Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Risitë dhe novacionet po çojnë përpara botën e zhvilluar dhe atë në zhvillim vitet e fundit. Novacioni rrit produktivitetin, e bën më të lehtë jetën e njerëzve dhe zbatimi i tij gjerësisht në shëndetësi po përmirëson shëndetin e popullatës në vendet e botës.
Sot, ekonomitë e zhvilluara dhe ato në zhvillim e promovojnë novacionin, si një mënyrë për të arritur zhvillimin ekonomik dhe social.
Por, Shqipëria, që vitet e fundit e ka përqendruar vëmendjen te koncesionet, duket se është ende larg kësaj përqasjeje globale.
Indeksi Global i Novacionit për vitin 2019 e rendit atë në vendin e 83 në botë nga 129 në total. Në Europë, Shqipëria është e fundit. Vendet e rajonit kanë një pozicionim shumë më të mirë se ne, me Malin e Zi që kryeson në rajon në vend të 45, Serbinë në vendin e 57, Maqedoninë në vend të 59, Bosnjën në vend të 74.
Ku çalon Shqipëria
Lidhur me institucionet, Shqipëria ka regjistruar 66 pikë dhe një renditje në vendin e 56 ku merret parasysh mjedisi politik, efektiviteti i qeverisjes, ambienti rregullator, respektimi i ligjit, lehtësia e nisjes së një biznesi apo lehtësia me të cilën zgjidhen mosmarrëveshjet.
Elementi i dytë i vënë në peshore është kapitali njerëzor dhe kërkimi, ku kemi regjistruar vetëm 22.7 pikë dhe një renditje në vendin e 88. Kjo renditje është rezultat i disa elementeve si shpenzimet për edukim në raport me Prodhimin e Brendshëm Bruto (PBB), vitet e shkollimit, të diplomuarit në shkenca dhe teknologji, studimet në kërkim dhe zhvillim, kompanitë me orientim kërkimin dhe zhvillimin, renditja e universiteteve. Shqipëria shpenzon vetëm 0.2% të PBB-së për kërkim-zhvillim
Elementi i tretë është infrastruktura ku Shqipëria ka regjistruar 46.2 pikë dhe një renditje në vendin e 66. Në këtë pjesë kombinohen elementet që lidhen me aksesin në inovacion dhe teknologji, përdorimi i inovacionit dhe teknologjisë, shërbimet qeveritare online, prodhimi energjetik, performanca logjistike, përdorimi i energjisë për njësi, certifikimet ISO.
I katërti që kalon në sitë për të nxjerrë Indeksin Global të Inovacionit është sofistikimi i tregut ku jemi renditur në vendin e 42 që është edhe elementi me rezultatin më të mirë të Shqipërisë dhe që merr në llogaritje kreditimin, investimet, konkurrencën tregtinë dhe shkallën e tregut.
Elementi i pestë është sofistikimi i biznesit që na rendit në vendin e 105, me përkeqësim në raport me vitin e mëparshëm, ku shihen në detaj punësimi sipas njohurisë së thelluar, kompanitë që ofrojnë trajnime zyrtare, bashkëpunimet industri-universitet, importet neto të teknologjisë së lartë, investimet e huaja direkte, kërkimi për talente si përqindje në një biznes.
Produkte finale në kërkim dhe teknologji është elementi i gjashtë ku Shqipëria ka regjistruar rezultatin më të dobët që ka renditur në vendin e 114 dhe që lidhet me patentat e shpikjeve të regjistruara sipas origjinës, modelet e përdorimit sipas origjinës, pronësia intelektuale, eksportet në inovacion dhe teknologji, investimet shqiptare që shkojnë drejt vendeve të tjera.
E fundit në listën e elementeve është pjesa që lidhet me produktet kreative siç mund të jenë markat, dizajnet industriale, modele biznesi në teknologji dhe inovacion, krijimi i aplikacioneve në celularë, korrigjimet në Ëikipedia. Të gjitha këto na kanë renditur në vendin e 74, me përmirësim, nga pozicioni i 86 që ishim një vit më parë.
