Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
VD-Rreziku rus dhe serb në Ballkan, Fatmir Mediu dorëzon projektrezolutën në Kuvend
12 Nëntor 2021, 10:11Nga DOSJA
TIRANË – Deputeti i opozitës Fatmir Mediu dorëzoi në Kuvendin e Shqipërisë projektrezolutën për mbajtjen e qëndrimit të përbashkët kundër ndikimit rus dhe serb në Ballkan. Kryetari i Partisë Republikane u shpreh se kjo projektrezulotë është hartuar pas zhvilimeve të fundit serioze në Ballkan duke nisur nga bllokimi i anëtarësimit të Malit të Zi në NATO, deklaratat në Bosnje Hercegovinë për shkëputje të Republikës Srpska, zhvendosjen e trupave serbe në kufi me Kosovën dhe “Ballkanin e hapur”
“Duke ndjekur me vëmendje të veçantë rritjen e tensioneve ndëretnike në rajonin tonë, tensione me rrezikshmëri të lartë për ringjalljen e konflikteve të përgjakshme, të cilat janë në thelb të lidhura me politikën e Serbisë ndaj fqinjëve të vet, Bosnje dhe Hercegovinë, Kosovë dhe Malin e Zi. Duke u bashkuar me shqetësimin e shprehur nga Parlamenti Europian, Kongresi Amerikan, Parlamenti Britanik, nga disa qeveri të vendeve europiane dhe shumë analistë seriozë në Europë e në SHBA, shqetësim i mbështetur sidomos në përpjekjet e fundit të Republika Srbska, për t’u shkëputur nga Bosnje Hercegovina, gjë që po çon, sipas vlerësimit të përfaqësuesit të lartë të BE-së në Bosnje-Hercegovinë, Christian Schmidt, në shembjen e marrëveshjes së paqes, nënshkruar në Dejton në vitin 1995, me ndërmjetësimin e SHBA. Duke i parë të ndërlidhura narrativat destabilizuese të Presidentit Vuçiç dhe zyrtarëve më të lartë të shtetit serb, me ndërhyrjet e hapura për të penguar anëtarësimin e Malit të Zi në NATO, me tentativat e Republika Srbska për të krijuar ushtrinë e saj, jashtë kontrollit kushtetues të Sarajevës, deklarimet për shkëputje nga Bosnja, situatën e paqëndrueshme politike në Maqedoninë e Veriut, si dhe me dislokimin e kohëve të fundit të ushtrisë serbe në kufi me Republikën e Kosovës, gjë që e shtyu Kryeministrin Kurti të paralajmëronte se rajoni po shkonte drejt një konflikti të armatosur; Duke parë gjithashtu se kjo tablo shqetësuese është e ndërlidhur ngushtë me intensifikimin e shumëfishtë të pranisë Ruse në rajonin tonë, në zbatim të deklaratës së Presidentit Putin, se ‘Ballkani është një back yard i Rusisë’, gjë që në realitet po kryhet përmes mbështetjes ndaj Serisë, për t`a shndërruar atë në fuqi dominuese në Ballkanin Perëndimor, si rrugë për t`a rritur presionin mbi Uashingtonin dhe Brukselin”.
Në projektrezolutën e mbajtjes së qëndrimit të përbashkët kundër ndikimit serbo-rus në Ballkan, deputeti Mediu propozon 5 pika: qeveria shqiptare të adresojë shqetësimet e krijuara nga ndikimi serbo-rus në NATO, të shpërndahet kjo rezolutë në asambletë parlamentare të NATO-s, OSBE-së dhe të Këshillit të Europës, të rritet mbështetja për integrimin e Kosovës në NATO, etj.
Propozimet e Fatmir Mediut:
1.Të ngarkojë qeverinë e Republikës së Shqipërisë në këshillim me partnerët tanë strategjikë dhe ta adresojë urgjentisht këtë problematikë në NATO.
2.Nëpërmjet delegacioneve të veta në Asamblenë Parlamentare të NATO-s, në Asamblenë Parlamentare të OSBE-së, në Asamblenë Parlamentare të Këshillit të Europës, t`a shpërndajë këtë rezolutë në këto asamble dhe t`a bëjë atë objekt debati atje, si dhe forumet e tjera ndërparlamentare.
3.I kërkon qeverisë, si anëtare e përkohëshme për dy vitet e ardhshme e Këshillit të Sigurimit të OKB, të përcaktojë qartësisht objektivat për rajonin dhe Kosovën.
4.Të shtohet mbështetja për Integrimin e Kosovës në OKB dhe në organizatat e tjera ndërkombëtare, duke shpjeguar me theks të ri, se lënia e këtij shteti të ri jashtë, e ekspozon atë dhe rajonin me lehtësi përballë kërcënimeve ruso-serbe.
5.Të organizojë një forum ndërparlamentar Shqipëri – Mali i Zi – Kosovë – Maqedoni e Veriut, me pjesëmarrjen e të gjitha forcave politike parlamentare.
TIRANË – Kryeministri i Shqipërisë publikoi mëngjesin e sotëm njoftimin për marrjen e dozës së tretë së vaksinës antikoronavirus. Personat mbi 60 vje...
TIRANË– Sekretari i Përgjithshëm i Partisë Demokratike Gazmnet Bardhi i është përgjigjur edhe kryetares së LSI-së, Monika Kryemadhi, e cila tha se ës...
TIRANË– Kryetarja e Lëvizjes Socialiste për Integrim ka zbuluar për herë të parë se Partia Demokratike i kishte premtuar se kancelarja gjermane Angel...
TIRANË- Analisti, Fatos Lubonja në emisionin “RealStory” foli për situatën e brendshme të Partisë Demokratike dhe përjashtimin e ish-kryeministrit Sali Ber...
TIRANË– Nënkryetari i Lëvizjes Socialiste për Interim, Petrit Vasili ka përgënjeshtruar Sekretarin e Përgjithshëm të Partisë Demokratike, Gazmnet Bar...
TIRANË- Sekretari i Përgjithshëm i Partisë Demokratike Gazment Bardhi ka deklaruar se nuk e njeh vendimin që ka qarkulluar në rrjet për mbledhjen e Kuvendi...
TIRANË- Nënkryetarja e Partisë Demokratike, Grida Duma është shprehur se baza e demokratëve duhet të jetë sa më e unifikuar. E ftuar në emisionin “Real St...