Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Disa javë pas skandalit të denoncuar në media për lirimin e trafikantit të drogës Naser Gashi, nga komisariati i policisë në Kukës, ka ardhur reagimi edhe nga instancat shtetërore.
Burime për Dosja.al bëjnë me dije se është shpallur në kërkim shefi i Komisariatit të Kukësit, Agim Basha, ndërkohë që është prangosur Kujtim Spahiu, polic zone, dhe dy punonjës të policisë kufitare, Ferdinand Gjeta dhe Shkëlzen Ibaj janë lënë nën masën “detyrim paraqitjeje”.
Njoftimi i plotë i Policisë:
SHÇBA ekzekuton 4 urdhra të Gjykatës, për punonjës të DVP dhe DRKM Kukës, pasi me veprimet e mosveprimet e tyre lejuan lirimin e një shtetasi të dënuar me 7.4 vite burg
Shërbimi për Çështjet e Brendshme dhe Ankesat (SHÇBA) në Ministrinë e Brendshme ka ekzekutuar vendimet e Gjykatës së Krimeve të Rënda Tiranë, për 4 oficerë e punonjës policie të DVP dhe Drejtorisë së Kufirit të Kukësit, të cilët akuzohen për disa vepra penale, pas lejimit të daljes nga paraburgimi të një shtetasi të dënuar me 7.4 vite burg.
Gjykata ka caktuar masat e sigurisë “Arrest me burg” për 2 punonjës policie, ndërsa për 2 të tjerë masën “Detyrim paraqitjeje”. Drejtoria e Hetimit në Drejtorinë e Përgjithshme SHÇBA në kuadër të procedimit penal të datës 25 janar 2019, të Prokurorisë së Krimeve të Rënda, kreu ekzekutimin e vendimit të Gjykatës së Shkallës së Parë për Krimet e Rënda Tiranë, për punonjësit e policisë:
– Ferdinand Gjeta, me detyrë Drejtor në Drejtorinë Vendore të Kufirit dhe Migracionit, Kukës, për veprën penale të “Shpërdorimit të detyrës” parashikuar nga neni 248 i Kodit Penal, për të cilin Gjykata e Shkallës së Parë për Krimet e Rënda, ka caktuar masën e sigurisë “Detyrim për t’u paraqitur në Policinë gjyqësore”;
– Agim Basha, në detyrë Shef i Komisariatit të Policisë Kukës, për veprën penale të “Korrupsion pasiv të gjyqtarëve, prokurorëve dhe funksionarë të tjerë të organeve të drejtësisë” parashikuar nga neni 139/ç i Kodit Penal, për të cilin Gjykata e Shkallës së Parë për Krimet e Rënda, ka caktuar masën e sigurisë “Arrest me burg”. Ai është shpallur në kërkim, pasi megjithë kërkimet nuk është ndaluar ende;
– Kujtim Spahia, me detyrë specialist i Policimit në Komunitet, pranë Komisariatit të Policisë Kukës, për veprën penale të “Korrupsion pasiv të gjyqtarëve, prokurorëve dhe funksionarë të tjerë të organeve të drejtësisë”, dhe “Falsifikim të dokumenteve, me pasoja të rënda”, parashikuar nga neni 319/ç i Kodit Penal, për të cilin Gjykata e Shkallës së Parë për Krimet e Rënda, ka caktuar masën e sigurisë “Arrest me burg”;
– Shkëlzen Ibaj, me detyrë specialist në Sallën e Komandimit në DVKM, Kukës, për veprën penale të “Shpërdorimit të detyrës” parashikuar nga neni 248 i Kodit Penal, për të cilin Gjykata e Shkallës së Parë për Krimet e Rënda, ka caktuar masën e sigurisë “Detyrim për t’u paraqitur në policinë gjyqësore”.
Masat e sigurimit për këta oficerë e punonjës policie, janë vendosur në funksion të hetimeve që kryhen për një procedim penal, ku rezulton se me veprimet dhe mosveprimet e tyre, në kundërshtim me ligjin dhe në mos-përmbushje të ushtrimit të detyrës, kanë sjellë pasojë lirimin nga dhomat e paraburgimit të shtetasit Naser Gashi, të cilin Gjykata e Apelit për Krimet e Rënda e ka dënuar me 7.4 vjet burg.
Gjithashtu, nën drejtimin e Prokurorisë për Krimet e Rënda vijojnë hetimet për të sqaruar pozitën e punonjësve të tjerë të Policisë dhe të Prokurorisë së Rrethit Gjyqësor Kukës.
Denoncimi u bë nga ish-zv.drejtori i hetimit në Kukës, Shkëlqim Pepkolaj.
Pepkolaj, tashmë në azil zbuloi historinë e lirimit të Gashit nga prokurorja e Kukësit, Rita Gjeta dhe efektivët e këtij komisariati.
