
Nga qyteti i Durrësit rreth 5000 qytetarë janë nisur drejt Tiranës për të marrë pjesë në protestë.
Ora 08:47- Protesta e opozitës, nga Kruja nisen 1000 qytetarë
Mësohet se rreth 1000 banorë të rrethit të Krujës të cilët janë nisur që në oret e para të mengjesit drejt Tiranës. Protestuesit janë nga Kruja, Fush-Kruja dhe fshatrat përreth.
Ata janë nisur drejt Tiranës me mjete private për të evituar kontrollet që bëhen nga ana e policisë.
Dosja.al mëson se disa postoblloqe policie janë vendosur në kryqezimet kryesore që lidhin pjesën e veriut të vendit me Tiranën.
Ora 08:45- Qindra qytetarë të Vlorës nisen drejt Tiranës për protestë, 10 autobusë dhe 60 autovetura
Qindra qytetarë nga qyteti i Vlorës janë nisur për protestën e opozitës që zhvillohet në TIranës. Në orën 6 e 30 të mëngjesit ka nisur nisja e organizuar me autobusë, por ka pasur dhe shumë mjete të vogla që janë bashkuar. Sipas informacioneve mësohet se kanë qenë 10 autobusë të mbushur me qytetarë që janë nisur drejt Tiranës dhe 50 deri në 60 autovetura.
Ora 08:20- / Tensione në Kryebushat të Shkodrës, policia fotografon listën e udhëtarëve
Dosja.al mëson se në Kryebushat të Shkodrës ka pasur tensione mes policisë dhe protestuesve. Mësohet se tensionet kanë ndodhur gjatë kontrollit në momentin, kur policia ka fotografuar listën e udhëtarëve.
Ora 07:17- Protesta e opozitës, nga Shkodra nisen 5 mijë qytetarë
Dosja.al mëson se nga qyteti i Shkodrës janë nisur rreth 4000-5000 persona drejt Tiranës.
Në videot e mëposhtme shihen qartë edhe autobusat të mbushur me qytetarë që nisen drej Tiranës për t’u bërë pjesë e protestës së sotme.
Për Dosja.al deputeti Flamur Noka nga Shkodra është shprehur: “Sot është dita e qytetarëve dhe e dinë ata sesi do shkojë. Ky është një organizimi perfekt ndonëse shoferët e autobusave janë kërcënuar me gjoba dhe heqje patentash.”
Pamje nga nisja e qytetarëve nga Shkodra:
Ora o7:00/ Protesta e opozitës, nga Gjirokastra nisen 1000 persona
Qindra simpatizantë të PD dhe LSI në Qarkun e Gjirokastrës, pritet t’i bashkohen protestës së sotme të opozitës. Që në orët e para të mëngjesit të sotëm, intensiteti i lëvizjeve në drejtim të kryeqytetit, ka qenë i madh dhe interesimi po kaq. Vetëm sot, nga Gjirokastra në drejtim të kryeqytetit, janë nisur katër autobuzë, dhe pesë furgonë ndërkohë që shumë të tjerë, janë vetorganizuar duke shkuar në protestë me automjetet e tyre. E njëjta panoramë është rregjistruar edhe në Tepelenë, Përmet, Memaliaj, Këlcyrë, Dropull e Libohovë ku protestuesit e opozitës janë organizuar për të shkuar në kryeqytet. Dosja.al mëson se vetëm nga Gjirokastra, janë nisur rreth 450 persona në drejtim të kryeqytetit, ndërsa në rang qarku, numri total përllogaritet diku tek 1000 persona.
Pamje nga nisja e qytetarëve nga Këlcyra:
(j.v/a.b/f.g/k.m.Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ministri i Brendshëm Sandër Lleshaj, ka reaguar pas akteve të dhunës në protestën e opozitës. Në një reagim në mediat sociale, Lleshaj iu bëri thir...
TIRANË- Disa javë pas skandalit të denoncuar në media për lirimin e trafikantit të drogës Naser Gashi, nga komisariati i policisë në Kukës, ka ardhur reagi...
TIRANË- Kryetari i Partisë Demokratike, Lulzim Basha ka falenderuar të gjithë qytetarët që iu bashkuan protestës së opozitës. Basha tha para qytetarëve se ...
Deputeti i LSI, Edmond Panariti reagon me anë të një statusi në Facebook për përdorimin e gazit lotsjellës gjatë protestës së sotme kundër protestuesve. Në post...
TIRANE- Një video me pamje të rënda është siguruar nga dosja.al, ku shihet sesi një burrë i cili hipi në skelën tek kryeministria, pasi u godit me granata lotsj...
TIRANË– Dosja.al ka siguruar një foto të një granatë, e cila ka rënë e pashpërthyer në këmbët e protestuesve.Bëhet fjalë për “Flash-Bang Grenade”, e ...
TIRANË- Zv/ministri i Brendshëm, Besfort Lamallari hodhi poshtë pretendimet e opozitës se policia ka provokuar. Në Ora News, ai tha se policia ka detyrimin...
Një prej aktorëve që u bashkuan në protestën e sotme ishte Neritan Liçaj, i cili mëngjesin e sotëm iu drejtua kryeministrit me mesazhin se po shkonte aty...
TIRANË- Ndërkohë që protesta e opozitës para kryeministrisë po vazhdon, ndërkombëtarët kanë dënuar aktet e dhunës dhe kanë bërë me dije se nxitësit dhe aut...
TIRANË- Lëvizja Socialiste për Integrim me anë të një deklarate zyrtare nga selia e partisë ka pretenduar se qeveria ka provokuar qytetaret në protestë.Sip...
