Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË- Nënkryetari i Parlamentit, Luan Rama ka falenderuar ndërkombëtarët e Tiranës, siç i quan ai, për standartin e tyre të dyfishtë, teksa u shpjegon edhe protestën e opozitës, zhvilluae ditën e sotme para parlamentit.
Në një postim në ‘Facebook’, Rama u shpjegon ndërkombëtarëve varfërinë dhe dhimbjen me të cilën luftojnë përditë shqiptarët, të cilët edhe pse pas 10 vitesh anëtarë të NATO-s, vazhdojnë të jenë vendi i vetëm në Europë ku zgjedhjet blihen e vidhen dhe ku qytetari nuk e ka votën të vetën.
Rama iu drejtua ndërkombëtarëve, duke iu kujtuar se Shqipëria nuk është lulishtja e Rognerit, apo zyra me flutura e kryeministrit, ndaj nuk e kuptojnë realitetin e vështirë ku ndodhen shqiptarët sot.
Postimi i plotë i Luan Ramës
Një shpjegim dhe një falenderim për ndërkombëtarët e Tiranës dhe standardin e tyre të dyfishtë
Tirana sot ishte në protestë. Me më shumë qytetarë se çdo herë tjetër më parë. E nesër, padyshim do të ketë edhe më shumë se sot. Ditë pas ditë uragani i revoltës popullore do të vijë duke u rritur, sepse e keqja mundet vetëm me forcën dhe vendosmërinë qytetare!
Varfëria dhe dhimbja që ajo shkakton janë akuzë për qeverisjen, e prej saj shumica e qytetarëve ka zgjedhur protestën që edhe ndërkombëtarët e burokratët e Europës në Tiranë, të kuptojnë se realiteti shqiptar nuk është ai i lulishteve të Rogner-it apo i fluturave me ngjyra në zyrën e Kryeministrit.
Realiteti shqiptar është i trishtë, është i dhimbshëm, është tragjik, e fatkqeqësisht, ky realitet po iu imponohet fatalisht qytetarëve, sa ata të thonë se “ishim më mirë kur ishim më keq!”
Eshtë e rëndë, është e turpshme që Shqipëria anëtare e NATO-s që prej 10 vjetësh vazhdon të jetë vendi i vetëm në Europë ku zgjedhjet blihen e vidhen dhe ku qytetari nuk e ka votën të veten!
Eshtë kriminale dhe padyshim, edhe skandaloze, e vërteta që Shqipëria anëtare e NATO-s që prej 10 vjetësh, vazhdon të tregohet me gisht si vendi i krimit të organizuar, si qendra europiane e kultivimit dhe trafikimit të drogës dhe si vendi me Parlamentin që u detyrua të miratojë një ligj për të dekriminalizuar vetveten e për të përzënë prej andej kriminelët që ishin futur me firmat e kryetarëve të partive, kur në fakt të parët duhej të ishin përzënë ata që i kishin bërë kriminelët deputetë!
Eshtë fyese dhe poshtëruese për një popull të tërë të një vendi anëtar të NATO-s, siç është Shqipëria që prej 10 vjetësh, që nga njëra anë të pranosh në raportin zyrtar të ODIHR-it se mbi 20 përqind e votës është blerë në zgjedhjet e vitit 2017, e nga ana tjetër të dëgjosh një “ndërkombëtar” të mbajë leksione për legjitimitetin e Kuvendit të dalë me vota të blera nga kriminelë e trafikantë!
Po në cilin vend tjetër të Europës mund të ndodhë kjo shfaqje dyfytyrësie e hipokrizie?!
Në cilin vend të Europës së vlerave qytetare e demokratike prej nga vini ju zotërinj ndërkombëtarë do të heshtnit po të mësonit se në dosjet e prokurorisë për grupet e krimit të organizuar, ka prova se grupet kriminale kanë blerë vota për të prodhur deputetë për qeverinë?!
Në cilin vend të Europës do të ishte normale që shteti të mos ketë Gjykatë Kushtetuese e Gjykatë të Lartë, të mos ketë Prokuror të Përgjithshëm të zgjedhur në zbatim të Kushtetutës siç ndodh në Shqipërinë anëtare të NATO-s?!