Gashi, me dokumente false dhe i dënuar nga Gjykata e Tiranës, është liruar brenda 24 orëve në pikën kufitare të Morinës. 58-vjeçari ka rreth 5 vite që kërkohet nga drejtësia shqiptare, për të vuajtur dënimin prej 7.4 vite burg, por ia doli të largohet ndërkohë që polici që bëri denoncimin u pezullua nga detyra dhe ndodhet në azil.
Si ndodhi skandali?
Në 17 tetor të 2018-ës, Naser Gashi i shoqëruar nga Ron Nimani tenton të dalë nga Shqipëria përmes pikës kufitare të kalimit të Morinës.
Në një makinë tip Audi me dokumente të falsifikuara që mbanin emrin e Saimir Bula, Gashi tentoi të largohej. Por pas dyshimeve për dokumentet, policia e shoqëroi në Drejtorinë e Policisë ku iu bë identifikimi përmes gjurmëve të gishtave.
Pas identifikimit në Komisariat u zbulua se nuk ishte Saimir Bula por Nazër Gashi. Dhe këtu nis që historia të marrë rrjedhë.
Prokurorja Rita Gjati firmosi lirimin e menjëhershëm, që u ekzekutua nga policia në 18 tetor. Policia e Kukësit e fshehu ngjarjen duke mos dhënë asnjë njoftim për mediat. “Kurbani” i vetëm i kësaj historie u bë denoncuesi, polici Shkëlqim Pepkolaj që u pezullua nga detyra pasi hetoi procedurën e paligjshme të policisë së Kukësit.
Pasi ngjarja u bë publike, prokuroria e Përgjithshme reagoi duke thënë se Naser Gashi nuk duhet të lirohej, ndërkohë që Krimet e Rënda dhe organet e tjera shtetërore nuk kanë dhënë më asnjë informacion se çfarë do të bëhet me hetimin dhe vënien para përgjegjësitë të prokurores, që e dinte kë po lironte dhe oficerëve që liruan supertrafikantin e dënuar me 7.4 vite burg. Krimet e Rënda e kanë nisur hetimin për këtë çështje në 30 janar 2019.
Shkëlqim Pepkolaj iku në Azil
Gazetarja e kronikës, Anila Hoxha, i kushtoi një shkrim rastit të policit Shkëlqim Pepkolaj, i cili zbuloi të gjithë procedurën e paligjshme me të cilën, prokuroria dhe Policia e Kukësit liruan një supertrafikant të kërkuar droge.
Në shkrim, Hoxha thoshte se gjithë vitet e karrierës së Pepkolajt u hodhën poshtë dhe se fakti që ai kërkoi zbatim të ligjit, solli përballjen me ‘të fortët’ që e pezulluan nga detyra duke e detyruar të largohet për azil.
(f.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryetari i Partisë Demokratike, Lulzim Basha ka falenderuar të gjithë qytetarët që iu bashkuan protestës së opozitës. Basha tha para qytetarëve se ...
Deputeti i LSI, Edmond Panariti reagon me anë të një statusi në Facebook për përdorimin e gazit lotsjellës gjatë protestës së sotme kundër protestuesve. Në post...
TIRANE- Një video me pamje të rënda është siguruar nga dosja.al, ku shihet sesi një burrë i cili hipi në skelën tek kryeministria, pasi u godit me granata lotsj...
TIRANË– Dosja.al ka siguruar një foto të një granatë, e cila ka rënë e pashpërthyer në këmbët e protestuesve.Bëhet fjalë për “Flash-Bang Grenade”, e ...
TIRANË- Zv/ministri i Brendshëm, Besfort Lamallari hodhi poshtë pretendimet e opozitës se policia ka provokuar. Në Ora News, ai tha se policia ka detyrimin...
Një prej aktorëve që u bashkuan në protestën e sotme ishte Neritan Liçaj, i cili mëngjesin e sotëm iu drejtua kryeministrit me mesazhin se po shkonte aty...
TIRANË- Ndërkohë që protesta e opozitës para kryeministrisë po vazhdon, ndërkombëtarët kanë dënuar aktet e dhunës dhe kanë bërë me dije se nxitësit dhe aut...
TIRANË- Lëvizja Socialiste për Integrim me anë të një deklarate zyrtare nga selia e partisë ka pretenduar se qeveria ka provokuar qytetaret në protestë.Sip...
TIRANË- Protesta e ditës së sotme ka nisur që prej orës 11:00 dhe situata ka qenë e tensionuar dhe me incidente të shumta mes policisë dhe protestuesve.Dos...
TIRANË- Situata e tensionuar e protestës ka bërë që Garda e Republikës të shtojë forcat për mbikëqyrjen e situatës. Madje ata nuk janë duke kursyer as bizn...
