Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Kryeministri Edi Rama në fjalën e tij në Kuvend, pas fjalimit të presidentit ukrainas Volodymir Zelensky, krahasoi Rusinë me Serbisë. Pasi i premtoi mbështetje të pakursyer, Rama shtoi se Shqipëria do të jetë në konferencën e donatorëve për Ukrainën për të dhënë edhe ajo kontributin e saj. Ndërsa foli edhe për krimet e luftës që sipas tij, Shqipëria i krahasonte me ato të Kosovës. E po ashtu, në fund të fjalës së kryeministri Edi Rama ka vlerësuar rezistencën e Ukrainës përballë agresionit rus, duke u shprehur se po i bëjnë shërbim të çmuar botës.
“Kemi nderin që të mblidhemi për t’ju dëgjuar. Nuk shquhemi për dakordësi mes palëve. Jemi reshtuar në krahun tuaj. Jemi vend shumë i vogël, e mund t’ju vimë në ndihmë shumë modestisht. Edhe pse mizorinë e kësaj lufte nuk e përcepton asnjë tjetër veç popullit ukrainës, historia jonë është shumë e afërt e Kosovës na ndihmon që ta ndjejmë dhimbjen e Ukrainës,”-tha Rama ndër të tjera.
Fjala e plotë e Ramës:
Shkëlqesia Juaj, Presidenti i Ukrainës, mik i nderuar, ky parlament që sot ka nderin të mblidhet t’ju dëgjojë, nuk shquhet për shpirtin e dakordësisë mes palëve. Janë shumë të rralla në tridhjetë vjet pluralizëm, rastet kur në këtë parlament palët kanë rënë dakord dhe mbështetja, megjithë mend e megjithë zemër, e rezistencës ukrainase ndaj pushtuesve rusë, është një nga ato raste, edhe më të rralla, kur të gjithë ne këtu, kemi qenë dakord pa bërë as më të voglin diskutim. Qysh prej orës së parë të agresionit mbi Ukrainën, jo vetëm ne, po krejt Shqipëria, të gjithë shqiptarët kudo ku jetojnë, i gjithë kombi ynë, përfshirë edhe shtetin tjetër shqiptar, Kosovën, jemi rreshtuar krah jush, me zemër, me mendje, e me çdo gjë kemi mundur. Shqipëria është një vend shumë më i vogël se sa Ukraina zoti President. Mundësitë tona për t’ju ardhur në ndihmë janë krejt modeste, krahasuar me madhësinë marramendëse të sfidës suaj.
Por, ne kemi besuar qysh në fillim, se nëse në aspektin e mbështetjes material, vendi ynë nuk mund të bëjë asnjë diferencë në këtë luftë, Shqipëria mund të jetë e vlefshme për Ukrainën me zërin e saj, qoftë në tryezën e NATO-s, qoftë në tryezën e Këshillit të Sigurimit të Kombeve të Bashkuara, ku kemi pasur nderin të jemi edhe bashkënismëtarë të disa qëndrimeve domethënëse kundër agresionit rus. Pasnesër, më 5 maj, Shqipëria do të jetë e pranishme edhe në Konferencën e Donatorëve, për Ukrainën të thirrur nga Polonia në Varshavë, ku do të japim edhe ne kontributin tonë modest. Edhe pse mizorinë e kësaj lufte nuk mundet ta perceptojë sa e si duhet askush tjetër, përveç popullit ukrainas, më lejoni t’ju them i nderuar President Zelensky, se historia jonë e afërt, kur gjysëm milionë shqiptarë u shpërngulën me dhunën e spastrimit etnik, nga trojet e tyre në Kosovë dhe gjetën strehë në Shqipëri, na ndihmon sidoqoftë të ndjejmë nga larg dhimbjen e madhe të Ukrainës.
Ndarja e nënave e fëmijëve nga baballarët që qëndrojnë për të luftuar, mobilizimi i vajzave që marrin armët për të rezistuar, qëndresa juaj e palëkundur në krye të shtetit që nuk pranon të dorëzojë liritë e fituara, të gjitha pamjet e dëshmitë e kësaj tragjedie të paimagjinueshme deri ditën e hyrjes së trupave ruse në territorin sovran të Ukrainës, janë përveçse sakrifica ekstreme e një populli liridashës edhe një shërbim i paçmuar, që ju dhe vendi juaj po i bëni të gjithë botës deri dje të përgjumur demokratike.