Nga cili vend tjetër i Europës vetëm në 5 vjet janë larguar mbi 400 mijë qytetarë si nga Shqipëria anëtare e NATO-s dhe që kërkojnë azil në dyert e vendeve që ju përfaqësoni zotërinj ndërkombëtarë, dhe ketë të mos e shohësh si një të vertetë alarmante, por të thuash se vendi po bën progres?!
Përse ky standard i dyfishtë? Përse kjo hipokrizi?
Apo kjo është diplomacia e ndërkombëtarëve?
Sot Tirana dhe gjithë Shqipëria ishte në protestë. Ishte protesta më e madhe dhe më qytetare që është zhvilluar ndonjëherë në bulevardin “Dëshmorët e Kombit”.
Shikojeni këtë protestë ashtu siç ishte zotërinj ndërkombëtarë: si shenjë alarmi që Shqipëria nuk është lulishtja e Rogner-it dhe as zyra me flutura shumëngjyrëshe e Kryeministrit!
E nëse protesta e sotme ishte me më shumë qytetarë se çdo protestë tjetër më parë, merita është edhe e juaja. Për këtë faleminderit!
E në mbyllje të këtyre rradhëve, bashkë me falenderimin për ndërkombëtarët e Tiranës, edhe një këshillë për ta; lexojeni poezinë “Laokonti” të Ismail Kadaresë…
Opozita ka zhvilluar ditën e sotme për rreth 4 orë (Lexo këtu) protestën e saj kundër qeverisë Rama. Bashkë me protestuesit, ata kanë marshuar tre herë rreth Kryeministrisë, e më pas kanë kaluar tek Kuvendi i Shqipërisë, ku në përpjekje për të hyrë në godinë, janë përplasur me Policinë, e cila ka përdorur gaz lotsjellës dhe autobotët e ujit me presion për t’i shpërndar.
Më pas, kryetari i PD-së Lulzim Basha dhe turma e protestuesve kanë shkuar në mënyrë simbolike tek memoriali i ‘heroit të demokracisë” Azem Hajdari, për ta mbyllur protestën me një fjalim para selisë blu. Si pasojë e përplasjes, janë lënduar disa persona, mes tyre edhe policë, ndërkohë gjatë protestës, Meta dhe Ambasada Britanike bënë thirrje për qetësi, ndërsa Rama i quajti prehistorike veprimet politike të opozitës.
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Opozita zhvilloi sot protestën e saj të paralajmëruar prej rreth një muaj më parë, protestë e cila nuk kaloi pa incidente e përplasje të policisë m...
TIRANË- Kryetarja e LSI-së Monika Kryemadhi, e ftuar në emisionin ‘Kjo Javë’ në “News 24”, ka folur për dy deputetët e dalë nga listat e LSI-së, Ralf Gjoni...
TIRANË- Ish-deputeti i Partisë Demokratike Flamur Noka, ka folur pas protestës opozitës të zhvilluar ditën e sotme.I ftuar në studion e televizionit Ora Ne...
TIRANË- Sekretari i përgjithshëm i PD-së, Gazment Bardhi ka reaguar pas deklaratës së ministrit të Brendshëm, Sandër Lleshaj, i cili tha se ndjenë keqardh...
TIRANË– Ditën e sotme, opozita e bashkuar ka zhvilluar një protestës para kryeministrisë dhe Kuvendit. (Lexo këtu)Por fotot nga protesta dhe montazhe...
Opozita dhe mbështetësit e saj zhvilluan sot (16 .03.2019) në Tiranë protestën e tyre të pestë, në serinë e protestave anti qeveritare, për të cilën kishin para...
Tiranë- Pas protestës së zhvilluar ditën e sotme para Kryeministrisë dhe para Kuvendit të Shqipërisë policia ka filluar shoqërimin e disa prej protestuesve.Kjo ...
TIRANË– Ditën e sotme, për katër orë rrjesht opozita e bashkuar ka zhvilluar një protestë para kryeministrisë dhe Kuvendit.Pas protestës, aleati i Ba...
TIRANË- Kryetari i Partisë Demokratike Lulzim Basha ka reaguar lidhur me protestën e sotme, në të cilën u desh përdorimi i autobotëve me ujë me presion dhe...
TIRANË- Kryetari i Grupit Parlamentar të Partisë Socialiste, Taulant Balla, ka reaguar pas protestës së dhunshme të opozitës para Parlamentit.Nëpërmjet një...