Në botë, kryeson Zvicra
Indeksi Global i Inovacionit është një publikim i përvitshëm i Organizatës Botërore të Pronësisë Intelektuale, Cornell SC Johnson College of Bussines dhe INSEAD (Shkolla Botërore për Biznesin). Çdo vit, indeksi global i novacionit rendit performancën në këtë drejtim të rreth 130 ekonomive në botë. Këtë vit është i përqendruar në rëndësinë e novacionit për përmirësimin e shëndetit të njerëzve.
Edhe këtë vit, Zvicra është vendi më inovativ në botë, ndjekur nga Suedia, Shtetet e Bashkuara të Amerikës, Holanda dhe Mbretëria e Bashkuar.
Edicioni i 12-të i GII është një pikë referimi në botë, që ndihmon aktorët politikë të kuptojnë më mirë se si të nxisin dhe të masin aktivitetin inovativ, motori kryesor i zhvillimit ekonomik dhe social.
GII 2019 merr në analizë 129 ekonomi në bazë të 80 treguesve: nga masat tradicionale si investimet në kërkim dhe zhvillim, te kërkesat për patenta dhe marka ndërkombëtare e më tej, treguesit më të fundit si krijimi i aplikacioneve për smartphone-t.
Indeksi analizon edhe kontekstin ekonomik – pavarësisht treguesve për ngadalësim të rritjes ekonomike, inovacioni vijon të lulëzojë, në veçanti në Azi.
20 vendet më inovative në botë:
1. Zvicra
2. Suedia
3. SHBA
4. Holanda
5. Britania e Madhe
6. Finlanda
7. Danimarka
8. Singapori
9. Gjermania
10. Izraeli
11. Koreja e Jugut
12. Irlanda
13. Hong Kongu
14. Kina
15. Japonia
16. Franca
17. Kanadaja
18. Luksemburgu
19. Norvegjia
20. Islanda. Marrë nga Monitor.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Teksa agjencitë e këmbimit valutor kanë rezultuar si me rrezik të lartë për pastrimin e parave në raportin e fundit të Moneyval (mekanizimi europia...
TIRANË- Viti 2018 tregoi se shanset që një nënë e re të humbë jetën u rritën. Sipas të dhënave që ka publikuar INSTAT në vitin 2018, vdekshmëria amësore is...
Rënia e blerjeve në mbarë botën dhe problemet e kushtueshme – kryesisht me automjetet me naftë – i kanë sjellë humbje në bilanc, në tremujorin e dyt...
Të dhënat nga bilanci zyrtar, tregojnë se për 2018-n, SGS Automotive Albania realizoi 1.6 milionë euro fitime neto, nga rreth 1.3 milionë që ishte shifra për vi...
Është mbajtur në Çagllavicë, debati për atë se kush fitoi dhe kush humbi me taksën 100% që Kosova ja vendosi Serbisë tetë muaj më parë. Zëvendësmini...
Shefi i misionit të FMN-së për Shqipërinë thotë se pritshmëritë për rritjen ekonomike të këtij viti do të rivlerësohen për shkak të të dhënave më të ulta sesa p...
Historia e veçantë në Fiks Fare mbrëmjen e së martës tregoi edhe një herë se ende ka familje që i martojnë vajzat e tyre në moshë minorene, pa kuptuar se...
TIRANË- Ministria e Infrastrukturës dhe Energjisë ka nisur procesin e konsultimit publik për programin e veprimit 3-vjeçar, për vitet 2019 – 2021, n...
TIRANË– Shqipëria pas një periudhe me temperaturash relativisht të ulta për stinën e verës, moti do të rikthehet sërish në normalitet.As vendi ynë nu...
TIRANË- Ndonëse një shtet me popullsi të vogël, më pak se 3 milionë banorë, shqiptarët u renditën të dytët në Europë në vitin 2017 sa i përket fitimit të s...