I dashur miku ynë Presidenti Zelensky, e kujtoj shpesh këto kohë bisedën tonë në Kiev dhe dëshirën tuaj që Shqipëria të bëhej vendi ku ukrainasit të kishin shtëpi të dyta për pushimet e tyre. “Jemi shumë afër për të qenë kaq larg!”, thatë ju me kënaqësinë e dikujt që ka zbuluar një vend të bukur pranë shtëpisë.Të gjithë e dimë tanimë se kjo luftë mund të mos jetë e shkurtër, ashtu sikundër çdo ditë që kalon, me tmerre të reja, e zgjat ende më shumë shtegun shumë të ngushtë drejt paqes. Por unë e besoj sinqerisht zoti President, se nëse sot në Shqipëri po vijnë ukrainasit që ikin për të mbrojtur fëmijët e tyre nga lufta, nesër dëshira juaj, që ata të vijnë këtu, në shtëpitë e tyre të dyta, për të kaluar pushime të gëzuara familjarisht, do të bëhet realitet. Unë dhe të gjithë ne këtu do të donim t’ju thoshim sot shumë gjëra, por ju keni me siguri shumë gjëra të tjera më të rëndësishme për të bërë i nderuar President, kështu që lejomëni ta mbyll këtë fjalë, duke ju shprehur në emër të Shqipërisë e të shqiptarëve, të gjithë mbështetjen, respektin dhe miqësinë tonë. Zoti qoftë me ju dhe me Ukrainën heroike!
LAJMI KRYESOR: Zelenskyy flet në Kuvendin e Shqipërisë! VD-mesazh për mbështetjen ndaj Ukrainës
(k.m/dosja.al)
Aksidenti i rëndë në Tiranë, si mund të shmangen ngjarje të tilla?
TIRANË– Presidenti ukrainas, Volodymyr Zelenskyy në mesazhin e tij para ligjvënësve shqiptarë, nëpërmjet një video call, ka kujtuar në Kuvendin e Shq...
KIEV- Presidenti i Ukrainës, Volodymir Zelenskyy, në fjalën e tij drejtuar Kuvendit të Shqipërisë, ka nisur me një urim për festën e Kurban Bajramit. Në fjalën ...
TIRANË– Kryetari Grupit Parlamentar i Partisë Socialiste Taulant Balla i është përgjigjur, Sali Berishës, pas kërkesës të largimit të ambasadorit rus...
TIRANË- Ish-kryeministri Sali Berisha kërkoi që të anulohen vizat turistike për çdo qytetar rus që kërkon të hyjë në vendin tonë. Pas video-mesazhit...
TIRANË– Ministrja e Shtetit për Mbrojtjen e Sipërmarrjes, Edona Bilali është parë në Kuvendin e Shqipërisë duke chat-uar në kohën kur presidenti i Uk...
TIRANË– Presidenti i Ukrainës, Volodymyr Zelenskyy kërkon që në Shqipëri të mos futen turistë rusë. Kjo ishte kërkesa e tij për qeverinë shqiptare, g...
TIRANË– Gjatë fjalimit të presidentit të Ukrainës, Volodymyr Zelenskyy-t në Kuvendin e Shqipërisë, kryeministri Edi Rama nuk qëndroi i heshtur. Në nj...
TIRANË– Ish-kryetari i PD-së, Lulzim Basha ka mbërritur në Kuvendin e Shqipërisë. I vetëm dhe me një çadër, ai shihet duke u futur në godinën ...
TIRANË– Deputeti i Partisë Demokratike Gazment Bardhi ka zbuluar bisedën e fundit që ka pasur me Lulzim Bashën, para se ky i fundit të jepte dorëheqj...
TIRANË– Nismëtari i peticionit kundër Yuri Kim, Milaim Nela, i bëri thirrje shqiptarëve që të firmosin masivisht. Në një lidhje me Skype për Ç...
